fatfat.eat's Profile

食完飯天氣又咁熱，知道新推出咗芒果冰就同朋友一齊去食。🔹超級芒果冰$75份量好足夠，兩個女仔食不完，味道方面牛奶冰加入很多的芒果糖漿，和巨量的芒果，因為加入太多芒果糖漿，對於不喜歡食太甜的人來說有點過甜，芒果要睇你好唔好彩食到是甜或話是酸的😂…Read More

近太子地鐵站新式車仔麵，由太子站出只行2分鐘已到，我地太約7:15pm到，唔洗等位雖然款式不算多，但有特別的餸可以簡，日式叉燒，燒牛舌心等🔹黑松露撈麵（餸：日式叉燒，燒牛舌芯）黑松露味不重，反而日式叉燒用味噌醃製，食起來連帶麵都有較重的味噌味，燒牛舌芯好食，厚度較薄，食落不會靭，不會有牛的騷味，比較一般燒烤店既牛舌更好食。🔹蒜油蝦子撈麵（餸：燒腩肉，燒牛舌芯） 重的蒜油味，燒腩肉不是一般中式有厚厚的脆皮，是經過醃製再切成薄薄一層燒，肥瘦均勻，食起來不會太過油膩🔹黑松露薯條即叫食炸，上枱時熱辣辣，配黑松露醬，加上價錢$15，CP值高的小食🔹唐揚炸雞有少少炸過咗，表皮較乾，配蜜糖芥末醬，但個醬冇咩味總結✨近近地行開可以試下，同平時食開車仔麵好大分別，QR code落單時，配料醬汁辣味可自由選擇，但晚上食要等較耐時間，🟡🍽中比較好食的小店，值得花錢支持…Read More

Rosewood的The butterfly Room出名難book既Afternoon tea，想食最少要預早兩個月時間book定。就因為要等咁耐時間先食到，所以期待咗好耐，但估唔到同想像中咁大出入😔🤓環境方面，空間闊落，枱與枱之間相隔遠，基本上普通傾偈係聽唔到其他枱聲音，梳化都幾舒服，但望出面景觀就只是一個停車場。首先，職員會介紹有咩飲品，我哋就揀咗一個濃一個淡既茶🍵🔸The butterfly room blend🔸Jasmine queen本來以為jasmine queen係比較淡味，但個人覺得濃味過the butterfly room blend 🔷鹹食方面就係三文治，佢個鹹食坦白講係出色過甜食，4款都好好食🔸黑松露碎蛋三文治➖好濃厚嘅黑松露香味，唔係一般超市買嘅平價黑松露香精味🔸煙燻三文魚魚子配碎青瓜三文治➖魚子較為鹹，但係配碎青瓜可以中和返個味道🔸牛油果蟹三文治➖這款喺四款當中較為鹹，有少少食到蟹肉的鮮味🔸蝦三文治➖佢入邊有一啲比較爽身嘅嘢食材混合喺蝦肉裏面，但我食不出係咩野，令到蝦三文治食落較為爽口之後就會送上湯，細細杯的蕃茄湯，係濃嘅，但係個味道就係好濃郁嘅茄膏味🔷Scone方面，Scone本身好鬆化，有牛油香味，分別配上三款奶油醬，士多啤梨醬，橙醬🔸奶油醬➖質感較為濃厚，但味道清淡🔸士多啤梨醬➖味道如普通超市買的果醬🔸橙醬➖味道較為特別，與其話佢係醬不如話係果蓉，食落唔會太過甜 接着就會上甜品㗎，除咗芒果奶凍質素做到酒店水準，其他3款普普通通🔆提一提大家，甜品架和三文治可以拎走，咁就有更多空間食甜品😉之後等到甜品車嚟，佢有兩架分開黎，各服務一邊先知道有得refill，所以我哋揀咗每樣一件黎試，好食先再叫，唔好嘥位，點不知係大失所望😖🔸雜莓-除咗藍莓🫐係好食之外，士多啤梨同蔓越莓對我黎講太酸了🔸士多啤梨忌廉蛋糕🍰-味道同一般連鎖蛋糕店質素差唔多🔸朱古力塊-分別有榛子（鍾意食榛子會好喜歡），白朱古力（太甜），原味（普通）🔸檸檬朱古力粒-好酸🔸香橙朱古力條-好重香橙味，帶有香橙的苦澀🔸香芋-食得到香芋嘅味，食落較為輕盈🔸朱古力磅蛋糕-偏苦終於到另一架較為期待的甜品車，訂位時可以remark返係慶祝乜嘢活動，如果生日會有個生日牌和蠟燭🕯️食完前一個甜品車的朱古力後，食右下角兩款朱古力甜品其實已經食不出分別😅🔸開心果馬卡龍➖不會太甜的馬卡龍，鬆脆的🔸芒果奶油泡芙➖味道OK🔸雲呢拿拿破崙➖Rosewood 招牌產品，我地每人叫了兩件，食落覺得都係原件買好食啲😅，原件拿破崙對比起來較為鬆脆，cream更為濃厚‼️有櫻桃在上面的甜品是帶有酒味🥃🔸金箔櫻桃朱古力甜品➖味道類似帶有酒味的黑森林蛋糕，因為含有酒味，所以食落去唔會只有朱古力甜味，味道層次較為不同🔸開心果蛋糕➖相比全部甜品，佢甜味係最低，所以食到最後，食這款反而會覺得有驚喜😳食到最後職員會問你有乜嘢甜品需要refill，我哋嗌多咗兩件拿破崙，但最後可能佢忘記咗冇幫我哋上到，加上限時2小時，見時間差唔多完，最後都冇追到，但呢個位真係有失分😔總結✨甜品質素方面真係唔可以講得係出色，最好食已經是拿破崙，但要五百幾蚊一位，又要早2個月訂位才有機會訂到，咁我不如單獨買原件來食。而服務本來都覺得好好，但最後忘記幫我哋refill真係失曬分，始終是五星級酒店，唔會諗到佢會忘記😩…Read More

朋友極力推介👍🏻👍🏻，講明高質好食既coffee，但要排隊至少半小時，俾曬心理準備我🥺🥺當晚收工即去，雖然店舖是1樓但如果要坐𨋢就要上2樓再行樓梯落返1樓，唔想等𨋢可以直接經後巷樓梯入。🕕我地太約6點到達，驚喜地唔洗等位✌️✌️，可以即刻入坐，但坐低發現已經差唔多坐滿曬人，所以如果你預6:15分先到場，咁就要等半小時以上先入得。🤓環境方面，走廊寬闊嘅，我地係坐中間邊邊位，所以覺得係闊落，不過佢啲坐位與坐位中間比較近，如果安排到坐中間位既話，會覺得有少少迫嘅感覺。QR code 落單，畫面簡潔易明，值得一提佢每項都要選擇係堂食定係外賣，幾貼心的設計，方便堂食時又想外賣俾朋友家人食。🔹松露薯條 $68好好好食👍🏻👍🏻，必點之選，好濃厚松露味，配上大量醬，食曬成盤都有醬剩，岩曬重口味人士，如果可以轉成厚薯條，咁就完全冇挑剔位🔹蜜糖芥末雞翼 $68表皮好脆口，入面嫩滑，味道酸酸甜甜，要趁熱食，凍咗個酸味會較為重啲，第二必點之選😎🔹菠菜合桃意大利藍芝士長通粉 $108好睇個人口味，藍芝士不是每個人都岩，岩食既會覺得係幾特別，好少見的菜式，食唔慣藍芝士會覺得難食。想share食，記得點之前要了解清楚同行人士口味😂🔹和風炙帆立貝意 $138意粉上面有沙律醬和紫菜，味道甜甜鹹鹹，一份有三粒大嘅帆立貝，值得一試。🔹芒果椰子麻糬梳乎厘班戟$138味道普普通通，有得揀芒果醬定係焦糖醬，椰子麻糬就是上面白色片狀，成碟野打卡係幾靚既，但再食我會揀其他口味🙈🔹楱子忌廉碎冰 $48好似雲呢拿雪糕溶咗嘅味道🔹杏仁海鹽焦糖忌廉碎冰 $48入面會有杏仁碎粒，鍾意食杏仁可以叫依款飲品😆…Read More