美味王子's Profile

過去幾個月， 幾乎日日都work from home， 開會都用zoom。 完全冇機會返個公司， 呢個禮拜開始公司要我一個禮拜至少返三日。 見返班同事好開心， 可以一齊 happy hour and 食吓晏。最近同事經常去 威靈頓街 尚樓。呢間餐廳我之前都食過， 亦都寫過。佢哋嘅午餐的確係唔錯又抵食， 服務又好。 咁耐冇去， 今次發現佢哋又有新搞作！小菜午餐小菜午餐佢哋基本上成日都唔同！今日嘅小菜係咖哩雞。一份小菜午餐基本上包 ：一個主食， 一份菜， 白飯， 嘢飲！佢哋嘅主食咖哩雞， 香滑 惹味， 少少辣， 食得出黃薑粉嘅香味！ 值得一 赞就係 雞肉嫩滑， 完全唔鞋口！ 一食就覺得新鮮煮出嚟，唔係煮埋一大煲慢慢分。佢嘅菜 放得好有心思， 杞子好香甜！呢間餐廳, 中午嘅時間 好多人幫襯, 個個同事都嗌正，果然係實至名歸。…Read More

話曬 今個weekend係long weekend， 星期六今日入番幾個兄弟飲下酒食下飯。 我哋去咗跑馬地嘅(燒鳥亭)。燒鳥亭餐廳細細地， 但係因為佢細所以食日本嘅零舍有風味。 我哋幾兄弟叫咗啲牛肉串 牛舌， 雞肉串。 因為佢哋係即場即燒， 香口有味。 配起啤酒飲簡直係無敵。佢哋有個芝麻醬汁 燒雞串。 醬汁 好香芝麻味再加上新鮮燒好嘅雞串。正除咗芝麻汁雞串燒之外， 我重建議大家必食燒鵝肝。 雖然膽固醇高， 但係經過佢哋嘅 炭爐燒起，炭味完全帶入鹅肝上。。坐咗兩個鐘頭， 飲飲下食食下都差唔多。 跟住我哋又下一場。又係嗰句此餐廳因為夠細所以氣氛一流。三五知已要又食又飲。必要試。…Read More

因為新冠肺炎疫情, 8個月都冇得飛. 所以我只好 同埋老婆一齊去韓國餐廳。 感受一下韓國風味. 我哋今日去咗呢間 位於利舞臺嘅(新羅寶).呢間嘢已經好多年歷史。 次次去親都係食韓燒。但係今日食晏晝 所以叫咗兩份定食。 。 雜菜拌飯。雜菜拌飯食落新鮮好味。 但係嗰個紫菜湯偏鹹。 但係冇所謂 因為佩起嗰個冷面完全唔覺得啱啱好夠平均。。韓式石頭窩飯。仲有叫咗個 韓式石頭飯。 韓式石頭窩飯夠熱冇得頂加埋佢哋嘅韓式辣醬。 我簡直覺得自己好似飛咗去韓國咁。我哋叫咗個炸雞配蛋黃醬。 不過嗰個炸雞就有啲 凍。 比較失色。總括嚟講冇得搭飛機去韓國食餐韓國嘢。 都唔錯呀…Read More

今日约咗老婆食晏， 我哋兩個四圍行， 真係唔知去邊度食， 聽同事講 有間嘢叫（尚樓）開咗幾個月， 佢哋個個口碑都話唔錯。我哋就去試下， 入到去 原來餐廳 個layout喺，G floor 係廚房同收銀, 堂食要 用佢哋嘅內置樓梯上 樓上 1樓。同事 最鍾意食佢哋嘅 海南雞飯， 手撕雞， 佢哋話因為冇味精喎。 但係因為琴晚去咗 外母度食咗外母海南雞。 所以今日都係唔好食雞囉。我點咗今日廚師推介福建炒飯(不是日日有）， 我老婆就叫咗佢哋嘅椒鹽豬扒。食物~福建炒飯個飯底好香每一粒米都好平均咁 有蛋包住炒到金黃色， 上邊個汁係用好多乾瑤柱做出嚟， 其他用料蝦冬菇都好新鮮，簡直係無敵。我老婆請我食幾件佢嘅椒鹽排骨，肉排 好入味， 好香口，又唔乾又有肉汁添。仲有值得一讚係，佢嘅堂食係樓上，同廚房係分開咗， 通風系統一流，因此個身冇油煙味！佢比起一啲同一層地面餐廳/廚房，食完lunch返到公司成身油煙味 的確難頂😊！…Read More

星期日去咗西貢游水， 游完水，同啊仔肚餓梗係搵嘢食啦。 我哋去Jaspas。Jaspas, 主力都係做International food.我哋去揀呢間餐廳係因為鍾意佢哋嘅露天位.呢啲天氣好露天位一流。我食咗佢哋嘅 印尼炒飯。印尼炒飯佢哋炒得好香， 上邊仲有隻煎蛋。 食嘅時間用蛋汁撈起個飯。 絕對食到太陽蛋嘅神髓。雞串燒方面， 就比較 似煎出嚟，唔係用炭燒，如果炭燒更加好。我個仔食咗個， 牛肉漢堡牛肉漢堡方面用了十足有煙肉有雞蛋 又有蔬菜。 仲有好多薯條㖭。 味道方面都唔錯。 值得一讚係佢哋嘅煙肉唔會太鹹， 所以唔會遮蓋牛肉漢堡嘅味道。喺西貢食飯一定要坐露天餐廳， 因為有新鮮嘅空氣， 咁樣食個晏晝 別覺得 開心。…Read More