sunnylauu's Profile

又到年尾，又係歡聚嘅日子，親子餐廳都出咗聖誕Menu，聖誕村燒肉歡樂派對 $868 有多達六款燒肉、薯仔煎餅，仲有埋棉花糖甜品勁豐富聖誕村拼盤一上碟有乾冰煙霧勁打卡，仲有最突出嘅牛胸腹聖誕樹以長長嘅牛肉捲起，蔥鹽牛舌厚切彈滑好好食！荔枝牛肉串串包住汁嘅荔枝，同時中和燒肉油膩，當然唔少得壽喜燒生雞蛋沾上牛肉再包住飯團，飽肚得來層次豐富主食方面係薯仔煎餅，薯餅金黃香脆，隱藏食法撈埋爐邊芝士嚟食超級邪惡！嚟得呢間都係因為小朋友勁鍾意波波池，我哋周不時放長假都嚟，今次佢反而玩多咗出面玩具，好益智😂 仲挑戰咗餐紙嘅聖誕小任務，亮晶晶尋寶中英數各有一條題目，答咗就可以拎多個硬幣扭蛋，連同埋單嗰個有兩份禮物超開心😍 當然唔少得佢最愛嘅兒童餐，聖誕期間限定都出咗新嘅 kids menu，公主牛肉烏冬有紅蘿蔔、西蘭花，色彩豐富又有營養…Read More

馬頭圍道家維商場落幾級樓梯LG層唔係附近街坊都唔識去食，晚市外賣雞飯只需$30真係街坊恩物，而皇牌煙燻燒鵝每日四轉新鮮出爐都好值得特登過嚟食而堂食就推薦一至六人套餐，單點都算經濟，套餐更划算，二人餐$238有例牌燒鵝、自選燒味、時菜、粉麵飯兩碗、湯或飲品兩份用荔枝木煙燻嘅燒鵝油香十足，皮脆肉滑，另一款自選燒味加燒腩仔都唔使加錢，例牌都好多，夠兩三個人食，鹹香脆皮肉質軟滑有埋菜、足料靚湯同大大碗瀨粉白飯，叫多個主食三至四人都好夠食！…Read More

去完朋友屋企拎啲嘢落返土瓜灣道搵嘢食，見到呢間裝修都幾靚嘅台灣菜，發現原來都幾多分店，除咗裝修四正，最吸引我係個套餐超抵食有兩款二人餐， A餐$148有兩款主食、三款小食、兩杯飲品，仲要揀台式飲品唔使加錢，超級佛心小食份量多到好似就係主菜嘅餸咁，士林鹽酥雞圓軲轆外脆內軟，麻辣鴨血厚切滑身個辣汁惹味食唔停，滷肉A菜新鮮爽脆，滷肉份量多夠晒鹹香主食揀咗蔥油拌麵同滷肉飯各一，拌麵有肉碎好有層次，麵質彈牙。滷肉飯送多半隻糖心蛋，同濃味小食勁夾！唔使加錢嘅特飲真係出面台式手搖水準，大甲芋頭芋圓鮮奶嘅芋頭冇煮到好腍，但切得好細粒，又咬口得來又夠香，芋圓煙煙韌韌，鮮奶好香滑！鮮柳橙四季春茶底清香，橙味清新好鍾意另外加多咗份慢烤雞腿蛋吐司都超出色，流心蛋漿爆曬出嚟，吐司脆卜卜，雞腿滑捋捋…Read More

土瓜灣街坊烘焙店每日新鮮製作，採用天然奶油、法國牛油同高質麵粉，0630就開門方便街坊買早餐返工梳乎厘芝士蛋糕：輕盈鬆軟，切開濕潤軟滑好香芝士味，賣相都好精美，插枝蠟燭做生日蛋糕亦得🎂 儀式感輕盈慶生唔一定要食忌廉蛋糕！開心果麻糬布甸：放門口展櫃每次經過都被吸引，外皮煙靭麻糬，入面係滿滿開心果布甸，香濃幼滑，仲有開心果碎，好香開心果味另外買咗兩個包俾屋企人做早餐，懷舊雞肉鬆包鹹香足料，班蘭麻糬紅豆燒鬆軟爆餡紅豆好香甜 😋…Read More

近來俾黑木亭啲ad燒到終於同個friend夾放假去咗食，五周年壽喜燒鍋拖羅放題 lunch time只需$333，串燒、壽喜燒鍋、刺身、炸物等等全部都係居酒屋質素，仲可以坐足四個鐘好抵食QR code落單係寫日本直送鮮吞拿魚，本身以為會係靚啲嘅赤身，但點知油脂飽滿係好靚嘅拖羅😍 厚身、鮮甜，少筋勁好食另外都特別推介鰻魚玉子、蜜汁焗鱔、南瓜天婦羅、燒菠蘿、黑豚荔枝卷、鵝肝多士、月見免治雞肉棒，壽喜燒啲牛肉都超靚！！！出面自助吧老實講就唔算好出色，但好鍾意佢嘅椰子雞湯同鮮奶桃膠，清酒梅酒都係任飲㗎，太滿足❣️…Read More

王子大廈比較少餐廳，平時喺觀塘區諗食咩都未必會過嚟搵，但呢間真係非常值得推介，價錢唔算平，但係環境同服務好好，坐低慢慢傾吓偈係好適合，啲嘢食都好好食！港專師生仲有八折！肉碎海鮮粉絲沙律 $108 沙律堆到山咁高，淋上泰式酸辣汁好開胃，大量生菜新鮮爽脆斑斕燒雞脾配煎蛋伴香茅椰香飯 $98 大大隻雞髀燒得乾身好多肉，配隻流心煎蛋，蛋漿撈飯一流午市加配酥炸粉絲肉碎春卷 $32 同炸雞翼 $28 都炸得好好金黃香脆，春卷肉碎Juicy超好味泰式甜品兩件 $28 彩虹椰汁糕軟滑煙靭唔會太甜飲品芒果沙冰 $38 沙冰堆到勁高飲飲下都幾凍😂但喺觀塘街頭行到上去熱辣辣真係忍唔住唔叫沙冰菠蘿冰 $28 呢個就普特飲都有菠蘿果肉幾好味…Read More

30年老字號依然維持質素，為街坊提供平靚正泰國菜，裝修確實，但坐得舒服，有家庭小店感覺，餐點非常多元化泰式生菜包 $88 豬肉碎滿滿肉汁微微辣，配上爽脆清甜生菜好開胃泰式燒牛肉 $128 兩大塊牛肉份量十足，剪成條狀，每一條都粉紅色肉質粉嫩多汁，有濃郁黑椒調味，更突顯牛肉鮮味大圓法包椰皇咖喱雞 $178 以椰皇裝住咖喱汁，倒落法包時候好有儀式感，最驚喜係咖喱入面有椰子肉，清甜同時口感味道更有層次龍眼冰 $32 龍眼多到數唔晒，唔會太甜。青檸梳打 $32 好清爽，配濃味泰菜好夾…Read More

陝西手工麵名店老碗會以Mikiki作香港首店，平靚正得來又有特色，難怪早段晚市6點左右已大排長龍招牌黃牛腩BiangBiang麵 $57 可享免費無限續麵，非遺手工技藝現扯現做麵質彈牙，撈辣油同醃菜好開胃鮮熬羊雜湯 $39 話就話一碗，但其實一大碗成個煲咁，香港平時好少有得食羊雜，又多款唔同內臟鮮甜爽彈帶胡椒香地標烤肉鮮嫩多汁，可選辣度。叫咗鮮烤地標羊肉串 3串 $49同涇源地標黃牛串 1串 $18現烤肉夾饃 $23 酥皮薄脆，唔油膩又唔會好易碎，完美包裹住肉汁爆滿鹹香嘅肉餡蔥油拌麵 $23 第一啖食落口完全係Comfort food，鹹鹹甜甜好重蔥油味好開胃陝西手工老優乳酪 加配價 $16乳酪比較流質，有穀物脆脆同士多啤梨，酸酸甜甜可解膩…Read More

平時一想食魚或者飲湯一定會去湯加，見佢新出咗個燉湯二人餐，有兩人份燉湯+鹽焗雞或鮮魚+任選小菜+砵仔飯+飲品，只需$175，仲可以優惠價$9再加配小食蟲草花花膠魚肚燉雞二人份量好大盆，應該有半隻雞再加好多件花膠，湯頭勁鮮甜，花膠索晒啲湯勁正無雞不歡嘅我哋，小菜都揀咗雞，蟲草花蒸滑雞無論雞髀定雞胸，每一件都好滑！用薑片、紅棗同蟲草花蒸好鮮味清蒸黃立䱽魚肉厚實而滑溜，主骨明顯，薑蔥清蒸冇腥味好鮮甜砵仔飯依舊可以揀藜麥、三色或白飯，砵仔上熱辣辣，大大碗，無論撈燉湯做湯飯定係蒸雞汁都一樣咁正同平時食開嘅一人餐一樣，餐飲免費配柚子蜜、冬瓜茶、銀菊露嗰啲，都係清熱之選…Read More

紅磡木系慢煮小店有全日套餐同午市套餐， $58起包主食+餐湯+玄米茶+手工沙律，仲可以$3至$10再加配多款沙律店好細而 lunch time爆晒場，但木盤、小碟、日式comfort food都令心情好放鬆慢煮美國封門柳 $128 厚肉而超嫩滑，牛味濃郁份量十足。慢煮黑毛豬配肉桂蘋果蓉 $78 邊邊位會有少少硬但入面都好juicy，仲要呢個價錢真係超抵食，蘋果蓉甜甜地更突出豬肉鮮味手工沙律最欣賞和風茄子同話梅漬蕃茄，前者用木魚燒汁煮到茄子可能，後者唔係一般日式用嘅蕃茄仔，而係大蕃茄切片，但一樣做到酸甜清新嘅感覺另外加咗$28加購玉子燒，四件厚實彈滑甜甜地嘅玉子好好食！…Read More

喜煌點心正式改名，由點心專門店變點心牛肉世家，呼應返20世紀初太爺嘅牛肉檔生意。第四代傳人亦加入創新理念，將餐廳打造成地鐵站同電影院，方便客人打卡。亦不忘做善事，推出包含不同優惠嘅$5刮刮卡，全數收益捐俾浪浪之家，客人同狗狗都開心！牛肉世家 🐂 每日新鮮現做，即叫即蒸，以新鮮材料加上家傳手工，為旺角街坊提供最靚點心黑椒汁牛肉蝴蝶餅 $40 個包香甜軟熟，包住厚身彈牙嘅黑椒牛肉。脆皮沙爹牛肉包 $34 個包煎到脆卜卜，包住軟滑又惹味嘅沙嗲牛肉餡點心♨️喜煌鮮蝦餃 $39 鮮蝦大大隻，唔係講笑，真係好食過好多茶樓金湯瑤柱灌湯餃 $46 竟然仲有呢款懷舊點心，灌湯鮮甜啖啖滿足！黑糖蜂巢糕 $25 鬆軟有彈性，黑糖微甜食落舒服尋味沙汁墨魚餅 $37 墨魚超彈牙仲好鮮甜！沙汁甜甜辣辣再提鮮蔥花炸兩腸粉 $29 軟滑腸粉包住脆卜卜油炸鬼，再以混醬調味…Read More

一間小店竟然喺OpenRice位列最佳甜品餐廳第三位，經過新蒲崗就要試一試佢！百香果寒天綠茶有好多百香果鮮果肉，酸酸甜甜好開胃，綠茶清香，加上軟滑清新寒天啱晒咁熱嘅天氣草莓4.3特濃牛奶係夢幻粉紅色，有草莓果肉好香甜，本身跟椰果粒，另外再加咗麻糬好smooth好拉絲肉鬆格仔餅夾花生醬同煉奶，鹹鹹甜甜幾特別，餅底質地挺身，粉漿真材實料，同一般小食店腍啤啤嘅好唔同魔鬼魚肉燒賣用秘製辣醬，豉油底辣醬少少偏鹹，但辣味都好突出，燒賣質地實淨唔會成口麵粉非常唔錯椒鹽燒賣脹卜卜外脆內軟，唔會炸得太乾，椒鹽調味剛好…Read More

陳仔花甲粉喺德福二期food court都開咗一段時間，weekend終於有機會試咗，$58起有一兜熱辣辣花甲粉包嘢飲都算幾抵，秋冬食就啱晒Food dept 個app真係有待改善，就算預設唔使轉，都要入「特別要求」度揀粉底，免費跟菜、粉絲、米線，另外加$8可以轉烏冬或加底招牌沙嗲湯底出色！微辣而清甜，配粉絲一流，肥牛質素好，唔會太肥，份量十足，配豆卜同娃娃菜另外揀咗個鮮味花甲粉，清湯少少偏鹹，跟米線會比較夾，花甲大粒鮮甜加配小食正價減$10，大大疊層椒爽脆魚皮$29 ，比常見嘅更辣，質地爽脆用嚟撈個清湯好惹味…Read More

喺葵芳同葵興呢間少少日式食堂好多學生幫襯，有日本家庭小店嘅感覺爆人氣自選便當 $75前菜、主食、壽司、主菜、甜品樣嘢都可以揀最鍾意款式，大部份係基本選項唔使加錢，少部份加幾蚊可以食靚啲。七味燒豬頸肉雖然得五件，但全部都大大條好厚肉，咬落爽口唔會韌亦唔會太油；轉咖喱飯唔使加錢，日式咖喱甜甜地仲有大量蔬菜粒！劍魚壽司以非連鎖街坊店嚟講算唔錯幾鮮甜；軟綿綿忌廉卷蛋冇得自己揀味，出咗原味軟綿綿忌廉幼滑好好食自選4款刺身丼 $88香蔥拖羅蓉 +$5、油甘魚+$9、劍魚腩+$9、珍寶赤海蝦，全部都可以自己揀最啱心水，四款都好高質QR code落單好多加配選擇琳瑯滿目，福岡濃厚抹茶蛋糕 $32抹茶超濃香！三文魚味噌湯 $9 天氣轉涼，飲啖熱湯勁舒服，黃金吉列廣島蠔$22 得兩粒偏細隻，但炸得酥脆好唔錯…Read More

呢排肥牛哥出晒名，即興食飯就一定排唔到千海㗎啦，唯有食姊妹店牛站，雖然冇即撈海鮮，但都有超靚肥牛，多款海鮮、丸類、炸物，仲有新鮮蔬菜，仲有同朋友聚會必備清酒任飲， 120分鐘都好夠，但冇人等位，坐耐多少少都冇托手踭，識做生意就係呢啲🙏🏻和牛SRF、牛板腱、封門柳，款款牛肉各有特色滿足我哋不同需求，最緊要飲住啲冷泡茶吹水敘舊，每次朋友聚會都一定諗起牛站最顛係Häagen-Dazs都任食，仲有期間限定濃抹茶 🍵 面頭係朱古力脆皮，中間夾住流心朱古力，下面再有超濃郁抹茶雪糕，日本版有錢都未必買到勁好食！…Read More