chusaufong's Profile

專登黎呢度打卡食野個view 係適合打卡，真係好似去左外地咁，呢度服務真係幾好唔多人嘅情況侍應會黎招呼你幫你影下相咁。個甜品真係夠晒吸引，我地專登黎食個T,打卡影相再食埋晚飯，一次過享受日夜光景生日黎呢度食飯真係夠晒氣氛…Read More

專登黎呢間歐陸風的餐廳來吃個lunch好多人都介紹，諗住try try 佢。試試佢地all day breakfast 和一些小食，我中意歐陸風，所以環境好岩我，仲有個小露台，可以飲下野傾下計，從旺角鬧市黎到呢間歐陸風嘅餐廳，都幾寫意架👍All day breakfast豐富嘅材料，有香脆腸仔,香蒜法式多士，鮮甜多汁嘅大啡姑，炒蛋，香脆炸薯餅，煙肉，蕃茄，茄汁豆，栗米，沙律菜。都係一般all day 有嘅野，我中意個甜薯炸餅，外脆內軟。一個all day 真係夠晒飽，好味😋All day snack $52/款 $92/2款 $132/3款 飛魚子芝士醬沙律 日式大板燒蒜片安格斯一口牛粒薯條岩晒小朋友食 又香脆，我就中意個大板燒，口感好豐富，好味，如果唔係咁飽，我都想再encode。一口牛算ok,冇咩特別。平時飲開咖啡嘅我，今次就飲樽裝氣水啦，好耐冇飲過喇👍…Read More

呢度係新鮮生猛嘅蝦俾你即捉即燒，覺得好得意，一直都想試。原來最興奮的不是我，是婷婷。佢話全程都要由佢負責捉和負責燒咁話，教埋佢點睇啲蝦熟定唔熟，結果我一隻蝦都冇捉過冇燒過🤣，只係負責食。睇見佢捉蝦果個開心，滿足樣興奮嘅樣，我都覺等值回票價，都係俾小朋友有個新啟發，新嘗試嘅機會。任食海鮮2.5小時真係好抵食，海鮮中除左蝦，還有鮑魚，青口，扇貝，蠔，蜆，貴妃蚌，大眼雞，倉魚，多春魚等，而且仲十分新鮮，燒出來，十分鮮甜美味，我就中意燒魚咩都唔落，鮮味十足，中意食海鮮嘅朋友就真係岩晒黎呢度，一定能令你滿足。除左海鮮，也有蔬菜，肉類，串燒，熟食，涼拌，甜品，雪糕。肉類有五花腩，牛，羊架等，雞串，雞軟骨，雞腎，雞翅，腸仔，丸類等，熟食也有包類，燒賣，茶葉蛋，等等。涼拌有八爪魚螺肉海藻，泰式鳳爪等飲品方面就有清酒，生啤，啤酒，各類汽水飲品，仲有花茶添。食完當然要嘆翻甜品雪糕啦，呢度有好多款選擇。今次真係食得飽又玩得開心。…Read More

行街經過開花斑茶社，見佢出左兩款新茶飲，又好吸引我，我就試下先我都比較喜歡果茶類，呢兩款茶飲就岩晒我荔枝玫瑰烏龍冰茶啖啖果肉嘅荔枝烏龍茶再加上玫瑰嘅淡香，有種清新又帶甜蜜的感覺。甜度適中，唔會太甜，值得一試完熟蘋果冰茶有紅茶底或四季春選擇我就中意香濃啲嘅紅茶再配合蘋果果肉，好好飲而的選擇少甜，所以甜度就岩岩好👍…Read More

我都好食得辣，我冇刻意少辣，份量都好大盒下，真係夠晒辣1️⃣ 爆多蟹籽冷麵呢個賣相好正，果真係爆多蟹籽，啲蟹籽新鮮，辣嘅程度比較高，真係要食得好辣先得，不過我就越食越過隱2️⃣ 蟹籽沙律大大盒嘅沙律真係好適合中和辣味，必選3️⃣ 爆炒烏冬炒得好乾身，有口感，唔會淋晒，除左辣，還有醬油味，口感豐富4️⃣ 有賽磅蟹杯麵比較起其他，這個冇咁辣，個份量岩岩好5️⃣ 透明袋裝撈麵辣辣地又甜甜地，辣得黎易入口，呢個份量岩晒我，好似掃街咁，過下口隱6️⃣ 爆辣炒飯炒得唔錯，粒粒分明，香辣7️⃣ 爆辣雞軟骨呢個估唔到外賣返到屋企都係咁爽脆，下酒一流，必選之一中意食辣嘅可以去試下挑戰你嘅味蕾爆辣冷麵 元朗西菁街9號富盛大廈地下89號舖@very_spicy_cold_noodles#爆辣冷麵…Read More

我都好食得辣，好有興趣試下元朗《爆辣冷麵 》，我冇刻意少辣或多辣，試試佢有幾辣先。佢份量都好大盒下1️⃣ 爆多蟹籽冷麵呢個賣相好正，果真係爆多蟹籽，啲蟹籽新鮮，辣嘅程度比較高，真係要食得好辣先得，不過我就越食越過隱2️⃣ 蟹籽沙律大大盒嘅沙律真係好適合中和辣味，必選3️⃣ 爆炒烏冬炒得好乾身，有口感，唔會淋晒，除左辣，還有醬油味，口感豐富4️⃣ 有賽磅蟹杯麵比較起其他，這個冇咁辣，個份量岩岩好5️⃣ 透明袋裝撈麵辣辣地又甜甜地，辣得黎易入口，呢個份量岩晒我，好似掃街咁，過下口隱6️⃣ 爆辣炒飯炒得唔錯，粒粒分明，香辣7️⃣ 爆辣雞軟骨呢個估唔到外賣返到屋企都係咁爽脆，下酒一流，必選之一中意食辣嘅可以去試下挑戰你嘅味蕾🔶🔶🔶🔶🔶🔶🔶🔶🔶🔶🔶爆辣冷麵 元朗西菁街9號富盛大廈地下89號舖@very_spicy_cold_noodles#爆辣冷麵…Read More

呢間我都係第一次同朋友食，朋友請事蛋啦。我地點左4人餐 ，西班牙海鮮飯，薯條。餐湯龍蝦湯都好飲，西班牙海鮮飯，我覺得味道還可以的，只是海鮮唔夠多，賣相不夠豐富。薯條都炸得脆口，但熱食就好食，凍左就唔好食。跟餐的雞絲沙律，菜多過雞絲，其實都預左架喇。不過啲牛扒都算係咁，不過不失，都幾大份。比目魚柳就一般，都係靠表面啲蒜頭一起食先覺得有味，但對小朋友來說就最岩。…Read More

用石磨米漿做出來的腸粉原來咁好食，即叫即整，好有米香，好嫩滑。簿到可以拉出黎睇到有幾簿，口感一流，越薄越好食【肉碎腸粉】好出色，唔洗落豉油都夠晒味【酸菜尖椒配菜】，除了配腸粉，可以配米粉，粥，都一樣好好味，中意食嘅朋友可以訂返屋企炒菜煮餸或作調味都相當不錯。 【叉燒蒸米粉】炒嘅就食得多，蒸嘅我未食過，估唔到用蒸嘅米粉好健康，沒有油膩感，而且米粉爽口彈牙，口感出色👍👍，就連蒸出來的菜都保留左菜原本的鮮甜爽口。【中式糖水】我就試左桃膠紅棗雪耳糖水，真材實料啦，唔太甜，有益健康，仲有多款中式糖水選擇價錢親民，性價比高，唔試就走寶。…Read More

中意食台式炸雞的朋友唔好錯過喇，繼光香香雞為台灣知名炸雞店，店內所有食材由台灣當地直送，即叫即炸，雞肉外脆內軟又夠嫩滑，各款掃街美食應有盡有，招牌炸雞、地瓜球、甜不辣、百頁豆腐、芋泥球等小食，一試難忘。不能到台灣旅行，都能吃到台灣味道！ 套餐香香雞🐔+海苔樂薯 🍟 $53.00呢款係最多人買嘅套餐其中之一，因為婷婷中意食薯條，我就叫左呢個。雞肉果然外脆內軟，肉質嫩滑，很有台灣風味。個薯條炸得好酥脆適中，沾上海苔味，婷婷食唔停口塔香百頁豆腐 $18.00呢個豆腐好特別，起初以為豆腐會易散，但呢個酥脆外表，裡面是煙煙韌韌的，口感不錯。…Read More