apxqg9wxhtqj's Profile

社交平台 其實成日見到佢啲片，已經比佢個無限時吸引⋯臨時起意即日book 位，咁啱尖沙咀店有最後一枱可book~ 天意無限時 又多嘢食，雖然出面重有配料可夾，但其實剩係原本個餐已經餵飽左我哋燉湯 有啲油 夠味 海鮮好新鮮冇影到啲硯 但粒粒都好有肉食完海鮮 蒸雞 同 丸類之後 已經飽飽哋…火鍋 同粥 無影到，但都出色，特別欣賞個粥 南瓜好香 埋尾食埋個紅棗糕唔夠重可以食雪糕 大滿足周末 埋單438 一位，性價比高值得一提，服務都好好 個個都好友善，落單嗰位位哥哥知我哋未嚟過，重好詳細 同我哋介紹番餐單…Read More

經Openrice 預約，無限時 A4 和牛 套餐，用QR code 落單，落單後好快到 亦齊，熟食 令人驚喜係炸燒賣同瑞士雞翼🩷🩷🩷 飲品款式 唔係特別多，但絕對足夠大家選擇🥰 有糖 無糖 各幾款，重有啤酒同黑啤。牛肉每款都有自己嘅特色，我就比較喜歡 唔太肥又有口感嘅 A4牛胸片同 瘦得嚟 肉味足 嘅 韓牛片。菜嘅種類都唔少 有菠菜 油麥菜 等等值得一提係 藥膳醉雞鍋 啲醉雞 好入味，同埋個酒係另上，按自己 喜好需求 落。今餐 以甜品係芝士蛋糕或雪糕 二選一 做收尾員工 都好好態度 同埋效率都好高，相信我 好快會再嚟食…Read More

甚少比劣評，明明同集團，但實在同三哥 差太遠。Lunch hour 心血來朝想食米線，又見未係好多人，就坐低食。基本上 啲樓面係預你手機落單，唔係好會理你 專心做外賣單。fine, 手機落單三餸米線 送小食，當Bonus。又有個新出嘅大腸小食，一於叫嚟試吓。小食嚟得快嘅，個米線 見隔離枱嗰啲 都未嚟 就廢事催啦。點知 隔離位 遲過我坐低嘅 佢碗米線到左 都未有我份。……舉手追… 左搞右搞又過左5分鐘 先問我「依家煮比你，好無 ？」😂 望吓鐘，我飯鐘所剩無幾 重要行番公司，咁就叫取消… 送餐阿姐問轉外賣比我好無？當然我拒絕左😂… 我明白個小食我食左，你唔想蝕比我😂 咁我同收銀妹妹（實習生妹妹，但態度幾好）提議取消個米線 ，小食收番我單價。極品嚟喇😂送餐姐姐走埋嚟 搭咀，見我哋處理左，爆左句「哎 好呀 啱吖 咁樣佢哋唔洗寫報告」。 Er… 我明你唔想你經理 出動，為佢著想 唔想佢寫報告，但你其實唔洗 喺我面前 大聲講我知 …？ 我成個lunch 剩係食左個木耳同大腸… 其實比個「唔好意思」我 我會好過少少？我本身 唔算譚仔忠粉，一星期最少一餐… 但呢間… 實在 … 我都係行遠少少食三哥好了🥲🥲…Read More

港島東區過12點其實真係無乜選擇，太安樓係首選，但太凍，唯有叫熊貓。呢間其實食過好幾次，初初開時食過 覺得好正宗 但太辣，過左一段時間後 再試佢 味道有貼近左香港人口味。其實熊貓會簡佢重有一個原因，佢外賣包裝係幾穩陣 加分項嚟。今次叫左個 珍寶船麵 少少小食 同 龍眼冰。整體係 多料，船麵湯底 唔辣 幾好，龍眼冰 略甜 不過合理。 佢啲小食其實真係唔錯，生菜包 屬於好辣😂😂 今次溫和啲 食個炸雞翼都唔錯，唔會太油。 下次再諗吓食乜😉😉😉…Read More

其實成日經過，佢亦開咗唔短嘅時間。因為之前食過覺得佢偏咸，就冇再去。加上附近實在太多選擇，見佢個餐牌樣好似唔同左，終於再嚟食吓佢🫡🫡🫡下午茶時段 係唔洗等位嘅，直入坐低，就已經有紙筆，自行畫單，呢個時段得一個樓面哥哥一腳踢嚟講 服務係ok 同埋 屬於快👌👌💪🏻💪🏻食物出品佳，下午茶餐 - 1主食1小食1飲品，份量足，豬皮放湯度都夠脆。今次食雞，雞翼讚銅鑼灣 性價比 算幾好，可以再試 🤭🤭臨走先見到佢有個串燒放題，下次會夜晚去朝勝吓先。…Read More

日本過江龍，都算係特色嘢。排隊時間已反映受歡迎程度，非常餓嘅話 真心唔建議，會餓扁🤣🤣 同埋早啲去排會穩陣啲每款湯底都有熊仔，驚喜係佢有麻辣湯，可惜唔食得辣同埋 有小朋友在場，只好簡 少甜嘅壽喜燒 同 膠原蛋白。熊仔好可愛，小插曲係同行嘅小朋友見到佢一路煮 一路溶就喊😵‍💫話佢好可憐😂😂套餐 望落 好似唔多，但食落真係會飽左。湯底隨住隻熊仔溶，一路滾都會愈嚟愈「傑」（稠），膠膠哋咁，個人覺得幾正。本來想食甜品，但實在太飽。見隔離枱甜品賣相都好出色，唯有等熱潮過 唔洗排咁耐 先再嚟試喇🫣🫣…Read More

呢區真係好多死位，呢間都算堅持得到，開左咁耐 都keep 住有食吓，久唔久叫吓滷水四寶飯同燒味四寶飯，有紙包嘢飲跟埋。最鍾意食豬耳和大腸！同埋每盒飯都會有一小撮醃菜 送飯一流👍🏻👍🏻👍🏻呢間品質一路都好穩定，但近期加左少少價，員工可能都轉左，味道濃左同埋個飯底都油左，但未至於劣評。🫨總括而言，性價比係出色嘅，同埋食得飽😆😁 但可能因為我一般都係夜晚食，暫時重未試到佢個湯😵‍💫😵‍💫…Read More

其實都忍左段時間，不過心有不甘，決定同大家分享吓。但如果大家純粹想搵間 正常性價比，又唔怕被黑面，呢間嘢係ok嘅，佢廚房出菜都快。由落單起計，真係20分鐘嚟齊哂。燒味粉同飯都可以，係濃味左少少，烚菜不過不失，點心類都係足料嘅——————以下係我當日經歷——————見佢下午茶紙有個點心拼盤、正價紙又有另一個點心拼盤，內容除左蝦餃燒賣一樣，其他都唔同。就各寫一個。收點心紙個阿姐都有笑容，點知呢個時候就有個四眼 高級（反正係恤衫西裝，下稱眼鏡仔）企喺佢後面 伸長隻手 黑住面又唔講嘢，望左我一陣又望吓個阿姐。氣氛有啲尷尬，原來佢想攞我疊紙同叫阿姐去另一張枱加水…😓😓😓過左陣，眼鏡仔比番張電腦單我哋，我見得一個拼盤 就問佢啦，佢就大聲話「咪落咗囉！」就走左去，但係我畫單係各一，我就想問清楚佢，點知叫極都無人…搵另一個黑衫問 佢哋一句彈埋嚟就問係咪加多個，total兩個拼盤。我又衰，心急 答左係。愈諗愈唔對路，就叫黑衫幫我double check 係咪 2款拼盤各一，final answer 梗係唔係啦，原來佢間嘢從頭到尾得一個點心拼盤，一切以正價點心嗰張紙 啲 細字內容為準。 Mmmm… okay, 我mistake, 但係… 我比嗰疊點心紙圈低哂我要叫十樣嘢 你落得9樣嘢，係咪都應該埋嚟講番聲 落少個係因為 2個拼盤係一樣？😟😟之後2籠拼盤嚟到，傳菜阿姐就話幫我問吓 可唔可以取消，個傳菜阿姐走去問四眼仔，我哋相距有4張枱，我聽到佢講「佢話加嫁嘛！取咩消啊！」即刻嬲咗，諗住嚟齊哂啲嘢 先進一步行動，好奇妙地，跟住個四眼仔冇再出現過喺我視線範圍內，直到我去埋單 佢先再出嚟。有啲小插曲嘅，就係佢個灌湯餃條蟹柳個包裝重喺度 （見圖）😂😂其實全場啲人都冇乜嘢，係嗰個四眼仔好似全世界得罪佢咁，趕客到爆燈🙄🙄🙄…Read More

疫情下&後嘅食肆更難經營，一間接一間咁執，食客其實愈嚟愈少選擇呢個位之前都係食燒味，轉左手 連員工都唔同哂樣，即管試吓佢下午茶時段 呢區一貫作風，都係無乜人。坐低點左個正價雙拼-腩仔拼鵝 轉米粉 加例湯一嚟肚餓、二嚟係試食心態，反而有啲驚喜喎腩仔皮係鬆脆，肉質都算嫩，係肥左少少。不過燒腩仔呢家嘢真係好邪惡，佢愈肥先顯得佢更香😈😈無肥 又 會好易 口感好柴😵‍💫燒鵝 無乜特別，不過值得一讚係佢味道上控制得幾好，平時出面好多時食嗰啲 唔係太多汁太冧 就係太鹹例湯係足料，加三蚊 絕對合理職員姐姐好nice，又非繁忙時間嘅情況下，諗唔到食乜 都唔會催你落單🤣🤣整體感覺都幾好，不過完全忘記左佢鋪名有叉燒兩隻字，我應該試佢叉燒先至啱😅😅唯有留番下次…Read More