笨Nana's Profile

細細個食過，果時鋪頭係巷仔嘅位置，天時暑熱阿爸阿媽都會帶我過嚟食。依家人大左，反而少左黎食。見網友話鋪頭搬左入女人街，特登黎試下。下午茶時間入黎，冇套餐供應，全部散叫。嗌左碗雙拼湯河：墨魚丸 + 白魚蛋 $50。等咗大約8min上枱😳其實都幾大碗，各3粒丸，用上靚河粉，好食😋 仲好飽。…Read More

其實每次行過都好有興趣想試下d炸物，不過真係唔知佢係咩黎😂今日的起心肝問個亞姐，有咩好介紹，佢介紹左3款俾我。有beef tahu牛肉豆腐、rosoles炸雞卷、pastel炸雞角。雞卷調味比較清爽，同我地港式炸春卷差唔多。雞絲角就明顯係雞胸肉絲+紅蘿蔔粒+薯仔粒，呢個勁大件，餡料好多好飽肚。牛肉豆腐就唔係好食得出豆腐味，口感比較軟身，香芹落得比較多，我覺得呢個係炸物入面最好食。所有炸物都有佢一陣獨特嘅味道，同埋配料都紅蘿蔔粒同薯仔粒，同埋聞落可以叫做臭臭地咁每件炸物都好大件，食3件真係飽我都買左兩件斑斕味千層糕，不過今次食冇咁好食。…Read More

第一次食沙律bowl 呢度係可以揀飯底（壽司飯 / 糙米飯 / 沙律菜 / 壽司飯+糙米飯 / 壽司飯+沙律菜 / 糙米飯+沙律菜）外賣蝦仁自選$85 （跟1款生果&5款蔬菜&1款dressing）大約20min送到 有保温袋裝住其實睇落又唔算好大兜 女仔一人份量啱好揀左芒果同蜜糖末dressing 佢一早幫你撈均晒 方便食用 一啖食到多款材料成個味道好夾 成碗沙律酸酸甜甜咁 好清爽蝦肉大大粒 肉質爽彈沙律菜又新鮮大大啖食好過隱食完唔會有飽滯感 full得黎啱啱好可以番兜…Read More

呢期都喺附近做野 放飯時間諗唔到食咩就黎呢度買外賣只收現金/八達通 落單即做 新鮮滾熱辣午餐$48（跟1杯熱飲）6點前下午茶餐一律$40（跟1杯熱飲）幫襯過幾次 炒野夠晒鑊氣福建炒飯用料多又夠味 撈均d汁一齊食 會一啖接一啖咁唔停口食晒乾炒豬肉河粗身河粉炒得令身又唔太油 每條河粉都入味 豬肉雖然比較柴 但整體食落都唔錯乾炒牛河呢個牛肉大大塊 好彩都炒得幾嫩 河粉依舊炒得出色有鑊氣 好食豉汁涼瓜牛片炒河呢個仲正苦瓜微甘軟身 牛肉嫩滑 加埋充滿鑊香嘅河粉 連埋豉汁撈均食勁正覺得呢度係呢附近性價比好高嘅鋪頭…Read More

好耐冇食過咁正又足料嘅蛋糕（西餅）😋 傳統黃梅jam西餅（係咪咁叫🤪?!) ANW佢多醬又多椰絲，蛋糕本身唔太甜，主要靠個黃梅jam。$6/件跑贏所有連鎖店or出名舖頭。佢仲有另一款雙jam西餅（就咁叫la😂），呢個冇椰絲，d jam仲重手🤣 真係好japjap。P.s.初頭我係見有個巴基斯坦人買，我望咗佢好耐☺️佢同我講好食，所以我買咗😝呢間鋪頭好傳統架，可以話係亳不起眼🧐 不過細望發現佢d麵包都好平，仲有好多街坊黎幫襯。果然，街市真係有好多寶藏♥️…Read More

佢開左咁多日，我都不時黎幫襯下無他，日日都keep住有唔同優惠推出迎新會員（須加入whatsapp群組）價$15.9任何一杯之後又有coupon 4.6/ 5.5/ 6折咁個點餐apps又簡單易用最重要係唔駛等（apps仲會係落單時預計取餐時間俾你睇）係行黎嘅途中落單，即pay即有取餐qr code提供埋去du一du就知邊杯係自己嘅店員仲好熱心同有禮咁幫助取餐我覺得佢嘅人手安排係咁多大陸茶飲鋪內最好嘅新開張都冇混亂情況出現最hot嘅都飲晒每杯都好飲 apps仲會有口味推薦（即熱定凍、糖量幾多咁）冇概念嘅人都唔駛諗就可以落單不過每杯嘅紙杯都係同一隻，唔睇label真係分唔清 p.s. Apps內會不定期自動offer coupon買平咖啡。唔駛用錢買又唔駛特登去㩒架，會自動用最抵嘅coupon黎埋單。…Read More

隨緣入左黎飲左杯啱心意嘅咖啡（latte$27跟餐價：熱暖易入口 順喉 咖啡味甘香）食左個滿意嘅意粉（卡拜尼意大利粉$73： 醬汁較乾身 Ham微煎夠咸香 意粉有口感）Cafe環境清靜簡潔以跑步為概念 有有關嘅書籍俾人睇店員有禮 （後生女嘅可愛文靜 後生男嘅高大文雅 姐姐級嘅温柔和藹 ）期間聽到店員嘅交談 教授咖啡沖調技巧 交流飲品心得 又見到佢地同熟客嘅閒話家常整間cafe俾人感覺舒服自在P.s. 聽到店員姐姐叫店員後生男做“豪仔”😊…Read More

睇完醫生揾食醫肚係地鐵站附近嘅佢就最啱食飽就即刻可以走佬搭車門口亞叔好招呼 一見有人註足就打招呼叫人埋黎坐又話下午茶送飲品（識做生意）店名叫清湯腩就緊係叫個招牌黎試下啦清湯牛腩河$42 跟熱檸茶（下午茶送熱飲/汽水）清頭真係清甜 味道唔假4件牛腩 牛味重 偏瘦河粉通透唔過稔唔散真係忍唔住一啖湯一啖粉咁食晒佢期間見唔少熟客黎幫襯坐低都唔驗諗就叫牛腩啊牛雜咁仲見到唔少人叫佢個菜肉雲吞見到d雲吞大大粒好飽滿咁我下次都叫番碗黎試下先…Read More

平時行經鋪頭都好多人 今日見人少少就入左去喇門口仲有姐姐接客 好有禮貌簡單咁叫左兩碗麵 原來下午茶食麵送冷熱飲品超抵招牌魚蛋幼麵$38 跟熱檸水下午茶都勁足料有成3粒魚蛋&4片魚片魚蛋Q彈有鮮味 唔腥唔太咸幼麵爽口冇鹼水味 湯頭鹹先 正牛肚粗麵$40 跟凍檸茶牛肚都有成8件咁多男朋友話正 我試左牛肚煮得軟糯入味 易咬飲品正常size正常味道兩個餐都唔駛$80 真係有晒性價比見其他食評係咁讚佢d崩沙腩同坑腩揾次我都黎試下先…Read More

bookmarked左呢間好耐今日終於一試點左南瓜雞肉牛角包（+$24下午茶套餐跟沙律）先去counter點餐付費 再揾位等食其實係幾大份嘅牛角包有叮過（唔係烘過）不過有d乾硬南瓜蓉不冷不熱 雞肉更係凍嘅鋪面嘅芝士都係乾身嘅一d都唔拉絲又冇咩調味 成份牛角包就係乾噌噌d味道一d都唔夾沙律菜更係眼見嘅唔新鮮 都有d黃&謝晒沙律醬更係敗北味道好似醃菜醬咁 酸酸醙醙食一啖就令口腔充斥住嗰陣味係越食越難頂跟餐嘅熱紅茶成杯綠茶咁嘅色仲要冇咩茶味成份餐都令人冇晒胃口餐具都係自助形式不過餐具嘅衛生情況係令人有d卻步自助區嘅餐具都有d水漬望落好似有d唔乾淨咁唔知係環境定係食物因數影響我對呢度嘅評價真係麻麻唔會再有第二次…Read More

今日瞓醒突然好想食麵 然後就諗起佢 十點幾呢個時段去漢發就一定唔會多人仲可以慢慢嘆早餐牛肉撈粗+凍央少甜=$86多蔥絲多炸蒜係呢度嘅標誌擺放得咁靚令人食慾大增圍邊嘅牛肉全部都灼得好粉嫩入口軟滑冇渣面頭灑左適量嘅蝦籽 加少許大地魚湯會更易撈均粗麵乾爽冇鹼水味 不過調味有d過咸（個湯都係）凍飲依舊大大杯奶茶&咖啡嘅比例啱啱好 少甜更嚐到凍央嘅真味飲到杯底冰粒依然健在解暑一流以前繁忙時間會限制一次過落單（冇得加單）不過依家呢個時勢就冇左呢個限制lu非繁忙時間仲可以慢慢嘆nice…Read More

下午茶時段黎到西九龍中心，想食少少野揀左呢間韓式炸雞店炸雞套餐大約$50包括3件炸雞+一碗仔飯+飲品問左店員意見點左3件辣芝士炸雞$38(佢形容食到譚仔3少辣都可以carry到呢款炸雞)等左大概6分鐘，熱辣辣炸雞即到好大件無骨雞真係啖啖肉食得好爽不過食左一件後就有d唔想食事關太多味粉 好似食味精咁當然雞肉係唔乾嘅而佢嘅雞肉本身冇特別調味 所以呢款唔係我杯茶我比較鐘意更juicy嘅 例如甜辣雞果d款式最好就有骨添p.s. 如果佢d炸雞件可以單件買，我覺得會更好…Read More

行過見老闆一個人坐左係鋪頭然後有個街坊講：老細係咪好攰啊？老闆答：啱先忙完個早市，又未都到午市依家恰下咁囉~休息下係佢講呢句時望到我然後我就同老闆眼神接觸左喇老闆問：你要咩啊？（禮物地問）我答：兩份碗仔翅、一份燒賣同一份腸粉老闆答：好然後佢開始行番入廚房煮野喇期間有另一個人客黎買腸粉我見老闆同佢有講有笑人客仲同老闆傾起仔女經睇黎老闆同d熟客關係都幾好等左一陣兩份碗仔翅就煮好老闆仲問我係咪第一次食我話係佢就建議我今次第一次食 可以咩都唔加食原味再有下次時可以話佢知想點加調味（胡椒粉、醋、麻油）番到屋企打開黎食個碗仔翅仲係勁熱 而且好多料原味都好好食腸粉就係幼身嘅 同燒賣一樣正常水準不過真係估唔到碗仔翅係即叫即煮好新鮮下次可以預先經whatsapp落定order好方便…Read More

假日瞓到12點幾 落雨絲濕唔想周圍行係屋企附近食個飯就好一入黎就有位 睇黎今日幾lucky坐係corner位 聽住耳機音樂舒舒服服好自在一條友想食好d 獎勵自己平時嘅艱辛嗌左個羊架配意粉嘅brunch餐是日餐湯：什菌忌廉湯一落單個湯好快就上 夠熱 nice之後跟餐嘅飲品都到左 熱咖啡(落單時問熱飲包唔包latte 雖然唔包但侍應好快offer杯熱啡跟勺奶可否 咁yes啦~）所以勺奶係有成大半勺咁多 可以自制latte再黎我個7成熟嘅羊架都到喇份量好足夠食到我full晒7成熟拿捏得啱啱好 好juicy同嫩同埋佢d服務真係冇得彈所有嘅員工都好有禮同勤快真係好難得服務㚥 食物又美味 客人俾多少少錢都心甘情願真心希望香港其他d食肆都可以咁樣咁樣香港人又點會北上消費啊無論點都好 有得捒 邊會唔支持本地消費先香港人愛香港架嘛~ 自己個家喎…Read More

座位不多，lunch menu有海南雞飯、喇沙、咖哩飯作選擇，價錢大約$50-$70。食了咖喱豬扒飯，等左大約10分鐘。豬扒又乾又咸，咖哩汁反而比較淡，飯粒過硬，唔啱我食。…Read More