DaDaYing的個人專頁

第一次同野豬🐗生去食韓燒～點咗二人餐（炙燒混肉九宮格$298）有9格燒物外，仲有一盆沙律、2碗珍珠米飯，結果係飽到食唔哂！估唔到可以咁豐富~.肉類中，「安格斯牛腹肉」肉質好淋，而且以香草調味，唔似一般連鎖店咁黎黎去去都係蒜蓉汁/燒汁醃肉，係高質得黎有特色嘅！另外「孜然辣椒羊羔肉」調味都唔錯，無哂羶味，推介～.最有特色嘅一定係兩款DIY漢堡！安格斯漢堡厚厚的燒，肉汁超～多～非常Juicy。脆雞骨漢堡好罕見，整個肉質較嫩、軟身，又會咬到有粒粒脆骨～口感同調味都好有驚喜的。.肉類可用喜馬拉雅山岩鹽/ 粗粒黑胡椒 自行調味😆肉質夠鮮簡單調味就夠好味😋.當日店員仲送咗一碟「小女子」俾我哋試吓，係日式魚仔～好好人呢
小店有唔少植物裝飾，環境都好乾淨同闊落，比一般韓燒我哋都比較鐘意呢間小店
…查看更多

有時去觀塘做完嘢開完會，都想食餐好d嘅Lunch🤤要好食啦又飽肚，又可以食埋甜品，仲要坐得舒服有景睇吓嘅🤔🤔終於俾我搵到一間有Semi-Buffet Lunch set嘅餐廳💚.🥗自助Bar包括餐湯(當日係足料中湯😛）、沙律菜、麻辣冷盆小食、水果🍉、熱盆等等～🥬沙律種類比熱盆類還豐富👍🏻熱盆當日有辣花螺、燒賣。.🐑燒羊架配烤時令蔬菜(主菜)羊架可以選8成熟，偏肥美～再配薯蓉都唔會好Full嘅～個燒汁令成個菜加咗分！.🍚拖羅月見刺身丼飯(主菜)非常有驚喜🤩估唔到西餐為主嘅餐廳，都可以食到日式餐廳級數嘅拖羅！雖然望落單調，但係食落鮮味～推介👍🏻.🍰甜點個Semi-Buffet仲有個邪惡嘅蛋糕凍櫃✨令件蛋糕都好迷李，試哂幾款都得☺️最鍾意藍莓芝士蛋糕～仲有雪糕都係任食，亦都唔hea，推介沖繩海鹽味👍🏻同樣都細細杯～.餐廳有唔少卡位，景觀都好開揚，望到麗港城&往將軍澳嘅高速公路，望住人哋喺出邊塞車，自己嘆緊…原來…都幾爽🤪🙈🙈…查看更多

山林道有唔少樓上酒吧，亦俾我發現咗有間唔錯嘅地鋪酒吧餐廳😆💛可以Happy Hour飲番杯之外，仲可以食到特色西餐😋.🐤慢煮孜然蒜香春雞 配 油醋沙律係原隻嫩春雞🤤肉質比想像中滑&Juicy！沙律菜個汁都好開胃，菜量幾多，就算冇澱粉質都好完整、好夠飽，非常有驚喜嘅一道菜👍🏻.🐷焗多汁豬仔骨 配 啤酒薯條無改錯名，真係多汁多肉🤤好難得Ribs都啖啖肉！🍻啤酒薯條特別脆，比一般薯條硬身，超有口感～（我同野豬先生都好快清哂）.🐙垃圾八爪魚店員推介嘅小食😆真係第一次見！一口一件，下脆上軟，食到少少甜味，會食上癮😂👍🏻.［飲品］🥑牛油果奶昔x 🍓士多啤梨奶昔因為有揸車所以只可以點特飲🥺兩款奶昔我都飲到好rich嘅cream味，當中牛油果奶昔比較清新，配沙律超夾！.呢間餐廳嘅有唔少無酒精飲品(特飲、花茶etc)選擇🤔🤔個春雞真係好值得再食✨下次黎就唔揸車，可以飲番杯🍸…查看更多

難得去開大西北，當然要揀有特色嘅小店食晚餐😆呢間日式小店內嘅動漫掛畫好吸睛，有我最鐘意嘅數碼暴龍🥰我哋點咗雞泡魚乾+兩個定食～好豐富！.🐷山賊豚肉燒 定食前菜有麻辣帶子裙邊、芝麻醬玉子豆腐，兩樣都好開胃😋尤其係個麻辣味裙邊，係四川果種麻辣味，較為特別。麵豉湯裡有蜆肉、白精靈菇，睇得出用料好用心👍🏻而主食嘅豚肉份量都幾多，原來「山賊」就係我最鐘意嘅黑椒味！配珍珠米好滿足🥰🥰.🍱招牌蒲燒鰻魚 定食半條份量都好夠飽，蒲燒汁都好濃，撈珍珠米好快就食晒成碗飯😋.睇餐牌先發現原來餐廳英文名叫”Childhood”，所以店內先有配合童真主題嘅動漫掛畫😯😯作為曾經嘅Jump漫畫迷，有重拾中學時期追漫畫嘅回憶～呢點令我對小店更加分😆👍🏻…查看更多

成日聽聞大埔有間手工燒賣好大粒好得，去開一田購物日終於有機會試試🤣就係附近咋！.果然手包魚肉燒賣大大粒又夠煙靭😋同場試埋佢嘅粉果～係燈光下睇到透光就知皮有幾薄😯餡料都幾多～醫肚一流🤰🏻～.另外仲有生菜魚肉係水準作，無食到碎骨啖啖肉的的🥹🥹.呢間店賣嘅，都係香港最signature嘅特色小食🍡～亦保留到90年代街邊小販車風味(有果d小食名牌🫢）好唔想呢種文化、呢類小店被淘汰，所以值得間唔中去支持💪🏻…查看更多

將軍澳海旁有唔少靚餐廳✨作為一名Rider，今次就揀咗一間有架”Cafe Racer🏍”喺門口嘅美式餐廳😆 店員帶我哋去非寵物用餐區，係🇺🇸美式快餐店風格嘅佈置，每張枱都有唔同嘅擺設📺📽☎️，啱晒打卡📸📸.🍔辣味炸雞牛油果漢堡漢堡好厚身，多得塊炸雞嘅功勞👍🏻個沙律汁有少少辣味夠Juicy🤤除咗配粗薯條之外，仲有沙律菜🥗好豐富～.🟢蒜蓉炒法邊豆因為好少有得食所以order😂而所謂”法邊豆”就係長+幼身豆角～咬落偏淋身而爽口，適合做前菜👍🏻.🍰Lotus脆餅半熟芝士蛋糕(配海鹽焦糖醬)甜品係最期待環節😆果然冇失望！蛋糕口感軟淋淋，🧀芝士配焦糖好邪惡！兩個人share食完全覺得唔夠喉🥹 (🐗以為果枝裝飾用嘅滿天星都食得🤣).[飲品] 🥤朱古力奶昔&百香果特飲🍹個人覺得奶昔係必點item！神還原美式好Rich果種奶油感，相對朱古力味無咁濃（個人鐘意黑朱古力🍫）飲管都係好經典嘅紅白扭紋，小細節都跟足美國風✨.呢間餐廳真係好靚✨望到隔離寵物區都好熱鬧🐶🐶座位又夠闊落，坐得好舒服、好relax😌都影咗好多好多相📸～呢度有寵物餐點提供😳😳下次一定會帶埋🐶🐶黎！.…查看更多

有日陪完朋友練車@掃桿蒲🛵，去附近搵嘢食🤤就試咗一間久仰大名嘅拉麵店🍜一入店面就發現唔少Melody🐰嘅用品～立即少女心大Up🥰💕.🍜札幌味噌拉麵呢度係用蛋麵～湯底味道濃郁而唔油膩，溏心蛋亦有水準👍🏻碗邊係Melody公仔，好Cute Cute😍.🏆冠軍黑醬油拉麵當然要試試5年冠軍！湯底油膩感較重，有陣較濃嘅”炭燒”味🤔先發覺佢係「黑醬油」，而唔係「黑蒜油」😅朋友鐘意呢個焦香味嘅。.🥟肉汁滿滿餃子果然好夠肉汁🤤推介！.🍓鮮冷泡蜂蜜綠茶外型係士多啤梨樽，超可愛💕都好啱我口味，甜度足夠，有少少桃味嘅錯覺😆.店內好有日本小店氣氛🇯🇵食物水準都唔錯，推介俾去果頭學車嘅朋友💁🏻‍♀️…查看更多

一有番堂食晚市！就好想出去食燒烤、邊爐類🤤今次去咗一間烤魚燒烤專門店～地鋪門口就泊到車🛵👍🏻亦有室外座位，方便看車☺️.👉🏻本身唔多食魚，但印象中「清江魚」比較少骨🐟🐟，果然都係啖啖肉嘅🤤我地選咗「剁椒豆豉味」烤魚，一黎到就已經超香！！食落辣度剛好，魚同配菜都好快入味😝反而豆豉味又唔算重，食到底先覺少咸。.👉🏻+$68任選四款配菜我哋楝咗娃娃菜、萵筍、土豆片、秋葵。當中土豆片&萵筍都十分出色！入味之餘，仲非常爽口👍🏻而娃娃菜可以話係必點👍🏻可以吸收哂個湯汁，非常惹味😋😋油膩感還算可以👌🏻.👫2個人Order一份烤魚+4款配菜都夠飽～但對大食少少嘅人黎講就應該要配埋火鍋料、紅薯粉或串燒先夠啦👌🏻整體黎講出車聚腳不錯，座室外望到車Prefect池😉🙌🏻…查看更多

九龍灣食個Lunch起碼都$50up啦🤔一係就無堂食嘅小店/ 2餸飯/ 米線….我居然搵到$49 嘅西式意粉😳就好似發現新大陸咁開心💕🍝卡邦尼溫泉蛋意粉 (原價$54, 外賣9折$49）呢個價錢有埋野飲！係柚子峰蜜🍯☺️仲有一個小沙律 🥗滿滿沙律菜！最有趣係，溫泉蛋係獨立一隻連殼🥚要自己打，咁就唔怕外賣攞到番去震爛哂啦係咪！？😅結果都好成功，好靚咁打落意粉。亦岩岩好，係半熟狀態😋..最驚喜係有一粒「雪米糍」！🍓草莓味嘅～$49包埋甜品，相信成個九龍灣得呢間先有呢😛值得一星期食1-2次啦！…查看更多

☀️放假見好好天，就出紅磡碼頭附近買Burger，方便望住維港chill住食🍔🤤.俾門口嘅超人吸引咗😂一人揀咗一個餐～薯條🍟升級咗番薯條 & 洋蔥圈🧅，而「黃金女俠」&「鳳凰漢堡」，都係雞肉。分別係一個炸雞(黃金)，一個烤雞(鳳凰)🐣。.🍔兩款漢堡攞上手時已覺得好聚手😂，打開就見好重料！🥬菜量偏多，每一啖都好Juicy～個醬汁似蜜糖芥末，少少酸🤤然後…我哋兩個食完都好飽好飽，食唔落番薯條同洋蔥圈🥲.雖然食唔哂，但我覺得洋蔥圈好香脆🤤而番薯條就偏淋身，個人無咁鐘意🤔但都好鐘意有呢個選擇，唔洗次次都係漢堡配薯條嘛😆.因為疫情關係，呢兩年都習慣咗係公園/ 海邊食嘢🥹有時望住海景慢慢食，感覺仲自在過喺餐廳～更有放假感覺☺️🦭…查看更多

同🐗先生講起好耐無食buffet，俾我話事～咁我就選逸東酒店嘅Tea Buffet，透過OpenRice book位，星期日係$258加一。成年無食啦，睇吓keep唔keep到水準先😋.第一時間去攞飲品先！鐘意呢度buffet係有特飲供應而唔係限住得一杯餐茶😂抹茶latte重奶味，好啱我飲🥰.再飲一個奶味好重嘅忌廉粟米湯後，就出去攞野食：呢個玄米茶鹽青bb咁以為係綠茶粉🤔🤔.呢個好長嘅「三文治」…明明係熱狗黎黎🤔可能因為切開左一片就係似三文治🤔🤔(掛)中間個肉腸好重香草味，出面好少食到呢個味道嘅腸👍🏻..（滑滑的茶碗蒸🥚）成個Buffet我最鐘意就係呢個茶漬飯，職員混合好飯同湯，配料任我哋自己加！我落左好多明太子+三文魚+飯素+wasabi，好幸福🥰..好快就開始進入甜品時間🍫🍩🍪🍭🍦甜品吧嘅Easter decoration非常有心思！每樣試左少少，waffle偏硬少少，而且綠茶味偏苦😟個人不太喜歡。反而即做嘅Crepe就唔錯啦！因為醬料、煉奶、蜜糖都好齊！仲可以配Movenpick雪糕😋😋😋(有我最鍾意嘅薄荷朱古力味🍫🍫）.另外有個綠茶小卷，一口芝士蛋糕🍰都唔錯～麵包布丁就一偏啦！最後試埋曲奇🍪就超級飽啦🤰🏻🤰🏻...結果我哋都覺得呢個價錢都係抵食嘅！千萬唔好以為Tea Buffet得甜品食，熟食都好豐富同出色！當然都記得要留番個肚食甜品+雪糕😛.最值得讚係服務好好，有唔少吧都有廚師即整嘅料理，refill得好快，又唔會凍咗。而職員服務都好好，收碟、refill水都手起刀落😂😂疫情期間都唔會重得好迫，成個環境就好似一個咩都食得嘅food court，好歡欣、貼地、友善💛💛...P.S. 記得兩年前黎食，甜品有個鳳梨酥好好食，有普慶logo的，應該係自家制嘅🤔強烈要求要再有啊🥺🥺🥺🙏🏻…查看更多

🐗有日主動話想去食一間餐廳，我就跟佢去啦…點知原來係一間足球⚽️主題餐廳😂仲要係阿仙奴向嘅！⚽️嘅野我就唔多識🥲淨係識去食好西🤤🤤.🥫番茄湯配蒜蓉包🐗不停讚個蒜蓉包好出色，剛出爐咁焗得好香，少少脆點湯一流！.🐷香烤西班牙頂級橡樹果飼黑毛豬梅超級Juicy💦其實果飼嘅豬真係會食得安心D，無咁多雜質，肉質都滑D！配紫薯蓉再讚～望落唔大份，但實際啖啖肉🤤🤤.🍛冬陰功忌廉海鮮焗飯冬陰功煮成嘅忌廉汁唔會好辣，海鮮比例都幾多🦑配埋滿滿嘅芝士，外面好難食到呢個Fusion味道😋.🐥水牛城雞翼Lunch set(焗飯)+$28加配嘅開胃小食～酸辣味係standard🙆🏻‍♀️碟係足球⚽️形，好得意😆.🍹荔枝薄荷特飲推介👍🏻薄荷味唔算重，荔枝味清甜～.當日下午唔算多人，所以加咗杯特飲，傾住計咁spend咗個下午☺️發現果度幾適合飲杯嘢，有落地玻璃望到彌敦道，又有打卡位！如果係⚽️球迷應該仲開心，佢有好多精品、餐具都係足球相關系列，好有心思🥰…查看更多

係久違嘅晚市堂食呀😭😭前排睇「社內相親」見到女主角喺Goobne炸雞店食烤雞就一路打鼓🤤🤤🤤終於有時間去食。.去到門口就見真係有「社內相親」嘅宣傳poster，都有個套餐，但今次無點到，一心想食「UFO芝士火鍋」！（可選2種口味）等咗10分鐘終於到喇！但原來未食得🥲要等芝士煮溶幾分鐘時間，店員會過幫忙嚟攪拌芝士，都好快食得！.（成個畫面又治愈吸引，好想快d食🤤）今次點嘅係「甜辣烤雞」&「三重芝士烤雞」自己卷呀卷，用夾將熱溶芝士圈住烤雞！雞肉都好多汁，烤雞亦無咁熱氣😛「三重芝士烤雞」本身嘅芝士粉已經好香甜😝😝野豬先生都不停話好好味～.今次野豬先生好滿意，話下次要番黎食個「相親套餐」😆…查看更多

同男朋友食開土瓜灣分店，一早plan咗今日去開將軍澳行街，預早兩日喺OpenRice book位食午餐！.假期依然有Lunch set供應，午市都有$10蠔！叫咗一打～雖然真係唔算大隻，但咁嘅價錢，食到新鮮淡海水味嘅蠔，真係冇得投訴！而且每隻都無蠔殼碎👍🏻係有水準。.一人點一個Lunch set (包咖啡或茶的)，BBQ Ribs $88仲有脆薯角+沙律菜，超超超抵食又真心好食！另一個點咗「太陽蛋黑椒汁豬扒飯」$68，因為突然好想食黑椒汁😂係茶餐廳水準以上🤏🏻，因為配菜多咗翠玉瓜、茄子、菇etc。雖然係西餐廳食就怪怪地咁，不過又真係合格以上，好食wo～😆😆😆..我地慢慢食，坐下傾計，無限時，食咗餐舒服嘅假日Lunch😋唯獨美中不足係店內得兩個waiter，佢地十分忙碌😂😂而我地坐邊位，要走出去叫店員先知道要落單/ 要餐飲。不過都唔係大問題！(太餓了，所以無影到Ribs & 黑椒煎蛋飯😅)…查看更多

去開觀塘嘅駱駝漆大廈行樓上鋪，順便去試底層嘅小店😛有一間日式冷凍食品店，有埋新鮮即場包嘅餃子🥟～即點即做煮嘅🤤🤤主打黑豚肉餃子，有厚皮/ 薄皮，亦可選放湯水煮/ 生煎！.🥟水煮粟米黑豚肉餃子粟米🌽味無得輸啦🥰咬落肉質較淋同碎，點日式芝麻醬好夾！而且果度嘅芝麻醬好濃，點薄皮就好夠飽🤰🏻.🥟生煎白菜拼韭菜餃子🥬係港式煎餃～煎得唔油膩，同樣點薄皮所以邊係脆脆的🤤煎餃子配佢嘅辣醬唔錯！相信係自家製的，有點偏辣+少少酸，令煎餃味道更有層次。.店內有雪櫃，有唔少日本飲料可選，果支有橙肉粒粒嘅橙汁係Donki見過，好飲😋在場都有日本酒及冷凍牛扒可選，可以買完叫廚房即場整👨🏻‍🍳…查看更多