Eva Chien's Profile

商場內二樓的角落， 沒有裝修但性在價錢實惠， 午飯時間人比較多， 主要是上班一族。午餐時段的客飯有懷舊感，蒸小籠飽湯汁略嫌唔夠多湯，但味道可以而且皮夠薄 酸辣湯酸辣程度亦剛好。整體唔錯，不錯的老上海小館。下次經過開會想再來試試其他出品…Read More

以前早茶時段來比較多，很久没有來了。今日經過附近見大厦外牆翻新了很映眼很特別，一行四來個晚飯。服務員有禮，其中一味小菜下錯單，主動跟我們解釋並及時糾正，最後錯單的小菜遲上了，但因為服務員已提早道歉及溝通，而且主動為我們追單，感覺不錯點菜時經理亦會簡單介紹菜式，醉鴿酒味夠香，甜酸生炒骨好味，茶樹菇小炒皇夠惹味而且不油，整體味道唔錯推介👍…Read More

餐廳在屋邨內，門口是一道關閉了的深色大木門， 門外完全睇唔到餐廳內環境，如路過的話，真没想像到是一間食店，進店前感覺太神秘了😆。 我們向來一拿起餐牌就「選擇困難症」發作，所以一直很想體驗一下廚師發板。今次是朋友推介下來的，朋友提醒一定要book位，6點到達一個人也没有，見有好幾個鐵板燒吧枱位及兩張4人枱，我們是坐4人枱的，廚師說吧枱位已有booking，果然7點前已坐滿人。建議來的人盡量book吧枱，不止視覺好，重點係鉄板燒的香味絕對增加食慾，我們坐4人枱都覺得好香想爬上吧枱。 雖然無得坐吧枱但這次體驗也很不錯，整體食物水準高！上枱賣相精緻吸引而且特別， 例如伴碟的黑醋分子泡泡，還有铁板燒的帶子的醬汁，忘了廚師說是甚麼醬汁但非常味美而且特別。 唯一挑剔是炒飯雖然材料十足亦粒粒分明，但味道較淡了一點。廚師會介紹每一首是甚麼菜式， 還不止一次主動幫我影相，服務超好。推介！我們還拍了Youtube影片記錄了這次Omakase 初體驗…Read More

一踏入餐廳就聞到叉燒同鹽焗雞嘅香氣，即刻覺得好肚餓。我地點咗叉燒煎蛋飯、海蜇鹽焗手撕雞飯、鹽焗手撕雞撈麵同埋冬菇扒生菜，樣樣都好唔錯。首先係叉燒煎蛋飯，叉燒肉質鮮嫩，煎蛋煮得剛好，飯粒粒分明，味道都好香。叉燒肉有啲微微甜味，同埋啲油脂分佈得好均勻，一啖入口就感受到啲肉汁爆發出嚟。其次係海蜇鹽焗手撕雞飯，啲雞肉好嫩好滑，加上啲鹽焗味道更加突出。海蜇同埋啲青瓜配上啲手撕雞肉，令到呢碗飯更加清爽健康。鹽焗手撕雞撈麵亦都好入味，啲雞肉好嫩好滑，撈麵煮得彈牙有口感，啲醬汁同啲調味汁都好香濃。每啖都令人回味無窮。最後係冬菇扒生菜，清爽健康，生菜新鮮爽脆，冬菇煮得剛好。啲冬菇有啲微微甜味，同埋啲汁汁都好入味。之前都食過另一間炯記餐室，同樣食物質素真心唔錯，份量都足夠，價錢亦都相對實惠，絕對係上班族一個好選擇，價格經濟實惠，食物美味。😋…Read More

地方光猛， 座位算是闊落坐得舒服， 餐具望落乾淨衛生， 服務員很忙但也很有禮貌，值得一讚。點了四人$590的龍蝦套餐，另外加了一個冬瓜盅。上菜也很快，冬瓜盅內的湯料不少，味道唔錯，份量應該夠6人用。魚亦很新鮮，蒸得剛剛好， 龍蝦可以而且份量算是足夠4人， 豬排骨很入味很不錯，整體味道雖然沒有驚喜，但還是可以滿意的。唯一缺點是套餐沒有糖水跟送，也没有生果，感覺像是差一點甚麼似的。最後結論是地點就腳，食品可以，價錢可接受的，算是葵涌酒樓之中最常來的一間了。…Read More

荃灣發現越南食店好掂！ 鋪內地方不大但坐得舒服，侍應亦很有禮貌，感覺衛生不錯。牛筋拼牛筋丸撈檬牛根超級軟淋入口即溶，酸酸甜甜醬汁清爽解膩， 啱曬依家熱辣辣天氣 香茅豬頸肉喇沙湯河粉湯汁椰香味重夠濃郁， 唔係水汪汪果種， 豬頸肉鬆化，配料亦唔少， 鍾意湯汁可以掛上每一條河粉上好鬼正。 越南炸春卷炸至金黃酥脆， 皮簿餡料配有少許芋頭幾特別，泰式香辣魚餅也很惹味。 牛油果奶昔我至愛好少見店舖咁重本有牛油果奶昔提供，果然冇選擇錯，牛油果味夠足而且香滑細緻，感覺加入咗香蕉提升甜味，口感更豐富。 絕對唔係希爺爺嗰種整體覺得好正，份量也很足，價錢算平民，下次絕對會再幫襯， 餐牌上好多食物都想試…Read More

今日同朋友約咗喺長沙灣睇戲，諗住喺附近搵咗間餐廳食住等開場，去到位於元州商場俾我哋見到有間炯記餐室😍👍🏻之前喺另一間食過幾唔錯，所以好快就決定食呢間。我哋叫咗一個鴛鴦手撕雞撈麵，聽講佢哋嘅手撕雞好出名，仲可以配埋牛角包😳但因為我哋真係比較肚餓，所以我哋叫咗個撈麵希望可以食飽啲！ 手撕雞調味調得好好，有芝麻香同埋啲雞都好鮮嫩好滑，唔會話擺得好耐變到好乾柴！同埋佢哋嘅撈麵比較特別，係用鵝油煮既撈麵，好香好好食😎👏🏻👏🏻我哋亦都叫咗一碟叉燒🤪🤪 同之前果間一樣份量都幾多，每件叉燒都係厚切，燒得剛剛好！同撈麵一齊食都好夾，我哋另外有叫咗一份椒鹽豆腐，炸物好出色，係剛剛炸起！ 咬落去個豆腐仲會辣到個嘴哈哈！ 我哋最後仲叫咗兩杯嘢飲，一杯咖啡一杯奶茶！買單兩個人都係$200左右！ 真心抵食， 下次試埋佢哋嘅手撕雞牛角包先😏😏…Read More

1 2月去大棠睇紅葉要在朗屏轉巴士，約朋友在此餐廳lunch食飽飽一齊出發。牛市餐牌上定食套餐一般大約$60-$90，除此之外仲有4款當日限定午餐$50-$70，套餐價錢包溫泉蛋及飲品都算合理，選擇算多。我哋4個人order咗:厚切吉列豚定食魚生飯定食泡菜豚肉定食雞扒烏冬份量足，男士應該都會食得飽，味道我哋各人都覺得幾唔錯，尤其吉列豚、泡菜豚及魚生飯特別正，好滿意。環境衛生都o K，坐位亦舒服，服務正正常常，如果下次經開附近會想再來幫襯。…Read More

之前食過青衣長發分店覺得幾唔錯，可惜已經結業，出開旺角順道來試一下總店呢間，地鐵行兩三分鐘就到幾方便。見窗口位較為寬敞，不過我哋被安排普通四人卡位，感覺有點逼四個人每人叫咗一個午市套餐，雖然唔夠飽但覺得都好好味。魚生飯好新鮮，壽司的醋味剛剛好，天婦羅炸得夠脆、粉夠薄、食材亦好新鮮自家製章魚小丸子就冇乜特別套餐送嘅麵豉湯亦好飲。鐵板帶子牛油燒啖啖肉好惹味, 非常推介價錢亦都唔貴, 每人各自叫咗一份小食，食完之後好滿足，我同honey都覺得值80分。值得推介！…Read More

同朋友黎食冬節lunch ，包semi buffet, 朋友order 咗精選魚柳($188），見有野菌松露，零考慮就叫咗個野菌松露雞胸($145)。雞胸煎得好香, 微微焦香好好味, 重點係面果層野菌松路芝士超正😋朋友果份魚柳就有啲意料之外，以為係炸魚柳之類，上碟見有塊魚皮都打個凸🫣，朋友試咗幾啖話有魚腥味，佢接受唔到放棄咗，我都試咗下，果然腥腥地，不過我覺得還可以接受，所以最後我同佢交換食。有時就係咁，同桌都不一定有同樣美食機遇🤪，好彩出面Semi buffet嘅沙律同甜品都正正常常🤭Semi buffet 限時1.5 小時，因為自助餐野食選擇唔多，所以時間都夠啦服務員都好O K:)…Read More

天氣凍冰冰，兩條友喺荃灣又唔想打邊爐，見朋友IG食過呢間沙鍋粥幾唔錯，就黎滙一滙呢間樺輝記。餐廳裝修好新下，光線十足，牆上掛滿一個個木牌刻有小菜名幾特別。侍應哥哥仲好有禮，入到去先問我哋鐘意坐邊張枱，坐低就先送上熱水招呼我哋，感覺幾唔錯。 2人order如下： 沙鍋粥(細)粥底$30 + 蝦$60 + 豬潤$40 + 蠔仔$60 = $190 卜卜蜆煲$140啫啫石鍋通菜$76炸饅頭$38 沙鍋粥份量挺多，送上枱時熱呼呼，豬肝、蠔仔及蝦都新鮮，蠔仔無腥味，見粥底有南瓜蓉，感覺無落鹽或者味精調味，純粹食材原味，食完完全冇口乾感覺，反正是鮮味十足，而且食到最尾砂鍋仍然在出煙，冬天食暖立立一流。 卜卜蜆辣辣地，Size唔細有肉，送粥幾唔錯。啫啫通菜夠晒惹味，上枱時keep住滋滋聲，煙不停樸鼻而黎，好香咸香味，食落仲好爽脆，沾滿蒜香同蝦乾味，惹味到呢！！！ 炸饅頭炸得外脆內軟好好味，用黎點粥一齊食有啲似牛脷酥見佢manu有冰粉好想試，但最後實在太飽唯有下次。埋單平均每人二佰蚊都算抵食，冬天黎食一流…Read More

之前黎過一次摸門釘没開，今日終於試到了。午膳時間，坐位不算多，差不多坐滿人了。女待應估計是老闆娘，說話一句起兩句止，估計是快人快語那種，服務一般，問她拿收據，回應即使給了我亦不會懂得看，最後甚麼收據發票也没提供到，感覺怪怪的。 3人行order了兩個漢堡包餐及一個意粉餐，食物上碟賣相靚，份量一般，感覺漢堡牛肉size偏細了一點，從相片看到包和牛肉的比例，估計男士應該要加點才夠飽，反正我們3個人也不飽。但食物味道是優質而且好味的，價錢也不貴。…Read More

上到25樓，經過長長走廊轉入餐廳，整間餐廳白色為主，而且已經掛滿聖誕飾物，好有聖誕氣氛。我地兩個人，估吾到安排一張好大既枱俾我地，空間感十足，坐得好舒服，一般地鋪的話，估計這樣的枱應該會安排坐六人。服務員亦好Nice，即使用餐完畢都唔會好似比人趕走嘅感覺，真正可以同三五知己享受美食，暢談一番嘅地方。我哋2人order如下inner Set卡邦尼煙肉雜菌意粉 $102份量足，意粉口感夠煙韌，煙肉及野菌都唔少，掛汁味道亦剛剛好。黑松露帶子鮮菌燴意大利飯 $122意大利飯配上濃濃黑松露醬汁口感非常Creamy, 經常食到細細粒嘅帶子及菇菌粒，配料份量唔少。套餐加配沙律、飲品及蛋糕 $38 x2田園沙律夠新鮮，配上麻醬好開胃薄荷朱古力+$6薄荷味及朱古力味分配比例剛剛好，兩樣味道都好鮮明，好飲。藍莓乳酪+$10酸酸甜甜好適合女士們，有頭飲到尾都好濃郁乳酸味。紐約芝士蛋糕奶味偏重，口感唔錯法國朱古力芝士蛋糕正正常常特濃芝士薯角 $58份量亦係比較多，面頭嘅薯角都好香脆，好好味，但食到尾時，底下嘅薯角已經焗淋少少。整體食物好惦，份量好足，而且上枱時食物仲好熱呼呼，一定係即叫即製的效果，賣相精緻吸引，加上座位坐得舒服，絕對CP值非常高嘅餐廳。…Read More

葵興工廠區中的pizza店，印象中長長嘅葵涌道就只有呢間餐廳，望入餐廳裡面嘅紅色梳化，所以特別起眼。餐廳裝修美國風格，服務員係英文人，好有禮貌，坐低即刻送上兩杯水俾我地，叫我地慢慢揀，甜品亦會問清楚係一齊上定後上，仲建議我哋頭盤試下印度咖哩角，食落真係幾唔錯。餐牌全中英對照好方便，環境幾舒服。見manu有齊我喜愛嘅蘑菇或黑松露，所以由我發版izza Set $118 (Lunch Set) Samosa 加哩角 x2 Magic Mushrooms 魔法蘑菇 9" 凍O茶Truffle Carbonara 松露卡邦尼意粉 $118Ice Mocha $42Tiramisu $20Pizza 有拉絲，批底夠脆，厚度感覺係厚皮&薄批嘅中間，幾好味。推介黑松露卡邦尼意粉，口感非常Creamy 而且濃郁菇味，意粉軟硬適中，感覺有啲似食緊鵝肝醬超正。Tiramisu 亦好正，咖啡同朱古力味都好重，不過略嫌甜咗少少。2人埋單$298, 平均每人$149，價錢都合理，有下次之選…Read More

朋友推介佢哋啲叉燒，所以第一樣嘢就叫咗叉燒諗都唔使諗，佢啲叉燒半肥瘦，又有少少燶燶哋脆邊好好食😋另外再叫咗個冬菇扒生菜冇咁漏。生菜新鮮脆爽口🥬冬菇又幾香，咁嘅價錢生菜又有埋冬菇👍🏽瀨粉配埋叉燒，最重要有埋叉燒汁真係一碗都唔夠，越食越想食。我哋仲叫咗碗叉燒撈粗，Honey話撈麵夠乾身又夠鹼水味，夾埋叉燒一流，兩碟嘅叉燒水準都一樣，賣相仲好吸引，同樣半肥瘦小燶脆邊冇令人失望👍🏽。最後叫咗個醬皇豬手，豬手入味又夠骨膠原😋啲豬毛蚊得好乾淨，又大碟真係抵食。下次經過開都會Encore佢…Read More