食人魔的個人專頁

很久沒吃居酒屋、於是一行人光顧新店試試但服務生全程黑臉，而且我們在用餐途中也沒有額外的特別要求，只是本著找個地方休閒用餐，喝酒聊天。點了清酒，魚生丼，3個壽喜鍋，炒麵，餃子，烤魚等等…清酒，一般的清酒類型，淡口薄身餃子，迷你餃子一小鐵板十隻，絕對黏鍋到穿晒，因為佢應該係用大鐵版做再放在燒熱左既小鐵板上菜炒麵，沒有什麼香味…烤魚是用鯖魚的，味道和口感都不錯但到了店員說要Last order後，我們再點了一個壽喜鍋，但鍋還沒有吃到一半時，大約21:40左右分店經理已拿著電話很大聲慢步路過：「啊！今天有一台客人還未走，所以要你地盡快上來回收垃圾，唔好意思啊，今日有點特別」其實如果要提早截單清場是可以提早通知客人，不需要用這種方法，應該一行數人都不會再光顧此店…查看更多

已經黎过好多次，佐賀谷既封門柳真係無得頂，秘利蘋果燒肉醬配味付紫菜，加上七彩芝麻，櫻花蝦，木魚碎既珍珠米飯真係好正。+$38 有清酒任飲，呢隻嘖酒都唔係好竹梅果種好薄身既，性價比一流，絕對會再黎…查看更多

去过咁多間分店，依間應該係出餐最慢，侍應態度最散漫既一間。而且廚房不停傳出女士既尖叫聲，但出餐速度並唔係因為廚房忙到尖叫而快左…只有經理叫做出餐速度快同有禮貌，其他几位男同事都係出餐超級慢，台都龜速執既…成台滿晒碟都唔會收走🤦🏻‍♂️…查看更多

由開業至今，已經幫襯過好多好多次基本次次都食過橋但係食物都仲係經常唔熟…豬膶同雞肉。已經拎入廚房翻煮完，都仲係咁…到底幾時先至肯去正視依個問題，係咪真係要到有人食到出事先肯搞……查看更多

點了兩個餐一個肉醬意粉一個粟米肉粒飯肉醬12:00已經只剩外賣裝而且擺得太耐到好乾粟米肉粒飯等左好耐先有仲要又係擺左輪先出菜咁款…個汁已經漿到一個點…點解有晒Standard既野都可以越做越差….…查看更多

吃過三哥的糊辣湯後 一直愛不釋手這湯底真的好味到不行~ 讚 ! 40蚊一個套餐 以份量同味道來說 是超值了~原本諗住帶老婆去試下維記, 點知維記收左檔見到隔離就係三哥~~二話不說 等我再回味回味一下糊辣湯這分店湯底 相對 通菜街那邊的, 好像稍微 辣了不過對我來說沒差, 一樣咁好味原本好愉快既一餐飯, 到差不多食完時就出事了我碗麵食剩1/3 左右, 杯野都未飲過咁濟其實鋪入面 仲有位, 我坐緊張細圓台 已經坐左總共五個人其中一個樓面員工編號 『 309 』 見我地差不多食完, 就開始係我地隔離不停話 呢兩個就食完架喇, 2位入黎坐住先, 令一張台本身五人增加至七人本身都由佢架喇, 跟住好快果兩個客人見到另一張台有位就過左去果位309號 既員工 依然不停係我地隔離係咁叫 話 呢兩個食完架喇 快d 入黎坐住先一直來來回回左3次, 試問有邊個客人唔想好好地咁品嚐食物呢?服務質素對飲食業黎講係好重要架嘛, 就算個客真係就黎走, 都唔洗不停係人地隔離係咁講原來諗住食完唔夠飽既可能會再叫多個雞翼俾老婆食既念頭都打消左直接去附近食糖水好過~~~第一次係三哥度食到咁谷氣 !! 下次一定唔會再去福榮街呢間三哥, 轉戰旺角民華同太興咖哩牛腩飯 算了~…查看更多

說真的 這次食的食物 挺不錯, 但薯王依然係最差的一項依然係太林 可能真係放得好耐今次叫左白汁煙三文魚長通粉, 白汁依然最正信心保證, 另外仲叫左pizza餐, 食物都算令人心滿意足可惜的事就在等待食物的時候發生了...果個侍應 居然唔小心跌左件雞槌落地跟住我以為佢會丟番落垃圾桶, 但佢可能唔知有人望住佢佢執番起件雞槌放番上碟 行到廚房同垃圾桶既交界時望一望垃圾桶跟住停左一停, 居然拎住件雞槌入左廚房 我成台人就即刻低聲討論究竟佢係拎去丟左佢定係點, 點知岩岩開始討論佢就拎住件雞槌出番黎送去俾另一台 眼都凸埋點知另一台又唔要, 佢拎黎拎去終於有一台係爭d 炸雞未到既就接收左...有時真係要小心 去到食野要留意下d 侍應做咩先得...害我即刻叫佢 爭我果件雞轉做上脾 (PS 免生意外 )…查看更多

午飯時間, 周圍搵野食, 諗諗下去間出名既茶記食飯都好 一直都有聽過金門係好出名既 特別係d 包添但無理由食晏入黎食包 咁就決定試下佢今日既快餐登登 !! 是日快餐 『黑椒漢堡扒雞扒飯+白湯+凍奶茶』D 野食唔洗2分鐘就到齊了, 快餐真係好鬼死快, 仲好鬼死香添D 黑椒汁 白湯既味道......阿門............(好淡好稀, BUT 可接受)好....試個飯先, 黑椒汁係偏甜的味道, 奇怪地, 居然係好香好好味個雞扒唔細塊 可以覆蓋到大半個飯, 仲要D肉質係幾滑既添另加兩塊漢堡扒 嗯 好重椒味的漢堡埋單32蚊 不錯不錯可惜的是 舊式茶餐廳風格, 一條友食 對面條友又咳又suun鼻涕咁無所謂了 好食又醫飽肚就得啦 …查看更多

今日帶狗仔去寵物美容 跟住就係等既時間上開openrice 搵到附近既食店 諗住去試點知執左再行多兩行係頌安居然發現呢間野起初以為齋食 pizza 跟住望兩望有其他野食就入去試下叫完野食坐低 哇 d位真係唔多掂 周地都係炸雞既碎望多兩望 d職員係將d 台面既野掃落凳度再求奇撥落地 <---我個樣當時就變左咁了不過算喇 食左野先講嘛 當去左大排檔吧5-10分鐘左右, 職員送餐來了, 賣相討好, 意粉既白汁好好味, 老婆話炸雞無咩味得個辣字輪到我黎試喇, 薯皇... 好失望是林芝芝的 同埋無味...魷魚圈一樣....不過 pizza 同炸雞 我反而幾欣賞, 可能老細以前係兩大連鎖快餐做過廚房製法好相似-.-""""飲品方面, 唔另加錢就有罐裝飲品, 美連達橙汁 百事可樂+多$1 , 維他系列罐裝+多$2 , 凍飲茶啡總括來說 開係屋村商場 有咁既食品質素係唔錯的了, 價錢亦唔貴以30元以下茶餐有咁多野食算係咁的了係環境比較污糟同埋比較少座位, 食食下已經有人等你坐緊既位可以一試的餐廳 (但別抱著去大型食肆的心態來, 不然會!@#%@)…查看更多