Hatsukiying's Profile

今次係第二次食😋 為左再食一次個煮蜆。個source仍然十分美味🤤 蜆雖然冇上次鮮美，有小小沙，不過都明白蜆既質素係比較難控制，難保証完全冇沙。今日見比較肚餓就叫左個二人餐。個紅酒燉牛臉珠配薯蓉非常好味😋完全係水準之作，個薯蓉仲非常幼滑，飽都想食曬佢。另外個貓耳朵都幾得意，不過不失。下次想再試下個意式水煮比目魚。服務好好，店員一直為我地加水。甜品食唔到想食既栗子tiramisu,於是要想巴斯克蛋糕。雖然食落比較似New York Cheese cake, 不過都係好食嘅，仲比想像中大件。算係十分抵食，份量都好足。…Read More

見到樓下新開既定食屋，打算dinner試試佢。一開始見到單價過百係有小小卻步，不過都比機會佢try try啦，點知都有驚喜😋晚餐定食套餐包好多野，有湯、沙律、前菜、配菜、茶碗蒸、小食一款仲有烏冬，唔怪之得賣過百。叫左個銀鱈魚定食，銀鱈魚好厚😋 有誠意，前菜類似海蜇既嘢好好味，仲有件鮑魚，同樣好好味，真係估佢唔到🤤 另外仲有一粒章魚燒，都好味。味噌湯細細碗有蜆，飲得出係自家整唔係開粉，鮮😋原來除咗定食，仲有刺身、清酒、同串燒，以為剩係賣定食🤣🤣 結果叫左個燒牛舌芯同柚子蜜芝麻羽手，都好食。 可能啱啱開業夜晚客好少。 食物都有質素有誠意值得推薦。不過而家咁既市道，建議不如晚市將d side dish減少，例如唔洗要茶碗蒸、章魚燒、烏冬呢啲，將個定價拉返低，先吸引到多啲人入去。或者將以上三樣變成咩特盛+ 錢加購好似更有彈性，始終女仔食量細，食唔到咁多嘢。另外，如果茶可以轉返熱既麥茶玄米茶，好似好過凍抹茶粉既抹茶🤣🤣 至於茶碗蒸都食得出用靚蛋，但好似加返小小味醂去下蛋腥味好啲。總體而言為得出用心製作。希望佢做得住啦！…Read More

基本上樣樣都高質😋😋 12味雞十分juicy, 口感嫰滑。 食半隻都覺得唔夠喉。豬鞍有驚喜！好耐冇食過咁高質既豬鞍，難以用文字形容，估唔到豬都可以咁多汁嫩口，配埋廚師既source,十分美味，覺得仲好食過牛扒。以呢個價錢食到咁高質既質素完全係值得推薦。另外叫左蒜蓉包都十分鬆脆香口。以上係24年12月28日有幸食到😋 真係一試難忘。今日再去時發覺已經閉門大吉😭😭 希望只係搬去第二度，有機會再食到咁高質又抵食既西餐。…Read More

見啲人評到咁差，但我叫左個燒豬頸肉好好味！用deliverxx 叫都算好快送到。我係叫剩肉。豬頸肉燒得好香，份量都正常，唔算太咸。仲留左d第二日帶飯。會encho。…Read More

今日係12月23日，見到openrice評價極好所以約左朋友一齊食lunch，真係中曬伏。好似明白點解食評都係食Dinner.有幾樣野十分不滿：1. Lunch只有Christmas lunch set，其他乜都冇。本身想食Churros 連單點都唔俾。訂位時冇講，入餐廳前外面冇show，坐底左先知，感覺好差。2. 每張桌上放左支Mineral water，原來要收錢，但店員冇講。這種伏在外國唔會中，但原來香港都興咁。可能平時cheap餐廳去太多，慣咗桌上有支水自己斟。3. 三點中頭2點你都可以話「見仁見智」，最重要一點係食物質素差。頭盤朋友叫左個「黑毛豬醬批」，俾左一啖我試。真係難食到打曬冷震。超級腥同冇乜調味。好似平時水煮豬肉然後打成醬加啲鹽就算⋯⋯朋友全碟食剩，只食左啲沙律菜。主菜我哋配西班牙飯同牛肝菌扁意粉。正正常常但唔算得上好好食。牛肝菌意粉的菌類好苦，旁邊桌的要求更換。好在餐廳服務尚可，願意更換。咁嘅質素食左$700幾蚊，真係認真失望。…Read More

同屋企人來食川菜7點幾來到，好在唔洗等位。這間水煮魚真係好好味，好滑好香，食完仲想再食。食到最尾都仲好熱，仲有煙出。 我地選左小辣，睇落以為好辣，其實香多於辣。仲叫左香辣蝦，同樣好好味，超惹味，重點係好香但完全唔喊，幾啱我，最怕又油又喊食完好口渴。另外叫左炒土豆絲同萵荀炒蠟肉，兩樣都好夠鑊氣，味道相對比較重。最後加點左甜品「池芭」，麻麻地。有點似台灣既烤麻糬，但唔係煙刃口感，而係粉粉地，又硬硬地，痴牙。下次會想再來食水煮魚。…Read More

同朋友一人叫左一碟share食，份量足。Benedict好好味 另一碟普通但片home-made麥包好有驚喜！！非常美味！好鬆化但又不硬，仲有種特別既香味，正！如果有得齋encore麥包就好了酒方面waitress主動介紹做緊買一送一，所以叫左sparkling wine,飲唔到menu講好rich既蘋果味云云。有d後悔，下次會試其他飲品。香蕉朱古力批超級巨型，味道不錯！環境好舒服，人不多，朋友相聚傾計一流。食物味道地道，在銅鑼灣有咁既一個落腳點，抵啦！…Read More

星期日一個人想食串燒，特登來試下。先叫左1 round 芝士煙肉大菇、羊肉串、蘆筍煙肉卷。老闆好有心，擺盤整得好靚，蔬菜好新鮮👍 大菇味道一流，超級juicy爆汁，又切到一啖啖既size,好細心❤️ 蘆筍卷每卷都有5條，而且好嫩，俾足料👍 而且煙肉係厚煙肉，唔似有d地方用薄煙肉，又油又痴牙。 唯一失色係羊肉，冇孜然味，蓋唔住羊肉臭味，而且亦都凍左。第二round加點燒菠蘿、雞軟骨同燒墨丸。燒菠蘿超級大推薦！ 好多串燒店的菠蘿都好老又有渣，但lee到的嫩、甜、香，好似食到有點微微酒味咁！讚！墨丸亦都彈牙。整體來說值得推薦，老細服務態度好好，亦感覺有心。不過在燒野既次序上可能要再落d功夫，才不至於燒完出來有d好夠熱有d已經凍左。加油！…Read More

第一次同朋友黎食，early dinner 埋單半價，超級抵！ 今次一於自己黎食，encore 這一味菠菜帶子海蝦薯仔。帶子和海蝦各有三粒，份量不算少。廚師以海鹽吊味，味道鮮美而又不失簡約，尤其帶子，甚至吃到口感和鮮味，一流！今次再食，菠菜咸味掌握得剛好，甚至比第一次食美味。同埸旁邊的太太不停問各種問題，但侍應依然有禮和耐性地一一回答。客人甚至因薯條炸得太燶要求換過（眼見並沒太大問題，實屬個人囗味），侍應也是二話不說幫忙換過一份，態度專業，令我佩服。…Read More

和朋友慶祝生日，朋友選了這間串燒店。 地點一開始有點難揾，皆因自己冇睇清楚是樓上舖。印象比較深刻的有 燒珍寶帶子、燒原條茄子、燒露荀，皆非常推薦！ 辣到跳舞雞冀冇想像中辣，抵食。比較失望的是安格斯牛，部位和味道皆一般。食到一半先記得影相。下次想食燒棉花糖多士價錢雖然不特別抵，但位處尖沙咀區，環境又好feel，食物又貨真價實。雖然服務態度一般（而家周圍都係咁），但咁細間店仲有廁所可供客人使用，又任坐唔嬲，夫復何求。…Read More