KenLee2198's Profile

今次為大家介紹位於k11 Musea 既星級日本菜，多賀野。呢間米芝蓮拉麵店唔係講笑，裝修靚，仲有一個位可以全程見到師傅整麵既過程，話比人知，貨真價實，自家制😋特別一提裝修，佢以一幅盪門做分隔，兩位關門，4位開門，幾特別，不過唔盪得大，4個人有啲位睇唔哂對面😂😂香蔥山椒叉燒拉麵麵質好彈牙，湯濃郁，其實唔太辣，放心粟國塩味沾麵呢個推介，都係凍既，湯好濃，完全痴住啲汁，仲好大分量，勁滿足大胃王人士吉列炸蠔呢個好食，不過蠔細左小小胡椒炸雞呢個意外好食，肉質好juice, 炸皮唔厚鰻魚隻定食，呢個堅得👍非常厚肉，香甜肥美，原來佢除左拉麵，其他野都ok最後我地仲叫埋甜品，佢有個雪芭，今次係柚子味，聽講佢會不停更新下，下次係咩味你地自己撞下啦！總括黎講都好高分，而且唔洗點排隊，價錢其實唔算貴，90分…Read More

有個特別推介要比大家因為唔知會做幾耐有興趣快去，因為都多人排隊自己預小小時間好，今次為大家介紹kiki麵，我記得我都食過荃灣老媽拌麵，感覺都係kiki麵好食啲，而且餸比較多選擇，好適合香港人多心既心意。完本$148蚊套餐當然唔會多提，不過近排可能疫情關係，佢將呢個餐變左$9️⃣8️⃣，仲完全無變過大細，仲連野飲，真心抵食，共同抗疫🤣🤣榨菜肉絲拌麵+ 蒜泥白肉麻辣蹄花拌麵+ 口水雞榨菜肉絲味濃香口，撈麵一流，白肉就好食唔un,但大塊左啲蹄花其實係豬手，麻辣味幾新鮮，拌麵當然好夾，而口水雞就一般，味道好但小小鞋加埋杯冬瓜茶我強力推介總括唔洗講太多，快去!…Read More

路過大角咀，有啲街坊朋友介紹呢間韓國餐好野，其實都唔難搵，就係最多野食嗰條街。鋪面唔大，幫襯要預早小小疫情期間佢地用中空板分隔，有啲似地盤😅🤣🤣餐牌其實都好多野揀，但相對套餐設計得幾好，同平好多，幾抵食，所以我地破例叫餐，我地叫左個A連埋野飲都係221，認真係平前菜係普通啲，但好多平價既鋪頭應該都唔比lu, 呢方面加10分個湯就真係啖左啲，減返5分泡菜豆腐海鮮湯味道的確好野，佢比一般我地食既泡菜湯特別香濃，真係好味，食到尾湯都飲埋😋😋五花肉肥瘦適中，個醬都幾好炆牛肋骨呢味係我最鍾意，雖然無我平時出面食既味道，不過都係好冧，好離骨，份量仲好多佢都跟足會比生菜夾肉食，如果唔太大食既真係唔太需要叫飯總結平，靚，正，咁既價錢，食到抱住個肚走，呢間可以再黎👍…Read More

好耐無寫評，因為真係好小出街食飯，有大有細喺屋企安全啲，唔係食TG多過食飯。。。但早幾日幾左個午餐，好多野想同大家分享.....今次食既食尖沙咀既祥仔，有睇tvb既都知呢個大廚既名同嘜頭，所以我都抱好大希望，想試佢既野食。聽講仲係新開，不過係有緣見到，唔係專拜訪其實午餐黎講係算貴，不過我窮，過100蚊我覺得貴啫🤣🤣我見到隔離枱好多人叫個脆豬，好似幾吸引，同個星班粟米汁好似好勁，就呢兩樣的而且確厚脆豬係幾厚，仲幾脆，但有肉汁ok, 都唔太乾，但飯就......似乎小左啲🤣個汁我比80分，我唔鐘意太甜既茄汁，佢好啱我。星班粟米汁呢個講真，魚同一般唔大分別，都係贏汁，但呢個$138，就有啲失望。頭先都驚唔夠食加左個雞亦，佢係跟餐可以加，兩隻剛剛好戲肉黎喇，標籤煮2日2夜既羅宋湯，如果唔係跟餐加10蚊，我一定嬲到彈起，因為真係好似普通茶記唔洗錢嗰碗例湯咁，可有可無，好似開左水咁啖而無味，最慘佢過煲左2日2夜嗰下衰，唔講仲好啦😅整體就都唔錯既，不過好多改善空間，人比較多，如果想食早小小，我都排左15分鐘先入到，不過帶位安排同唔太多位都係問題黎。…Read More

想去泰國，但無假，又無錢，唯有食個泰菜安慰下自己啦😭🤣呢間野成日經過都無食過，今次試一試佢:一入去比我感覺係: 好嘈。唔係係咪個設計問題佢啲聲困住喺入面，耳仔好多回音🤣第二個印象分係比經理哥哥，見我地有bb, 見到姐姐比張枱我圓枱，即刻阻止，帶我入啲比張卡位我，呢啲就係侍應生姐姐，同經理哥哥既分別。👀你懂的。睇睇餐牌，呢個其實真係幾啱，所以唔多諗鐵板無骨豬手有啲怪既，竟然上佢先，次序亂左，不過豬手都滑馬拉盞芥蘭普通啲，有小小凍冬陰功湯而家先上，可能要煲返掛，味道可以，隻蝦霉小食拼盤呢個我反而覺得最好食加50蚊菠蘿炒飯，個飯太甜，好似食緊甜品咁。。。算啦，咁既價錢，都無乜期望，都抵食既，所以合格啦～…Read More

家庭聚會，都係食返啲中式穩陣啲，老人家生冷邊爐任食都係唔多啱既，今晚選擇左佢地以前都好鍾意食而都出名既九龍地路邊雞，順便睇睇佢師傅同手勢有無變先。首先提提，假日真係要先訂位，唔係成班人企哂喺度都幾慘，我地呢日訂左都要等一陣，因為前一張枱未食完，咁個個都熟客仔，老闆唔想得失所有人，都正常既~正宗路邊雞雞始終都係好滑，同味道係一樣，個薑蓉先係精髓，當然食佢都係情意結比較大生炒排骨肉就小左啲喇，不如味道係夠鑊氣先做到既，呢啲地方唔會太易失手求其菜一碟，唔多講🤣燉雞湯佢好多款，我次次黎都介紹人要叫，30幾蚊，係抵飲西蘭花班腩特別講下魚，呢啲走油，又厚肉既班球都小見喇，同埋好多已經無用班鍋貼小唐菜必食，一流，真係好驚失傳紅燒豆腐總結黎講，好仍然有香港情懷既晚飯地方，自己開紅酒又ok, 自己攞啤酒又ok, 老闆又自已四圍幫手招呼客，機乎埋單都唔得閒，通賬下埋單當然唔同以前，但店舖仍然盡力保留美味。…Read More

咁啱柴灣做野，唔知有咩好食，中年食神既雷達又著左了，見到地鐵站附近呢個以前係工廠而家保育左既地下，有間冰室，似新裝修，幾吸睛，腳就自動行左入去😆環境都好舒服，位置都好闊落好坐我咁啱未到飯市，仲有早餐，就食左早餐先~講真唔差，肉c米餸多肉大條，炒旦大碟，係餐包唔係方包，仲係熱，呢啲細眉細眼野好緊要，已經收買到我心，最重要杯奶茶，幾滑，幾香，一定反覆冲幾次先有呢個效果，地方仲乾淨，姐姐都好禮貌，有時食餐飯，就係想咁咋嘛。。。。。…Read More

呢間西餐附近黎講都幾受歡迎，經過硬係好多人排隊，好奇心同剛巧無人排隊，係時候試下。坐底見到呢個安格斯78蚊的確吸引，另外亦叫左個飯，稍後介紹侍應同配套都幾好，餐牌其實都幾多選擇餐湯到， 恕我直言 ,呢個係最敗北位，勁似罐頭，建議大家有得揀，唔好揀獎罰分明，排就唔錯既，汁都好味，飯係炒底，個排的確肉質幾嫩，係唔係安格斯就唔敢講😅帆立貝海鮮龍蝦汁意大利飯呢個係功夫位，有真正西餐廳既功架，飯質地專登keep小小煙韌,海鮮剛剛好唔會太熟，好啲驚喜望埋個價錢，證明香港人其實好識食😁👍…Read More

荃灣美食，一定走唔甩介紹呢間，我都同好多朋友口頭介紹過，但因為佢鋪細，一般要等好耐先食到，或者門口有一大班企一邊係買外賣走，總之無時無刻都咁多人😅😂早前見佢裝修，打通埋隔離，相信都係一大喜訊，但大家關心既都係佢食物既質素有無變，所以去試一試。餐牌無變過，仍然係嗰啲餐，仍然無加到價，抵讚👍附送既菜普仍然有比我叫左一個麵，食麵真係唔可以無左佢香菇木耳雞肉餃我其實最鍾意呢款，大家不妨試下，係好香，而且無咁滯，大家都知佢幾足料幾大隻，6隻真係唔係好多日食到😅😅😅食埋麵真係會飽到傻😂不過老火湯底真係好正，唔食麵既都要飲哂啲湯另外叫左款芹菜豬肉餃都係咁多餡料, 咁巨型，咁令人滿足!排隊都仍然要一陣既，不過比裝修前已經好好多喇，大家行開去試下喇😋😋😋…Read More

呢個裝修好成功地吸引左我眼球，“全院滿座”呢4個字，同門口既搞笑懷舊擺設，真係好特別，而價錢都係同一般茶記無乜分別，仲有咩理由唔試? 諗唔到四哥，胡楓😂😂呢幅畫我好鍾意，係唔同時代最有代表性既電影人物，精彩$58 喺而家黎講算正常價，無裝修都要收你咁多錢，不過我地食家都係要顧返個味覺既，睇下廚房又點先我叫左咖哩雞焗飯估唔到都唔錯，雞仍然滑，咖哩味似馬來，我唔太鍾意日式，一般餐廳會做日式偏甜，呢個啱我，咸香。由於裝修好多欣賞地方，叫個焗飯都唔覺得耐，無在意到等候時間，咁都幾好吖，睇到銅鑼灣都有，下次試下第二樣先🤤…Read More

食飽飯口淡淡，老婆提議搵啲甜品食下，聽講呢間野平時幾多人排隊，見無乜人，去試下本人其實對呢啲 yogurt雪糕興趣不大，不過賣相的確幾靚，又難怪會殺到啲女仔😂😂場內都有啲模型比大家睇下，增加對嗰杯yogurt既了解同愛好，呢個我幾欣賞，好過睇相咁悶呢個應該係 special，老婆like士多啤梨，就佢啦！$68呢個價，講真，係有啲赤😂不過我相信一分錢一分貨，睇埋個實物先最後， 出乎意料地好，個樣既然同個模型一樣，士多啤梨，yogurt,啫喱，yogurt, 蜜桃， yogurt層層有驚喜，真係估佢唔到，諗深一層氹下女仔$68都的確唔貴，但首先你要有女朋友先😂😂😂😂…Read More

話說今日係相識紀念日，琴晚嗱嗱淋搵下西餐同老婆 撐下枱腳，睇到呢間正好hit, 好評都幾多，地點又就腳，就佢唔醒左諗右諗~👍去到先發覺係有out side, 非常有氣氛同浪漫，喜歡既朋友記得早啲book, 因為好似得4張。。。睇睇餐牌先，都幾多款，同見到隔望枱既賣相都幾吸引我相當鍾意呢粒野，好簡單，出左好多年，好實用，但真係未見過餐廳提供，好細心，+10分其實室內都浪漫既~🤤玉桂煎法國鴨肝入口香甜，陣陣回甘，一試難忘牛肝菌泡沫濃湯呢個味道係幾香，不過有啲凍，唔吹水。。。黑松露焗砵酒田縲田縲，薯蓉，多士，好好味，呢個我建議比多粒，2個人有一粒分唔到😅😅😅😅😅😅肉眼5成個扒係有啲韌，但都幾有牛味最後有個意粉~西班牙辣腸手工意粉呢個特別在意粉，口感好爽，蜆肉都好新鮮總結: 廚房好似仲好似深藏不露咁!下次要早啲kook😁試佢其他野，同下次book out side 試試佢😂是次係利用openrice訂坐的，都算幾方便，仲有折，唔知係咪成日有，大家要留意下呀！…Read More

人生荃灣，老婆想食雞煲，但對啲樓上任食已經有啲悶，所以又利用左OR搵到竟然有一間地鋪既燒烤係有埋雞煲食，即刻去試試🤔餐牌同種類都幾吸引應該有啲餐牌無既special,不過都係試左強項野先叫左個雞煲中辣，再加串燒試下佢手勢先🤤京蔥牛舌串燒幾快，唔似整定，味道都ok, 呢啲最緊要用料新鮮牛油燒生蠔似廣島蠔味，裡面都熱，食得安心多春魚最鍾意喺街叫呢樣，因為自己整成日痴底😂燒茄子呢個最高分，時間好好，味道濃，茄子都好好肉雞煲來了味道其實都香既，不過我覺得啖左啲，個雞顯然仲有啲白色，可以改善下，重手小小效果會更好雞唔多骨，似用左比較多雞比肉，呢方面我無意見佢都有加湯邊爐，不過我只係叫左個菜最特別呢個位，門口有個小小既酒吧頭，係賣draft同一般啤酒，可能裡面唔賣得，所以要出門口買完攞返入去飲😂😂整體ok啦，侍應服務都好好，位置係難搵小小，貼士係路德圍對面，有興趣可以搵下😎…Read More

食過新天地既想講呢間好坐啲，乾淨啲，味道仍舊，不需擔心。未食過簡介：佢本身喺柯士甸小路三角公廁附近已經風靡尖咀宵夜界。。。當年，由其係天氣凍，排半個鐘是等閒。現在呢間係分店，當然枱櫈乾淨啲，究竟食啲咩？即刻介紹~其實佢一般小菜炒野都夠鑊氣，炒蜆，鮮魷，九肚魚呢啲都有，小店全不起眼，但暗藏寶物。。。講既就係雞腳湯!呢碗湯唔講得笑，好飲到上癮，老火，重料，有益，好味，腳淋，如果比分，真係攞足99!嗰一分係你意猶未盡碗湯太小扣左一分!佢仲有帶點胡椒味，我以前飲完酒，一飲完成個人精神哂，真係堅!今次肚餓炒左個星米食，睇到都唔差吧～😂我特別鍾意幫襯啲小店，間中就會去光顧下，保護呢啲美味，希望有更多人食到!💪…Read More

當日喺荃灣，睇openrice見到有泰菜食，評價都算ok, 就膽粗粗上去試下，雖然有條好長既樓梯，但為食既我係可以戰勝到!!😂亞箂嘜嘜，個名幾得意，幾入腦，唔知咩意思呢？餐牌超多，需要多小小時間消化最後發覺2人餐相當吸引，相當抵食，就佢，唔諗。冬陰公湯辣度適中，海鮮豐富，配料落足，都同九龍城既不分高下泰式炸蝦餅食落唔似交黎，應該係home made, 幾好食泰式肉碎生菜包呢個我最鍾意，炒得好香，干身，我覺得可以辣多小小，😊👍正叻喱倉魚呢個好有驚喜，我地初初驚倉魚同咖哩唔多夾，但佢較多椰香，唔太辣，甜甜地，而且條魚好肥好多肉，真係好食馬拉盞炒時菜都ok喎，個醬汁較得好味最後仲有甜品椰汁糕，椰青糕仲飲椰汁紅豆冰豐富到爆炸，兩個人真係好飽都只係$338食到打包咁滯，呢餐九龍城可能700先出到門口。勁抵 !🤗…Read More