melodymeow's Profile

2021年前去過兩次，啲嘢都 ok。。 今次再去，lunch 嘅選擇比之前少咗，不覺得啲食物好似好食咗，價錢平咗。當日餐廳差不多 full house, 樓面得一個 staff, 有漏嘢嘅情況，可以理解，而且位 staff 對我地嘅態度亦唔錯。Will visit again!We have ordered 6 lunch sets, all quite good:🍝 Pasta of the day🍕 Pepperoni🍕 Margherita🐔 Rosemary chicken🐔 Butter chicken curry with naan🐟 Grilled sole filet …Read More

2016.04.20話說今日有位同事 last day, 我地一行9人同佢 farewell。。 我地大約每兩三星期都會去一次 megabox ruby Tuesday lunch 聚，平時呢間 ruby tuesday d service 都可以嘅, 有時仲幾好添。。 今日星期三, 個場唔爆。。 但今日可能 ruby Tuesday 唔想我地將離職嘅同事會心掛佢, 所以帶俾大家好一個好想忘記嘅經歷!13:05 已經落好 order13:15 第一杯可樂到13:20 7 杯 iced tea 到。。 仲嚟多咗杯, 我地叫佢收番13:25 第9杯飲品到。。 飲品到齊, 需時約20分鐘 13:32 大家雖然傾得高興，但係一個鐘嘅 lunch hour 快過, 而一碟食物都未有蹤影, 我地當然要提醒 ruby Tue 嘅 staffs.. 無奈, 大多數路過嘅staffs (唔係傳緊菜或手上有嘢) 都只漠不關心地以 “一陣幫你” 嚟回應我地嘅 “唔該~!”，然後就行咗去。。 即使有一兩位會停落嚟聽下我地講 “落咗 order 好耐啲食物都未到喎”，佢地都只係淡淡地回應 “哦, 等等” 等。。等。。等。。。 13:37 我地開始見啲 staffs 都好忙傳菜, 唯獨無一碟係我地嘅。。 大家決定等到 13:45，如果食物都係唔到，就返公司叫外賣。。13:42 抱住試吓嘅心態, 捉住咗位手上有兩碗意粉嘅男 staff, 同佢苦訴。。 佢聽完之後，並無安慰嘅說話, 只係報上手上嘅意粉嘅名稱，然後將其中一碗放咗喺我地嘅枱上就行開咗。。 雖然佢臉上有微微嘅笑容, 但係都令我地感覺係 “你要食物吖嘛！嗱, 食啦～！” 13:45 order iced tea refill & 食物終於陸續 arrived.. 大家都起勢食及趕忙向公司交代我地要遲d返到13:55 refill 未到。。 追。。 “等等”14:05 我地有人終於忍唔住起身搵咗位似較高級嘅 staff 再追 refill。。 數分鐘後細杯 refill 出現14:15 要求埋單。。 吖！好快喎！但係計多咗一個食物 & 一杯 iced tea.. 同啲職員講番嘅時候, 我地嘗試解釋張單有咩問題，都未講完, 職員搶住回應 “我知! 等等!” 我地離開嘅時候。。 係 service quality 最好嘅時刻! 幾位喺門口嘅 staffs 好開心咁同我地講 “多謝! bye bye!!”Lunch time 一般大約一個鐘。。 人客等咗半個鐘有多都無嘢食，從沒餐廳職員過嚟 交代/ 解釋/ 安撫。。 人客向好多唔同嘅職員求助，職員幫唔到, 從沒一句 “唔好意思”, 沒有打算解釋或補救。。 張單錯咗, 從沒一句 “對唔住”，亦無打算聆聽客人意見。。將心比己吖！唉~ o(︶︿︶)o…Read More

星期日同媽咪&細佬嚟。。20:45都仲係好多客。。可能有啲晏，三文魚腩，燒三文魚鮫，大蠔都已經沽清！不過呢度多選擇！大把有得揀！加拿大海膽好有海膽嘅鮮味！$138好抵食！4吋長壽司：三文，吞拿，劍魚，𩶘，鱆紅，牛油魚。。可以包住件壽司飯食，好爽！！串燒牛舌好爽口，好有牛味！自己食咗成串都好想再食！！燒羊架落單時有問多句要唔要唔好咁熟，好！又真係無整到熟哂！有應有嘅羊味，我鍾意！蕃薯天婦羅件蕃薯本身超甜！炸粉夠薄又炸得鬆脆！媽咪一向對蕃薯天婦羅多挑剔，今次佢超讚！1客8件，佢1人食咗6件！本身我同細佬見咁難得地咁啱佢口味，叫佢不如食哂。。不過佢叫我地唔試會後悔！講到咁！！！所以不好炸物嘅我都要食番件！又真係好好食噃！！！…Read More

近呢半年知道我d朋友經常宵夜去食豬潤麵, 所以我又開始有去幫襯....第一次食嘅係男朋友外賣嘅宵夜豬潤粥... 應該係拎到返嚟俾d熱粥浸到d豬潤過熟, 有d硬... 個粥嘅味道都ok啦... 但嗰次男朋友同多兩個男性朋友, 3個人食咗 豬潤麵 x2, 魚片麵 x1 + 豬潤炒米 x1 + 炸魚片炒米 x1 !!! 有無咁好食~~!!! 我決定我要親身去試!!堂食豬潤粥的確好好多!豬潤麵, 我覺得最好... 個湯好好味! 豬潤炒米... d豬潤可能比較細片, 有時會熟咗d... 不過味道都ok wor... 男朋友平時唔食米粉都竟然好鍾意食 如果外賣米叫師傅唔好炒到d豬潤咁熟, 預番須要reheat 試過一星期食咗兩三晚豬潤..... 怕高膽固醇..... 所以宜家轉戰炸魚片炒米 近呢兩次外賣, 師傅落多咗菜, 仲好!幾十蚊, 又夜媽媽都有得食..... 算好好啦!!!…Read More

1行4人, 不過有位朋友stay咗大約半個鐘就走咗..... total食咗$540... 以呢間餐廳嘅價, 好似其實唔係真係咁抵, 不過我男朋友, 食親灰色嘅生蝦, 如果唔夠新鮮嘅話, 佢就會咀腫..... 佢嚟過呢間兩次, 食咗泰式生蝦好多好多好多隻都無事!!!! 所以我地認為呢間D蝦真係好新鮮!! 好味!! 所以以呢個價, 係抵!加上其實我地好誇張.... 叫咗好多味餸.... 仲竟然清哂!!!! 泰式生蝦 x2 豉椒炒蜆 鹵水吊片 沙薑雞半隻 炭燒豬頸肉 羊肉串 x12 白灼唐生菜 鹵水豬大腸 大啤sss道道菜都好好味, 我覺得especially沙薑雞, 好滑!!!我地4個人, 店員本來安排我地坐卡位, 但係d位有d窄, 所以我地要求坐圓枱.. 起初, 店員都不願意, 但之後都俾咗張起碼可以座到8人嘅圓枱我地 好彩咋, 8人枱先啱好夠擺我地d餸 ^O^同埋落單個姐姐都有d細心, 見我地本來叫咗7樣餸, 之後叫我地不如再叫多樣 …Read More

5月裝修後, 舖內環境靚咗好多, 舒服咗 食物水準保持, ok la..呢日大約6點, 同位靚女朋友打算食三文魚宴... 其中叫咗兩碟我覺得連千兩都唔夠元氣整得好味嘅辣味三文魚軍艦... 我地兩個座迴轉枱, 隔咗陣有位喺迴轉位裡面嘅師父, 神情呆滯的拎住兩碟綠綠地有d白白地色料嘅軍艦, 對住我地, 話: "辣味三文魚" 我以為自己聽錯, 忍唔住好好奇咁 "吓!?" 咗一聲... 師父並無俾我嚇窒! 都係目口目面咁回答: "辣味三文魚"我同我朋友都跟埋師父一齊呆住了! 1秒後, 師父隔離有位本身自己做緊嘢嘅師父輕輕的同呆滯師父講: "呢個係芥末八爪魚"嘩咔咔咔咔咔咔咔咔咔咔!!!!! (當時我有忍住)跟住位同呆滯師父就連一句唔好意思都無講就轉身去............吓~~~ 當我豪俾佢個"辣味"係"芥末辣味", 但我估, 有d common sense都會知道三文魚肉唔會係白白地色呱~~~~? 同埋, 做師父唔係基本都需要知道自己其實整緊d咩食物架咩多謝呆滯師父為我地帶來歡樂!!! …Read More

之前去過舊舖, 好多嘢都好好食, 好回味.... 可惜........兩個人, 3味餸, 無叫......豉椒炒聖子 $68 好鮮味! 又唔會被豉椒搶咗d聖子味... good鮮茄金銀蛋肉崧浸白菜仔 $48 個茄湯好茄!! 不過白菜仔太爽口.......油浸筍殼魚 $68鹹到nar喉!!! 向店員要求救下, 佢話不如倒咗d豉油試吓..... 仲話條魚係無yip過, 係就咁落油炸..... 唔知係米筍殼魚係海魚呢, 係鹹架噃~~~~ 米玩啦..... 後來, 醒起可以用酸去中和番, 所以叫店員咗拎d檸檬嚟.... 好好多~~~~~店員服務態度良好, 只欠精靈 3味餸, 未夠飽, 不過已經唔知想叫d乜食..... 走嘅時候先8點未夠.... 行咗陣街, 經過壽司店, 再食過 …Read More

朋友生日, 一行14人, 我地應該係試哂6款mussels! 正!! 推介: laksa 少少辣, 好開胃& hoegaarden 輕微酒味, 唔多食到呢隻味...main dish 同人share pork knuckle... 不過一嚟好鹹吓, 二嚟應該係食得太多appetizers, 最後變成3人share兩個...... 一整份拎咗返屋企都分到兩餐食... 食咗朋友order嘅steak一啖, 好味! 有d truffle喺面, 好香....仲有試咗一啖lamb shank, 幾"鞋"吓友人叫咗個rich man burger, 佢話好好食, 可惜我已好飽, 無緣....仲有.... 喺drinks menu見到有啤酒750ml賣$1100!!! 犀利!!!!…Read More

everytime去都一定要飲鹹梅７, 試過第度飲, 始終呢間最好味!!!!!由於我唔食全熟牛肉, 所以必定要求另上... 服務員都好合作, 因為我真係經歷過被reject or need extra charge!!! ridiculous!好有牛味又滑, 湯夠熱&好濃味... 擺埋d芽菜落去都可以整熟又唔會淡哂... 架d lime juice酸酸地好開胃... yummy... 宜家諗起都想去食....個小食拼盤非常滿足到乜都想食嘅心態!!!! 仲要係好好味! 清清地有個粉皮卷 & salad, yeh味有chicken wings, chicken skewers & pork chop! 滿足不同需要!d服務員態度亦好友善, 細心 & helpful... 好有heart嘅餐廳!…Read More

與舊同事聚餐, 講起去元朗食日本餐... 得知原來金田長壽司喺tst都有分店.. 嘩, 正!! 方便d....服務員態度良好, 好有一機介紹食品.. 佢介紹咗嘅salmon belly sashimi真係好正!! 好肥美, 好新鮮 刺身船 - salmon, ama ebi, uni, tako, hamachi, akagai, tuna, hotate... 全都好新鮮, 又大件... 好滿足 食完已經有d飽... 哈哈鰻魚炒飯 - 足料, 多魚, 夠味.. good焗蠔 - 蠔呢家嘢, 一唔新鮮就好難食.... 呢個焗蠔絕對穩陣!!仲有soft shell crab hand cone, crab meat salad, bbq squid... 全都好有水準!! 下次一定會再去, 實在有太多嘢未試到!!!! …Read More