啡色貓's Profile

北區難得的雅座 ，之前去上水*廊食飯食牛扒，塊扒又細又硬 ，叫5成熟竟然給我全熟，食完又唔飽，谷氣第日去雅士再食牛扒，北區食扒得幾間，雅士同betterOle係雙冠軍，食牛扒叫5成就係5成，西冷肉眼都好食，份量話大份唔算大份但一定夠食飽人，有湯有餐包有飲品。唔會好似*廊咁呃人比塊30牛扒你收200咁。雅士湯好飲，仲有一隻忌廉蜆湯。凍飲細杯左d.... 環境好 ，永遠唔趕客走。是坐低吹水好地方。但豬手唔好食，食過一次麻麻地.. 太多油脂不是乾身的，有早市午市，午市都唔算好貴。早市就一般唔覺得好食。…Read More

完全唔知點解咁多人話好食, 買過幾次都覺得麵包好硬，仲要係隔夜麵包，月餅又貴，比市價貴，仲貴過2019年美心價。而製作工場就係附近村屋，後巷環境污糟、睇住佢搬月餅入去舖頭連保鮮紙包住都冇、完全暴露係空氣之中，製作月餅的阿姐連口罩都冇。只有原居民村民係冇選擇之下先會幫襯佢，佢價錢仲要貴過聯和墟，今年興起「本土野」搞到好多人專程入去買，都唔知有咩好食？有幾次朝頭早買麵包個麵包好硬，售賣隔夜麵包，又唔好食又貴(千祈唔好以為村屋就一定平）…Read More

其實新界區最好食嘅牛雜粉麵一定係欽記。但問心嗰句餐廳嘅環境真係坐得唔舒服，好大陣蒸氣同埋牛肉味，而且侍應阿姐非常冇禮貌，聽人講侍應阿姐係老闆嘅親戚，所以態度特別串，如果坐低食一碗麵但係冇叫其他嘢，阿姐落單時有點兒黑面。但講食物質素佢嘅牛肚牛筋牛腩係完全唔會輸嘅。不過好似越來越少客人，希望呢間店舖可以改善一下態度。佢煮出嚟嘅牛肚非常林，牛筋亦都好林，湯底好食，鹼水味唔會好重，反而元朗有間食牛丸好出名嗰間鹼水味非常重，個人覺得佢win 元朗果間🤣…Read More

之前去食呢間牛扒同漢堡包，即刻煎，所以入錯之後有一陣油煙味，但都算係坐得幾舒服，可以坐喺窗口邊望到條街，下午茶同中午價錢都OK，而且附近有戲院，睇戲之前可以食餐飽先，但係我唔記得影相。星期六日會比較多人可能要喺門口排一陣隊，但一般都唔使排好耐，而且門口有好多連豬公仔好得意。由於要行樓梯上去閣樓所以地點比較唔起眼。呢間餐廳係食西餐為主，飲品都係好飲嘅，重點係價錢位置服務質素都係幾好，唔錯。見有啲人 order飲品喺度傾偈，你就可以知道呢個地方坐得舒服（如果拍拖就建議星期一至五去，星期六日真係多人）…Read More