memime's Profile

同朋友喺銅鑼灣食完飯後，想搵個地方食甜品，見呢度收11點可以坐耐少少就試吓！ 呢度嘅裝修設計並唔係走一般傳統甜品店路線，一望就知係新派款式，播放英文歌嘅甜品店.. 至於食物雖然佢係有傳統甜品店嘅食物選擇，但實際放上枱後你就會知道係不一樣！味道方面始終夾雜咗一啲新嘅元素，我相信食開傳統甜品嘅人可能未必一時間接受得到。 值得一題係呢度嘅侍應態度很好！…Read More

剛剛行出店，d野實在太難食忍唔住要寫返一篇！叫左個ribs同南瓜汁意大利飯，2種均係好難食，ribs 好鞋，個飯d 蟹肉腥腥地，仲有我柸lemon sparking 有隻蚊仔 之後叫人換過第二杯比我。埋單差不多$500，我地嗰兩碟野無食過乜濟，完全嘥晒錢圖上就係我哋食剩嘅嘢…Read More

呢度下午茶時段眼見商務客較多，環境優靜，坐下傾下計吾錯！ tea set份量吾多，包一杯飲品，叫了茶但並吾係一般洒店咁一壼茶上，呢度只係一柸的，真係吾夠飲所以我地都有額外再點飲品。 茶點味道ok, 不過份量比起其他酒店tea set算少。…Read More

路過幾次見到呢個大排擋都幾爆場，做冬決定同家人黎試下，呢間野除左小菜之外，主打係海鮮，訂位時接電話個位先生幾nice, 介紹左幾款海鮮，問左價後覺得ok 就落埋單試下！ 最正係隻長腳蟹，大大隻啖啖肉我地十個人都食唔曬；貴妃蚌同海蝦都好大隻好新鮮；其他小菜味道都ok，尤其椒鹽鮮魷肉質彈牙。今次家姐埋單所以吾知幾錢，不過佢話好抵食喎，除開每人二佰鬆d..要食海鮮記得要預早一日訂，佢哋本身係做海鮮批發生意，所以d海鮮可以做到又平又新鮮…Read More

我係透過exxxgo 預定時有七折優惠，吾知係咪有打折所以連服務同食物都大打折扣，嗰位男職員吾知係咪經理，冇著圍裙的，服務態度之差真係嚇怕食客，黑口黑面，同佢講exxxgo 訂位好似唔想做咁，埋單時比張單你自己睇，嘢都費事講多句，最後梗係連多謝都冇句喇！ 食物份量好少，無講大話，去食過你就知！菜上得慢，續碟上，份量咁少我地4個人好快就食曬，嗰碟食完又等等等先再黎另一碟，食下停好耐下咁囉！ 如果因為有折扣而要換來以上嘅對待，咁一係唔好同exxxgo合作，咪唔會有客人拎到折扣囉！若果唔關折扣事的話，咁呢間餐廳嘅待客質素真係好可怕！ …Read More