iamblissful的个人专页

朋友話佢舊公司附近好多小店性價比幾高，我就叫佢帶我去試下！凍真百香果梳打杯面有半個真百香果，飲用既時候可以自行將適量既百香果籽刮落梳打水中。梳打水口感清爽岩晒夏天飲，無糖所以飲落好健康！只有百香果果肉帶來微微既酸甜感，亦好夠氣！話梅桔仔水飲品面漂浮著原粒桔仔同話梅，飲品酸甜適中，話梅既鹹香同桔仔味道好夾，飲落都好健康。原隻炸軟殼蟹蜆肉無味精椰爺秘傳叻沙摻摻原隻軟殼蟹超大隻，差唔多成隻碗咁大，質感外脆內軟。湯面上有好多蜆肉，味道鮮甜。摻摻份量好多亦都好掛叻沙醬汁，味道濃郁！食到中間可以落青檸汁，味道更提鮮！榮螺片滷水燉金沙骨香草椰奶湯摻摻螺片份量都唔少，肉質幾鮮嫩，而金沙骨肉質都幾軟腍。湯底濃郁又順滑，充滿椰奶香味，感覺比較清新。雪糕斑斕椰香手工咖央多士（自家鮮製）多士外脆內軟，加埋冰涼既雪糕，口感層次好豐富！食落同時有濃郁班斕同椰香味，兩者味道高度融合，都唔會才蓋過對方既味道。氣炸新鮮滷肉捲拼甜酸醬由於係氣炸，所以一啲都唔油膩！滷肉捲外皮酥脆，內裏口感扎實。再沾上甜酸醬一齊食，就更開胃！…查看更多

雖然海底撈好出名，但係一直以來都未食過。最近同朋友行街見海底撈係尖沙咀開咗新店，就去咗試下。胡椒豬肚雞湯底湯底濃郁充滿胡椒味，豬肚軟腍同雞肉都好鮮嫩，飲落好暖胃舒服。蕃茄火鍋湯底湯底酸酸甜甜，特別開胃！湯底有好多鮮蕃茄，味道清爽。撈派撈麵有店員即場表演拉麵幾精彩，不幾將麵條越拉越長，又一邊拉麵一邊轉圈。麵條煙韌彈牙，好吸湯汁又掛湯！手打檸檬茶手打檸檬茶清新爽口，消暑解渴。入面有好多檸檬肉，味道酸甜適中，份量超多，一樽夠晒兩個人share!手切雪花牛肉攞盤好靚將牛肉砌成圓碟狀，牛肉切得又薄又均勻，肉質好新鮮色澤好靚，食起尼牛味濃郁。撈派滑牛肉牛肉色澤鮮紅，口感滑嫩，肉質新鮮牛味濃郁，味道微辣。芝士牛肉丸牛肉丸口感彈牙，入面有唔少融左既芝士，令牛丸帶有濃郁芝士香味。全豆是福各種豆製品既拼盤，有豆腐、響鈴、腐竹同豆腐皮。豆腐嫩滑，響鈴脆口又吸湯汁，腐竹同豆腐皮都充滿豆香味，味道清新健康。田園時蔬拼盤拼盤有好幾種蔬菜，每樣都好新鮮！打邊爐最鐘意就就係娃娃菜，味道好清甜。…查看更多

好耐無去食西餐，係元朗睇下有咩餐廳好食，行過就見到依間餐廳裝飾得幾靚，充滿聖誕氣氛！我同朋友就決定晚飯食依間西餐廳！炭燒美國頂級肉眼扒配薯菜可以自行選擇幾成熟，今次就揀左7成熟！表面有格仔燒烤痕跡，肉眼扒外面微焦，內裏肉質軟嫩，散發微微炭燒香氣！配上薯菜，睇落就更豐富精緻。輕煎北海道帶子香辣蒜片汁扁意粉 蒜片汁味道香辣，啱晒食得辣既朋友！帶子滑嫩彈牙又大粒，扁意粉有咬口唔會過腍，每一啖都充滿蒜香味。百香果乳酪表面鋪滿一層金黃色百香果醬，乳酪口感順滑，綿密細膩，帶有淡淡的百香果酸甜味。奶凍奶凍有濃郁朱古力甜味，質地好嫩滑，入口即溶！羅宋湯 & 蘑菇湯羅宋湯酸甜適中，有好濃郁番茄味，口感清新唔油膩。蘑菇湯味道香濃，口感同樣順滑。…查看更多

朋友話想食潮汕牛，但最近又無時間翻大陸，佢就揾左依間係旺角既潮汕牛放題叫我一齊試！去到發現除咗潮汕牛之外都仲有好多野食，有自家製飲品之外，仲有紅白酒任飲，真係好少見！熟食方面其中南乳雞翼同孜然手抓扒係我覺得最好食！潮汕牛肉火鍋潮汕牛鋪滿成個牛肉圈，好打卡！牛肉好新鮮，每塊都切得又薄又均勻。全部牛肉都係即場人手切出尼，又乾淨又衛生，放題仲可以任叫，真係好爽！湯底清澈鮮甜，令手切牛肉更加鮮美同更有牛味！海鮮拼盤拼盤有蝦、蠔同蜆！每樣都好新鮮！蝦肉非常彈牙，蠔都大大隻，熟咗都唔會勁縮水，依然好大隻！蜆亦都唔會有沙！南乳雞翼雞翼熱辣辣一睇就知超級酥脆，咬落去好多汁juicy，外脆內軟！雞翼醃得好入味，每一啖都充滿南乳香味！孜然手抓扒手抓扒肉質都幾嫩滑，唔會靭，孜然香味都幾濃郁。…查看更多

收工約左朋友去荃灣食飯，行經商場見到依間日本料理餐廳菜式都幾多選擇，價錢都合理，就入左去試下！火山上菜時，店員會點火，令依道菜式更貼合其名，亦令菜式更打卡。面頭鋪滿一層厚厚既蟹柳肉，入面仲有帶子、青瓜同牛油果等材料，真係超級豐富！龍卷風沙律面頭鋪滿好多蟹籽，好吸引！沙律菜好新鮮，下面有唔少中華沙律，再加上麻醬味道就更開胃！沙律份量都幾多，夠兩個人share!雜錦天婦羅天婦羅都幾豐富，有炸蝦、蕃薯同秋葵。天婦羅即叫即炸，炸衣皮薄，口感香脆，食落去唔會覺得好油膩！彩虹卷飯卷上面放有鮮花，賣相幾靚！飯卷份量都幾多，仲有好幾款唔同既刺身添！例如有三文魚同吞拿魚。飯卷材料仲有牛油果添，都幾特別。煙花依款卷物味道好特別，面頭有辣味三文魚同辣味呑拿魚所以食落去係有啲微辣。…查看更多

好耐無食素食，上網睇下有邊啲素菜推介，發現依間價錢唔貴幾親民，菜式又好特別，就決定尼試下。手工海南雞飯（純素）一上菜既時候，我都幾驚訝！因為真係做得好似真既海南雞飯！ 再睇真啲原來全部都係用腐皮做，食完都無負擔！仲有葱油同甜豉油既醬料可以點添！桂花叉燒（純素）叉燒都係腐皮做，食落充滿叉燒醬既味道，桂花味都幾濃郁！無論色澤定望落去既質感都好似真叉燒！日式燒物定食定食好豐富，有上湯娃娃菜、飯糰、沙律同好幾樣炸物！炸物好得意係素炸蠔、素炸蝦同素燒鰻魚。上湯娃娃菜中有素丸子，食落幾彈牙，有啲似魚蛋。沙嗲雞肉串（純素）雞肉串一睇真係以為真雞肉，但其實都係素食尼。食落沙嗲醬好惹味，味道好濃郁。黑椒薯仔角素牛柳（純素）一大碟份量都唔少，素牛柳炸得香脆，薯仔角就吸滿黑椒醬汁好惹味，幾好食！百香果烏龍茶百香果味都幾濃郁，百香果既甜味中和左烏龍茶既苦澀味。青檸百香果百香果味好濃郁，加埋青檸味道甜甜酸酸，好開胃！…查看更多

星期日放假同屋企人出街食午餐，去左附近商場睇下有咩好食，屋企人見到依間主打一人鍋既餐廳好多人排隊就話話想試下！清爽柑橘醬油出汁套餐 250g湯底由基底柑橘醬油再加埋四季橘同蜂蜜醬油製成，湯底輕盈清新，層次分明，味道微酸，帶微微果香，帶出到牛肉脂香。美國（CAB®）認證安格斯牛板腱&牛肩胛肉牛板腱牛味香濃肉質細嫩，而牛肩胛肉質結實、油花分布幾均勻。特選壽喜燒套餐 200g壽喜燒味道香甜，有香濃醬香味。九州產和牛肩胛肉、澳洲純種和牛牛板腱同美國特選安格斯牛肩胛肉套餐配有多種不同種類牛肉，份量又多！絕對滿足到鍾意食牛肉既朋友！壽喜燒湯底煮完後，再沾上蛋漿入口更嫩滑！日本乳酪味軟雪糕打完邊爐，食翻杯雪糕更加滿足！日本乳酪味軟雪糕，味道酸酸甜甜，有濃郁乳酪香味，口感柔軟細滑。西柚梳打梳打好夠氣，味道微甜，飲落好清新，一邊打邊爐一邊飲梳打，真係好爽！…查看更多

之前係日本當地食過串揚覺得好好食，一直都好想再食多次。朋友知我咁想食，於是就帶我去左間串揚專門店食飯。刺身（北寄貝、赤貝、海螺）刺身擺盤精緻，刺身都放係貝殼上面，北寄貝嫩滑新鮮，赤貝爽口鮮甜，海螺彈牙有濃郁柚子醬油味。地蛤清湯（三重縣直送）用茶壺上菜好特別，湯底清澈，飲落鮮甜，好有海鮮鮮味，唔會過鹹。湯入面有好多菇，地蛤肉質鮮嫩大大隻，口感微熱順滑。安康魚肝配柚子啫哩魚肝軟脬綿密，搭配柚子啫哩感覺更清爽。魚肝上面放有紫蘇花，擺盤精美。日本馬糞海膽杯海膽放滿杯面，下面有少許白飯。海膽口感滑嫩好有鮮甜味，鮮味濃郁，入口即溶。葡萄豚肉串（日本國產豚使用）豚肉鮮嫩多汁，肉質軟腍，串揚外皮香脆色澤金黃，調味亦都岩岩好。時令海鮮七品盛合(廚師發辦)今次炸串有子慈昆布配櫻花蝦、鰻魚、沙漿魚、金雕立鱗、煙肉帆立貝、磯煮鮑魚同蟹肉魷魚卷。當中我最鐘意係煙肉帆立貝，帆立貝充滿煙肉鹹香味，口感彈牙煙靭。讚岐烏冬烏冬質感Q彈煙韌，湯底清爽有鮮味，湯中仲有好多昆布。…查看更多

屋企人話未食過Omakase好想試下，於是上網睇下邊間Omakase高質好食，見依間姐似幾唔錯，就有帶屋企人試下。沙甸魚刺身 有蔥花及蘿蔔絲沙甸魚肉質新鮮，顏色透薄，配埋脆爽脆既蘿蔔絲，口感幾清新。日本響螺響螺配柚子醬油下面有水髪菜，響螺肉質彈牙，而水髪菜口感清脆，口感豐富。柚子醬油亦令響螺帶有柚子香味。秋刀魚秋刀魚上面有薑蓉，肉質鮮嫩，仲有微微薑蓉香味令魚肉味道層次提升左。松葉蟹肉 上面有松葉蟹醬而下面有蟹身，蟹肉鮮嫩多汁，松葉蟹醬口感幾順滑濃郁，擺盤亦幾精緻。天婦羅目光魚外表金黃香脆，食落魚肉嫩滑，熟之後甜味會出啲，外皮少少鹹味非常提鮮！金鯛配洋蔥醋汁金鯛面頭有燒過，所以外皮食落脆卜卜，肉質細膩，洋蔥醋汁酸甜，味道幾清新。壽司金目鯛魚肉色澤好靚，嫩滑新鮮，入口有天然鮮甜味。春魚魚肉鮮嫩，食落有濃郁燒燻味入口即化，味道豐富！帆立貝帆立貝肉質彈牙新鮮，味道鮮甜。大拖羅色澤鮮豔，睇落好新鮮！肉質油脂超豐富，入口即溶，口感超好。鯖魚 鯖魚肉上面有紫蘇葉同芝麻，肉質緊實，紫蘇葉味道幾清香，同時亦有芝麻香味。北寄貝北寄貝肉幾嫩滑，口感清脆爽口。中拖羅色澤好新鮮，油脂適中，口感柔滑。白利尻 海膽海膽多到就尼滿瀉，口感滑嫩，入口即溶，入口係濃郁鮮甜味！島蝦北海道特有既島蝦，蝦肉鮮嫩質感彈牙，鮮甜味十足！太卷 師傅即場現刨木魚絲，再係太卷上散上木魚塊。餡料非常豐富，當中有玉子燒、熟蝦、青瓜、黃芽白 、瀨尿蝦、准山同芝麻。魚湯湯底好濃郁，有好香魚味，口感順滑又鮮甜。甜品雪糕賣相好靚幾打卡，面頭有抹茶蕨餅、紅豆同蜜瓜！今次揀左焙茶味雪糕，有好香焙茶味，連埋脆卜卜嘅雪糕筒一齊食，好好食！另外唔解雪糕亦可以叫咖啡，同樣都會配有香甜蜜瓜！…查看更多

近排想食韓國菜，所以約埋朋友一齊去尖沙咀韓國街覓食。依間餐廳價錢實惠，菜式種類都幾多，依家仲要做緊優惠添，就決定試下！蜜糖蒜蓉雞翼（7隻）雞翼外皮香脆包滿蜜糖，肉質嫩滑幾juicy，蜜糖同蒜蓉味都好濃郁，甜得尼帶少少鹹味。仲有蜜糖年糕做配菜，味道甜甜地，充滿蜜糖香味，口感煙煙韌韌，幾好食。韓式牛肉炒粉絲炒粉絲食落唔會好油，粉絲口感好Q彈，份量都幾多。有唔少紅蘿蔔絲同椰菜做配料，而牛肉份量都好足。雞肉韓式石頭窩飯 石頭窩飯面頭除左有雞肉之外仲鋪滿各式配菜，有蛋黃、芽菜同紅蘿蔔絲。底部有微微飯焦，雞肉幾嫩，拌勻所有配菜食都幾好食。食起上尼味道香辣，啱晒鐘意食辣既朋友。熱柚子茶熱柚子茶熱熱地，食落舒服溫暖，柚子果香味濃，口感清新。…查看更多

去西貢出發玩水前，同朋友食定野醫肚先。睇下附近有咩食，依間Cafe位置都幾方便，環境又幾好，價錢仲要唔算貴，於是就決定食依間。Houjicha Latte焙茶Latte 拉花好靚，入口幾順滑口感濃厚，焙茶香味好濃郁，味道微甜啱啱好。Le Foie Gras Burger漢堡既牛肉好厚肉，食落好多汁好juicy，煎鵝肝滑嫩增添左濃郁細膩既口感，漢堡同時亦有無花果醬甜味同芝士味濃郁。Grilled Salmon & Onsen Egg Risotto賣相擺盤都好靚，煎三文魚好大塊厚肉，外表微焦肉質嫩滑，Risotto 撈勻蛋黃一齊食，口感更rich更creamy。南瓜香甜，口感軟糯。Peanut Butter Banana Waffle鬆餅口感外脆內軟，夾埋雲呢拿味既雪糕一齊食味道層次更豐富。花生醬味道濃郁同香蕉香甜味好夾。香蕉表面有焦糖脆皮，口感同樣外脆內軟。…查看更多

好耐無食泰國菜，上網睇下邊間泰國菜好食，見依間餐廳好似幾唔錯，距離我又唔遠，於是就去試下！泰式凍奶綠凍奶綠顏色呈啞綠色，飲落好冰涼甜度適中，奶味濃郁，亦帶有濃濃茶香。頂級蘭王蛋泰式鐵板蠔餅鐵板上蠔餅份量好大，一定夠晒飽！質感外脆內軟，表面鋪滿好多蠔仔，而入面亦有超多椰菜！蠔肉香味十足，再點埋醬汁一齊食就更惹味！馬莎文咖哩牛舌牛舌又多又大塊，口感軟嫩入味。咖哩汁好濃郁但又唔會辣，啱晒唔太食得辣既朋友。下面仲有個爐仔熱住咖喱，令到成個菜式更好味！香葉爆炸軟殼蟹軟殼蟹好大隻，又外脆內軟，味道幾香辣，鐘意食辣既朋友應該幾鐘意。…查看更多

好耐無打邊爐，所以就約朋友近近地放工後去荃灣打邊爐。五指毛桃椰子雞湯底依款湯底配有兩個鮮椰青，落左椰青水之後，湯底好有椰青味。五指毛桃湯底清甜，配半隻雞份量唔少！煮熟後雞肉鮮嫩好滑，仲帶帶微微椰子味！咸柑桔西柚檸梳打水飲品好夠氣，咸柑桔同西柚味道好夾，飲品有咸酸甜三種味道，飲落好特別又解渴！竹蔗水一樽份量唔少，可以同朋友一齊share!竹蔗水味道清甜，口感清新，飲落清熱又健康！秘製滑牛肉煮之前先攪勻蛋黃，牛肉好嫩滑，牛味濃郁。厚切牛脷粒牛脷粒色澤好靚，擺盤精緻，又好大粒又厚實，咬落去軟得尼又彈牙！廣島蠔蠔肉睇落好新鮮，煮熟之後都唔會過分縮水，仍然大隻！招牌餃（黑松露肉蟹餃）餃子皮唔厚，內餡充滿黑松露香味，同蟹肉好夾！手打四寶丸每一款丸都係手打，果然口感特別彈牙！海中蝦滑蝦滑表面鋪滿蝦籽，煮熟後口感好彈牙！…查看更多

朋友話佢公司附近有間幾好食既法國菜，叫我想食西餐既話可以考慮下，上次佢去個時現場仲有live band 表演添。於是放工後，帶埋屋企人去嘆下法國菜！西班牙火腿鮮果沙律火腿充滿鹹香味同水果清甜味形成強烈對比，口感清新得尼又特別。鮮果火龍果同橙味道香甜，沙律亦都好新鮮。餐包&蘑菇湯餐包又熱又軟熟，塗上牛油一齊食就更好食。蘑菇湯口感順滑，蘑菇味濃郁，食落亦唔會膩！西班牙八爪魚鮮墨汁扁意粉由於係用新鮮墨汁煮成，所以扁意粉質感食落同平時出面食既唔同，意粉軟硬程度適中！八爪魚口感彈牙煙韌，同墨汁意粉好夾！自家製法式油封鴨髀鴨髀外皮酥脆，肉質鮮嫩，簡直入口即溶！油封方式令肉質更加濕潤，同充滿油脂香味，令人一試難忘！焦糖蘋果蛋糕配馬卡龍蛋糕鬆軟，焦糖蘋果甜甜酸酸，蘋果粒份量好多，蛋糕中間成層都係蘋果粒。蛋糕旁邊放有一粒馬卡龍，之前食過既馬卡龍都係超級甜，但依個唔係好甜，甜度啱啱好。…查看更多

每次去旺角都見到好多人排隊，睇佢餐牌，價錢幾抵幾親民，一直都想試下。夜晚係旺角覓食個時，經過就一於排隊試下！懷舊紅豆冰紅豆冰充滿椰香味，入口順滑，紅豆香甜軟糯，份量唔少。菠蘿賓治有一整罐七氣可以自己倒落杯入面，顏色繽紛，好吸引人！飲落好夠氣又清爽，啱晒夏天飲！菠蘿果肉甜中帶酸，增加口感層次。鐵板套餐 招牌黑椒牛柳配黑椒汁牛柳外表微焦肉質軟嫩，倒上黑椒汁係鐵板，頓時冒出熱氣，黑椒汁香味撲鼻！鐵板套餐除左可以配薯菜，仲可以配飯或者意粉！今次揀左薯菜，薯菜份量好多，夠晒飽肚。另外，仲有餐湯同丹麥麵包，真係好豐富！招牌明爐燒鵝拼蜜汁叉燒飯燒鵝皮香脆，充滿油脂香味！肉質幾嫩，令人想食完一件又一件！叉燒係半肥瘦，口感香軟，唔會韌。配埋飯一齊食真係一流！蒜香萵筍炒蝦球蝦球新鮮彈牙，翠綠色既萵筍清脆爽口又有清甜味，仲帶微微蒜香味。除左萵筍之外，仲有唔少雲耳添！…查看更多