casperlwp's Profile

星期六同屋企人係屋企食左個late breakfast，去到下午2-3點先食得落野，於是去左鯉魚門廣場搵下下午茶食，經過見到KFC又好抵食嘅下午茶餐，廿零三十蚊就有一個茶餐，決定一於係度食👍狂惹香燒雞 配 馬鈴薯蓉、經典葡撻香燒雞肉質嫩滑juicy，夠入味，而且熱辣辣，質素唔錯👍茶餐仲有薯蓉同葡撻，份量唔算好多，茶餐黎講岩岩好👍另外仲叫左一份雞扒雞皇桶飯餐，配雞扒家鄉雞，飯量都幾足料，大大桶，飯上有一件家鄉雞扒，食落脆口，以$30呢個價錢黎講真係好抵食👍…Read More

呢日早餐食得太豐富，到lunchtime都未算好餓，於是買啲輕食一家share快速解決就算，見呢邊開左Soy mart，趁機會試試先。超煙韌豆花大碗裝住珍珠、芋圓同小丸子，上面淋上左一層奶蓋。質感方面，珍珠Q彈香甜，芋圓綿密富嚼勁，小丸子都Q軟，加左奶蓋，豆花入口感覺比一般豆花更重奶味，成個組合都幾夾，份量都好足料。豆花用扭蓋式既外賣兜裝住，食完個兜可以帶返屋企洗乾淨循環再用。十勝紅豆豆乳用料十足，近半樽都係紅豆，豆乳飲落豆味濃郁，亦唔會太甜膩，口感亦都相當濃厚，唔記得問店員可唔可以調整甜度，如果少甜啲更好👍不過個人比較鍾意加冰飲，可以更加清涼爽口。狂人粢飯熱辣煙韌既糯米飯包住乍菜、肉鬆同油炸鬼，係傳統既配搭。乍菜清脆爽口，油炸鬼超級脆，食到最尾油炸鬼都仲係保持到勁脆，好特別。始終係傳統口味，呢個配搭好夾，粢飯包得夠紮實，食落唔會散開👍…Read More

出開中環，突然夜晚晚餐想搵點心食，原來IFC下面有間添好運，就過咗嚟食。餐廳遊客比較多，七八點嚟到，好彩唔使等位就有得入座。豉油皇炒麵麵質乾爽，食落好有鑊氣，配料有芽菜、蔥段、洋蔥同埋芝麻，整體份量少咗啲，一個人食未必夠飽。精瑩鮮蝦餃蝦餃中間有蝦粒，蝦肉爽口，未至於覺得特別新鮮，整體皮薄，唯獨係細粒咗少少，整體還可以鮮蝦燒賣皇質素還好嘅燒賣，蝦肉同埋豬肉打得比較腍冇係嗰陣爽口嘅感覺，唔算好大粒，不過不失煎蛋牛肉飯牛肉係蒸牛肉餅，食落入味，質地細滑唔嘞，蒸飯嘅飯粒分明，有少少咬口，配埋蒸飯甜豉油香口又好食蠔皇鮮竹卷鮮竹卷都幾大件，一疊有三件，醬汁做得幾好食，整體唔錯豬頸肉撈粗麵醬汁稍為有啲淡味，燒豬頸肉燒得幾香口同入味，份量唔多，另外附上清湯，清湯都算濃味。好少見地原來呢度有冷泡茶，大熱天時飲冷泡茶真係好舒服，我哋叫咗白桃烏龍，飲落濃度啱啱好，有清新嘅白桃香同淡然既烏龍茶香，非常清新。…Read More

經常同屋企人過開黎popcorn都會黎幫襯下呢間飲品店，佢地主打蜂蜜飲品，有沙冰果汁咖啡等等，試過一次之後就keep住黎飲，貪佢夠真材實料，質素好🤓香蕉麥盧卡蜜冰沙冰質地幼細，當中有少許香蕉碎粒，面頭亦淋上左蜂蜜，飲落有淡淡香蕉味同蜂蜜味，清甜涼快，甜度啱啱好，正黑芝麻麥盧卡蜜冰黑芝麻味好香濃，有啲似芝麻糊嘅味道，沙冰質感亦都好細，甜度岩岩好，清新好飲😋蜂蜜朱古力窩夫朱古力味幾香濃，係薄身既窩夫，表面淋上左蜂蜜，買兩杯飲品加配平$3，整體唔錯…Read More

今日出開黎寶琳拍拖睇早場，睇完早場岩岩好lunch time，見價錢幾抵食，就黎左呢度食泰國野。冬陰功餐湯夠酸夠濃，裏面有啲菇既配料，好有泰國風味，夠晒惹味好有鑊氣，馬拉盞好夠香，炒河粉好香口，配料都好豐富，有好多款蔬菜，豬肉份量都ok，整體抵食好味😋揀咗自選麵餐，可以自己揀唔同嘅湯底，有船河湯、鴨湯、冬陰功湯等等，船河湯上菜時間比較耐，大概15分鐘上菜。揀咗扎肉同埋豬肉丸，配料份量都算多，扎肉好大片，肉質稍為有少少淋，整體湯底略嫌有啲淡，整體河粉通菜等等未算好入味，但價錢算係抵。飲品方面都幾大杯，不過少甜都比較偏甜，整體不過不失。…Read More

今日同呀女去左尖沙咀行街，順便食埋飯先番歸，呀女話要食拉麵，見唔洗等位有得入座就揀左呢度。餐牌選擇都幾多，有拉麵、飯、定食等等，我地兩大一細一齊食，我哋就叫咗兩份L size既定食吉列豬扒定食(L)、煎餃子定食(L)吉列豬扒即叫即炸，香脆鬆軟，有一部分略嫌有較多肥膏，不過整體都好香口😋定食除左拉麵仲有半碗米飯，珍珠米食落好有米香，口感軟糯，好好食😋拉麵配料幾充足，有木耳，筍同叉燒，湯底食落有豉油香，拉麵質地爽口掛湯，拍得上日本既拉麵，唔錯👍煎餃一碟有5隻，煎得香脆，皮夠薄，內裏肉質多汁細滑😋…Read More

今日嚟試吓新出嘅三文魚紐紋批，叫咗套餐同屋企人一齊食，星期六7點零好快就有位👍前菜嘅薯角新鮮炸好好香脆👍刁草忌廉海鮮煲配蒜蓉包海鮮煲醬汁creamy香滑濃郁，好香刁草味，海鮮種類有幾款，配料都多，蒜蓉包脆卜卜，同醬汁好match，正香蒜肉絲意粉真係童年回憶嘅味道，由細食中大嘅意粉，聞落好香蒜香味，配料有青豆、蘑菇、豬肉粒、火腿、洋蔥、紅蘿蔔，會意粉軟硬度適中，香口好味，同細個食開嘅味道一模一樣🥰Seasea鮮煙三文魚扭紋批入口醬汁酸酸甜甜，面頭有滿滿既芝士，批邊鬆脆，同煙三文魚好爽，而且扭扭邊有芝心，非常好食🙌🏻…Read More

同屋企人過開黎開荃灣，嚟咗海之戀想搵間快餐食，揀咗呢間日式丼飯快餐店，價錢都唔會太高，都有幾多選擇，3點黎到呢啲時間都快有位👍🔹廿一炭燒鳥丼雞肉係雞腿肉片，食落味道似照燒雞肉，簡單滿足好味😋🔹香煎豬扒牛角包胡麻椰菜沙律配牛奶炒滑蛋豬扒幾軟淋易切，滑蛋有稍為油咗少少，碟底比較油，椰菜刨得幾細，配上胡麻醬幾清新，加多左$6加配左迷你蕃茄濃湯螺絲粉，蕃茄湯給濃郁，酸酸甜甜，味道唔錯🔹滑蛋吉列豬扒丼豬扒嘅麵包糖同豬扒有啲分離，不過整體味道OK，呢個價錢算性價比尚可餐廳喺商場入邊，附近有洗手間，而且入面嘅位置有海景，裝修舒服，整體都唔錯…Read More