p0yu's Profile

我哋係閒日𝑙𝑢𝑛𝑐ℎ時間𝑤𝑎𝑙𝑘 𝑖𝑛，果日都算𝑓𝑢𝑙𝑙，安排咗我哋坐𝑏𝑎𝑟枱，如果露台有位我一定揀戶外，望到個海，勁𝐶ℎ𝑖𝑙𝑙，呢到冇免費水，我哋揀咗𝑁𝑜𝑟𝑑𝑎𝑞 𝑊𝑎𝑡𝑒𝑟 $𝟹𝟶，𝑂𝑟𝑑𝑒𝑟完就送上𝑏𝑟𝑒𝑎𝑑 𝑏𝑎𝑠𝑘𝑒𝑡，食住𝑠𝑜𝑢𝑟𝑑𝑜𝑢𝑔ℎ等上菜 - ✦ 𝐵𝑢𝑟𝑟𝑎𝑡𝑎 𝐷𝑖 "𝐴𝑛𝑑𝑟𝑖𝑎" 𝟸𝟻𝟶𝚐 $𝟹𝟷𝟾另外仲𝑎𝑑𝑑 𝑜𝑛咗𝟸𝟺 𝑚𝑜𝑛𝑡ℎ𝑠 𝑃𝑎𝑟𝑚𝑎 𝐻𝑎𝑚 $𝟿𝟾平時都係食水牛芝士多，冇咩太大好感第𝟷次試𝐵𝑢𝑟𝑟𝑎𝑡𝑎，好濃嘅芝士味，口感仲好𝑐𝑟𝑒𝑎𝑚𝑦，𝟷片𝑃𝑎𝑟𝑚𝑎 𝐻𝑎𝑚再加好多芝士都唔過份，完全唔漏芝士唔洗慳住慳住食，最後仲食淨咗少少唔太好芝士嘅我竟然都覺得好好食，真係必嗌 推介指數：❤️❤️❤️❤️❤️ - ✦ 𝑂𝑐𝑡𝑜𝑝𝑢𝑠 𝑆𝑎𝑙𝑎𝑑 $𝟸𝟹𝟶抵抗唔到嘅八爪魚引誘嘅我，即使老公唔食，我都要試八爪魚鬚好粗，見到已經覺得好興奮爽口彈牙，唔會煮到淋晒，冇晒口感通常啲橄欖都係用嚟裝飾，但呢到啲橄欖係好食嘅入口微酸冇苦澀味，好開胃差唔多係自己一個𝐾𝑂成盤，好彩冇𡁻到牙較軟連唔鍾意食八爪魚嘅老公都好賞面食咗幾舊 推介指數：❤️❤️❤️❤️❤️ - ✦ 𝑀𝑎𝑟𝑔ℎ𝑒𝑟𝑖𝑡𝑎 𝑃𝑖𝑧𝑧𝑎 $𝟾𝟾個𝑆𝑖𝑧𝑒望落好似好細，反而我覺得幾好，唔會過飽𝟸個人食啱啱好，我細食都可以食到𝟸塊雖然係厚批底，但口感鬆軟，唔係實的的果種芝士拉到絲，配埋車厘茄嘅酸甜，食咗𝟸塊都唔覺漏 推介指數：❤️❤️❤️❤️❤️ - ✦ 𝑅𝑖𝑔𝑎𝑡𝑜𝑛𝑖 𝐶𝑎𝑟𝑏𝑜𝑛𝑎𝑟𝑎 $𝟸𝟹𝟶呢到嘅𝐶𝑎𝑟𝑏𝑜𝑛𝑎𝑟𝑎用長通粉，食得冇咁呢ℎ𝑒𝑎啲煙肉係切條，可以好分明咁食到啲煙肉，但略咸仲有啲芝士絲鋪面，芝士味好重我食少少已經覺得漏，淨底嘅交咗俾老公 推介指數：❤️❤️❤️🤍🤍 - 唔明點解咁多𝑂𝐾同喊喊，嚇咗跳我真心覺得好食，可能咁啱叫嘅菜式都係有水準打緊呢篇文睇到啲食物相嘅時候，我已經好想回訪佢哋個甜品櫃好大，入面有好多款甜品都好吸引呢次食得太飽冇叫到甜品，下次再試 回頭率：❤️❤️❤️❤️…Read More

朋友食過幾次話抵食又高汁，特登帶我食好西，餐廳接近斜路嘅頭，但都要行一段仔斜路，由於我朋友已千叮萬囑唔好遲到，我哋一行𝟼人都早咗到餐廳門口集合𝑃.𝑆: 唔好意思，上年年尾食，遲咗𝑝𝑜𝑠𝑡所以門口貼住安心出行 - ✦ 和牛壽喜燒唔訂冇得食，朋友係訂位果時訂埋，托佢嘅福先食到如果睇到呢篇文嘅你哋一定要試和牛有𝟸大塊，將熟嘅和牛沾滿蛋液和牛入口即溶係基本，油脂充滿成個口腔娃娃菜墊底，啲菜索晒啲肉汁勁正果種幸福係文字形容唔到，全晚最好食嘅菜式 推介指數：❤️❤️❤️❤️❤️ - ✦ 𝑇𝑢𝑛𝑎 𝑀𝑜𝑢𝑛𝑡𝑎𝑖𝑛前菜係拖羅蓉+山藥泥鋪面，夠鮮味唔鍾意吞拿魚嘅我，整成蓉我反而接受到 推介指數：❤️❤️❤️🤍🤍 - ✦ 蝦、鱚魚、魷魚、鮮菇 蝦肉彈牙，我連蝦尾都食埋推介指數：❤️❤️❤️🤍🤍 鱚魚好普通推介指數：❤️🤍🤍🤍🤍 魷魚爽口彈牙，私心好鍾意推介指數：❤️❤️❤️❤️🤍 最驚為天人竟然係鮮菇，超香菇味又𝑗𝑢𝑖𝑐𝑦，勁好食推介指數：❤️❤️❤️❤️❤️ - ✦ 西蘭花、帆立貝、黑魚餅、櫻花蝦餅 見到西蘭花得一舊仔咁矜貴，以為會好好食結果好普通，食落個味似卡樂𝐵嘅青豆條推介指數：❤️🤍🤍🤍🤍 帆立貝都幾大粒，𝑆𝑡𝑎𝑓𝑓建議配𝑊𝑎𝑠𝑎𝑏𝑖鹽個人覺得原味都夠晒鮮推介指數：❤️❤️❤️❤️🤍 黑魚餅竟然有𝟸塊，幾重魚味但我寧願用𝟷塊黑魚餅去換多塊鮮菇推介指數：❤️❤️🤍🤍🤍 橙色嘅部份都係櫻花蝦，都算多睇落好似好油，但食落冇想像中油膩推介指數：❤️❤️❤️❤️🤍 - ✦ 蘑菇飯、漬物、湯 蘑菇飯細細碗，幾啖就冇推介指數：❤️❤️🤍🤍🤍 漬物係牛蒡同蘿白，好食，如果可以添就好推介指數：❤️❤️❤️🤍🤍 個湯有啲海帶係入面，鮮甜推介指數：❤️❤️❤️❤️🤍 - ✦ 紅肉火龍果啫喱清清地都唔錯，係份量有啲少推介指數：❤️❤️❤️🤍🤍 - 當日嘅𝑀𝑒𝑛𝑢，𝑇𝑜𝑡𝑎𝑙有𝟷𝟷道菜我哋係閒日夜晚嚟食，$𝟻𝟶𝟶位+𝟷服務費師傅全程都冇講嘢，好專心炸嘢全程由𝟸個𝑆𝑡𝑎𝑓𝑓介紹啲菜式同食法服務唔錯，𝑆𝑡𝑎𝑓𝑓都好細心味道整體幾好，係份量有啲少如果食過𝑂𝑚𝑎𝑘𝑎𝑠𝑒覺得唔飽，咁呢到更加唔飽有朋友想試嘅話，我都推薦嘅個人都係鍾意刺身壽司多啲，天婦羅𝑂𝑚𝑎𝑘𝑎𝑠𝑒試過就算 回頭率：❤️❤️🤍🤍🤍…Read More

睇到啲食物相幾得意，好少女心，即刻約朋友嚟打卡，以為餐廳係𝑀𝑜𝑛𝑡𝑒𝑟𝑒𝑦 𝑃𝑙𝑎𝑐𝑒入面，問咗𝑅𝑒𝑐𝑒𝑝𝑡𝑖𝑜𝑛先知原來係商場外面，仲要係距離𝑀𝑜𝑛𝑡𝑒𝑟𝑒𝑦 𝑃𝑙𝑎𝑐𝑒正門最遠 - ✦ 烏卒卒煙霧瀰漫火山韓式泡菜餐肉炒飯 $𝟷𝟼𝟾上菜嗰時有個蓋冚住，𝑆𝑡𝑎𝑓𝑓打開蓋就有煙飄出嚟，火山嘅部份用蛋白整，冇乜味道火山頂上邊有流心蛋黃，扮岩漿都幾創意入面個炒飯主要組成嘅材料係有泡菜同餐肉少少辣，但個人覺得個炒飯唔夠香淨係打卡唔夠，都要好食先得 推介指數：❤️❤️🤍🤍🤍 - ✦ 韓式年糕魚糕卷大戰香港煙肉芝士腸串燒 $𝟽𝟸去韓國必食魚糕，加埋我最愛嘅煙肉見到呢個組合覺得好正，應該會好好味但嚟到個樣有少少燶，同埋又凍又硬硬到好似食樹皮咁，要格硬食，失望 推介指數：❤️🤍🤍🤍🤍 - ✦ 韓式炸雞 $𝟷𝟼𝟾炸雞有好多隻醬揀，我哋揀咗燒烤&芥末蛋黃醬炸雞係無骨雞件，啲肉都嫩嘅味道好普通，整體感覺不過不失 推介指數：❤️❤️❤️🤍🤍 - ✦ 焙茶特濃朱古力奶蓋雪山 $𝟺𝟾 奶蓋勁厚，見到都開心有焙茶嘅香，同朱古力都好夾，唔會過甜但略嫌細杯，最後大家都嗌多一杯嘢飲 推介指數：❤️❤️❤️❤️🤍 - 餐廳嘅牆好𝑐𝑜𝑙𝑜𝑟𝑓𝑢𝑙，有啲座位係千秋啲𝑠𝑖𝑔𝑛𝑎𝑡𝑢𝑟𝑒飯都好可愛，小朋友見到會好開心感覺同一家大細嚟會比較適合我哋去嗰日係星期日都幾多人雖然多人，但我哋坐低有𝑆𝑡𝑎𝑓𝑓同我哋略略介紹菜單服務幾好，呢到加返啲分，但味道真係要加強改善 回頭率：❤️🤍🤍🤍🤍…Read More

妹妹係炸蝦尾𝑓𝑎𝑛𝑠，因為佢我先識角落生物，當我知道呢度做角落生物主題嘅時候，已經得返兩個禮拜時間，即刻𝑏𝑜𝑜𝑘位氹吓個妹開心，我哋𝟽點左右到，餐廳未有客人，即刻瘋狂打卡，鋪頭嘅牆身、枱墊、椅套全部都係角落生物 -✦ 家庭套餐 $𝟹𝟾𝟾套餐包括：𝑃𝑖𝑧𝑧𝑎 𝟷客+主食𝟷客+小食拼盤+甜品𝟷客+千層蛋糕𝟸件其實我哋預咗𝟸個女仔食唔晒，要打包因為唔同套餐送嘅禮物都唔一樣家庭套餐有妹妹好想要嘅抱枕，果斷嗌呢個餐✦ 𝑃𝑖𝑧𝑧𝑎｜千層海鮮薄餅(𝟿吋)薄批底，太好啦，冇咁飽又好食批底好脆，海鮮有蝦同蜆，數量都算多 推介指數：❤️❤️❤️❤️🤍 ✦ 主食｜吉列豬扒咖喱蛋包飯吉列豬扒唔厚粉，外脆內軟，啲肉一啲都唔鞋個飯用咗海苔碎砌咗隻角落生物出嚟，幾有心思 推介指數：❤️❤️❤️❤️🤍 ✦ 小食拼盤｜明太子雞翼+吉列蝦+ 薯條上菜時已經聞到勁香明太子味，唔會過咸，好惹味吉列蝦嘅炸粉唔厚，蝦肉有質感，好食雞翼同吉列蝦各有𝟸件，仲有薯條墊底 推介指數：❤️❤️❤️❤️❤️ ✦ 甜品｜角落小夥伴雪糕香蕉船雪糕有齊海鹽、朱古力、雲呢拿𝟹款口味味道有啲普通，係海鹽味特別少少 推介指數：❤️❤️🤍🤍🤍 ✦ 千層蛋糕食唔到打包咗，冇得揀味，應該係原味味道麻麻地，感覺似雪咗一段時間 推介指數：❤️🤍🤍🤍🤍 - ✦ 唐揚炸雞連木盤 $𝟷𝟸𝟾妹妹好想要個木盤，特登散嗌咗炸雞炸雞正常水準，如果將薯條換多𝟸舊炸雞就好了食完炸雞，女店員主動幫我哋抺乾淨托盤用返原裝膠袋包返住，𝑆𝑜 𝑆𝑤𝑒𝑒𝑡 推介指數：❤️❤️❤️🤍🤍 - ✦ 苿香芒芒奶蓋 $𝟼𝟾奶蓋頂印咗妹妹最愛嘅炸蝦尾，即嗌清香嘅茶底溝埋芒果奶蓋，甜而不漏，感覺冇咁肥凍飲附送鎖匙扣同杯墊，正 推介指數：❤️❤️❤️❤️❤️ -本身預咗野食麻麻只𝑓𝑜𝑟打卡，點知食得又睇得最開心係妹妹，大豐收，有靚相同一堆精品收穫咗𝟷個雙面大咕臣、𝟷塊印有角落生物嘅木托盤、𝟷個炸蝦尾鎖匙扣、𝟷塊杯墊同𝟸個襟章全程由𝟷個戴眼鏡嘅女仔同𝟷個戴眼鏡嘅男仔𝑆𝑒𝑟𝑣𝑒我哋佢哋嘅服務都好好，又有禮貌特別係女店員，安排我哋坐係全店最靚嘅位身後一幅牆印有全體角落生物，原來有好多角色我成晚一邊食一邊係到搞清楚邊隻打邊隻之前差啲買錯炸魚尾當係炸蝦尾俾妹妹女店員仲同我哋略略介紹吓菜單同埋講吓有啲咩精品已經送完，呢個好重要如果叫完野食先知冇得送一定勁灰已經科勞咗𝐼𝐺留意每期嘅主題，有興趣一定會再嚟 回頭率：❤️❤️❤️❤️🤍…Read More

東港城算係我半個飯堂，餐廳位置有啲隱蔽，我哋少行呢條路，差啲以為係新開冇耐嘅餐廳，店內大部分座位都係梳化卡位，坐得好舒服，裝潢有熱帶風情，餐盤色彩繽紛都好有特色 - ✦ 燒牛柳柚子沙律 $𝟷𝟷𝟾牛柳除咗配柚子沙律仲有焗原隻蒜頭同醃青瓜出街食牛我好驚啲牛熟得濟會勁韌咬唔開呢個燒得啱啱好，唔算生又唔會過熟牛柳同柚子沙律一齊食都好夾食咗幾塊牛柳都唔漏，全靠柚子嘅酸中和咗我麻麻地咁大粒嘅蒜頭，所以冇試到幾款菜式入面，我最鍾意呢道菜 推介指數：❤️❤️❤️❤️❤️ -✦ 班蘭咖央多士 $𝟸𝟾多士夠脆，加分，絕對要襯熱食中間夾住勁厚嘅牛油，超邪惡班蘭咖央醬好香而且唔會甜到漏好耐未試過咁有水準嘅咖央多士題外話：裝住多士個金屬兜我屋企都有個但冇諗過可以用嚟裝食物，開心大發現 推介指數：❤️❤️❤️❤️❤️ - ✦ 冰鎮鮑魚 (𝟺件) $𝟷𝟸𝟾竟然有冰鎮鮑魚，見到就好想食鮑魚處理乾淨，都算新鮮，可以一試 推介指數：❤️❤️❤️🤍🤍 - ✦ 檳城街頭排骨山 $𝟷𝟼𝟶第一次試排骨山，雖然冇𝑀𝑒𝑛𝑢入面張相咁壯觀但上菜嘅份量都好巨型，𝟹大塊排骨組成嘅一座山咁啱我哋一行𝟹人，唔洗掙餐廳有一次性手套提供，一人揸住一舊嚟損醬汁係酸酸辣辣，有啲似泰國海鮮醬汁排骨啲肉都唔少，勁開胃惹味 推介指數：❤️❤️❤️❤️🤍 - ✦ 海南雞飯拼喇沙米線 $𝟷𝟶𝟾呢個餐見到都飽，除咗有一碗油飯跟仲有一碗𝑚𝑖𝑛𝑖版喇沙米線米線個碗大過油飯碗少少，成個餐嘅份量啱男士多啲海南雞有啲遜色，冇乜雞味個油飯都麻麻地，唔夠香反而喇沙米線有驚喜，喇沙湯好香好濃雖然係𝑚𝑖𝑛𝑖版嘅喇沙米線，但啲配料都唔ℎ𝑒𝑎冇咗喇沙米線嘅話，個分數只值𝟸分 推介指數：❤️❤️❤️❤️🤍 - ✦ 馬來街頭椰子雪糕 $𝟼𝟸雪糕有𝟹隻味揀，有榴槤、椰子、拉茶我揀咗椰子，唔算好濃椰子味半個椰子殼做碗，都幾打卡𝑎𝑏𝑙𝑒 推介指數：❤️❤️❤️🤍🤍 - ✦ 椰子班蘭冰 $𝟹𝟼勁香班蘭味，好飲冇咁甜嘅話會滿分 推介指數：❤️❤️❤️❤️🤍 - 由於本人懶癌發作我打呢篇食評之前已經回訪咗好幾次呢間係我暫時食過新加坡菜之中比較高汁嘅大部份菜式都係好味嘅，真心推介 回頭率：❤️❤️❤️❤️❤️…Read More

難得嚟長沙灣呢頭，即刻搵特色𝐶𝑎𝑓𝑒，鋪頭木系裝潢，感覺𝐶𝑜𝑧𝑦，呢到主打貝果，都算係幾多選擇，食返個輕便嘅早餐先 - ✦ 𝐻𝑎𝑚 & 𝐶ℎ𝑒𝑒𝑠𝑒 $𝟻𝟺 呢個組合實冇伏，預咗味道不過不失𝟷塊芝士+𝟸塊火腿同沙律菜𝐵𝑎𝑔𝑒𝑙表面加咗芝麻，都幾香同埋𝐵𝑎𝑔𝑒𝑙都算厚身，女仔食一份係啱啱好 推介指數：❤️❤️❤️🤍🤍 - ✦ 𝐶ℎ𝑖𝑐𝑘𝑒𝑛 & 𝑊𝑎𝑠𝑎𝑏𝑖 𝑀𝑎𝑦𝑜𝑛𝑛𝑎𝑖𝑠𝑒 $𝟻𝟺呢款最多人嗌，當然要試淡茂茂嘅火雞配蜜糖芥末醬好夾蜜糖芥末醬開胃又唔攻鼻係啲沙律菜略嫌有啲多 推介指數：❤️❤️❤️❤️🤍 - ✦ 𝐻𝑜𝑗𝑖𝑐ℎ𝑎 𝑆𝑐𝑜𝑛𝑒 $𝟺𝟸見到鬆餅又好想試吓鬆餅偏乾，易碎，𝑠𝑖𝑧𝑒略嫌細咗少少好香焙茶味，配埋𝑐𝑙𝑜𝑡𝑡𝑒𝑑 𝑐𝑟𝑒𝑎𝑚 + 𝑒𝑎𝑟𝑙 𝑔𝑟𝑒𝑦 𝑗𝑎𝑚個人鍾意只搽𝑐𝑙𝑜𝑡𝑡𝑒𝑑 𝑐𝑟𝑒𝑎𝑚 推介指數：❤️❤️❤️❤️🤍 - ✦ 𝐷𝑖𝑟𝑡𝑦 $𝟺𝟸唔識飲咖啡嘅我見到𝐷𝑖𝑟𝑡𝑦就必點 推介指數：❤️❤️❤️❤️🤍 - ✦ 𝐿𝑎𝑡𝑡𝑒 $𝟺𝟶不過不失 推介指數：❤️❤️❤️❤️🤍 - ✦ 𝐸𝑠𝑝𝑟𝑒𝑠𝑠𝑜 𝑇𝑜𝑛𝑖𝑐 $𝟻𝟶妹妹嗌的，唔啱我口味鍾意𝐸𝑠𝑝𝑟𝑒𝑠𝑠𝑜可以試，提神一流 推介指數：❤️🤍🤍🤍🤍 - 店員帶咗位之後要出返去𝑐𝑜𝑢𝑛𝑡𝑒𝑟落𝑜𝑟𝑑𝑒𝑟俾完錢拎個牌仔返埋位等店員送餐雖然有少少麻煩但最大嘅優點係唔使收+𝟷服務費 回頭率：❤️❤️❤️❤️🤍…Read More

一出𨋢見到走廊已經覺得好有特色，居酒屋唔算好大，但都坐得幾鬆動，唔會好迫，最抵讚係座位間用咗薄簾隔住，增加私隱度，入面裝潢好日系，碗碟都好靚，睇得出係擺咗好多心思 我哋嗌咗好多野食，掛住食有啲冇影到相講吓幾款比較深刻嘅野食 ✦ 豚骨濃湯廣島蠔鍋 $𝟸𝟺𝟶啲蠔好新鮮，脹卜卜好肥美一鍋有𝟺隻廣島蠔，我哋唔夠分，嗌多一碟蠔 推介指數：❤️❤️❤️❤️❤️ - ✦ 刺身盛盒 𝟼點 $𝟸𝟿𝟾 (上圖)由於我哋係𝑆ℎ𝑎𝑟𝑒，我試咗蝦同帶子，好新鮮如果份量可以再多少少就好了推介指數：❤️❤️❤️❤️🤍 ✦ 油甘魚壽司 $𝟸𝟾 (下圖)淡淡甘香，呢個價錢有𝟺件都幾抵食推介指數：❤️❤️❤️❤️🤍 - ✦ 關東煮 $𝟽𝟹關東煮可以自選食材我哋揀咗魚板牛蒡卷、章魚魚板串、福袋年糕、蘿白、芋絲𝚇𝟸、鵪鶉蛋𝚇𝟹個湯底有啲失望，隻味怪怪地 推介指數：❤️🤍🤍🤍🤍 - 其他野食不過不失，但睇得出係有心做嘅如果係幾個朋友嚟會比較適合，我哋太多人坐一張長枱，𝑆ℎ𝑎𝑟𝑒嘢食未必每款都試到 回頭率：❤️❤️🤍🤍🤍…Read More

星期日𝟹點幾嚟食，拎飛等咗𝟷𝟻分鐘左右，啲位都幾闊落，坐得幾舒服，但用餐環境有啲嘈，有啲似去咗茶樓，同埋好大冷氣，同職員反映即刻幫我哋較細啲 ✦ 蝦仁燒賣 $𝟾𝟼/𝟼粒每粒燒賣上面都有一隻蝦仁，蝦仁唔算彈牙同港式燒賣好唔同，呢個咬落去有肉汁咇出嚟 推介指數：❤️❤️❤️❤️🤍 - ✦ 排骨蛋炒飯 $𝟿𝟸一見到排骨以為係有骨果隻，原來係豬扒好香肉質好淋，蛋炒飯味道都幾好整體一啲都唔油膩 推介指數：❤️❤️❤️❤️🤍 -✦ 紹興酒醉雞 $𝟾𝟸必嗌嘅菜式，但啲肉質唔夠滑，整體不過不失 推介指數：❤️❤️❤️🤍🤍 -✦ 蝦肉餛飩湯 $𝟽𝟶真係好普通，有𝟼粒餛飩湯好清淡，冇乜特別 推介指數：❤️❤️🤍🤍🤍 -✦ 小籠包 $𝟼𝟾/𝟼個嚟鼎泰豐必食，皮薄但又唔會薄到一夾就爛冇乜大驚喜，一試無妨 推介指數：❤️❤️❤️🤍🤍 -✦ 清燉雞湯麵 $𝟿𝟸呢款最有驚喜，雞湯好好飲，雞件都算多係有啲貴，再大碗啲就值呢個價 推介指數：❤️❤️❤️❤️❤️ -✦ 蝦仁肉絲蛋炒飯 $𝟿𝟼同排骨蛋炒飯一樣味道，只係多咗蝦仁同埋肉絲 推介指數：❤️❤️❤️🤍🤍 - 整體價錢偏貴，但都體諒嘅，畢竟香港啲租貴偶爾心血來潮食下都𝑂𝐾 回頭率：❤️❤️❤️🤍🤍…Read More

行西貢公路入市中心一定會經過嘅藍屋仔想試好耐，終於都試到，但唔會再有下次價錢係正常價，但整體味道真心麻麻我哋嗌嘅野食入面，冇一款野食係可以讚嘅開頭都有認真影相，影咗幾張之後都係算數食咗舊牛扒唔知自己食緊啲乜、蟹餅冇味、𝐵𝑒𝑛𝑒𝑑𝑖𝑐𝑡個多士好韌、牛肉批直頭係苦嘅除咗個牛肉批係好難食，其他都未至於難食成個感覺似叫貨返嚟然後整返熱就算啲服務未到好西，但令人感覺唔好咁耐都未執，係點做到第一個差評俾咗你，唔洗客氣 …Read More

都好耐冇食啦，係今次玩完水又多人先食，我好貪心，人多先可以嗌多幾樣餸嘛，本身都唔諗住打食評，因為都係果啲野，但有樣餸食完覺得值得為佢打篇食評 我哋𝟽個人，嗌咗𝟽人用 $𝟷𝟻𝟿𝟼我哋揀咗𝟽個餸：豉椒炒蟶子、清蒸鮑魚、薑蔥炒蟹、蒜蓉粉絲蒸元貝、豉椒炒蜆、椒鹽炒蝦、菠蘿生炒骨另外送咗個炒白菜仔同另加𝟷碟楊州炒飯 ✦ 蒜蓉粉絲蒸元貝唔知係撞手神定點，今次啲元貝都算大粒而且啲粉絲係完完全全索晒啲蒜蓉同元貝汁元貝好鮮甜好香，粉絲都軟淋淋一啲都唔乾我絕對係為咗呢道菜而打呢篇食評，好想再去食 推介指數：❤️❤️❤️❤️❤️ - ✦ 豉椒炒蟶子蟶子肉好鮮甜，仲要起哂殼方便食用味道啱啱好，唔會過咸 推介指數：❤️❤️❤️❤️🤍 - ✦ 楊州炒飯夠晒鑊氣嘅楊州炒飯好耐冇食過有水準嘅楊州炒飯竟然係海鮮街食到 推介指數：❤️❤️❤️❤️🤍 - ✦ 清蒸鮑魚總共有𝟷𝟺隻，每人分到𝟸隻，唔洗驚人搶預咗係細細隻，冇蒸到過晒龍，都算鮮 推介指數：❤️❤️❤️🤍🤍 - 豉椒炒蜆太咸，咸到食唔到，其他野不過不失每人二百蚊左右，都幾抵食，下次再嚟試其他…Read More

由於係附近返工嘅原因，試過玲瓏好多次，本身覺得平平無奇，有時貪佢哋個下午茶平，自從試完個牛肉麵之後，我嚟親都嗌牛肉麵，見到𝑂𝑝𝑒𝑛𝑟𝑖𝑐𝑒咁多差評我都嚇咗一跳，大家可以俾個機會佢，試吓個牛肉麵 ✦ 紅燒牛肉新竹米粉 $𝟼𝟸今次試咗酸辣湯底，要額外加$𝟹個酸味唔突出，但個湯底夠濃郁，味道幾夾入面有𝟸舊牛肉同𝟷塊牛𦟌，仲有𝟸棵小棠菜牛肉同牛𦟌都好腍，冇牙都食到 推介指數：❤️❤️❤️❤️🤍 -✦ 百香果檸檬綠茶得少少百香果味，唔甜，好淡 推介指數：❤️🤍🤍🤍🤍 - 其實個用餐環境算幾舒服，座位又多特別係晏晝嚟，有啲陽光射入鋪頭都幾𝐶ℎ𝑖𝑙𝑙環境一啲都唔嘈，可以靜靜地咁食野唯一缺點係某啲位嘅冷氣會吹正頭頂下午茶幾抵，$𝟹𝟼有個麵或飯，不過就冇牛肉麵揀再揀𝟹款小食，雖然每款小食得1件細細份但送埋熱飲都算係咁…Read More

喺幾間日本餐廳之中揀咗呢間試吓，坐低先知，原來同之前試過嘅天穴係同集團，出品一定高汁，最後都冇辜負到我哋嘅期望。 ✦ 刺身拼盤 (𝟾款) $𝟹𝟹𝟾見到厚切三文魚，心心眼有兩款白身魚輕輕炙燒過仲跟埋秘製醬汁，酸酸甜甜最鍾意係墨魚海膽，如果海膽再靚啲就𝑝𝑒𝑟𝑓𝑒𝑐𝑡池 推介指數：❤️❤️❤️❤️🤍 - ✦ 特上壽司拼盤(𝟷𝟸款) $𝟺𝟸𝟾因為些牙嘅關係，淨係試咗其中幾款整體食材係新鮮嘅，特別鍾意海膽魚子飯 推介指數：❤️❤️❤️❤️🤍 - ✦ 日本黑毛和牛鐵板燒 $𝟹𝟼𝟾唔加芥末籽醬同蒜片，個牛味已經好出個人覺得原汁原味個味道更好 推介指數：❤️❤️❤️❤️🤍 - ✦ 宮崎煙燻黑豚佐柚子胡椒 $𝟷𝟹𝟸我覺得係全晚最好食嘅一道咸咸地，好香，有啲重口味 推介指數：❤️❤️❤️❤️❤️ - ✦ 日本火焰牛油番薯 $𝟻𝟸冇咩特別 推介指數：❤️❤️🤍🤍🤍 - ✦ 和牛炒飯 $𝟷𝟺𝟾炒飯粒粒分明，上菜時好香但和牛粒嘅分量都幾少 推介指數：❤️❤️❤️🤍🤍 -✦ 明太子蟹肉石鍋飯 $𝟷𝟼𝟸好多蟹肉，食落啖啖蟹肉雖然有明太子，但撈渾咗其實明太子味唔算出同和牛炒飯比較味道係清淡啲但個人鍾意呢個多啲 推介指數：❤️❤️❤️❤️🤍 - ✦ 芝士青瓜三文魚卷 $𝟾𝟾好食，食完好滿足 推介指數：❤️❤️❤️❤️🤍 -✦ 雞皮餃子 $𝟽𝟸新鮮炸起好熱，小心燙口味道不過不失 推介指數：❤️❤️🤍🤍🤍 - ✦ 原條明太子天婦羅 $𝟷𝟷𝟸好彩好細舊，因為好咸，唔建議叫 推介指數：🤍🤍🤍🤍🤍 - 餐廳環境都算闊落，有𝑏𝑎𝑟枱、有梳化位我哋坐最普通嘅𝟺人枱，同隔離枱比較近服務態度好好，有禮貌又會主動幫忙添茶整體唔算抵食但價錢係合理最緊要老爺覺得好食、滿意 …Read More

妹妹介紹我嚟食，果然冇介紹錯，價錢同食物質素絕對成正比，但閑日中午真係唔建議嚟，放飯時間超級多人，一定要排隊等位，餐廳門口唔係好起眼，差啲錯過， ✦ 花枝丸肉燥新竹米粉配鹽酥雞 $𝟼𝟾想食得清淡啲，揀咗花枝丸花枝丸有𝟹粒，都算彈牙再加少量肉燥，令到湯底冇咁寡除咗配埋細細碟嘅鹽酥雞仲有涼拌木耳、𝟹粒蕃薯仔、蕨餅整體味道不過不失，下次想試花雕麻油雞 推介指數：❤️❤️🤍🤍🤍 - ✦ 芋圓仙草凍 $𝟹𝟾如果食完飯/麵想食呢個，一定要些牙兩個人嗌一碗都好夠，好大碗芋圓煙韌度啱啱好，唔會過硬甜度都𝑜𝑘，唔係甜到糖尿果隻食完好滿足☺️ 推介指數：❤️❤️❤️❤️🤍 - ✦ 酥炸地瓜條 $𝟹𝟾好耐未食過咁有水準嘅地瓜條了新鮮炸起脆卜卜，充滿地瓜味，唔厚粉出面果啲食完唔知自己食緊乜，嘥晒啲𝑞𝑢𝑜𝑡𝑎😹 推介指數：❤️❤️❤️❤️❤️ - ✦ 鹽酥雞 $𝟹𝟾份量都幾多，肉質都𝑜𝑘唔太乾 推介指數：❤️❤️❤️🤍🤍 -✦ 檸檬多多 $𝟷𝟸好夠酸，甜度適中 推介指數：❤️❤️❤️❤️🤍 - ✦ 冷泡白桃烏龍茶 $𝟷𝟸都幾淡，冇咩白桃味 推介指數：❤️❤️🤍🤍🤍…Read More

成日諗唔到食乜就會嚟呢到，貪佢多野揀，一間冰室有燒味、小菜、西餐同漢堡薯條，集合於一身，仲要係好食嘅，係櫃檯買完野食，再拎個牌仔搵位坐低，由職員拎野食過嚟，成個流程好順暢，地方又大，又多位坐，唔使同人迫今次嚟嘅時候撞正落雨，得幾枱客 ✦ 四季燉湯餐 $𝟽𝟿我成日嗌呢個餐，有湯、雙併燒味、菜、飯，勁豐富雖然我一個女仔食唔晒，但我好鍾意飲湯佢哋嘅湯都好好飲，真材實料唔會溝水溝到淡晒，飲完又唔會口渴 燒味我今次嗌咗燒鵝同玫瑰豉油雞，一如既往好食燒鵝肥瘦啱啱好，我勁驚好肥嘅燒鵝豉油雞都好好食有啲似瑞士雞，甜甜地又唔會好鹹 今次揀咗花膠螺頭燉雞湯，第一次飲已經覺得好驚人因為入面真係有齊花膠、螺頭、雞，咁多款湯料我以為咁啱得咁橋，之後嗌過幾次都依然有齊雖然用料唔算好高質，所謂花膠只係花膠筒但我反而鍾意食花膠筒多過勁厚肉嘅花膠每次飲呢個湯我都會食晒啲湯渣 菜就白灼加啲蠔油，如果係炒菜就好啦 另外+$𝟾 有野飲，有汽水、自家製茶、樽仔咖啡同奶茶自家製茶都有好幾款：菊花茶、羅漢果茶、檸檬伯爵茶、富士蘋果伯爵茶我通常會飲樽仔系列，一來係自家出品，二來唔會好甜 推介指數：❤️❤️❤️❤️❤️ -最欣賞係每一張枱都會有消毒液同埋紙巾 …Read More

因為係樓上鋪，門口唔起眼，但成日經過都會有𝑠𝑡𝑎𝑓𝑓係樓下派傳單，如果唔係真係好難發現呢到，我特登早啲起身，返工前嚟嘆個靚早餐 我想坐露台位好耐，感覺好似與世隔絕咁好𝑐ℎ𝑖𝑙𝑙，所以幾熱都堅持坐出面店員妹妹有嘗試說服我坐室內，有冷氣最後店員妹妹特登拎咗把風扇吹住我，好細心 ✦ 𝐴𝑙𝑙 𝑑𝑎𝑦 𝑏𝑟𝑒𝑎𝑘𝑓𝑎𝑠𝑡 $𝟷𝟶𝟾 全日早餐啲配搭都有得揀，最鍾意有得揀我揀咗德國香腸、脆香雞翼、煙肉、法包、滑蛋是日沙律、蕃茄扒、粟米就𝑓𝑖𝑥咗冇得揀好彩德國香腸有兩款，因為我唔鍾意食白香腸而脆香雞翼就變咗瑞士雞翼，反而仲好冇咁熱氣煙肉味道就麻麻，法包都脆嘅滑蛋有啲淡，是日沙律同蕃茄扒都新鮮粟米食落去酸嘅，以為壞咗，之後問返係加咗醋成個全日早餐整體不過不失，冇一款特別好食 推介指數：❤️❤️❤️🤍🤍 - ✦ 滴漏咖啡(𝑐𝑜𝑙𝑑) $𝟻𝟶 呢度主打咖啡，我就唔係太識飲咖啡淨係睇個款就知佢哋啲咖啡好專業仲有一塊自家製曲奇送咖啡，烘熱咗，好香同埋有少少咖啡粉俾客人聞 推介指數：❤️❤️❤️❤️🤍 - 等緊野食嘅時候，望住馬路車來車往但我嘅時間好似慢咗落嚟放空下，都幾𝑐ℎ𝑖𝑙𝑙完全唔覺得自己陣間仲要返工有時間再過嚟試唔同嘅野 …Read More