hkfoodking's Profile

翠亨邨呢個名聽咗好多年，因為月餅幾出名，而我今次終於有機會試下佢嘅中菜。同朋友兩個人訂咗個自選套餐，有6道菜：⭐蜜汁叉燒皇拼香麻海蜇叉燒用嘅部位肥瘦均勻，肉質淋得黎都有咬口，而個蜜汁甜度啱啱好，仲掛哂上叉燒。海蜇就幾彈牙，有淡淡嘅麻油香味。⭐金湯花膠羹金湯係南瓜湯，食得出冇添加，有南瓜嘅清甜味，不過就唔算濃。湯入面有好多花膠切成一條條，而花膠幾靚幾高質。⭐御品八頭湯鮑扣鵝掌八頭鮑好爽彈，鮮味十足，而鵝掌炆到非常淋同入味。⭐果皮白玉蒸斑片斑片同豆腐一齊蒸估唔到都幾唔錯，斑片新鮮爽口配上豆腐嘅滑，一啖食入口幾有層次。⭐錦繡火鴨粒炒飯呢個炒飯色香味俱全，有好多火鴨粒喺飯入面，每啖都食到，而飯嘅口感幾特別，有啲似印度米咁煙韌。⭐芙蓉燕窩杏仁茶蛋白杏仁茶煲得幾香，味道唔會有好濃烈嘅杏仁味，都適合平時唔太鍾意杏仁味嘅人，而燕窩份量好多，夠哂滋補養顏。呢餐食完都幾飽，埋單總數$1000，中環高級中菜黎講唔算貴，下次家庭飯局會考慮。…Read More

上星期六我同朋友去咗中環嘅“唐述”，餐廳環境好優雅，我哋坐嘅位仲望到維港景色，感覺好chill。今次試咗佢哋嘅週末brunch，係任食套餐，有前菜、湯、主菜同甜品，之後仲可以任食點心同甜品。⭐魚香籽生醃蝦呢個前菜好有驚喜。蝦肉好新鮮，口感爽滑，用酒生醃過，味道幾特別，好開胃。⭐杏汁肆菓湯呢個湯真係好出色。杏汁味香濃，但飲落好清潤，仲有唔同嘅瓜粒，食落好有層次感。⭐香辣胡椒龍蝦主菜我揀咗龍蝦，龍蝦肉質彈牙，香辣胡椒汁夠濃郁，但又唔會蓋過龍蝦本身嘅鮮味，水準好高。⭐脆炸蜜瓜奶配椰子雪糕套餐跟嘅甜品好有創意，炸密瓜奶外層脆口，內餡軟滑，配埋冰凍嘅椰子雪糕一齊食，口感好豐富，味道亦都好夾。雪糕下面仲有層用竹蔗茅根整嘅果凍，令味道層次提升。呢度任食嘅點心同甜品有成十幾款可以揀，例如蝦餃、燒賣、脆炸金磚豆腐，仲有奶黃千層糕、薑汁糕同黑糖糍粑等等。雖然係任食，但食物嘅質素依然好高，完全唔馬虎。其中我最欣賞呢兩樣：⭐西班牙黑毛豬酥呢個酥外層整得好鬆化，內餡係黑毛豬叉燒，調味適中，食落香口又唔會油膩。⭐貴妃玉露呢個甜品都好特別，似楊枝甘露，但係用紅色嘅芭樂整，味道好清甜，食落好清新，唔會好漏。整體嚟講，呢度嘅食物同環境都好有水準，值得推介。雖然價錢唔算平，但有靚景同高質嘅食物，都係一次好特別嘅用餐體驗。…Read More

九龍城呢間海鮮蒸氣鍋有好多明星黎食過，所以我同朋友都去試下，叫咗個每位$419嘅set，海鮮每日由唔同地方運到，高質而且好夠飽！⭐秘製原隻南非乾鮑呢款係前菜，鮑魚煮得軟腍，鮑汁滲透，濃香入味，質感一流。仲有粒大冬菇，完全索哂鮑汁嘅鮮味。⭐加拿大野生海虎蝦蝦肉爽而彈牙，蝦頭仲有少少膏。⭐韓國釜山野生鰻魚蒸得啱啱好，食落爽口而且冇骨。⭐黃金翡翠螺蒸氣帶出螺肉嘅鮮甜，有嚼勁，跟職員建議點刺身豉油同wasabi食，鮮味更加突出。⭐蟹皇大元貝肉厚鮮甜，入口滿滿海鮮甜香。⭐韓國釜山蠔蒸氣輕煮，蠔肉保持creamy，海水味濃，鮮到爆。⭐大西洋野生青口青口肉質好嫩，食到海水嘅味道，唔駛點醬汁都好夠味。⭐野生琵琶龍蝦第一次試呢款海鮮，肉質彈牙，味道比平時食開嘅龍蝦更鮮甜。⭐野生奄仔蟹來自菲律賓未交配過嘅奄仔蟹，超多蟹膏，蒸氣煮法留住蟹膏濃香，鮮味突出，肉質嫩滑好食。⭐有機蔬菜籃蒸氣煮得蔬菜嫩綠，清新解膩，保留自然甜味。⭐海鮮粥用蒸氣海鮮嘅精華熬粥，特別鮮甜，加埋蔥花同葱菜落去，味道層次更加提升。整體黎講，呢餐嘅海鮮好新鮮，蒸煮方式鎖住原味，每道菜都鮮甜可口，值得推介！…Read More

尖沙咀呢間新開嘅韓式自助餐，有別於任食韓燒，呢度主打係壽司、韓式飯卷同韓國街頭美食，有魚糕串、炒辣年糕、海鮮煎餅、鮑魚粥、牛骨湯、人蔘雞湯、韓式炒粉絲等等。仲有韓國嘅泡麵機，食泡麵都可以打卡。 呢度最抵嘅係有醬油蟹同紅蟹任食，每隔一段時間就可以出去排隊拎蟹，職員會喺面前即開啲蟹，夠哂新鮮！雖然係任食，但質素依然唔錯，醬油蟹有少少飯同紫菜伴蟹膏一齊食，好鮮甜。 除咗主食，呢度仲有好多款韓式前菜同雪條，亦都同自助餐一樣有啲西式甜品同水果。 晚市每人$383（連加一）有兩個鐘任食，都算幾高性價比，值得一試。…Read More

北角呢間火鍋店幾特別，入面有龍椅同黃袍，設計營造出一種沉浸式空間的感覺，好似回到皇帝時代。呢度主打「御膳尊鍋」，由器皿到食材都睇得出匠心，尤其係個龍紋鍋，影出黎好有生活品味風格。​⭐嘉慶椰子藏雞濃湯鍋 (單人)我點嘅呢個湯底好出色，椰子同雞肉嘅香甜完美融合，清甜而暖胃，湯入面仲有好多椰子同雞肉。食材放入去煮，唔駛點醬汁都已經很夠味。​⭐康熙花膠雞湯鍋（單人）朋友點嘅呢個湯底濃郁鮮甜，花膠亦都好彈牙。​⭐貴妃出浴（手切本地牛肉）呢款手切牛肉充滿儀式感，店員建議先放入鮮奶浸15秒再放入鍋煮，呢個步驟可以吊出牛肉本身嘅鮮味，肉質都更嫩滑。​⭐黃金響鈴呢個響鈴好特別，上面有一層鹹蛋黃醬。喺鍋入面煮幾秒，響鈴仲可以保持酥脆，亦有鹹蛋黃嘅鹹甜味，平時麻麻地響鈴嘅我都好鍾意食呢個。​⭐手打珍珠帶子墨魚丸（四粒）呢款丸係手工製作，口感彈牙，每一粒都食到帶子肉。​⭐滾得囍雜菇拼盤拼盤幾大碟，有齊冬菇、秀珍菇、金菇、雞髀菇。​⭐御膳房秘製魚滑雙拼（櫻花蝦墨魚滑、黑松露墨魚滑）兩種口味嘅魚滑各有特色，櫻花蝦嘅鮮味同黑松露嘅香氣都很突出。​⭐和牛芝士一口餃（四粒）呢款手工餃子一咬落去會有香濃嘅芝士，搭配和牛嘅肉香，味道好有驚喜。​整體黎講，呢間餐廳由湯底到食材都好用心，非常適合同朋友黎聚會。…Read More

有朋友住馬鞍山，介紹咗呢間性價比高嘅日本餐廳俾我，我就約人去試下。兩個人叫咗8樣野食，有齊沙律、串燒、刺身壽司、炸物，每人都只係2百幾蚊，亦都唔駛收加一服務費。⭐蟹子沙律⭐鹽燒牛舌 （2串）⭐雞腎 （2串）⭐翠玉瓜 （2串）⭐帆立貝刺身（6片）⭐左口魚裙邊火炙壽司（2件）⭐劍魚腩火炙壽司（2件）⭐軟殼蟹米紙卷（6件）⭐炸雞軟骨價錢好抵，但食物質素絕對唔差。串燒燒得啱啱好，一啲都唔乾，而牛舌同雞腎唔韌兼juicy。刺身亦都好新鮮，如果星期五，去更加食到日本直送嘅魚生。呢度仲有生啤同sake飲，同朋友慶生又免切餅費，亦都有包場服務，所以係一個同朋友聚會嘅好地方。…Read More

天氣轉涼，所以想去打邊爐，於是又去咗食牛大人。 今次試咗新推出嘅$488日本黑毛和牛A4+吃到飽套餐，價錢雖然貴啲，但牛嘅質素真係非常高，啲雪花分佈得好靚好平均，牛味非常香濃，亦比平時食嘅澳洲牛同美國牛淋好多，食完絕對會覺得下次要再嚟食。 呢個套餐送咗每人兩粒澳洲M9和牛牛丸同埋海鮮拼盤，海鮮有生蠔、扇貝、鮑魚、蟶子。雖然海鮮唔係任食，但呢個餐有得任食4款唔同煮法嘅鮑魚，特別推介炭燒鹽蔥鮑魚，燒到個外皮幾香脆。呢個餐仲有得任食伊比利亞黑毛豬梅肉，平時打邊爐好少叫豬，但呢個都幾值得點黎食。 雪糕方面，今期有Movenpick雪糕，Oreo雪糕雪條同KitKat雪條任食，我食咗款粉紅色嘅KitKat雪條，幾特別，有啲似食朱古力咁。 另外，餐廳仲送咗一杯少爺生啤，呢杯啤酒好好飲！麥味好香，唔太苦，幾易入口，好少飲到咁正嘅啤酒！ 12月同1月食呢個餐仲送一個KitKat sweet planner set，當萬年曆用又得，當鐵盒裝嘢都得。 荃灣店相對之前食開嘅旺角店少人，所以即使夠鐘，餐廳都唔會即刻趕你走，所以同朋友聚會，嚟荃灣分店打邊爐都幾適合。…Read More

同朋友喺旺角打完波，想搵間抵食又好味嘅餐廳，所以我帶咗朋友去食水門雞飯。每人$120已經有齊雞飯、小食、菜同飲品，泰國過江龍嚟講絕對係抵食！⭐水門雞飯⭐水門雙拼炸雞飯每次嚟呢間都一定點雞飯，因為鍾意佢油飯夠香，雞肉夠滑，而個醬汁辣得好過癮，除咗點雞，用嚟撈飯都一樣咁惹味。今次第一次試佢嘅炸雞，啲雞炸得唔會過哂火喉，外面幾脆，而入面唔會乾，仲有另一碟汁係配炸雞。職員留意到啲汁食哂就會主動refill，服務態度幾唔錯。⭐泰式燒腩仔賣相望落有啲似豬頸肉，但其實係腩肉，不過同港式燒肉唔同，泰式係會燒到四邊都脆。⭐香辣牛舌牛舌淋得嚟夠入味，辣度剛剛好，送飯一流。⭐泰式炒通菜通菜份量都多，適合兩個人share，呢碟有好多蒜蓉同麵豉，所以炒得好香。⭐洛神花茶⭐凍泰式奶茶泰式奶茶茶味夠濃，唔算太甜，同出名果間泰奶茶飲店差唔多。宜家晚市做緊優惠，可以優惠價追加小食同飲品，仲有個新出嘅A5和牛泰式船粉，下次嚟再試。…Read More

長沙灣有唔少cafe，但好多都冇做晚市，所以見到呢間有開就去試下，而呢度都有幾多晚餐選擇。我同朋友每人揀咗樣嘢嚟share，再加兩杯飲品同一件cake，人均大約$200。⭐巴斯克燉雞巴斯克蛋糕就見得多，燉雞真係第一次聽，見網上有人推介就試下。巴斯克燉雞主要係用新鮮蕃茄配埋好多香草、洋蔥、紅黃波椒去淆個醬汁，食落酸酸地，好開胃。雞肉係用咗兩大塊雞腿肉，份量都幾多，而肉質幾嫩滑，食落唔會話乾爭爭，所以幾好味。⭐斧頭豬胺伴紅酒川貝肉桂燉啤梨初頭唔知豬胺要夾埋啤梨一齊食，就咁食塊豬胺會覺得偏鹹，點知夾埋嚟食原來勁正，味道鹹中帶甜，好有層次。豬鞍煎得夠熟，香口得嚟但口感冇變韌。個紅酒川貝肉桂汁可以用驚艷嚟形容，淆到個啤梨入哂甜味，必食！⭐自家製開心果巴斯克芝士蛋糕巴斯克蛋糕整得幾軟身，開心果味幾夠濃，每啖點少少cream食更加將味道提升。⭐火龍果杞子莓莓燕麥奶昔⭐牛油果青瓜啤梨羽衣甘藍燕麥奶昔叫主菜可以用優惠價飲呢啲健康飲品，奶昔食材係真材實料，揀咗少甜，所以飲落好fresh，仲好高纖維，可以排毒。整體嚟講，呢間cafe嘅嘢食幾高質，環境又舒服，價錢又唔貴，絕對值得試下。…Read More

約咗個新加坡朋友食飯，佢都唔知原來香港都有天天海南雞，所以就帶佢去咗圓方嘅分店試下。我哋叫咗3個主菜已經飽到食唔哂，啲份量全部都比預期多。最後仲叫咗兩個甜品，成餐飯每人大約$300。⭐天天燒雞（大份）隻雞幾瘦，冇乜脂肪，雞皮燒得夠脆，而肉質都嫩滑。⭐雞油飯叫得海南雞冇理由唔叫油雞，呢個飯香得嚟唔油。⭐豬肉骨茶小火鍋呢個似馬來西亞肉骨茶，主要係藥材味而唔係胡椒味，入面除咗一字骨，仲有豬肚、支竹、冬菇、蛋，亦都有芽菜同米粉可以好似打邊爐咁放入去煮。飲完仲可以免費加湯，抵食！⭐肉末豆腐水晶粉呢度菜係新加坡朋友介紹，都幾唔錯，炸豆腐食落幾滑，肉碎加醬汁配埋個水晶粉一齊食好惹味。⭐新加坡原味豆腐花呢個豆腐花似係用荳奶整出嚟嘅奶凍，所以同平時港式豆腐花好唔同，仲比較滑。⭐椰奶炸龜苓膏呢樣甜品好特別，炸咗嘅龜苓膏食落幾煙韌，同埋味道甘甘甜甜，值得試下。呢間分店比之前食過嘅沙田分店坐得更舒服，同朋友嚟聚會幾適合。…Read More

唔駛北上，喺長沙灣呢間韓國餐廳都可以食到燒鰻魚，宜家仲做緊優惠，可以半價點燒鰻魚，所以我就同朋友去試下。⭐韓式燒鰻魚（4件）餐廳職員會幫手燒，仲會計哂時，所以保證燒得熟又唔會過哂火喉。我第一次食燒鰻魚，平時唔食魚嘅我都覺得幾好食，食落原來好爽口彈牙，而個鰻魚汁比平時日式果款甜，幾好味。⭐熟成西班牙黑毛豬梅頭肉呢隻黑毛豬係26 days dried age，見到覺得幾特別就試下。職員燒到金黃色，仲剪到細細件，望落有啲似叉燒，而食落肉味好香，點少少辣醬已經夠味。⭐美國極佳牛頸脊⭐韓式醬汁牛五花仲試多咗兩款烤肉，可以揀自己燒或者職員幫手，不過我都係搵職員燒，確保食到最佳嘅味道。兩款都唔錯，但我個人比較鍾意醬汁牛五花，雖然脂肪較多，但個醬汁甜甜哋，加上牛五花醃到好入味，食完會想再食。⭐韓式水冷麵冇乜喺香港叫過韓式冷麵食，估唔到呢碗幾有驚喜。冷麵好煙韌，個汁酸酸甜甜，加上有青瓜絲同雪梨，食落好開胃。整體黎講，呢間食物味道同質素都幾好，會有下次。…Read More

第二次嚟觀塘食呢間餐廳，主要因為佢性價比高，fine dining 嚟講佢幾抵食，而味道都好唔錯。 今次嚟到，除咗野食唔同咗，連menu都變得好有心思，印咗喺隻黑膠唱片上面，而餐廳入面仲擺咗部黑膠唱片機。 我同朋友每人叫咗個set，有齊前菜、湯、主菜、甜品、飲品，連加一每人大約$400-$500，絕對比其他區食fine dining平。 ⭐接骨木花薑啤配湯力泡沫呢杯係welcome drink，一嚟已經好驚艷，勁好飲，係會想encore嘅飲品。 ⭐前菜前菜有3款，每樣細細啖，仲有指定次序要跟住食：- 阿根廷紅蝦桂花青瓜果凍拌墨魚子果凍食入口就充滿好濃郁嘅蝦同墨魚子鮮味- 青檸柚子松葉蟹肉水晶脆殼呢樣要用手食，個脆殼好似啲米餅咁脆脆地，但就冇乜味，不過咁先突顯出蟹肉嘅鮮甜。 - 伏特加西瓜 • 刁草忌廉發達芝士 • 竹炭芝士脆片一啖放入口，爆到成個口腔都充滿汁，好似飲緊水果酒咁，西瓜汁嘅甜配上烈酒嘅味道，再加埋芝士同脆片，食落非常有層次。 ⭐椰香烤紅菜頭濃湯我自己鍾意紅菜頭，但我諗應該唔鍾意紅菜頭嘅人都唔會抗拒呢個湯。 ⭐忌廉蘑菇湯蘑菇打碎哂喺個湯入面，啖啖都食到，好足料。 ⭐慢煮法式鴨胸牛肝菌意大利雲吞鴨胸煮到七成熟，有少少血水，但食落完全冇腥味，肉質仲幾嫩滑。意大利雲吞個皮幾煙韌，同個忌廉汁一齊食幾夾。 ⭐香草芝士烤龍蝦海膽忌廉汁意大利飯呢碟賣相一流，一大pat海膽放喺龍蝦肉上面，望到已經流哂口水。海膽冇怪味，龍蝦肉爽口鮮甜，意大利飯充滿忌廉同菇味，呢碟我非常推薦！ ⭐甜品拼盤- 豆腐芝麻柚子撻- 紅棗桑椹意式沙冰- 青梅酒薄荷氣泡水食完主菜食呢幾款甜品好refreshing，唔會令人好飽滯 ⭐ 自家製菊花蜜梳打估唔到呢個配搭原來幾清新，可以喺屋企試下自己溝黎飲。⭐熱朱古力我同朋友都一致好評呢間餐廳，下次會再嚟！…Read More

荔枝角D2 place呢間室內哥爾夫球練習場原來有間西餐廳，咁啱經過見到門口有個menu先知，入面環境幾大幾舒服，又有得睇人打golf，所以就去試下。 我同朋友叫咗一個set同散叫一個主食，人均唔駛$300。 ⭐伊比利亞黑毛豬鞍配時令蔬菜豬胺煎到表面微脆，入口充滿肉汁，肉質食落幾鮮嫩。豬胺仲切到一件件，方便一啖咁食。配埋個黑椒磨菇汁份外惹味。 ⭐鵝肝蝦子撈麵呢道菜式係中西fusion，呢個配搭幾特別。鵝肝好大塊，外皮煎到好香，入口即溶，成口充滿鵝油嘅香味。蝦子份量一啲都唔少，食粗面嘅時候啖啖都食到。 ⭐意大利檸檬撻配焦糖啤梨叫主食可以加$68點埋甜品，食呢個檸檬撻酸酸地可以解油消滯，而入面仲混入咗啲啤梨肉，有啲甜味中和一下，個撻皮亦都整得幾鬆脆。仲跟咗粒馬卡龍，幾好味，唔算太甜。 ⭐蕃茄湯⭐沙律⭐凍檸茶主食加$38有埋是日餐湯、沙律同餐飲，呢個抵加。 整體黎講，呢間啲嘢食唔錯，坐得又幾舒服，幾啱同朋友黎。…Read More

旺角牛大人原來最近搬咗舖，不過都仲係瓊華中心，只係喺另一層。 新舖成個感覺冇以前咁迫，出入都舒服咗。價錢同之前一樣，但宜家更加吸引，因為有movenpick雪糕、雀巢drumstick同仙草冰任食！齋食多幾杯雪糕，都回到唔少本，而movenpick雪糕仲有好多款味可以揀。 今次試咗台灣濃香蕃茄鍋，唔辣嘅湯底黎講，呢個算幾出色，冇刻意用茄膏整啲蕃茄味，而係全靠幾個新鮮蕃茄越煲越濃淆出個味，用呢個湯底整熟嘅牛肉再點醬汁，味道特別有層次，完全食到蕃茄嘅酸味同汁嘅味道，所以如果唔食得辣，我會推薦揀呢個湯底。 澳洲M9和牛牛丸依然係咁正，每次食落都係爆哂汁，如果呢樣都可以任食就完美！…Read More

長沙灣廣場呢間日本居酒屋有好多幾有創意嘅fusion菜，而且價錢都相對唔貴，朋友推介，所以去試下。兩個人叫咗幾樣野食同兩款cocktail ，好夠飽，每人大約3百蚊鬆啲。⭐前菜每人首先會有兩碟前菜：蘿蔔、中華沙律。⭐雞皮薯片平時食雞皮都係串燒，今次呢個係一大塊雞皮炸到好似薯片咁脆，仲配埋少少七味粉，食落更加惹味。⭐滕椒腸滕椒腸係日本空運返港，食入口時啲汁爆哂出黎，勁香勁正！不過絕對唔可以睇小個辣度，越食越覺得辣。⭐茄子大阪燒呢個大阪燒用咗茄子同蛋代替平時食開嘅粉漿，夠哂有創意，而味道唔輸蝕比平時嘅大阪燒，啲蛋食落仲好滑，醬汁同木魚絲夠哂多。⭐牛油果醬芥茉煙三文魚意粉賣相幾有心思，煙三文魚整到成朵花咁。意粉沾滿牛油果醬，微微帶點芥茉味，所以唔會蓋過牛油果嘅清香。⭐赤呢度嘅cocktail好似飲sake咁上枱。Cocktail用冰水浸住，可以保持佢凍，又唔會破壞個味。呢杯赤幾好飲，好似fruit punch咁，酸酸甜甜，飲開酒的話，會覺得酒味唔濃。⭐橙呢杯就幾清香，有伯爵茶嘅味道。⭐花生酥餐廳最後送咗呢個自家手製嘅花生酥做甜品，食落充滿好濃郁嘅花生味，好似食口花生醬咁濃，而口感亦都非常酥脆！佢仲有禮盒裝賣，一盒有8塊。整體黎講，呢間啲野食同飲品都高質，會有下次。…Read More