tralll's Profile

最近又去左Mata Japanese Cuisine食野，因為再想食佢個南蠻雞呢度環境依然寧靜舒服，同friend敍下都唔錯。一開始都係俾左玫瑰紅茶我地飲，幾好飲又開胃，再配合豆漿泡菜和柚子蘿蔔小食，兩樣都好清爽，簡單但令人驚喜！炸獅子狗片外脆內嫩，三文魚腩串都幾juicy又香口，明太子燒翠肉瓜絕對鎖得住水份！黎到我期待嘅南蠻雞，侍應好細心咁講解雞係用薑汁醃製嘅令雞肉嫩滑同入味，再用醋炆煮，搭配自家製蛋沙律，酸酸甜甜，再配合埋沙律菜食，真係唔錯！右口魚飯魚肉好滑，啲米吸左魚嘅油香，個味道好豐富。飲品叫左Fuji Mountain，好特別喎，又靚用黎打卡真係好岩呀！另一杯野飲叫左奶泡香桃烏龍茶都好特別。…Read More

身為一個吃貨，最近在觀塘發現一間小店，裝修簡約舒服，一入去就覺得好放鬆，而且食物同野飲選擇超多，重點是價錢合理，CP值超高！佢地嘅招牌窩夫，新鮮蜜瓜配焙茶糯米窩夫，蜜瓜超甜，焙茶糯米窩夫Q彈又帶有淡淡茶香，兩者夾埋一齊，簡直係Perfect！炸魷魚配芥末籽蛋黃醬，都係必點！魷魚炸得金黃酥脆，搭配特製的芥末籽蛋黃醬，雖然有微嗆的口感但超開胃！蒜香蟹肉意粉，蒜香濃郁，蟹肉又多又鮮甜，意粉Q彈有嚼勁，重點係食到最後都仲好多蟹肉！而成個意粉都係比較清爽嘅，唔會食完覺得好膩山葵柚子八爪魚忌廉意粉（我揀左少辣），呢道真係幾有特色！山葵的微辣和柚子的清香，完美融合在濃郁的忌廉醬汁裡，搭配Q彈的八爪魚，口感層次都好豐富飲品嘅選擇都超多，睇到我十五十六，最後我揀左期間限定的蜂蜜新鮮蜜瓜碎冰，蜜瓜的清甜加上蜂蜜的香甜，冰冰涼涼，超消暑解渴！最後叫左5樣野share食，真係好飽！…Read More

餐廳氛圍好舒服，燈光柔和，搭配著現代裝修，好岩情侶去！生蠔就唔係menu嘅，應該係按當日有咩蠔就寫係黑板到，我地叫左法國生蠔，蠔肉新鮮多汁，酸酸嘅檸檬汁搭配得岩岩好，有海洋嘅鮮味。脆炸原隻魷魚，配上香辣蛋黃醬，呢道菜嘅外皮酥脆可口，裡面又非常嫩滑，沾上少少辣醬汁，真係忍唔住一啖接一啖食，真係送酒嘅絕佳選擇，雖然今日無飲酒，但配酒都真係會好岩主菜揀左美國頂級牛板鍵，肉質鮮美，外焦內嫩，烤得非常到位。每一啖都係滿滿的肉香，搭配旁邊的配菜，有煮得好滑好香嘅薯蓉，蘆筍，都好唔錯仲叫左法式朱古力心太軟作為甜點，外層酥脆，裡面流出的濃郁朱古力醬有驚喜，甜而不膩，搭配抹茶雪糕，簡直是完美嘅結尾。絕對值得encore! …Read More

食過兩次，第三次食，終於的起心肝今次出個食評讚下佢一如以往湯底都係最難揀嘅，因為真係花多眼亂我記得第一次黎已經係食莫生氣椰椰雞湯，今次決定encore 叫呢個湯底等於叫多個餸，有碟雞跟埋俾你慢慢落，仲有即時加新鮮椰子水，真係好香！唔止咁樣，個湯滾起嘅時候，仲可以先裝左一碗黎飲，正！嘢食方面，一定要叫佢嗰個頂級安格斯牛頸脊，上次都有叫，超好食，有牛味之餘又夠腍！痛風餐都係必點，蟶子熟左之後好鮮甜喎，真係唔錯！沙白同扇貝都係，洗得又夠乾淨喎，食得都真係好滿足！叫埋五寶丸，一次過滿足哂咁多個願望自己最鍾意食牛丸，彈牙得黎又好入味！佢個調味架都好有心思，有自家制蔥頭油，仲有好多選擇，好好呀！佢個氣氛都係我再黎嘅原因，好懷舊，枱櫈個啲都有心思！我地仲叫左夏枯草，唔太甜，好飲！但叫完先睇到呢個一蚊啤酒，好抵喎！飲唔哂原來可以暫存，下次去時一定叫埋呢個，真心同邊爐係絕配…Read More

原來大圍都有間西餐小店，見附近嘅都試過，就去試吓啦！入到去見到裡面有棧吊燈，風格幾懷舊，啲位都闊落嘅，就坐低左Lunch原來都好多選擇，真係要揀一陣先揀到佢有burger，意粉，仲有pizza，全部仲要跟嘢飲，有啲仲全日供應最後揀咗burger同意粉流心藍芝士牛肉漢堡 - 芝士味都出嘅，牛肉都唔會好肥，都唔錯呀，個茄汁仲係自己調教過嘅，比平時酸少少，都喇沙帆立貝意粉 - 喇沙味好出，香得黎又幾夾，唔會覺得辣，所以唔食辣嘅人都食得！仲加左個小食，街頭魷魚串-都唔錯喎，入味又香口，好腍，一啲都唔韌跟餐叫左水果茶-怕甜嘅我都覺得佢甜度適中，都幾好！不過因為今日食lunch試唔到佢個個西班牙脆皮乳豬，下次晚市再過黎試下…Read More

好少黎筲箕灣，但知到東大街好出名，就過黎食野食完飯之後想食甜品就試下呢間小店啦，位真係唔多，目測得20個，都keep住有人等喎，同埋覺得佢好乾淨企理Menu上面啲選擇都好多，同埋有好多都係未見過係佢自己獨有嘅，好似栗子露同埋黃金南瓜燉雞蛋就真係第一次見最後我就揀咗黃金南瓜燉雞蛋，裏面係有南瓜味嘅燉雞蛋，而個質感係好似mouse咁樣好幼滑，配合埋旁邊可以刮出嚟食嘅南瓜，真係好正！重點係佢嘅甜度調校得啱啱好，唔會好似出面嘅糖水舖咁樣好甜。其他朋友叫嘅有栗子露，開心果露仲有牛角包窩夫🥐我就試咗佢哋叫嘅栗子露同開心果露，兩款都唔會太甜好適中喎！特別鍾意個開心果露，因為之前食過其他舖頭會好滯，但係佢又唔會，經開呢度一定會再食！…Read More

呢間餐廳真係唔錯,裝修幾靚同幾Modern,今晚同朋友食飯真係chill足成晚,下次都會再去！食物種類有好多,刺身,鐵板燒,串燒,意粉,應有盡有,仲有套餐,唔想諗嘅叫套餐都唔錯！但我地今次都係逐樣叫，因為佢地鐵板燒同主菜都好吸引,想試多幾種,haha!首先到嘅係燒牛舌心串（$58@）同燒雞肉棒（$48@2）呢兩款都真係無得輸,好好味,牛舌好香,雞肉串都好味,軟骨同肉比例岩岩好,雖然佢無蛋,都唔會乾喎！燒原隻日本魷魚（$108@）香口,惹味,必食！牛油燒帶子（$98@2）同鐵板南非鮑魚（$148@）都新鮮，真係唔錯喎！比目魚都係我鐘意食嘅（$128@）沙律菜都新鮮！一定要提提呢個澳洲草飼羊架（$248）真係好正，煮得岩岩好，表面小小脆，裡面仲好軟。配菜都值得一提，薯角不得了，好脆又唔膩，仲有係，食到最尾都仲係脆！飲品都好有心思，餐具好靚，每款都唔一樣！特別一提山楂雜果茶，幾好飲喎（$28）…Read More

一向都鐘意食韓國野，銅鑼灣四圍都多人，要搵話位舒舒服服咁食野都唔易。原來利舞臺廣場上面有咁好多野食，就揀左間好似坐得唔錯嘅韓國餐廳食下。哇！原來有好多選擇，我諗部隊鍋加炸雞絕對會好夾所以就叫個部隊鍋同埋黃金脆雞兩樣都好好味呀！部隊鍋嘅料都好足好正喎，忍唔住一口接一口咁食，好正呀，睇返都仲想食，haha!炸雞都有驚喜，黃金真係好香，又係食食食唔停嘅野，咸蛋味係真係幾香嘅，炸得熱辣辣好正，可以食好多都得。仲有一個好好玩嘅野，韓式手抓飯，好睇又好食😆韓式手抓飯有3種配料，蟹籽，蟹柳和紫菜，個飯已經調左味，食落完全唔會dry，仲好香口。順帶一提，佢會俾個膠手套你整，乾淨衛生又唔會整污糟手飲品係酸酸甜甜嘅芒果yougurt,，超夾！…Read More

終於搵到好食嘅泰菜，唔洗下下去大尾篤雖然呢間鋪係一條唔起眼嘅小巷，但無論裝修，食物，服務態度都好好！入到去就覺得環境有用心裝修過，燈，牆嘅佈置都好特別，的確有木船嘅感覺！重點係野食，餐牌有好多選擇，兩個人可以試下set，我地揀嘅setA都唔錯仲有埋飲品，一定夠飽！所以今次就無追加啦我地揀咗Combo小食并木瓜沙律，意想唔到嘅係，小食上枱時仲係好熱辣辣，呢個做得好好喎！春卷、魚蛋，同魚餅都好味，春卷仲好脆！木瓜沙律酸酸甜甜配埋蕃茄仔同提子，好有誠意再試下特式野，泰式炒蜆，wow惹味，少少辣但好好食！泰式炒金邊粉，係我鐘意嘅味，甜甜地帶少少酸，好正睇返都仲想食仲叫左青檸梳打，配呢啲野食好夾！個杯都好特別，哈哈！值得一提嘅係，待應都好好人，會提你邊啲野辣，同埋招呼好足最後埋單，兩個人，好ok呀😆！…Read More

日式小店係大埔真係唔多，雖然大埔出左名多小店，但真係多到要慢慢一間一間試，今次就試下呢間以牛為主題嘅小店啦！附近都有好多唔同嘅小店，日本野通常都係連鎖店， 所以都可以試下啦！ 入到去都幾光猛，感覺都ok，坐位有十幾個啦，小店size，而食物嘅種類係比我想像中多嘅。有全日餐，小食仲有好多可以揀，最神奇嘅係有爐端石板燒真係無諗過係咁細嘅小店搵到！不過今日時間有限，試左啲全日餐先！試下日式最common嘅野先，芝士吉列豬排飯同埋汁煮牛肉飯。跟餐配飲品同沙律，沙律有柚子汁嘅味。兩個set都有小店嘅風味，同埋都係大大碗，一定夠飽呀！ 牛肉份量好多，豬扒夾住芝士都好特別呀！深信黎大埔嘅人都係想食小店味道，想試下真店嘅味道就可以去試試啦！！…Read More

見新開嘅鋪，又想簡單食個飯，入左去試！餐廳有普通嘅丼飯，又有複雜爐燒個啲。簡單食個快飯就揀個丼算啦。牛肉丼 - 係一個想像到嘅味，係簡單Dinner之選。全日餐配沙律同飲品沙律有明太子，係柚子味嘅沙律汁吉列芝士豬扒飯 - 外型幾靚飯後有紙巾，貼心！整體而言，食物簡單，係街坊平民丼！…Read More

經過呢間細細嘅Mood coffee, 見佢啲野整得幾精緻，就諗住試下佢嘅toast,因為望落去都真係幾好咁。佢地嘅飲品種類都唔少，食物方面就唔太多，有啲cookies, Muffin同個樣好嚟引嘅Toast!揀左野飲之後忍唔住都係叫埋個toast 食啦！Toast 有3個選擇： Balanced, Healthy 同Traditional試左個Balanced, 好正呀！佢個toast係有香草同蒜蓉味架，加埋牛油果呢個super fruit，仲有火腿，真係好夾，仲覺得可以食多件！飲品都唔錯，叫左杯ice latte 同Mocha latte,無論賣相定口感都好好，mocha分量適中，岩岩好，飲完真係會有Good Mood haha!鋪頭係得一個坐位嘅，所以都係take away 去附近Chill!…Read More

每次食放題都覺得好滿足，因為野食總係多到可以滿足你3個又3個嘅願望。食物分別有魚生，壽司，串燒，鍋物，部分炸物，呢啲都係電話落單嘅。個鍋其實都好好味，牛肉有好多片，真係唔錯唔錯！雪糕，雪條，甜品，香口嘅炸物，飲品，前菜都可以自己不停添加。我地先叫左一輪野食，有魚生，壽司個啲，最令我覺得要echo 嘅一定係牛舌，真係好好味！其實佢嘅壽司手卷都唔差，飯都好細舊，可以令你食多啲野，魚生都唔錯，覺得牡丹蝦最好味，質素最好。甜品都好多選擇，雪糕，雪條多到你唔知點揀，都係揀一枝卡路里低啲架啦，奇異果味好正，真係好正！…Read More

係大埔唔容易搵到好味嘅牛扒，但真心覺得呢間唔錯喎，呢度有咁多款選擇，仲要即叫即切，好新鮮！Step 1 - 揀肉牛有兩大類，普通同premium 普通有3款 - 肉眼，牛柳，牛板腱Premium都有3款 - 西冷，牛腰三角肉，日本和牛Step 2 - 揀汁 - 蔥油，洋蔥油，蒜油仲可以配set加飯，溫泉蛋，沙律都得我地叫左牛板腱同牛腰三角肉各300g牛板腱係配蒜油嘅，無跟set，因為食唔哂哈哈!牛板腱好好味喎，好有牛味又唔會太難咬開，係超出預期！牛腰三角就跟餐，溫泉蛋都唔錯，主角牛扒係好腍嘅，有啲似牛柳，朋友好鐘意呢個，我自己就鐘意牛味重啲嘅！餐廳環境都好有日本feel,另外一提，食完野係要自己還返餐具嘅，大家記得呀！…Read More

好靚真係好靚，超有少女心嘅鋪頭。終於可以試埋佢野食係點啦！Menu同樣都係靚到不得了，絕對岩打卡😂先睇下佢有咩食先，menu都係以粉紅色為主，睇見都好有食慾。而飲品menu係另外分開嘅。我地最終揀左兩個意粉一個小食，小食我地叫左慢煮加利西亞風味八爪魚伴泡菜薯蓉，個名真係好長，雖然唔知加利西亞係邊，但整體黎講，八爪魚唔韌，入味，薯蓉都好好味。主食方面就叫左流心玉子雞卷冷天使麵個雞卷好特別，比我期中好味，係用心之作而冷天使面係煮得岩岩好嘅，分量方面天使麵略嫌少左啲，哈哈！另外叫左個泰式酥皮香辣欖油蒜片意大利麵，呢個我就覺得不過不失，但有啲啲咸。萬眾期待梗係甜品招牌鮮雜果麻糬窩夫配雪糕及棉花糖仲有杯奶蓋柚子。真真真係太靚啦，打卡一樓，唔止咁樣，麻糬窩夫外脆內軟，好值得一試！…Read More