gooooodwest's Profile

晌11月試過同同事食….覺得味道唔錯！於是今年團年飯，我就提議同屋企人去食，22/1打去訂位31/1，當時聽電話嗰位話，我哋係正選，唔係waiting list上面，不過都要等佢同事打嚟落實。等緊嘅期間，由於之前我哋訂位話因為有老人家，我哋唔上樓上了，但發現原來樓下只係茶餐廳嘅正方形枱，所以再打去更改話都係可以去樓上。同時間亦都同接聽電話嗰位職員講話，仲未有人打嚟確認訂枱，職員叫我哋留低電話。然後一路等，去到27/1，我又再打去，仲未有人確認訂枱，職員都係叫我留電話。到29/1，我再打去，因為佢哋有啲菜式需要一日之前預訂，職員都係叫我留電話，話夜晚九點幾十點會有人打電話俾我。結果去到30/1，都仲未收到任何人電話，打電話去，都係話叫留電話！我有同11月當日都有去食飯嘅同事講，原來佢哋響一月嘅時候都有再去食，又係發生訂位混亂嘅情況！…Read More

好耐無寫食評...今日呢篇即食即寫，新鮮熱辣！今日去開觀塘，又未食野，一直諗住做完野臨走就要黎食鳳鳴！之前經過都食唔到，今日終於黎一嚐佢標榜嘅石磨腸粉。由於唔舒服，決定外賣番旺角食，等左5-10分鐘到就有喇，叫左雞蛋腸豉油我照淋、仲加左芫茜同炸蒜。地鐵長征到旺角，變凍，就預左喇，但我估唔到一打開個蓋，個香味撲鼻而來！豉油基本上已經俾腸粉索晒，但重口味嘅我一啲都唔介意...食落亦無話過鹹，係剛剛好！口感係滑嘅，但又多左層層次，就係有啲蛋白...加埋芫茜同炸蒜....唔洗五分鐘我就清左喇！而19蚊，都算係抵食！唯一就係就算堂食，佢都係俾外賣嘅膠盒裝，見到啲人食完就掉，都覺得太唔環保...外賣嘅我我只能洗洗我個外賣盒再用...去減低一下自己嘅罪惡感....…Read More

呢間野每次經過都想試一下，但每次都食野時間都遺忘左佢....佢係啲舊式快餐外賣店，門面唔太起眼...今日終於記得佢喇，就買個外賣番去試試！睇左一陣，決定唔叫佢個快餐，叫左個味菜牛柳絲炆米味道不過不失啦！但好有鑊氣架！但晌旺角...三十幾蚊晚餐..仲想點？！唯一可能會令人卻步啲..就係好多油呀😂不過有下次架，夠抵食！…Read More

同男人一早出左門口，行到番旺角時，已經差唔多食飯時間，就求其入左魚米試下佢啦⋯⋯由於我唔食魚，我就無叫魚類嘅米線，我叫左魚腐，ok la不過不失，男人就試左個魚腩佢話好味 啖啖肉喎！而埋單都要$120咁嘅價錢，食米線....我會選擇其他更平更好味的....呢間..試一次就夠了！…Read More

今日原本同男人係諗住試旺角新開嗰間大阪燒嘅...可惜好多人...於是乎, 我就提議不如試道頓堀....我地就由旺角去左尖沙咀，去到K11嗰時先發現旺角都有分店🤦🏼‍♀️好蠢呀我地！去到舖面，都有唔少人等緊，呢到嘅唔好處係你拎左飛，如果等到截單都入唔到座，就無架喇...白等架喇...我同男人唯有博一博啦...真係博到last張枱...等左好耐真係好肚餓呀！一路等一路睇下點整，等左一陣就送到喇啲野食！男人嗰set係有炒麵嘅，好難反...加埋男人煮食能力有限...佢又唔睇點整...變左我一路出口..佢一路出手...我自己就無問題...仲整左少少花而呢個五花腩都好好味呀！埋單...…Read More

牛涮鍋我成日食，見佢新開呢間晌牛角舊址...仲標榜激安，所以我都忍唔住要同男人試試佢！當日去到，都等左半個鐘位到啦大約，我地決定食Menu上最貴嘅和牛...湯底就揀甜豉油同蕃茄...甜豉油一貫質素...每次都要叫佢，而佢又有得免費雙併鍋，男人就話想試下個蕃茄...平時我就好鍾意蕃茄嘅野嘅...不過呢個湯底就麻麻喇...啲野食煮得耐仲會染左紅色啲應該係茄膏嘅茄紅素上去....和牛好得呀！食左都好多碟...係得一碟好多肥膏....而自助野食...同普通牛涮鍋無咩分別....仲多左個整拉麵位...又有得免費叫叉燒...拉麵就不嬲正嘅...但叉燒就可以不叫了.....仲要提下嘅就係...連羊都任叫！既然價錢平啲，質素又一樣，我梗係會揀黎呢到啦！後記：食第二次嘅時候已經轉左新餐牌...唔係以上個餐牌喇！遲下再寫！…Read More

今晚夠阿哥即興約食泰國菜...有人車又有人請...梗係去啦...所以佢話要食邊間，我都無咩所謂...我之前講過，我去九龍城食泰國野，黎黎去去得兩間...咁既然今餐唔駛錢...就試試佢囉！咖喱膏蟹，好味嘅，見到啲膏都覺得吸引啦生蝦，係ok架...不過細隻過我平時食開嗰間少少...咸豬肉炒椰菜苗....我諗住係平時好似乒乓球咁大粒嘅椰菜苗...點知係條狀嘅？！🤔咸豬肉重點係個皮....唔多夠喉...木瓜沙律....唔難食...不過比起我食開嗰間，咁食開嗰間好味好多！蝦膏炒飯，有鑊氣嘅...味道都ok!冬蔭功...ok仲有味灼螄蚶⋯⋯都係平時嗰個好味啲....仲叫左椰青飲...埋單...好似係二千蚊鬆啲..…Read More

Apm原本呢個舖位都係拉麵店...今次放工同同事兩個即興去食飯，大家都想食日本野，咁又唔想食太多嘅...於是就落左apm食神山麵屋。我地兩個麵叫左神山沾汁麵...湯唔係咁夠熱，但好濃，於是乎食頭幾淡都好ok...但愈食....食埋舊肥豚肉....就開始變到鹹同膩....食完佢....實在會好飽...舊豚肉真係幾肥下😂叫左個豆池魚食...睇相以為都有少少size...原來佢得女仔手指尾咁大一條咋...但味到係好嘅！成條啪落口...幾正！仲有叫左呢個蘋果沙律...係好味嘅！埋單就係咁多錢喇...…Read More

黎呢到食野....通常都唔係普通時段，多數都係過10點後呀呢啲時間。今日同男人諗唔到食咩，但又想食豪少少...於是乎就黎呢到食喇。講真，其實間間食嘅野放題都差唔多...都有一段時間無黎，但好似無左宵夜特價嘅？！🤔海膽無異味，蟹子一般貨仔...吞拿魚ok...泰式蝦可不叫....海膽蝦同黑松露蝦可叫....上圖嘅，左下角..牛肉可encore...其他一般...刺身，可能我地叫得唔多，都黎得叫足嘅，隔黎枱就係咁話黎少左好多...同埋佢無左以前嘅大蝦...得番呢款甜蝦....而呢款甜蝦都比平時嘅大少少size...所以都ok ge...佢亦都出左唔同嘅飲品，不過我覺得我鍾意飲番飲品櫃嘅飲品多啲....仲有好多野食無影到相...佢亦出左花膠冬菇...但呢晚就食唔到即製嘅玉子燒....唔知係無左定點...埋單呢個價錢...…Read More

同男人帶狗狗去西貢游水，早左到，又未食野，所以就黎左呢到食。黎呢到，主要食佢個脆脆豬肉。我就叫左個牛展脆豬肉湯檬....男人叫左個炒飯...牛展同湯檬其實好普通...反而個豬肉真係脆嘅...同燒豬又有啲唔同...至於男人個炒飯都係普通..…Read More

早排聽到住馬鞍山同事話黎左食，幾好食咁...咁啱我番馬鞍山搵媽咪...媽咪又生日...又有人揸車...咁就去試下啦店舖開晌馬鞍山私樓區個新小型商場入面，如果唔係揸車去...都有少少唔就腳。我地叫左養心鍋同養生鍋養心鍋浸味我真係接受唔到...相反媽咪鍾意呢個多啲..養生鍋我就覺得幾好味...個手切牛都係必食...好好味呀！牛柏葉唔駛叫！響鈴又係必叫，黎到仲熱辣辣，應該係即炸嘅，我哥仲空口食左兩條...不過就比較油！啲丸呢...蝦丸好味...牛丸聽講好騷...其他火鍋料都係一般啦埋單二千蚊....有啲貴喔...…Read More

今晚同同事即興約打邊爐...用左呢到嘅訂位...可以99蚊花膠湯底呢到我第二次食喇！先黎湯底：黎到嘅時候係真係半隻雞嘅，阿姐會拆下肉，叫你飲湯...我地好快飲晒啲湯😂好好味！叫阿姐黎加湯...第一次加嘅都係原花膠雞湯湯...之後加嘅就係上湯...湯入面真係有啲花膠嘅...而醬料都係普通嘅醬料：要講今次推薦嘅野食，就係呢個右上角嘅手切安格斯牛：真係好好味，兩次黎食都有叫佢！響鈴落埋去浸湯又好味！鮮腐竹都正！埋單價錢每人二百幾蚊...…Read More

話說早兩日我男人上網睇到👇🏻圖，就話想去試下...openrice都仲未顯示有呢間餐廳..就按👇🏻圖時間去搵食啦唯有，今晚剛好睇完戲，專登行去食。見到☝🏻圖寫話11:00關門，我地去到門口時係大約9:55，門口亦有兩三pair情侶、朋友們睇緊menu揀野食，我地晌門口企左成分鐘個知客先埋黎，咁係唔緊要嘅...都見到佢係忙緊...咁我地企晌門口四圍望下啦，同埋用個熱切眼神望住收銀個師傅同個知客，希望有人理下我地...仲見個收銀枱寫住試業期間，只收現金，男人仲驚死唔夠現金俾....個知客望到我地喇，行過黎，我：兩位丫佢：唔好意思呀，我地10點鐘截單，而家仲有5分鐘就到10點我：（佢講到呢到就停左，無講落去喇。咁我就諗緊佢呢個意思係代表我地唔入得丫［因為截單］，定係我地要諗定食咩，快啲order俾佢呢或驚我地食唔切［因為門口明明仲有兩、三pair人都仲睇緊menu])我就唯有講： 咁即係...（我同佢對望左一兩秒，佢都無駁埋落去，我就再講）無喇？佢：唔好意思呀，因為而家無位，我都仲要安排座位俾佢地（指指嗰幾pair人）我：咁即係...無喇？佢先點頭。佢兩次，都無答過我究竟係咪唔入得丫，要等位丫，要快啲落order丫定係點。其實照實講咪得囉，我嗰刻真係無奈得黎又慶慶地，但見佢係笑容可掬，我先唔話佢...而入到黎又睇到openrice寫營業至10點，咁究竟係10點定上圖嘅11點呢？10點應該只係截單時間？！…Read More

呢間野，見佢開嘅時候，好多人排隊去食....而家就無咩人嚕...同男人食完飯通常經過都話想試，好香好香...但又無肚試喎，今次終於食到喇！如題啦，感覺就好似食左陣風落肚咁...叫左一條原味，係香嘅，係酥脆嘅，其實同bread papa’s嘅泡芙味道同出一轍，但人地可能因為大個啲，又或者唔知咩原因啦，感覺無咁「食左陣風」落肚，感覺實在啲嘅！而佢就食完好似無食咁，不過佢勝在係條狀，好方便，唔會食到好污糟！…Read More

八福...係我親愛的姨甥女介紹我食嘅...話說佢晌旺角番工，咁佢講得嘅都應該係平靚正之選！而事實我都覺得係嘅！呢次黎八福，係同男人黎嘅，佢就第一次食...黎呢到，我只會叫冷烏冬，加雞翼！今次都唔例外，一個大冷烏冬，加一客雞翼！男人就叫左個咩火炙三文魚丼，又貪得意同做緊優惠叫左個芝士波，加杯柚子凍飲。大冷烏冬如常地好食，男人試完都話正，仲想連汁飲，咁嘅價錢係正嘅！雞翼，脆卜卜熱辣辣，其實同放題嗰啲味道都差唔多！而男人嘅三文魚丼，只能講好普通，入得口，但唔係難食，感覺唔到應有嘅火炙嘅油香味！芝士波就👎🏻👎🏻👎🏻，連放題都不如，入口好騷，一定無下次！而野飲就無特別喇！今次嘅好評係俾烏冬同雞翼，同平價錢嘅！…Read More