shunkcg的个人专页

果然名不虛傳21/9 今日落大雨天，只能行商場，係時代廣場行到B2層，見到一間新開既店，好有日本feel喎，叫雞三和，店外資料提到係名古屋來既食店，咁就上網check check，嘩！果然係有料既店，100年老店，咁即刻值得試試…..可能11:45，時候尚早，食客唔太多，好快就可以入坐，看完餐牌，當然係試招牌set，雞肉三吃御膳，QR code點餐，好快就上到菜，百年老店，與時並進唔理其他，出名雞，當然第一啖先試食雞，果然肉嫩秘汁好配，似照燒汁，但又比照燒汁味道更豐富，況且好多件雞，一定滿足，白飯唔使講，一定係日本米啦啲小食都唔提，只係想提杯凍綠茶，跟餐免費一杯，估唔到係好味喎！好可惜，口闊肚窄，今日未有空位試其他招牌菜，要再搵晚，人多，再黎品嘗…查看更多

見到有招牌生煎包，諗住試下，好少食過唔好食，點知……奶野！鄉下仔第一次見生煎包上枱要用個煲仔飯既煲上，仲要生煎包反轉上枱，想證明個包底有煎，包下面有生蔥生洋蔥薦底證明係生，包係菜肉包，證明係包！夾埋就係招牌生煎包，係我唔識野，少見識…..咸水角凍上，都仲keep到硬實圓咕碌….鳳爪真係有蒸，蒸到已無哂汁，燒賣都真係好大隻，因為裡面唔係好熟，反而蒸唔夠時間😂😂結論：生煎包因為裡面好多椰菜，會敏感，亦與食開既生煎包有非常大既落差，所以無食！鳳爪太乾只食咗半碟，放棄，咸水角食半隻，圖咕碌但食落皮係立咗，怪感覺食唔到，又放棄，燒賣都要食剩，驚唔熟，最後唯一食哂係义燒腸，個人口味喜歡夠厚皮，好有咬口！😂😂唔想再做大嘥鬼，浪費食物，唔會再亂試新野！唯一仲讚得到既係，人手服務尚算好！有1分😂😂…查看更多

11:10與太太行過見門口餐牌寫明11:00開始提供午市套餐，價錢及食物吸引，剛好肚餓二無話說，即行動，乖乖企門口等職員帶位，但企了一陣都無人理睬我倆，只見兩個類似廚工職員係到忙，見到我們都無理繼續自己工作！唔阻他們便諗住自己入座，行入去，其中一個廚工就冷冷地開聲：我地未開門喎！…..就同佢講聲午市餐牌寫住11:00開始提供？佢地都無視，原來係唔想做生意！no service, bad attitude,fake information !…查看更多

距離上次幫襯大叔，睇番舊相，嘩！有年幾了，因為受到社會運動，世紀疫情，一直都未能再約好友聚聚，都有啲擔心大叔捱唔捱到，幸好，今晚終於食得到啦！唔諗食咩啦，話俾大叔知，只想食少少海鮮及佢既撚手小菜，走牛，要有齋......就整咗呢5款好味既小餸啦！結果係完全無退步！個咕嚕肉及雞煲，都係啖啖肉，啱哂大叔！....大叔唔適合太多肉，不過唔怕，有兩味蒸海鮮，平衡番個多肉感！（自欺欺人）......總括：好味好飽，已食唔到佢既拿手砵仔飯了！…查看更多

新開店，朋友介紹，約埋4個大叔一齊試一試，店舖標榜無味精，價錢街坊價，想食乜開聲，做到都做，唔會額外收費，真係窩心！全晚寫菜單，5餸1湯1生果，砵仔白飯任食.....每人$130，飽到上心口！ …查看更多

放假入錦繡朋友家晚上BBQ,下午入到去未開始前先就去踩下單車遊覽下人工湖,玩完一輪消耗大,肚仔餓要搵加油站,又唔可以太飽唔係夜晚食唔落,行過商場見有間舖個名幾得意,叫"痴飲痴食",望下先,好多野食,有哂至愛既魚旦,燒賣,魚翅,雞旦仔,格仔餅,車仔面,串燒,腸粉,珍珠奶茶等等,唔理咁多,打緊鼓,掃場先,........一邊食一邊睇下野,見好多阿太奏住細路黎食,仲有賓賓又多,好彩佢地係住客,買完回家食,而我地可以坐底在門外的小枱慢慢嘆.不經不覺試哂上面提過的食物,(有D失去理智)真係唔差,好過旺角的小食舖,因問咗靚女老闆,湯底,醬汁等等全部係佢自家製, 魚肉翅更係佢自己親手做,所以配料多到不得了, 另一特別要食,超厚格仔餅,佢用咗WAFFLE機做,見D客人要多乜多物,佢就照查好多,正正......錦繡居民真係幸福,有此一間落足心機又唔公式化既小食店.唔記得講最重要一樣, 價錢一D都唔會因獨市而收貴了, 真好...…查看更多

因早去19:00,可以仍有三兩張吉枱,但見已有食客食了很久...先叫個雞煲試一試,湯底好杰,近乎牽汁咁,味道好濃,覺得佢地最有承意係隨煲跟上一樽雞湯,當食到7788,可加進雞湯作湯底,再叫其他喜歡的食物開始打邊爐.啲食材都算新鮮,價錢又大眾化.個人覺得呢處既雞煲,相比起佐敦一帶的出了名雞煲,都不知好幾多.全程三個人,全雞雞煲,牛羊豬及其他火鍋料,再加好多啤酒,都係總數六百埋單...抵!!下次再去就要試另一出名胡椒豬肚包雞做湯底.…查看更多

我真的食唔起:(:$38一碗魚蛋粉,,$45一碗牛肚米,唔包飲品,兩碗野仲要係無味道,無伴菜,無乜蔥花,要飲品?話優惠價$11,就可以加喎,我係港燦,真的唔會再加$11去比佢地賺囉...唔怪得全間野得我地兩公婆似香港人,食咁少野.......食完,坐一陣睇睇隔離自由行食啲乜?佢地都揀唔落手,都係食碗粉,仲自我安惠話,"香港係咁架啦".坐我地對面既一位類似中招的自由行同志,碗魚蛋面未食完就走,真的真的好難食...全部都係清水碌,…查看更多

昨日(6Aug)朋友在紅磡工作,約腳食飯,咁就行去崇潔銜流連吓,睇下想食乜....行到12號門口,見呢間宮城轉咗手,老闆之一Kenny之前係另一間同街的放題餐廳經理,佢為人風趣,所以之前已常幫襯佢舊公司,而家咁難得撞番,緊係要唔考慮即刻試食.食物種類,形式跟佢舊公司差不多,都係任飲任食.... 統一評分: 環境:清靜,唔逼,可能係星期一關係顧客大概有6-7成...可惜內隴有些舊......7.5 魚生類:新鮮,想食的基本有齊.......8分手卷,壽司類:一般,因唔係目標食物......7分炸物類:亦係新鮮炸,唔會乾真真的感覺,亦沒有滿口油.....7.5分. 串燒類:最想食的,但真係有待改善,肉類的全部燒過龍,有燶咗,無落鹽,配料去吊起肉味,魚類還可以,攞番啲分,但都係比唔合格....4.5分雪榚類:有好味的芝麻,綠茶,紅豆及朱古力......8分飲品類:因個人只喜歡飲啤酒更有喜歡的喜力,所以無試一般女士喜歡的柑桔水等等..朋友就話還可以,都飲咗幾杯......7.5分. 甩單情況:由於顧客沒有一窩蜂到,我們的枱沒有甩單,還很快到,可能坐跟吧枱......8分服務態度:一如在舊公司,老闆Kenny都好好,我同朋友坐咗超哂時佢都無炸形,嘻嘻,其他佢的同事都合格有餘......8分縱觀以上評分,如果想平平地,又可食個日式放題,建議亦可一試.由於佢地新接手,真的有地方需要改善,希望下次再去時,會改善哂啦.後記:本來有影數張相片,但可惜部相機固障,只有一張相片剩.…查看更多

今日生日心想與4位知已去豪食一番,心諗水車屋名牌老字號,衰極有限,點知真係可以衷到極....一早book夜場8點15分,8點去到,條街又熱,想問下看門口的可否先入去坐坐,可以唔開始order野食,何況早場得嗰幾圍枱,但門口人答話要早場客人走哂,執完枱先可以入,小家子氣,如果唔係朋友一早比咗deposit,為攞少少折,我實吹雞轉埸.如是者,8:15分入場,計埋我地上下層10枱客都唔夠,仲要扮大餐廳,夠鐘先比人入場.看一看order list野食比外面出名的幾間放題店少,魚生及炸物還可以,但申燒就真係食到一肚火,8:15落order,中間摧咗3次都話燒緊,最後9:30一次過黎哂,仲要係好似無燒過,只係趕時間,用油炸熟當燒熟,當我地唔識分?啲雞翼原全係未解凍就去燒,又燒唔透,得雪味,無其他味.最得意的一款食物,芽菜炒牛肉,但係牛肉多過芽菜,可能芽菜要新鮮,牛肉放幾多日都得.另一可笑既小家地方係任飲要限住客人飲,唔係限住個量,係限住用既杯,伙計話一定要飲完一杯,用空杯換另一杯....真係第一次睇到人家做生意可以咁小家,見唔到佢地老闆,唔係真係想請佢去人地其他成功既放題店點做任食任飲.席間,朋友話傳統日式料理轉做放題,百分百好快會執,我相信水車屋都快.上月朋友公司20人去幫襯食到一肚氣,我唔信,今日自己食到一大肚氣,仲要係生日日子,真真的唔開心,令陪同去食的死黨們都有個不快樂的一夜.一傳十,十傳百,現在此群組最少已有25人blacklist咗水車屋,…查看更多