sandyoctopus的個人專頁

一行3人午餐揀左A5和牛壽喜燒本來見食評幾好但牛肉一上枱，就發現中伏呢個質素，完全唔似A5配菜，湯底都正常但如果以$198 ，只有呢個質素絕對冇下次仲差過一田超市嘅和牛…查看更多

是晚到紅館睇伍樂城演唱會, 入場前, 先到附近醫肚.本身唔係太肚餓, 就黎左呢度, 食碗米線.時間為下午6時多, 店內已經坐滿人, 幸好, 還有一張搭枱位可以容納我倆.奇怪的是.. 身邊大多是大陸人, 全部都在講 `煲冬瓜` 應該係因為近理工大學的原故吧 先點一人一碗米線 . 配料揀了豬大腸, 雲吞, 魚腐及腐皮.第2碗為中辣, 眼見碗面0既紅色油, 依家流晒口水. 大腸好林,雲吞亦算大粒, 魚腐就比較細粒, 貌似魚蛋, 而腐皮就夠晒滑.湯底夠辣, 但略嫌比較"寡" 左d. 可能平時食開"譚仔", 個湯底多d肉碎, 蔥, 鹽西, 個味道會豐富好多.食到咁上下, 見d小食好抵食. 就叫左麻辣鳳瓜 同 麻辣牛肚 試吓. (各大約$20) 鳳爪紅紅的, 有d似茶樓的蒸鳳爪, 個汁麻麻辣辣, 仲有少少黑醋0既酸味, 呢個冷盤作為前菜一流~牛肚個汁, 大致上同鳳爪一樣, 但多了"鹽西蔥" , 食牛肚時, 連埋"鹽西蔥"一同放入口, 會更好食. 牛肚夠林, 但仍有咬口, 唔會林到爛晒咁.另外仲叫左蒜泥白肉,  d蒜泥多得太誇張, 攪到好似飲緊蒜泥咁,不過對於鍾意食蒜容0既大地, 就冇咩問題~白肉份量算多, 但肥膏比較多, 食既時候, 好有罪惡感, 雖然地方淺窄, 環境亦唔多好. 但以此等價錢, 有此食物質素, 絕對值得再試.小菜價錢唔貴, 例如炒肥腸($48), 水煮魚($88) 比較得意既係, 內地學生叫既白飯, 係由隔離茶餐廳買回來的. 同埋每款冷盤都有拍青瓜放底~ 唔需要再叫碟拍青瓜了…查看更多

今次係用$49 團購食拉麵餐.選擇左豬骨湯拉都配炸雞一份.賣相唔錯, 流心蛋真係好流心~ 做得好好.湯底方面, 是豬骨湯, 但唔知係咪加左木耳既關係, 湯底個味變得怪怪的. 或者係我本身不喜愛木耳. 同埋, 湯底好似有d "糊"既感覺, 似趺左d麵粉落去咁....最後, 唯有自己加d 七味道, 蒜容, 先可以將呢碗麵完事...而拉麵係幼麵, 比較幼身, 變左冇乜口感~另外配上0既係炸雞. 眼見個樣怪怪的.. 同平時食開0既日式炸雞唔多相同...呢個似係切開一件件0既雞扒, 皮唔脆, 林林地咁. 雖然口感同外表唔ok, 但幸好味道都有一般正常水準.總結: 個湯底怪怪的, 同埋個麵條亦唔係我杯茶. 冇下次..…查看更多

早前見到有團購優惠, $49 一個拉麵套餐 (拉麵一碗+小食一款+汽水一罐)見個價錢真係好吸引,就即刻買黎試吓.是日星期六, 下大雨, 下午一時多黎到門口, 職員示意購買食物的卡暫時未有, 故此要等等.等了大約5分鐘就有卡, 可以入場.原本呢度係類似Food court 的型式. 自助搵位及到心儀店家購買食物, 然後再自己取食物.一行二人, 貪心0既我地分別買左兩間唔同0既拉麵試吓.其中之中就係北海道的昆沙門零.由於團購關係, 款式特定了, 冇得揀. 個餐係: 豬骨湯底拉麵+煎餃子一客購買後, 等了大約8分鐘, "call 機" 響, 就可以去取食物了.先講拉麵, 賣相好好, 第一時間已經俾流心蛋吸引住.流心蛋略嫌熟左少少, 如果再流心d會更好.湯底相當濃郁, 豬骨味重. 麵條亦好彈牙, 唔會過林.栗米亦令湯底,有鮮甜味. 附送既係煎餃子一客. 餃子餡料為菜肉. 煎得唔夠香脆. 如果可以煎耐d, 會更好. 食物唔錯. 可以再試其他口味. …查看更多

之前見到團購$150買$300 現金卷. 就買左黎呢晚同朋友一齊食.早兩星期已經訂位, 訂了7:30PM, 到達後, 店員話未有位, 要等等..結果, 一等等左半小時有多... 坐低就睇睇menu, 由於買團購時已經睇過. 對價錢已有心理準備.叫了最貴既牛排$2xx, 其餘都係大約$100, 雞肉 , 豬頸肉, 尤魚,大腸,仲叫左韓式飯卷, 海鮮煎餅. 配菜:磨姑$15 =三片及年榚$15 = 3小條, 石頭飯.肉類一上枱, 店員就立即幫你放上爐上燒, 服務唔錯. 但份量就偏少...好似個牛排, 2百多元, 就只有6至7小件. 一行5人的我們, 只係剛剛好夠分享.韓式飯卷味道唔錯, 同日本壽司唔同, 少了醋味. 海鮮煎餅唔太夠熱, 料亦唔多! 最後食晒d野, 都唔太飽.一於試埋炸雞$180 及 炸醬麵 (大) $150. 炸雞原來只有原味, 食落好滑好香脆, 大約有10件.  唔會好油, 比kfc好.配菜既醃羅白, 酸酸地, 好開胃.炸醬麵, 雖然已經叫左大, 但份量亦不多, 而且味道偏淡. 要自行添加辣醬, 先食得下...總結, 味道只熟一般, 沒有驚喜. 如果冇團購, 咁既價錢, 換來此等份量, 真係不用試....…查看更多

下午茶時段, $29 一碗拉麵. 送埋汽水. 仲免加一, 真係好抵~!!叫左一個辣味增拉麵. + $9 兩件炸雞. . 係平日, 下午茶時段, 人客不多, 只有3至4名客人.拉麵即叫即煮, 大約等了7,8分鐘, 拉麵就上枱.一上枱, 見琉麵熱辣辣, 又大碗~ 好滿足.奇怪的是...明明叫辣味增, 點解個湯好似唔辣既??再睇真D, 原本有個"辣味增球"!客人可以因應自己既口味, 去熔化呢個球. 很貼心~!辣味十足, 湯亦唔會太咸, 至少食完, 冇好口渴既感覺~炸雞有兩小件. 炸得好香脆. 但隔油時間不足. 碟底有好多油.總結, 味道唔錯, 下午茶時段更係好抵食~!…查看更多

工廠區番工既我, 成日快餐店茶餐廳, 真係食到厭.幸好, openrice search到原來呢度有雲南米線, 一於試吓.中午午飯時間, 好多人, 幸好, 店舖夠大, 通常等5至10分鐘就有位.先選米線, 有小鍋米線, 麻辣米線同酸辣米線. ($24)揀左最愛既麻辣.再揀配料 (每款$5-10不等)今次揀了腐皮&豬大腸.湯底本身已經大量肉碎, 麻辣味十足~中辣已經令我滿頭大汗腐皮同豬大腸都好夠林, 餸料份量亦好足~ .女仕們叫一款餸都已經好足夠~食得多茶餐廳, 食碗米線都不失為好選擇~ …查看更多

羊湯米線分有皮同剩瘦唔食皮既我, 叫了細碗的"剩瘦羊肉湯米線". ($35)湯頭熱辣辣, 但略嫌羊味唔夠重.肉都算林, 但份量唔多.食完成個人暖粒粒~ 正~冬天食一流, 夏天食就唔好了...…查看更多

今年生日, 兩公婆唔食西餐, 改食燒肉.2人叫了:和牛拼盤 ($490)有4款牛, 每款3件.和牛油脂分佈平均, 好林. 正~!其餘都係好林. 肉味好重. 只需沾上鹽同吃, 已經好好味.牛舌- 爽口彈牙. 同埋份量都幾多牛胃- 其實係咪即係牛柏葉呢? 我地都攪唔清..又係好彈牙, 不過有D趙唔爛既感覺..試過就算...羊扒 ($90) 有兩件. 一大一小. 肉都幾厚. 但羊味唔夠重. 最後叫左韓式海鮮煎餅 & 辣醬冷麵.兩款都係韓國菜式, 黎個cross-over. 煎餅好厚, 海鮮料亦唔少, 即叫即做熱辣辣 .冷麵麵條彈牙, 但辣醬太多, 有d重口味, 如果可以由客人自行混醬會更好.朝日生啤買二送一 ($52 / 杯)環境寧靜, 最適合約會! 服務亦不錯, 會主動換爐網及添茶.埋單: $1200 = 2人…查看更多

睇飲食雜誌, 剛好介紹大排檔, 老公見到生燒乳甲, 即兩眼發光. 決定相約好友前行一試.一行7人, 即日訂好枱. 被安排坐一張12人大枱, 坐得好鬆動雖然餐廳所在地全大排檔, 但由於老闆裝修過, 有室內冷氣座位提供.先叫阿嫲雞煲一隻 ($198)一上枱, 已經被陣陣香味同賣相吸引.麻辣味越煲越濃烈, 如果加個米粉索湯就一流~再黎係老公指明要試的 生燒乳甲 ($58) 平時酒樓的都係紅燒乳甲, 即係用油炸.但呢度係生燒, 食落口唔會成口油. 肉亦夠嫩滑.蜆 呢個餸係一個意外. 菜牌上係寫住"XX炒蜆",但上枱才發現呢個蜆並非平時食開既豉汁炒蜆, 反而係油鹽水蜆.個湯味唔夠重, 但幸好蜆肉算肥大.德國豬手 ($98) 個賣相好好, 好少用蝦片去伴碟.豬手夠咸, 送酒一樓, 蝦片雖然唔太熱, 但都仲好脆口.附上WASABI豉油點黎食, 原本又另有一番風味~水煮生魚 ($108)呢度係用生魚, 同平時同魚柳或者桂花魚唔同.魚肉每片都夠厚肉, 亦不失嫩滑.湯底麻辣味好勁~ 連食得辣既我, 都食到滿頭大汗.湯底浸滿大豆芽~如果有紅薯粉會更好.WASABI炒芥蘭呢個係新口味, 不過D葉沾滿WASABI真係唔講得笑, 有如玩緊獎門人辣辣壽司, 個個都食到喊晒....!再黎兩個送酒良物:炸大腸D腸都幾瘦, 冇乜肥膏, 炸得亦鬆脆.椒鹽鮮尤做一碟好既椒鹽並唔易, 平時食到既, 通常都係炸完D鮮尤, 淋上炸蒜就了事.但呢度炸蒜同解尤一齊兜, 每件鮮尤都好夠味.最後每人一隻燒生蠔 (送的) 雖然蠔唔算大隻, 但用上大量蒜容同花蔥, 正合我心意.總結樣樣野都好食, 地點亦方便, 由馬鐵沙田圍站一出, 行2分鐘就到.埋單: 約$1100 = 7人.…查看更多

是晚提早同爸爸食生日飯.食泰菜, 當然首選九龍城! 但由於同父母前來, 環境不能太差.所以決定黎籽苗葉試試.預早已經訂好位, 一行6人, 被安排坐一張圓枱~餐廳星期一至五有8折, 星期六日有85折 (套餐都有得折, 但蟹類就冇折扣)叫了小食拼盤 ($145)有春卷, 香葉包雞, 蝦餅, 魚餅, 每款3件 (全部一開二) , 適合多人分享~熱辣辣, 好香口.  蝦醬通菜鮮尤 ($62)一上枱已經好香陣陣蝦醬味. 但又唔會太咸青芒果沙律($50) D青芒果切成一條條, 好爽口, 酸酸辣辣,正.酸辣去骨鳳爪 ($50)又一酸辣菜式, 凍凍地, 好食, 但如果可以林D會更好.炸軟報蟹 ($108)炸蒜味好香, 即叫即炸, 熱辣辣, 一碟有8至9件咖哩炒蟹 ($218 冇得折)呢樣餸最快上枱, 應該係煮定...但幸好都夠熱, 係肉蟹一大隻, 6人分享, 剛好每人一件. 個汁好好食, 唔太辣, 好香, 另外仲點了蒜容包($24 = 6件)同簿餅($24=6塊) 點汁食.甜酸炒金邊粉 ($52) 有好多雞肉同蛋絲. 算係好足料.飲品買一送一 (約$34) 最後, 當然係食生日蛋糕. 訂位時, 已經問左, 切蛋糕不收切餅費 ! 侍應亦主動幫我地清枱, 同埋俾碟同义我地.仲一人附上一杯熱茶.服務好好.最後, 大家都好滿意呢一餐. 有下次~埋單: $8XX = 6人…查看更多

又到生日月, 好姊妹同我食生日飯, 就決定左黎呢度.每次行過, 都被裝修所吸引, 好有日本居酒屋feel~好姊妹預先訂位, 訂了6時半, 但需於8時15分交枱!3人行, 被安排坐一張4人正方枱, 都算坐得舒服.點了多款食物一同分享:一杯沙律 ($60)menu內冇寫明有咩配料, 即管試試.一枱眼前一大碟生菜, 有炸櫻花蝦, 及炸麵. 醬汁係日式醬汁, 生菜都新鮮, 唔錯.蟹肉牛油果卷($86)青bb既顏色, 好吸引~ 但食落略嫌冇乜牛油果同蟹肉味~似食緊普通既太卷~雞肉京蔥串 ($20) d蔥好香口, 不過雞肉冇乜味燒牛舌($28) 牛舌好林, 啱我, 但似乎冇左牛舌的內臟味....燒翠肉瓜($20)  & 燒冬姑($18) 正常水準, 唔太乾, ok好食. 凍喬麥麵 ($50)呢個麵出奇地好食, 平時多數係食puffet時, 一杯杯上, 今次係一大碟, 爽口, 唔似puffet 果d, 又林又粉鐵板尤魚炒麵 ($58)穫氣唔夠, 冇果種熱辣辣既感覺. 未知係咪等左好耐先上枱.大阪燒餅 二品($75)揀左兩款配料, 豚肉同蝦仁.蝦仁夠大粒, 絕對唔係蝦米~ 但略嫌個餅太濕, 太流質, 如果再煎乾身d會更好.每人仲叫了一杯燒酌 ($42) , 不過不失.總結, 環境好有日本feel, 但如此價錢, 食物質素可以更好, 更有驚喜.最後, 都要多謝我兩位好姊妹每年都同我慶祝生日, 一路有你們真好~…查看更多

是日晚餐去左大食代解決.買左韓國野既<泡菜豬肉湯配白飯> $48俾完錢, 要等十分鐘先有得拎.望落個樣都OK好食. 個湯熱辣辣, 好吸引.但食食吓, 發覺湯入面, 豆腐+泡菜 同豬肉既比例係4:1食晒成個湯, 豬肉得3小舊 ( 5蚊硬幣大小小) 我知百物謄貴, 但未免太`姑寒`了....睇黎都唔會再幫襯了.…查看更多

是日慶祝好姊妹生日, 揀左黎呢度食生日飯.預先訂了枱, 6:30pm 到達. 已經有3枱客人.之前睇食評已經知道, 大酒桶要6人先可以坐, 所以冇特別要求.但到達後, 竟然被安排坐木桶位置~ 真係超開心, 不過交換條件係8:30pm交枱, 或者轉番去其他枱.趁仲係happy hour 時間有特價, 先黎每人一杯0.5l 啤酒.($55一杯)個牌子好似同平時飲開果d唔同. 不過anyway, 都ok.另外, 叫了3樣野share:Fass Platter (approx. $190) 呢個拼盤乜都有D, 唔同既腸, 肉丸, 仲有芝士.呢個拼盤絕對係送酒良物.豬手 ($198) 食德國菜點少得豬手.份量都唔少, 3個人, 每人都有3-4件.味道唔太鹹, 剛剛好. 不過個皮有D脆有D唔脆.相反,伴碟既薯蓉好滑, 酸椰菜亦唔太酸~ 好食.紅酒牛尾($190) 最後係紅酒牛尾.每件都細細件, 啱晒女仕食.份量都OK多. 個汁配薯蓉一流~!坐坐吓, 發覺已經過左8:30PM, 可能人客唔多, 都冇要求我地交枱.最後, 仲坐到十點last order~呢度環境靜靜地, 約會傾計真係好啱~…查看更多

星期六, 下午1時多黎到程班長, 發覺竟然要等位.幸好等了大約5分鐘, 就被安排入座.由於都係工廈內食肆. 地方淺窄, 所以都唔係坐得太舒服.呢度係半自助型式, 先到收銀處點菜, 再拿號碼牌回到為座位.美食就會有服務員送上.發覺當中有2,3位侍應講普通話的~真係好似過左台灣咁.等了大約6,7分鐘, 美食就黎了.先黎係肉燥飯 ($25)每次都台灣夜市都必食的.份量唔太多, 對於女仕就剛剛好了.個汁好燶, 送飯一流.不過食到碗抵, 發覺好多油.台式鹵水拼 ($20)當中有海帶,豆干,黑輪 有少少辣, 味道尚可, 但始終唔及潮洲鹵水燶味~紅燒牛肉麵 ($45)一睇就知正, 麵條係闊麵, 平時香港D麵店好少見.湯夠燶. 牛肉都好入味, 不過如果可以再"林"D 就更好.牛肉捲餅 ($28)聽聞星期一至五要下午茶時段先供應. 可能今日星期六, 1時多都已經有得食.捲餅係即叫即做, 都等左十多分鐘先上枱.熱辣辣, D蔥味好香, 不過因為個醬汁既關係, 食落好似食緊片皮鴨咁.另外仲叫左冬瓜茶飲.真係好有台灣味道~會encore!!!!…查看更多