CaraCCc's Profile

在平台叫外賣，椰汁燉桃膠係酸既，仲要係超酸，因為新外賣平台有折，折左後一份甜品要$43，好細個盒之餘，仲要比d變壞左既野比人，打電話去，話留名同電話，下次去買就扣返今次甜品既錢，都冇理由再比錢買d垃圾黎食，仲要分分鐘食完肚屙！間咁既野點會再有下次幫襯😤😤😤…Read More

小食即叫即炸，而且份量多又脆口，炸枝竹，炸燒賣，炸花枝丸好好食！老公食到唔停口，讚口不絕！佢話抵食夾大件！飲品，糖水甜味剛剛好，招牌三式芋圓，蕃薯同芋圓都好好味，紅豆配搭唔錯，仲有涼粉一齊食，好有台灣既味道，好幸福🥰黑糖珍珠豆漿：豆漿既豆香配搭黑糖既清甜同珍珠既咬口，好好飲😍全部都好好味！老爺，奶奶都好中意，員工做野快手有禮貌，唔洗等好耐就有得拎！抵食推薦！食小食加一杯野飲已經飽左，買返屋一家人share好開心🥳…Read More

昨晚和老公去食dinner,食左一個德國豬手配烤薯同黑松露芝士pizza既set dinner，我地飲番茄湯，老公覺得好好味，我覺得甜左dd,但依然味道不錯！頭盤係黑醋水牛芝士沙律同埋一個辣辣地嘅雞翼沙律，黑醋水牛芝士沙律好好味黑醋同沙律好夾好香，而辣辣地嘅雞翼超好味，頭盤份量都唔少，落足料！德國豬手皮脆肉嫩，肉質柔嫩多汁，咬落去香口同埋d油香混合埋一齊，好好味！黑松露芝士pizza都好好食！可以話係我食過咁多間西餐廳嘅Pizza最好食嘅一間！最後仲有杯蘋果茶！一個set dinner都只係$168！但食物真係好好味，而且都幾大份！侍應禮貌，效率高，而且細心！廚師既手勢都一流，e間野絕對值得回頭，會成為我放假既飯堂❤️❤️食物CP值好高係生日既一個月內仲有9折！超超超抵食!!!!!…Read More

豬潤腸粉，炸兩，差燒腸粉，魚片腸，食過好多次唔同既腸粉，都好好味！肉係新鮮，冇果種放左好耐既怪味，豬潤大大舊，腸粉入面既料好多，好豐富！粥都係大大碗，材料豐富！食過發記既腸粉，去酒樓飲茶都唔會再叫腸粉！因為真係差太遠！放假唔知食咩就會去食發記腸粉😋😋😋睇倒佢既用心同堅持，所以多數都要排隊，但係值得既！已推薦比身邊朋友！…Read More

今日返工叫外賣，期待好耐冇食既沙嗲王白咖哩列飯，早早order好飯，等到12:50，外賣終於到了，咁多盒飯入面，竟然送漏一盒白咖哩美國肩胛肥牛飯，等咁耐，竟然送漏一盒飯，就因為返工lunch time時間所限，等到差唔多1點，已經覺得有d遲，如果返工方便外出買飯，都唔洗叫外賣啦！我對於一路都好有信心既沙嗲王好失望，其實一張單多order既，就應該要對2次！又或者由2個staff都對一次。本來仲諗住放假會去食沙嗲王既軟殼蟹，現在都覺得不要再去食回憶了！…Read More

今日一家人經過元朗，見到這間幾多人食，便入去試試，雖然價錢不大眾化，但絕對係一間對食物有要求既日式料理店。煎牛肉好香好好味，味道，口感都好出色！蕃茄配jelly超級好味！食完想再叫多碟，全枱人都覺得好好味！！炸物炸得剛剛好，唔太厚粉，唔覺得好油！刺身好新鮮！，壽司既擺設係花過心思！每一樣食物都有質素，就連香芋雪糕都同平時食開既唔同！好香香芋味，唔係只係甜味！店員服務好好，上菜同介紹食品都很用心！我會推介身邊朋友食！…Read More