yanie.ccc's Profile

咁多年，杞醉嘅雞煲係暫時食過最正，已經唔知encore咗幾多次鋪頭預先將新鮮雞用酒醃好，一打開陣陣酒香撲鼻而來依家雞煲二人餐更包含自選肉、自選餃、米線、墨魚滑蝦滑、蔬菜、芝麻咸湯圓... 配料上比起之前淨係得半隻雞豐富好多，所以食落發現份量多到似3人份肉類可以揀牛或者梅頭豚肉片，今次選擇作後者有6片，目測已經感受到佢嘅柔軟油潤另仲包含醉蝦同醉硯兩款小食，前者用嘅酒味較濃；硯用玖瑰酒，雖然酒香散得較快，但更加帶起海鮮甜味…Read More

旺角歷史悠久粉麵店，稀有牛雜部位選擇本身諗住食牛沙瓜，但係傍晚去到已經賣曬🥲唯有揀牛脆骨、崩沙腩前者炆得夠軟淋，但仍保留到爽脆口感，連我呢啲無牙妹都食到，如果平時都鍾意食開軟骨類嘅都會幾鍾意；崩沙腩兩邊筋膜橫隔膜煙韌彈牙，比起牛腩更加濃味仲見到舖頭稀有地有魚麵選擇另外章魚丸同炸雲吞幾好食，外皮鹼水味唔重，裏面仲包住兩隻大蝦/ 一粒粒章魚，入口冇咁重粉漿感，至於飲品建議自家製涼茶好過水吧飲品啦👍🏾…Read More

餐廳有早鳥優惠、手握壽司8折優惠、學生優惠等，若午市更免加一認真抵食所以分别嗌咗海膽、帆立貝、中拖羅、鯛魚壽司，每款都好新鮮，飯粒唔易散*三文魚蟹子丼刺身 $68份量都唔少約8片，每片厚度比起連鎖外賣壽司鋪多一倍，成個餐仲配有前菜同麵豉湯*安格斯牛肉壽喜燒 $98/ $148有兩款，分別一人份同兩人份唔包飯，上枱時牛肉仍半生熟，幾鐘意佢地醬汁偏甜但唔鹹，本身諗住加烏冬，但發現裡面有少量冬粉索滿甜甜壽喜燒刻好滿足*天婦羅大蝦 $98外衣唔會好厚，入口鬆脆，唔會輕易皮肉分離…Read More

$1嘆咖哩炒青口/ 冬陰功海鮮湯呢間街坊平民泰菜由泰籍師傅主理，全日免加一之外，消費滿$300可以$1嘆咖哩炒青口/ 冬陰功海鮮湯，性價比唔錯佢地咖哩加入大量蛋液炒至半熟，令質地濃稠口感層次豐富，味道偏甜完全唔辣，用黎撈飯/配薄餅食一流另外仲嗌咗無骨海南雞，雞胸位置都夠嫩滑，皮同肉之間夾雜咗一層薄薄嘅啫哩狀串燒雖然少貴 $38先得兩串，不過聞落已經充滿炭香，鎖到肉汁食落唔乾身，只係略嫌唔夠熱辣辣，btw下次會想試埋燒豬頸肉…Read More

自從食客外帶食物新聞後，午市由三個鐘變成四個鐘，比幾個月前食多左好多人而且海鮮區域增加咗九肚魚、瀨尿蝦、蟶子仔，雖然瀨尿蝦比較細隻肉唔多但味道好鮮甜肉類多咗澳洲和牛五花趾，牛味會更加濃；甜品區多咗部Nutella巨大榛子醬機，任唧唔嬲，仲可以自行DIY雪糕脆皮榛子，如果可以好似九龍灣分店緊有日本限量版häagen-dazs雪糕就更加好湯底今次揀蟹皇，顏色呈橙紅，入口甘香鮮味，不過今次可能客多，不論落單叫嘅火鍋配料/洗海鮮都等得比較耐另外如果想飲寶礦力/ 自家製嘅桔仔水就要入座即刻拎，因為清光就無得再補…Read More

通菜街嗰條巷仔唔少餐廳平靚正，依間真係讀書時其中一間飯堂，如果就得啱時間好建議午市/ 下午茶時間過嚟，價錢比起正價平一半，仲包餐湯餐飲同免加一咁啱近排天氣開始涼涼地，揀泡菜蕃茄豆腐湯鍋配烏冬，飲落味道比較溫和，泡菜味可以再突出啲，烏冬就比較淋身唔係彈牙爽口嗰種，不過呢個價錢有冇乜好要求鐘意食飯焦嘅可以一試石鍋飯，配料比較單調，勝在檯面仲有樽韓式辣醬任落唔嬲至於雞翼就每次必嗌，雖然$50得4隻，但幾大隻而且炸得夠香口肉滑…Read More

依間酒吧餐廳望住佢哋德國豬手由試食價$98 演變成而家 $188份，不過味道上多咗幾多選擇，例如有而家大熱嘅開心果、避風塘、炸雞醬等，特別少少佢哋酸梅醬酸度好突出，係咁多款裡面比較鍾意豬手外皮炸得夠脆唔會好硬，而且原來仲包埋餐廳自家製嘅果味手工啤，入口幾似1664，味道偏淡酒味唔重，但對于如果唔飲酒嘅人又無得轉其他飲品就浪費咗另外餐廳新品韓式牛舌芯反而唔錯，約有10件，燒到裡面仍維持半粉嫩，口感彈牙仲配少量泡菜…Read More

依間餃子店唔錯，$46/10隻湯餃，每隻都好飽滿，菜同肉嘅比例好平均，仲跟野葛菜生魚豬骨湯，入口舒服味道亦唔會好淡，有屋企煲湯嘅感覺試左四款餃子，分别排序白菜 > 甘筍沙葛 > 韭菜 > 芫茜頭兩款入口會甜，特別係沙葛口感更加大大提升，甘筍用機切得細細粒唔會好硬，韭菜中規中舉不過肉嘅比例會四款之下比較少，芫茜反而香味唔夠突出下午茶套餐仲有得包豆漿同跟麵底，，想轉煎餃都唔使額外加錢都食得過，不過就只係跟五隻餃子…Read More

可爱嘅小三角，模仿返日式飯糰，仲寫明用咗日本長野月光米，而且份量成個拳頭咁大，拎餐時路人見到都話哇哇聲，眼見男人叫一個餐已經夠不過始終手握，飯粒比較鬆散，面層餡料好易跌落，加上即叫即整飯團熱辣辣好而令到紫菜變淋，建議越快食越好醬油漬蛋黃雞肉碎同鰻魚醬汁較多，食起較濕潤同調味豐富啲佢地明太子醬帶微辣配玉子燒都唔錯，裡面半熟質感，可以話係畀飯團耽誤嘅玉子燒另外佢哋自家淆製味噌豬肉湯裏面除咗有豬肉片仲有薯仔、洋蔥、蘿蔔，飲落幾清甜順帶一提，舖頭冇手套只有濕毛巾提供，唔習慣就落單後去廁所洗定個手先…Read More

可能因為喺屋邨住宅區，餐廳有好多優惠包括早鳥優惠、手握壽司8折優惠、學生優惠等所以分别嗌咗海膽、帆立貝、中拖羅、鯛魚壽司，每款都好新鮮，飯粒唔易散*三文魚蟹子丼刺身 $68份量都唔少約8片，每片厚度比起連鎖外賣壽司鋪多一倍，成個餐仲配有前菜同麵豉湯*安格斯牛肉壽喜燒 $98/ $148有兩款，分別一人份同兩人份唔包飯，上枱時牛肉仍半生熟，幾鐘意佢地醬汁偏甜但唔鹹，本身諗住加烏冬，但發現裡面有少量冬粉索滿甜甜壽喜燒刻好滿足*天婦羅大蝦 $98外衣唔會好厚，入口鬆脆，唔會輕易皮肉分離…Read More

早幾個月前餐牌嚟咗個大升級，增加咗🇯🇵日本A4+和牛饗宴，裡面仲有近年最有話題性嘅厚切檸檬牛舌🔥 好彩餐廳會提供沙漏預返燒烤時間每邊大約兩分鐘，所以輕易燒到粉嫩彈牙不過成餐飯最鍾意都係壽喜燒食法，比起燒肉口感更加軟淋，配甜甜湯底，不斷追加咗好多次M8牛肩都係一個唔錯嘅選擇牛尾濃之餘油花亦豐富除肉類，雞湯係必點😍 濃稠程度係有膠質漿住個口，食完甜品再飲多一壺暖胃補身都唔過份最近餐廳亦做緊韓風主題，炙烤白鱔配海苔，橘綠研露都唔錯，前者勁肥美油脂咁豐富…Read More

以星空為主題， 由門口開始已經營造璀璨浪漫氣氛，餐廳仲提供專屬慶祝服務🎊 例生日擺設、生日帽、賀卡、蛋糕寫牌服務等，亦有打燈服務，想影靚相完全不是夢依到主要分2款套餐，最平$398位另可按照喜好升級食物款式順帶一提，最近Follow 餐廳社交平台送每人兩隻法國生蠔配海膽/魚子醬，睇返餐牌都要$68/隻前菜*鹽燒白鱔外皮烤微焦脆，肉質爽脆彈牙，油脂均衡唔會太膩，加上新鮮食材簡單調味已經足夠*炭燒和牛牛脷厚切咬落口感豐富，且較為結實有嚼口主菜*海膽手工幼蛋麵海膽味道好濃烈每條索滿醬汁，入口特別甘香鮮甜，手工麵條口感爽彈，有微蛋香*意式燒乳豬配焦糖蘋果芥末籽蓉脂肪比例恰到好處，即使隔咗段時間先食外層仍香脆，配佢地秘製蘋果蓉，酸酸甜甜解膩又開胃*炭燒M7和牛肉眼扒超靚網格紋，入口軟腍多汁帶微炭香，強烈推薦大家加價升級*星座蛋糕火焰同乾冰煙霧嘅視覺效果盡對100分，朱古力味較柔和，甜中帶果酸，比一般幕絲蛋糕層次更豐富*焦糖開心果巴斯克芝士蛋糕若唔追求打卡依款係唔錯選擇，質地軟滑，入口淡淡堅果香…Read More

難得香港有火鍋店以羊肉為主，大部分都係未聽過，同埋呢度嘅湯底都比較平 $48-$88，有烏雞濃湯、卜卜硯、清湯或鴛鴦鍋選擇，成晚開到凌晨兩點宵夜都冇問題今次分別嗌咗四款高鈣：羊騷比較出眾，會連帶軟骨位，最鍾意呢款羊上腦：軟嫩彈牙入口有奶香；羔羊肉：肉質比較淋，頭韻先有羊騷味羊寶寶 ：其實係睾丸，夾起時好滑溜，入口唔膻軟綿綿同平時食嘅羊肉好唔同，細軟且油花輕盈，食多都唔覺得膩，如果人多建議嗌至尊拼盤，每個部位都有齊曬可以試多幾款而且視覺效果好吸睛醬料區提供嘅選擇都好特別，例韭菜醬、紅腐乳、腐乳…專門配返食羊肉餐廳仲有串燒提供，連羊眼都有得食，推薦嗌埋鮮海鰻，燒到外皮脆香，油脂又豐富另外餐廳仲有中式糖水同清酒任飲供應…Read More

咁啱經過門口見到懷舊港式鐵板買一送一優惠，即係佢原價呢個餐加多正價加一就有多一份，仲要跟薯菜，仲包咗餐湯、蒜蓉包、餐飲，牛扒醬汁有黑松露蒜蓉/燒汁/黑椒汁選擇，唔夠飽仲可以+10追加意粉或白飯鐡扒一上枱JarJar聲超治癒，西冷約一吋厚，肉質軟腍適中，不過部分位置筋膜會比較多蒜蓉包係將餐包一開二，塗上牛油同香草，烘得夠香脆，蒜蓉可以再出突出啲佢哋羅宋湯反而幾鍾意，酸中帶辣，裡面仲有肉碎絲，惹味開胃…Read More

始終馬拉肉骨茶至正自從荃灣店結業後，都再無食過，呢家密密加價，大骨肉骨茶已經$168煲，不過勝在可以任添，職員每次都裝滿成煲口味上應該已經有調整過，入口當歸味仍明顯，甜度更突出，最正係枱頭有成樽蒜頭粒隨便加落去湯底到餐廳另一招牌狗仔粉有揀生蛋/熟蛋，裡面仲有大量蝦米、炸蒜、油渣，不過一上枱其實個煲唔熱，純粹炒完直接倒落去，所以好易痴底，呢個位扣少少分*細骨肉骨茶 $168*狗仔粉 $88 (午市價包飲品）…Read More