healing food's Profile

朋友介紹星期六去了UMI，一入去環境不錯。係一個可以靜靜地傾下計享受美食嘅好地方，不可不提係窗外嘅無敵維港景色雖然佢哋嘅menu 選擇不多，但食物種類貴精不貴多，只要用心製作好味道便可以我同朋友兩個人order 左signature 嘅火炙北海道帶子明太子意大利粉，一上枱賣相已經好吸引，每條意大利粉都掛滿明太子醬汁，好味道更驚喜係M5 和牛壽喜燒意大利飯，舖滿飯面嘅和牛份量十足，配上濃濃嘅壽喜燒汁勁好味，意大利飯好輕巧一啲都唔「漏」，我哋貪心再叫多個韓式魚糕湯煮蜆，雖然蜆仔細細但夠份量，再加埋魚糕真係一個值得推介嘅小食當晚入座率約七成，希望香港人多啲留港消費支持本扡小店喇…Read More

第一次去獅房菜，佢有4款lunch set可以揀。不過因為2位起我同朋友要揀款同一款＇唔可以一人一款交換試吓有啲失望。套餐先來一個黑松露鮮菌楓葉粿加脆脆芝芯蝦舂卷，春卷d蝦好新鮮加拉𢇃芝士，好味道湯我揀咗鱈場蟹肉燴雪燕，好足料好好味跟住落嚟嘅黑松露炒蝦球帶子都好新鮮，以為份量少少會唔會唔夠飽呢，點知下一道法式紅酒燴牛肋肉份量十足，牛肋肉炆得好淋加上有紅酒汁連伴碟嘅薯蓉都食晒豉油皇龍鬚炒麵不油炒得夠乾身料亦多，食埋甜品紅豆沙加蝶豆水墨椰子糕真係好滿足飽到行唔郁，加上可以用商場優惠換coupon 每個餐減大約$ 100，呢餐都好超值，使乜北上搵食呢…Read More

今日係自疫情後第一次同好朋友食生日飯，當然要食餐好揀咗个園竹語因為佢坐得舒服，傾計都開心啲。我哋懶得睇Menu 所以一坐低已經選好食套餐唔使煩。呢個套餐好吸引，有兩小碟、醬燒原隻虎蝦、紅燒竹笙魚翅、珍饈四寶（有鮑汁扣海參，鮑魚，花膠，花菇）、招牌海鮮炒飯、金牌蒸小籠包同芝麻湯圓，睇到個陣容都好期待歎完成個套餐我同朋友都好滿意，每人＄498不算平但食物質素絕對令你覺得值回票價，尤其係虎蝦、紅燒翅、同海參花膠鮑魚都好有水準好味到我連啲鮑汁都唔放過，清碟仲有夠姜湯圓做甜品簡直係 perfect，夠姜味，仲可以係呢個潮濕嘅天氣去去濕但可惜又係犯左一個香港食肆嘅大錯，限時90分鐘，明明冇人等位都要叫我地埋單走人，真係有啲掃興，又要轉場繼續傾…Read More

個人好鍾意英式下午茶。最強嘅英式鬆餅加無盡添飲breakfast tea 係我至愛，但估唔到今次去試日式下午茶一樣有驚喜呢最先上枱既然係日式咸點，包括蟹籽沙律、海花蝦揚物、蕨豆腐配三文魚子醬油漬、煮物仲有壽司，全部都超水準，賣相精美不說，連味道都係一流日本餐廳嘅水準，唔會因為係下午茶而降低要求當我哋秒殺三文魚、金槍魚、牛油果壽司之後到甜點上場喇甜品陣容好強勁有芒果椰子奶凍、香蕉芝士朱古力脆脆波、士多啤梨忌廉筒、和式焙茶蕨餅同雙色蜜瓜忌廉蛋糕款款都超美味，再加上無敵海景view ，四季菊嘅下午茶同五星酒店比一啲都唔失色，但係好可惜當日享用嘅客人不太多，究竟係香港人已經無興趣留港消費，定餐廳位置太偏令人留意唔到希望多啲人知多啲人試吧…Read More

香港越嚟越少舊式酒樓，不過鳳城經常高朋滿座，想食最好訂定位之前去過兩次銅鑼灣店食經驗不錯，但周圍朋友個個都話本店最好食，所以趁去完朋友屋企house warming 之後一齊去北角本店食餐飽去鳳城一完要食蝦多士、炸子雞同西米焗布甸布甸仲記得要預先訂，否則分分鐘冇得食蝦多士名不虛傳，一啲都唔油仲好鬆脆，炸子雞上枱時熱辣辣仲鮮嫩多汁。煎蓮藕餅同生炒骨都好有水準，加埋粟米魚肚羮同鳳城小炒，一行五人剛剛好連甜品都清埋呀…Read More

今日第一次去基隆，食物真係有水準我同朋友兩個人叫咗公司三文治、豬扒炒公仔麵、欖菜肉鬆四季豆，公司治好多料，內𥚃嘅煎蛋仲係炒滑蛋，睇得出餐廳需小但絕對用心配搭食材四季豆炒得夠鑊氣，夠份量，味道亦一啲都不輸大酒樓水準，豬扒公仔麵一啲都唔油，真係好味大滿足，再加上店員嘅貼心服務，真心希望大家可以繼續多多支持呢啲本地小店…Read More

今日重訪Vivienne Westwood Cafe主要係想再食佢哋嘅High Tea，早幾年疫情時同家姐去過一次，當時已經覺得佢哋嘅食物好有水準，今日再試果然冇令人失望今日難得遇上剛推出嘅小精靈冒險之旅英式下午茶，當然唔可以錯過喇佢哋嘅鬆餅仍然係城中少有嘅美味，比好多大酒店嘅鬆餅更出色，熱辣辣嘅鬆餅加埋clotted cream 同strawberry jam 簡直好味到難以形容個人覺得佢哋嘅鹹點做得比其他甜點更出色，煙三文魚菠菜卷、煙火雞牛油果醬配脆薄片、大蝦佐香辣芒果醬同鵝肝醬多士都係超水準之作！除咗鬆餅之外，我最鍾意嘅甜點居然係薑餅人曲奇，哈哈，希望係下個月嘅聖誕節可以再訪回味一次…Read More

今日又同朋友留港周圍搵好嘢食，居然係深水埗區食到一個滿足度100分嘅日式鐵板燒二人龍蝦鐵板燒套餐價錢$948，係深水埗區絕對唔平，但有好多嘢食，包括刺身、沙律、活龍蝦、比自魚、牛肉薄燒、野菜、炒飯、味噌湯，未食先興奮頭盤有四款刺身，全部都好新鮮，最精彩係燒龍蝦，大廚將彈牙龍蝦肉加埋d膏一齊炒真係香口到停唔到口，美味100分比目魚同牛肉薄燒完全係水準之上，令人喜出望外，午市仲要唔收加一，難怪好多熟客幫趁真係區區都有好嘢食…Read More

10月初同朋友用優惠價錢每人$ 709食左一個好滿足嘅早午餐餐廳內部裝修簡潔明亮，加上360度港島美景真係冇得彈。打頭陣嘅香草麵包雖然好好味。但為咗留肚我哋都唔敢添食海鮮拼盤先聲奪人，有生蠔、煙三文魚、帶子、韃靼三文魚、韃靼鱸魚同魚子醬，全部都好新鮮。雖然食完有啲意猶未盡，但隨之而來嘅三「小」碟已經分散左我哋嘅注意力，有水牛城馬蘇里拉芝士配番茄、慢煮小牛腰肉配三文魚及酸豆醬同埋雞肝醬，水馬城芝士完全冇令人失望，平時唔食鵝肝嘅我居然覺得個雞肝醬配脆片好香口，同小牛肉薄片平分春色。跟住落嚟有龍蝦燉肉意大利粉同番茄煙肉意大利麵，呢兩道意粉濃厚嘅醬汁各有特色，我哋原本已經開始有啲飽但係都忍唔住連汁都食晒，未到主菜已經八成飽但面對三道主菜包括煎鱸魚、烤春雞同意式切片牛排都唔想錯過，點知最後仲有一個賣相勁吸引嘅生果加甜品盤，加埋soft drink 無限添飲，食完呢餐真係飽到一個點因為食物嘅份量唔細，我哋食到後來嘅意粉先確認原來所有食物都可以無限添食。最後我哋只係encore 左生蠔2次，其他食物雖然好好食但都只能食一次當日係星期日，但餐廳只係若三成滿，若果係以前應該🈵⋯⋯希望多啲香港人留港消費啦…Read More

幸得很久沒聚的朋友半夜搶先訂位，先至可以係星期六黃金時間享用到一頓美好豐富的意式晚餐抵達餐廳門口已經好鍾意佢嘅門外裝飾，有佢哋嘅signature 可愛廚手套黑貓，內裡是溫馨嘅擺設，冇嚇人嘅排場，感覺很貼地。朋友吃素我吃肉，所以今晚各有各叫不share 了。我試咗tuna tartare in a cannolo shell作小食，初時上枱我都唔知係自己order 嘅前菜，因為同平時點嘅tartare 賣相好唔同😂但驚奇地好食，tartare放在一個脆卷內。兩邊各有一點咸咸的火腿點綴，既有吞拿魚嘅鮮味亦有火腿嘅咸香味，食完前菜已經對呢餐充滿期待朋友試BRUSCHETTINE，係一個脆脆亞支竹上面有滿滿嘅burrata cheese，小巧但美味我哋今次各自試叫了一款意粉，我order 的是Sat/Sun special MEZZI PACCHERI RIGATI ，上枱時一見已非常吸引，濃濃嘅海鮮醬汁混合短身的管麵，像極大型通心粉嘅管麵意外地「吸」汁，混著內有新鮮車厘茹、魷魚粒、蜆肉、橄欖等少少辣嘅濃厚醬汁，好食到半點汁也不剩，大滿足朋友order 的是混合櫛瓜、意大利羊奶芝士和basil 一齊煮嘅SCIALATIELLI，唔好以為素食一定會清淡，呢種粗粗短短嘅意大利麵同以上三樣林料嘅配塔勁香濃，連我呢個食肉獸試咗一口都覺得有驚喜最後當然少不了甜品時間，為咗唔想後悔我哋兩個人一口氣試了三款甜品最令人驚喜嘅係朱古力拿坡倫millefoglie al cioccolato，一上枱已經俾佢嘅賣相吸引住，知道佢一定唔會令人失望，一個小小嘅甜品居然可以夾著超美味榛子醬、朱古力醬但酥皮仍然保持鬆脆，加埋雪糕簡直係完美組合，佢哋嘅Tiramisu 同Neapolitan coffee 加雪糕一樣出色，我同朋友都讚不絕口另外想讚一讚係佢哋嘅員工，全部都好友善，令我哋度過一個滿足又開心嘅周末…Read More

第一次到Auntie Malay 是朋友介紹，食咗海南雞飯、滷水拼盤同香酥薄餅（配咖喱汁），加埋兩杯班蘭紅豆冰亦只係每人$290，覺得好好味又唔算貴事隔兩個星期再約同一個朋友到訪「安娣瑪萊」（其實佢個中文名又難記又唔順口，真心希望佢地考慮改吓個中文名），今次食咗豬頸肉炒飯、雞肉串燒、炒蘿蔔糕同馬拉箋炒通菜，老實講佢哋嘅炒蘿蔔糕真係完全唔OK，但豬頸肉炒飯一d都唔肥仲好香口，炒飯亦入味，雞肉串燒係一大驚喜，又大串又juicy 係必叫之選我一向鍾意食通菜所以收晒貨但朋友認為炒得稍為過老，真係各有各口味雖然已經飽到上心口，但最後都係忍唔住叫埋上次已經好想試嘅班蘭多士，今次又係around 每人$300。總括來說Auntie Malay 絕對係一間值得一試嘅餐廳，必須一讃係佢哋嘅員工，全部都好有禮貌同耐性，絕對係一個加分位…Read More

Joyful 是少數美味而價錢大眾化嘅甜品小店，之前每次必定會order 佢哋嘅waffle ，今次到訪已經太飽，但又唔想錯過食一次少一次嘅米芝蓮甜品，所以今次叫咗比較輕巧嘅朱古力疏乎厘併綠茶雪糕疏乎厘鬆化香甜，綠茶雪糕不太甜，配合香濃朱古力剛剛好，如果可order 少甜更perfect ，為一個星期五晚上完美作結聽朋友講Joyful 快將結業，真係食一次少一次…Read More

香港飲食業經過疫情後以為苦盡甘來，點知又俾內地勁平消費打擊，朋友早前發現君悅扒房居然有限時買一送一優惠，我哋呢啲為食嘅人當然唔會錯過，拿拿聲訂位一齊食餐好原價$1280一位既套餐現買一送一，我哋揀咗星期六食連所有費用$1536 兩位即係每人$768，另加$30 任飲過濾淨化水首先上場嘅海鮮拼盤好新鮮，有生蠔 、昆士蘭老虎蟹肉加三文魚子、紅樹林虎蝦同油甘魚他他 ，當中最精彩當然係生蠔🦪，不過每人得一隻真係有啲唔夠喉龍蝦湯夠濃！好味！主菜我和朋友都揀咗M5和牛牛柳(180g)，佢要medium rare 我要medium well，因為我哋要嘅熟度不同所以唔可以order 一份340g肉眼扒share伴菜嘅炒青豆角同焗黑松露芝士通心粉都好好食，但食扒 又怎可沒薯條＇所以貪心嘅我哋另外再order 左一個黑松露薯條，一上枱已經聞到松露香，好在有叫咋一口氣kill 晒枱上美食後，最後當然要留另一個胃食埋經典甜品：朱古力布朗尼加雲尼拿軟雪糕伴車厘子醬，為呢餐做一個完美嘅結尾雖然好多人會選擇用呢個價錢五個人北上食一餐，但本地五星酒店扒房無論用料、衞生同用餐氣氛都有保證，何不偶然豪一次，選擇留港消費呢…Read More

香港嘅舊式茶餐廳買少見少，一係老闆年紀太大冇後生接手，一係賣舖移民去，真係食一間少一間。今日剛巧有事放半日假，只有半個鐘食lunch，一於去最就近嘅維多利，人物不變，仍舊係食佢嘅經典全日供應早／特餐：沙爹牛肉麵、火腿煎蛋、牛油方包加飲品，價錢只係$39，轉多士唔使加錢，改凍飲亦只加$2，同其他同區茶餐廳比真係平一截食物方面係懷舊風味，沙爹牛肉麵唔使改一丁／烏冬，本身隻麪已經最夾，加埋煎蛋火腿牛油多士已經係庶民美食，滿足又經濟，食完又出發，啱晒永遠趕時間嘅香港人一邊食一邊見唔少行街坊幫趁，去維多利絕對唔係食餐廳環境，係為咗一份人情味同香港情懷…Read More

今時今日香港人一到周末便北上，貪內地食嘢平夾抵，其實本地一樣有又平又抵食嘅舖頭。大家不妨留港消費，幫吓香港小店。「麻甩」的中午邊爐套歺只可以用超值嚟形容，我哋今日揀咗$108一位，食足100分鐘（如果食60分鐘更只要$88），另加$10 任飲無酒精飲品套餐包每人九片份量十足嘅美國黑豚肉（係厚身的不是薄如紙那種，以我哋兩個女士嘅食量已經好足夠），另加任食各款任食蔬菜（有娃娃菜、西洋菜、西生菜等）、各式肉丸（牛丸、貢丸、陳皮魚丸、龍蝦丸、海膽丸等）、水餃雲吞等。午市有四款湯底任揀：混你個醬卜卜蜆、蕃茄朱骨、香茜胡椒豬骨同上湯金柳素翅冬瓜鍋底，每人加多$20更可以揀特色湯底如特濃花膠雞煲、招牌麻甩雞煲等我哋揀咗卜卜蜆湯底，d蜆大大隻又鮮甜，湯底味道好濃加埋黑豚肉真係好好味，d肉丸同水餃唔係雪藏貨好高質如果男士或大食人士加$40 仲可以任食肉類，真係一啲都唔貴。我地最後埋單只係每人$130，已經大滿足到夜晚都食唔落飯，走時已book 定星期五放工去試佢地嘅晚市邊爐套歺，除咗有午市嘅特色湯底外仲加多一個雞煲，外加肉類各式丸類仲有海鮮併盤同新鮮魚生送，勁期待呀…Read More