Johnsoncool's Profile

打完波又係時候要吃午餐了，最近比較注意飲食，會挑選一些健康而又美味的食品。Espresso Alchemy 有個健康沙律「青醬雞胸沙律配檸檬醋醬」，雞胸肉保持鮮嫩多汁，這是慢煮的成果，而且份量好多，足夠男士一餐的份量，伴隨的沙律菜用檸檬醋調味，沙律菜新鮮爽口配上雞件，即使運動後和keep fit都係一個好選擇，有豐富的蛋白質。Lunch set 包一杯咖啡 也可以加錢改espresso，我叫了一杯大Latte ，咖啡也是每日必飲的，入口柔順有克朱古力的餘韻。自家製藍莓蛋糕濕潤鬆軟，外層有點點香脆，厚切令到蛋糕更有口感而且甜度適中。…Read More

周日最想靜靜地放下風休息一下，沒有約人獨自去享受一個brunch ，嘆番杯black coffee 。行經的商場又有音樂表演啊！到達cafe 要等一會才可入座，安排座位後要到收銀處下單，豬頸肉卷餅配芥末籽醬，咖啡另加一個甜品。「豬頸肉捲餅配芥末籽醬」是一個好味又爽口的捲餅，豬頸肉煎得香香的，配上沙律菜及青瓜感到清爽不會油膩，芥末籽醬有著獨特的香氣，加上火箭菜增添韻味。「Long Black」 濃縮咖啡加入杯中的熱水，保留更多咖啡的油脂同香氣，好喜歡看到咖啡面的油脂，飲起上嚟更能享受咖啡豆的香濃。「藍莓核桃蛋糕」有脆脆的核桃和很多藍莓，蛋糕潤滑唔會太甜。吃完brunch 後下起大雨，撐住雨傘慢慢步行回家，享受食物及下雨天☔️。…Read More

最近少咗好多出街，食唔到酸菜魚，喺屋企附近嘅餐廳見到有水煮魚都已經令我流晒口水。水煮魚大大份，唔會剩係得魚尾位，仲有魚腩食！多魚少配菜，$98真係抵。辣仲可以叫小辣，就算唔食得辣嘅朋友都冇問題😆特別叫咗個蜜糖欖角骨$68。呢個小菜平時都好少叫，炸香左嘅排骨加入欖角快炒，利用鑊嘅餘溫，落蜜糖，撈勻。小菜以蜜糖的甜味為主，令人食完一粒又想食多粒，完全上癮呀🥰近排少出街，個個都係屋企變廚神。所以而家出街吃飯，都會選擇一啲自己在家唔會煮嘅。椒鹽鮮魷就變成我的選擇，始終在家唔容易做出鑊氣，又會整到屋企好大油煙，處理魷魚都幾麻煩🙈。另外再每人一杯凍檸茶加一碗白飯，買單都唔洗三百，而且位置超方便，最啱落車即買兩三個小菜回家慢慢吃。總括:10個👍🏻…Read More

小編見到呢杯喺台式飲品店少有嘅白桃烏龍就點左黎試。  花斑既烏龍茶味帶清新、香滑，一啲都唔苦澀。最令小編驚訝嘅係入面竟然有一粒粒嘅桃肉仲要係新鮮白桃。冰凍嘅烏龍茶連埋帶少少甜嘅白桃粒，感覺好清爽。小編點左正常甜，飲落去都冇糖水味，亦唔會有糖水癡粒粒嘅感覺，好健康呀！呢幾日天氣熱辣辣，點呢杯嘢飲就絕對解渴啦！下次再去都會繼續叫呢杯白桃烏龍❤  而我朋友就點左益力多系列嘅草莓多多。未飲已經聞到好香甜嘅士多啤梨味，飲落去就有益力多酸酸甜甜嘅味道，最後就滲出淡淡的綠茶味。呢個多多冇平時益力多果種厚實嘅感覺，可能係落咗乳酸掛。朋友已經叫咗少甜，但係都過甜，下次應該叫微糖或者無糖。…Read More

呢間令人少女心大爆發嘅蛋糕飲品店，就係位於美麗華3樓，全間店舖都係粉紅色，吸引一種嘅女士到訪。我叫咗一份招牌草莓奶油卷，同埋一支草莓牛奶，真係好靚好pink!!…Read More

最近受到疫情影響，好多人都變做home office，好多時都仲要喺屋企搞掂一日三餐。今日晏晝出去食lunch，可以暫時輕鬆一下。雖然佢唔係outdoor ，但佢塊落地大玻璃可以令出面嘅太陽照射入店內，讓人感覺舒服。叫左一杯Earl of Citron Vodka，味道酸酸的，好清涼。鍾意佢用圓冰 Keep住杯飲品凍之餘，又唔怕 dilute 咗。主食方面，叫左一份香煎虎蝦配蘆筍辣番茄汁意粉。Omg 隻蝦好大隻好新鮮好彈牙，完全令人驚喜。不過隻辣味係Tabasco隻味，如果有啲黑椒令到佢多一個多層次就好喇~ 但整體來講我都已經好滿意。食完主菜，我亦點左一件藍莓蛋糕。(頭先仲喺度猶豫要香蕉蛋糕定係藍莓蛋糕)好好味，pair up with 咖啡，真係好夾唔知有冇人同我一樣鍾意食啲邊位，特別香！佢焗得好好，可以一粒粒咁分開黎但係你又唔會覺得散。去咖啡店當然唔少得叫番杯咖啡。我叫咗一杯手沖，咖啡豆來自Columbia。平時我飲咖啡怕酸，但呢杯咖啡帶nutty香氣，飲落的確好令人心情愉快~另外，見到店員好努力一絲不苟咁消毒清潔同抹枱，作為食客我食得好放心😂…Read More

100米台式食物可以呀蘿蔔牛腩肉臊飯 牛腩夠稔但比較肥，醬汁味道夠濃，有香香的花椒八角味，蘿蔔也稔身，係送飯的好材料。我應該叫白飯好些，但我叫了肉臊飯，有味加有味，有點肥膩，飯就比較稔身應該少一點水。麻辣口水雞配紅薯粉 麻辣料很香，雞也滑身 但欠了雞味。紅薯粉就冇乜味道，或者用來配餸吃還是合適的。加了$6 叫了杯凍胚芽珍珠奶茶 味道比較淡，熱奶茶有茶香，不錯。…Read More

老友小時候在新加坡生活了一段時間，所以他對新加坡食品非常喜好，尤其是「好時沙嗲」的傳統味道。今日叫咗我哋都好鍾意嘅 香蘭葉包雞，雞肉經香料醃製 再以班蘭葉包裹著炸成，嫩滑的一小口雞件，好味呀。星洲炒蘿蔔糕 惹味非常，這跟我們廣東式的蘿蔔糕食飯不一樣，蘿蔔糕切了一小件一小件，加入肉類 蝦和雞蛋炒成，當然還有好多醬汁，好似黑豉油等，蘿蔔糕香噴噴，烏卒卒，好好食。其實我最鍾意當中的雞蛋，因為吸收左好多醬油的味道，特別好食。印度炒麵是我朋友的最愛，這個南印度式的炒麵酸酸辣辣，除咗麵條還有肉碎，薯仔，番茄，洋蔥和青紅椒，這個麵看上去不太吸引，但味道相當豐富，是一個飽肚的好選擇。Cendol 真多椰汁 超值，只是$21 ，椰汁味道非常濃郁，但綠色的jelly條就少咗啲。…Read More

每次行過Panash 總喜愛買他們的食品，尤其是牛角包之類的食品，其實有一種產品我真係太喜愛，但有時候怕肥所以唔敢次次都買。我講的是金芭利莓芝士鬆餅 Cranberry Cheese Scone，scone 是一種帶少少濕潤的英式鬆餅，口感介乎於蛋糕與麵包之間，是英式下午茶文化的代表性甜品。Panash 的 scone 每次都能保持水準，不但顏色漂亮，金芭利莓乾 加上中層的一片溶化了的芝士，入口感受到濃濃的牛油和麵粉香氣，又有軟滑的芝士層，味道非常出色，其實最上層放有砂糖粒，為整個鬆餅增添多一種味道，令整個味道更加有層次，好好味。…Read More

朋友忙透了，我去探望順便帶上她喜愛的餃子。荃灣「餃子屋」一開門好快就坐滿客人，午餐時間還有排隊的人龍 和等外賣的客人，餃子有好多選擇，包你食過一試難忘。今日買了一個西洋菜馬蹄豬肉餃 和三式煎餃(包括芝士、紫菜、香辣) 給她，雖然係外賣及運送需時，但係還是非常好味。最新上市的西洋菜馬蹄豬肉餃，我選擇湯餃，湯底係用魚膠淮山豬骨煲成，味道濃郁好好味，西洋菜餃是時令食品，好濃郁的西洋菜香味，又有馬蹄的爽脆，配上香辣菜譜好食到難以形容。三色煎餃 經過運送的時間但係都仲好香脆，分別有三隻芝士、三隻紫菜、三隻香辣餃子，樣子看不出內餡是什麼，將它翦開，看看裏面的樣子，因為餃子好大隻，所以一開二進食便剛剛好。朋友好鍾意紫菜那一款，她說吃的時候好有特別的感覺，她又愛芝士的濃郁，我就鍾意麻辣的口味，很香麻，下次要買多幾隻，我好喜歡啊。…Read More

Parma ham pizza 是我非常喜歡的pizza，巴馬火腿鹹香 加上芝士實在太美味。每次到Pizza Express 我都想order 這個pizza，其實它的用料不複雜，有帕爾馬火腿、軟芝士、巴馬臣芝士、迷迭香和玉米粉，我一試後就難忘。黑松露小元貝扁意粉 個汁好香滑，小元貝也不錯有甜味，扁意粉軟硬度適中，但係份量就少咗啲。青蘋果檸檬特飲 和 檸檬特飲 都非常清新好味，推介這兩個飲品。…Read More

綠楊坊的「丼丼屋」是很不錯的食肆，進餐環境及食物都相當不錯。今日下午茶時段來光顧，店內顧客不多，很清靜。叫了一個「二重貝烏冬」二重貝是小蛤蜊和白蜆(menu寫的)，我也沒有特意去分清楚，只知湯底因為有蜆等，所以特別鮮美，烏冬質感相當好，是一個很健康的下午茶之選。迷你什錦刺身丼，份量啱啱好，減肥之選。什錦刺身有三文魚，小元貝，蟹籽，玉子等，好好味，要細意品嚐。另外加了一份 花畑牧場 芝士豚肉薯餅，日式炸物控制油相當好，香脆好味，可口再來一份😋…Read More

買完烏冬去對面買個飲品，我不常飲那些珍珠奶茶、奶蓋飲品，因為覺得太大杯，一個人飲唔晒。排隊買了一杯「913黑糖珍珠鮮奶茶」少冰少甜，又真係幾好飲，唔怪得有咁多人排隊。原來我今日叫的是天仁茗茶的茶王，「913茶王」是半發酵茶，味道清香，內裡的珍珠糯糯的，好有嚼口，鮮奶他們用上明治鮮奶，非常好味，嚐了一口朋友的正常冰和甜度，味道更出色，不過我都是喜愛我的健康之選。…Read More

在魚河岸吃個下午茶，叫了一個關東煮烏冬，這大都是魚肉產品，另有油豆腐福袋，外皮係炸豆腐，內裏有年糕，軟軟糯糯不黏牙，好有質感。魚竹輪是魚肉製品，還有一個可愛的新薯，好入味，大大碗只是$42 ，抵吃。另外叫咗一個自選炸魚餅烏冬，選了帶子炸魚餅，這個魚餅就唔得啦 好腥，佢又唔係壞嗰種，但係好腥，但個烏冬就幾好味。…Read More

每次行過荃豐中心都會見到好多人在商場口的「大家姐」食店在買外賣或堂食，他們的食物種類很多，想必有一定的水準。今日行過買咗煎釀三寶， $10有三件而且係大大件的，我選了魚蛋、青椒和豆腐，香噴噴熱辣辣加上少少他們的豉油，很不錯哦。魚蛋很大粒，當然咁嘅價錢唔係純魚肉，但味道不錯而且魚肉打得好結實。青椒釀咗一片薄薄的魚肉，都幾好食，豆腐就炸得酥脆，作為小食真係very good。…Read More