jenchifood's Profile

今日同個friend去行街，經過波鞋街再去通菜街見到一間打邊爐位於2樓嘅，覺得個名幾特別叫做肉蒲團。環境都幾乾淨座位好闊落。基本全部都係卡位湯底我哋叫咗個鴛鴦鍋打邊爐，當然係牛肉啦封門柳 ： 肉質鮮甜有咬口，卓五6秒就可以食得，澳門M五和牛：入口即溶，香油滋味，本人較為喜歡呢個。全部蔬菜都好新鮮，同埋好多種類。啲蝦爽甜新鮮，唔會話好細隻。醬料我只係鍾意嗰幾款，但係其實佢都好多種類俾你揀。當然放題都係全部任飲，包括啤酒，種類都唔少。如果一大班人嚟呢度係一個好嘅選擇，因為多啲人可以食多啲嘢。一個價錢方便快捷。…Read More

今日去咗太子金魚街，行咗大半日都好攰，所以諗住搵一間餐廳坐吓食吓嘢，行經過始創商場，發現有間西餐餐廳環境唔錯地方闊落見到食物仲幾吸引餐牌又唔算好貴，咁啱又有張枱所以去食一食。南瓜湯呈現出濃稠的橙色外觀，具有豐富的質感。它的顏色鮮艷，令人垂涎欲滴。口感綿密且滑順的，南瓜的細膩質地和煮熟後的柔軟口感使湯飲得更加舒服。黃金帆立貝意大利粉帆立貝的嫩滑和意大利粉的彈牙口感，帆立貝仍然保持軟嫩，而不過於嚼勁十足。意大利粉則應該煮得剛好，有著適中的彈性和口感。炭燒加拿大天然豬鞍扒配柚子汁炭燒加拿大天然豬鞍扒通常呈現出金黃色的外皮，還有一些炭燒的痕跡。豬肉的嫩滑和炭燒的香脆，令豬肉保持嫩軟，而不過於乾燥。炭燒的部分帶有一些炭燒的風味和口感，增加了整體的飽滿感。炭燒加拿大天然豬鞍扒配柚子汁的味道通常是豐富而清新的。柚子汁帶有柚子的酸甜風味，能夠為整道菜增添一絲清爽的感覺。炸西蘭花薯塊西蘭花嫩滑，薯塊酥脆。西蘭花能保持嫩脆，而不過於軟爛。薯塊的外層酥脆，內部則有著熱騰騰、柔軟的口感。雜莓窩扶雪糕雜莓窩扶雪糕呈現出色彩繽紛的外觀。它包含了各種不同顏色的雜莓，如藍莓、草莓!味道酸甜中帶有一絲清爽。雜莓的天然甜味和微酸的風味與雪糕的甜味相互融合，形成了一個美味的對比。…Read More

屯門市廣場系一個四通八達嘅商場，西鐵附近，搭車方便，今日四仔乸去完行街，順便去搵嘢食，上咗去3樓茶木 。糖心蛋：有流心感覺，蛋味好濃厚，小朋友好岩食。兒童餐：台灣腸，魚蛋，香口，好味仲有好有益嘅生果做伴菜烏魚子元貝手作麵：原隻元杯新鮮爽甜，棉質非常之啱我好煙韌香煎沙朗肉燥飯；大大碟，肉燥飯果汁做得好好，俾咗少少我個女食過不停。士多啤梨沙冰：超級巨型大杯，好多忌廉：新鮮士多啤梨做陪襯。卡位充足，建議大家多啲人去食，因為啲嘢都幾大碟。…Read More

近排好鍾意食omakase,無論食物質素伴碟，環境，服務都話顯示出餐廳值錢地方，今日去嗰間位於銅鑼灣渣甸中心。鮨悠（sushi yuu)Omakase C $1536(二人前）前菜三部曲：鏗魚汁配木魚，酸酸地夠開胃。香口合挑，用芝麻做一個點綴，合桃爽脆茶碗蒸：蛋味好濃厚，好夠熱，入邊有帶子好鮮甜深海大池魚配酸汁：一片一片好鮮甜，好有魚味，帶點酸，開胃。北海道赤貝配wasabi:又索又甜，加埋wasabi，絕配。櫻花木既大拖羅配上櫻花乾：第一次食煙燻左嘅拖羅，有新鮮感，魚質地都好結實。壽司貫：日本既煙草目配上wasabi較清甜，帶爽口。北海道帆立貝－口直吞，即溶野生銀雪魚bb比平時煎更加甜美北寄貝脆口，爽甜青魚配白板昆布飽肚，魚質好結實。牛肉壽喜燒喎：牛肉好有牛味，配埋其他配菜，好夾，日本豉油湯底。甜品：黒芝麻雪糕，甜己不膩…Read More

我本人就未去過法國嘅，但係又好鍾情於法國菜，因為可以享受三四個鐘嘅晚餐，同埋每道菜都有自己背後嘅故事。今日慶幸係我生日，我老婆帶咗我去一間喺銅鑼灣嘅法國菜 E Molto Buono第一道一定係法國麵包，外脆內軟，香噴噴，本人最鍾意點橄欖油。鮮蘆筍，蟹肉忌廉湯：新鮮蘆筍，打成湯，夠熱，加埋上邊忌廉襯到絕係西班牙紅蝦他他：第一次食呢隻類別嘅他他，好有新鮮感，蝦好爽甜，味道配埋自己條調嘅汁非常好味。香煎鵝肝： 勁香鵝味，入口即溶，鵝油充足。澳洲M9和牛肉眼扒：我叫做七成熟，啱啱好，好友牛肉味，夠淋身，份量夠大。石榴雪葩：清甜，唔係幾夠喉…Read More

今日同個friend去行旺角，行完之後大家都想打邊爐，知道我個朋友系食肉獸，又知旺角有間叫做肉蒲團火鍋放題一定啱佢。安格斯牛小排：肉質鮮嫩，好有牛味，有咬口。牛板腱：肉質結實，牛味更加濃厚，我自己總供食左4碟。封門柳：可算系入口即溶，放入湯底十多秒就可以食。自助醬料起碼有20多款新鮮疏菜：腐皮，芋絲，唐生菜，菠菜，粟米等等打邊爐一定要有可樂食埋雪糕就完美了如果大家去的話，真係要訂位長期爆滿因為性價比非常高…Read More

今日帶老婆去食好嘢，宮崎肉本舖位於銅鑼灣，上到去環境好闊落好多卡位，每人一個空間，私人度極強，部份座位對住維多利亞公園。一開始服務員會比一個超靚㗎拼盤俾你，當中有10多個部位，分別有西冷，牛頸脊，肩口肉，和尚頭，五花腩，後腿肉，未食之前梗係影返張靚相先。入口即溶，牛肉味好重，好香油脂味，燒到熱辣辣。全場最大塊嘅西冷，亦都係我最愛嘅部位，我只係燒到六成熟，把娛落個口，有兩三秒形容唔到，實在太滿足，太幸福。油脂分布好均勻，其實只要落少少鹽就好足夠。當然佢仲有Wasabi俾你選擇。沙律，食咁多肉，食返啲菜中和返，清甜點啊沙律醬好開胃。南瓜天婦羅：個粉漿好薄，亦都係我欣賞有部份，南瓜超甜，加埋自製嘅天婦羅汁，好味。蕎麥麵，爽口加埋Wasabi食系絕配，我都食咗兩大碟。汐赤魚：一啲都唔腥，仲有清甜爽口嘅感覺，好後生好有咬口，魚皮仲燒到好脆口。最後食3.6牛乳奶凍甜品，真係飽到一個點，今餐非常豐富，亦都非常滿意，下次一定會返轉頭食。…Read More

Sky 726係朋友介紹的，佢話幾好味同埋個景唔錯，今日等我自己親身去確認下先，上到去職員俾咗近窗口位我，望落去真係幾靚，因為可能坐得好高，同埋好掂個窗，背景音樂非常之舒服。頭盤係法式田螺：好香，有麵包墊底好入味，薯蓉自己打的鮮甜。燒古巴龍蝦伴紅花忌廉扁意粉：龍蝦啖啖肉好鮮甜，扁意粉自己做得好出色，軟硬程度啱啱好，連埋秘製汁一齊食非常可口。香煎美國頂級安格斯西冷牛扒：五成熟啱啱好，消毒好香口，牛味夠晒重，仲要有少少肥非常之惹味。諗住食生蠔，但係因為太多人預訂，所以賣晒、下次可以再試吓食呢個。…Read More

如果計炸物阿媽家姐，我應該喺香港都係第一次食到，因為真係唔多餐廳做到，今次好好彩有比我book到，因為聽聞呢一間野非常之難book。一坐低背景音樂好舒服，首先會比一杯茶你飲，個杯熱茶不得了，非常之濃厚嘅茶味，飲完好舒服。呢個豆腐入口即溶上邊有一絲絲嘅墨魚。海膽紫菜片，新鮮嘅海膽入口鮮甜，連埋趣博博嘅紫菜卷食。大大嘅蝦，粉漿非常之薄，蝦頭炸到都可以食埋，即刻仲要好鮮甜。櫻花炸魚，魚會腥，啖啖。食完一蝶又一碟，今日先開始知道原來食炸物都係一個藝術。炸蠔係我最鍾意食嘅，蠔爽口鮮甜。茶漬飯，雖然已經好飽但係唔可以浪費都要食埋佢，食完真係好滿足等待甜品。日本蜜瓜甜到一個點同埋好香…Read More

今日喺大埔超級城玩咗一日，好想食放題，因為唔使諗食啲咩嘢，任飲任食都唔係一個錯嘅選擇，非常之啱我。三文魚刺身見到都好光澤，好鮮甜牡丹蝦非常爽口，好有蝦嘅甜美，我都應該食咗十隻八隻。和牛壽司：我鍾意嘅係啲飯唔會好大舊，牛肉一啲都唔鞋口，非常之有牛肉味。三文魚壽司：基本上我每次食親壽司都有佢份，一口一口食。羊架啖啖肉，燒得好香，好夠火喉，個味道係我最接受唔到嘅味道。雞翼入邊都好Juice唔會非常乾身，點少少檸檬更加覺得清新食多幾隻。雜錦天婦羅：隻蝦不得了好彈牙，個粉漿做得幾好，唔會太厚，個味道又一流。咁大食嘅我梗係食一碗拉麵定下個肚，濃郁豬骨湯底，麵嘅爽到啱晒我。放題點少得有雪糕食，比利時朱古力係我食咁多款覺得係最啱我食嘅亦都係最好味。…Read More

今日喺旺角行完街，經過創興廣場，原來成幢大部份都係火鍋店，但係我竟然比18樓雞煲啲相吸引住，咁就衝左上去。一入到去環境好舒服，好乾淨，大部份都係卡位適合傾吓計打邊爐。一坐低就有個雞煲我哋叫咗中辣，好多醬汁，嘢未，配埋洋蔥芫荽，簡直一絕。食完雞煲當然要打返個邊爐啦，分別有午餐肉魚皮餃魚腐，最令我吸引嘅係爆漿貢丸。蝦非常鮮甜，好爽口，你叫幾多份佢比足你。是海鮮今日喺聖子，非常新鮮，都係好爽口，好鮮甜。雪花肥牛：好重牛肉味，每一份份量都好多，基本上六幾秒鐘都可以食。羊肉片：一啲都吾so，口感唔錯，食得出好香嘅羊味。新鮮自己炸嘅響鈴係唔同啲，3秒鐘仍然好脆口索埋啲汁好好味。芒果乳酪雪糕：酸酸地有帶甜，夏天真係可以食幾杯。基本上係任食兩個鐘，攬住個肚走。…Read More

今日放工之後去咗觀塘APM行街，周圍搵吓有冇上海菜食，因為我今日突然間好想食回鍋肉，行吓行吓去咗崇仁街，見到一間老字號小店。青菜豆腐湯：好適合今日咁熱嘅天氣飲，簡簡單單好清甜，好有家嘅感覺。花雕醉雞：濃烈嘅酒香，雞身好滑，好有雞味，我係會連埋皮食。回鍋肉：炒得好有鑊氣，少少辣帶動到成碟餸，椰菜好掛汁，送飯真係好一流。八寶茶：我第一茶飲，甜甜地，好足料，飲完成個人好舒服。我哋兩個人去咁啱有個二人餐真係好抵食除翻開每人都係百零蚊，下次我會叫多幾個人去因為餐牌上邊好多選擇。…Read More

上水係我經常去嘅地方，但係原來新豐路再行入啲原來有一間好味嘅餐廳佢叫做胡椒仔，入邊地方都算好大，枱同枱之間都好闊落，一坐低即刻開叫左兩支可樂。乾炒牛河：一出到嚟好有鑊氣，份量亦都好大碟，牛肉又多好淋身，所有混埋一齊非常惹味。胡椒豬肚湯飯：呢個係職員推介，初頭都驚好辣，但係原來真係好好味，好足料，豬肚好夠淋，好入味，其他配菜有酸菜，芹菜，同菇。飲會啖湯都係精華，夏天食非常之好，仲會配多一碗白飯。胡椒醬西多士：好有特色，原來除咗花生醬或者煉奶依種食法都幾特別，入邊好多餡料，好香口，入面啲料唔會搶晒啲味，加埋牛油糖漿簡直一絕。…Read More

大圍雖然好少去，但係知道好多美食，今日都唔例外，經過一間串燒舖發覺非常啱我食，咁就入咗去了。原條茄子：幾乎每一次去食串燒都會食，好乾身，勁多蒜蓉，加上孜然粉，好滿足。勁辣雞翼：個皮好 脆，燒到個火候啱啱好，辣得好過癮，食完一串再想加多一串。燒雞軟骨：好香口，都係幾乎每一次都會叫，送啤酒非常一流。燒海蝦：蝦味鮮甜，大大隻，燒到剛剛好熟，夠晒滋味。錫紙花甲粉：呢個花甲份不得了，花甲新鮮鮮甜，金菇索晒啲湯，加埋啲辣椒仔，絕配。司華力腸：好大好大條，燒到香噴噴，面頭燶燶哋，啖啖肉。建議大家一班人食因為可以選擇多啲食物。…Read More

今日約埋成班朋友去燒嘢食，大家都提議去大埔好出名嘅巴希雅，去到門口地方非常之大，仲有停車位。蒜蓉蝦配青口：大大隻嘅蝦，好鮮甜，好多膏，青囗都一樣鮮甜，每人入場都會送一客。雞全翼：燒到香噴噴，再加上孜然粉，少少辣粉，成件事出晒嚟。牛肉串：淹得好入味，肉質鬆軟，肉汁充分，好味。雞中翼：不嬲好鍾意食跟住我，食完全翼一定要食雞中翼，肉汁爆出黎，好滋味。燒香蕉配朱古力醬：燒到一半到，再加入朱古力醬，大人細路都鍾意。仲有好多其他食物，如果一班人去可以食多啲野。…Read More