Kavi Yau's Profile

話說今個日要同小朋友去上堂，不過遲到，me time得返30分鐘，所以就去咗大家樂諗住飲杯奶茶！星期六午餐都幾多選擇！今日揀咗個$49嘅常餐作為一個會煮飯嘅媽咪，見到啲單據上面嘅食材嘅時候覺得少貴！不過食完之後又覺得加上去嘅係心機錢！老土啲講句，蛋有蛋味，叉燒有肉味，而且叉燒醬嘅甜唔會過濃，生菜係走過油，所以食落仲係脆身，唔會腍啤啤！菠蘿油，應該係翻焗，熱👍🏻 同埋都係脆嘅！少少硬身個種脆！所以有驚喜！（實在食得太多菠蘿油都係淋哂）湯底同火腿就麻麻哋！剛剛唔合格，湯底係冇味嗰隻清湯，火腿就可能因為凍咗！夠鐘接放學喇！剛好下午茶！加咗啲輕食類！勁想食葡撻雞翼！不過小朋友揀左另外一個！$39 性價比都幾高喎！都幾大碗！我勁欣賞佢用呢隻牌子嘅牛油，份量好多！作為牛油怪嘅我，非常滿意！今日嘅午餐同下午茶就以滿滿嘅牛油西多士作結！快餐嚟講，可說是幸福感滿滿！下次見！…Read More

路過見到新出左牛油果burger同chicken bacon，即試！本身都鐘意食 burger, 好耐無食過覺得好食嘅 burger !!🍔 但今次尼個 double avocado burger 同 avocado chicken bacon 令我會再食返快餐！我會再返尼食！首先 order 同事好好禮貌，burger 拎上手溫度夠熱（我鐘意熱啲的）， 先食 double avocado burger , 好 juicy, 好有牛肉味，唔係一塊塊個啲硬硬牛肉😍👍🏻👍🏻之後再食 avocado chicken bacon , 因為食左牛肉先，諗住會比下去！點知食落又唔會喎！ 雞肉仲可以揀雞胸/雞髀肉，真係各有千秋！兩個我都好鐘意，雖然比出面burger貴啲，但我之後都會再返轉頭再食，大家不妨試下呀！…Read More

今日去MegaBox，突然間想食粥，所以就去咗靠得住！竟然見到$50 一粥一小食嘅餐，小食仲可以揀腸粉，我個心早兩日都想食腸粉！所以一見到就叫咗兩個餐再加一隻 $48乳鴿！$50 艇仔粥加混帳腸粉多魚少肉，味道都可以！腸粉係自己落醬，所以鍾意多麻醬嘅我非常滿意 😌另外再叫 $50皮蛋瘦肉粥加油條瘦肉好多，皮蛋就得好少，值得一讚係油條好脆！個粥係幾好食嘅！最後我哋仲叫咗隻豉油王乳鴿，一嚟到嘅時候忙到好失望，因為好似擺咗好耐咁，肉唔算多，不過$48都唔敢要求太多！不過下次就未必會再叫！埋單$174，下午茶嚟講，好似有少少貴🙈可能一個乳鴿有啲失望，所以會覺得貴，下次叫少隻乳鴿應該就會開心啲不過服務好好！拉個平衡👍🏻呢$174我願意俾…Read More

尼到上水一定要到新祥街嘅《樂樂冰室》！唔講唔知道，《樂樂冰室》已經有14年歷史㗎喇！但老闆好有堅持，除咗食物有質素之外，店舖仲係好乾淨！今日我就係你特登食好出名嘅《懷舊慢煎西多士》！一食落去就知道同出面嘅完全唔一樣！原來老闆堅持每次都係用新油，所以完全唔會有油益味，亦都唔會啡啡黑黑咁！食落香甜好好味，外脆內軟！係我食過最好食嘅西多士！所以我俾佢嘅必食指數係10粒星🌟另一個必食推介嘅係《鮮牛肉通粉配香港農場炒蛋餐》，佢哋嘅雞蛋香港本地農場雞蛋，保持新鮮度之餘，蛋味亦特別濃郁 😍 而通粉嘅湯底係每日新鮮熬製，所以清甜得來完全唔會覺得有油膩咁！而鮮牛肉亦都係老闆每日喺街市嚴選返嚟，唔係用普通牛肉架！而且呢個餐大大份，性價比超高，大家入去上水，記得要去試下喇！重申：佢哋嘅《懷舊慢煎西多士》係我食過最好食嘅西多士，沒有之一！大大推介呀！…Read More

Yeahhh !! 想食《呦呦鹿鳴布丁燒》 唔使再衝入葵涌廣場喇 😍 皆因《呦呦鹿鳴布丁燒》 而家分別喺銅鑼灣、旺角、尖沙咀都有分店，計埋葵涌廣場，已經有四間分店喇！我今日就去咗旺角分店，佢嘅門市超就腳，正正喺旺角地鐵站 B4 出口，一出嚟就見到 👍🏻《呦呦鹿鳴布丁燒》嘅布丁燒有成10個口味，如果預早預訂仲可以根據你嘅需要印上唔同嘅字圖，款式最少都有成16個比你揀添架！無論作為Party Snack，婚嫁回禮定係離開公司想送散水禮物俾同事，都係一個非常唔錯嘅選擇！而且《呦呦鹿鳴布丁燒》由一對專誠去台灣學藝的夫婦開設，特色布丁燒天天新鮮出爐，保證新鮮！我今日就試咗 椰爺布丁燒（椰青味） 同 回魂布丁燒（咖啡味），椰爺布丁燒清而不甜，而且仲係招牌款式，特別適合女士！而回魂布丁燒咖啡味濃，平時喜歡飲咖啡嘅朋友仔不妨一試呀！《 呦呦鹿鳴布丁燒 》- �葵芳葵富路7號葵涌廣場3樓TOP世界3069-T5-T6號舖- �銅鑼灣禮頓道134號希雲大廈地舖- �旺角T.O.P商場MTR/樓層K01-02- 尖沙咀港鐵尖東站ETS14號舖#呦呦鹿嗚 #布丁燒…Read More

適逢母親節，我哋一家就提早左一晚去食飯！因為有孕婦，好多野都唔食得，但今次揀咗圓方嘅天天海南雞飯，大家都好滿意！ 口淡淡嘅孕婦都食左一碗飯 👍🏻我哋四個人，今晚叫左三個餸！確實菜名唔記得，大概係燒雞，黑椒花膠同鴛鴦菜！ 《 燒雞 》唔鞋！脆皮！覺得好唔錯！覺得比之前食嘅海南雞仲好食（之前喺同店食過海南雞）《黑椒花膠》 百幾蚊一個餸，花膠數量都好好多！性價比高！黑椒味濃！喜歡黑椒嘅朋友可以一試！《鴛鴦菜花》 我哋揀咗小辣！惹味香口好送飯！我哋今日揀咗油飯，，其實最後我哋叫咗一大一小油飯，大油飯分到四碗，小油飯其實都分到三碗！味道幾好，香而不油！大家可以一試！…Read More

有時候唔知食咩好！何文田廣場嘅《你好！茶飯》都係一個幾好嘅選擇！雞煲、烤魚、糖水、台灣飯麵小食、中式小菜都有！而且價錢都好合理！味道都唔錯！今晚又唔知食咩好，我哋又過咗嚟食飯，貪佢多選擇，前菜，小食，主菜，糖水，飲品都有，唔洗周圍去。今晚我哋揀咗4007 鳳梨黑醋骨 $84 ：酸酸甜甜好開胃9002 花膠鮑魚雞（煲）$98：花膠同雞件都多，不過小鮑魚就得一粒切半，不過我自己就冇特別鍾情鮑魚，所以就冇乜所謂！味道老公覺得幾好！8002 鹹蛋炒苦瓜 $68：甘而不苦，清清地，我自己就覺得幾好！如果唔鍾意咁濕身，可以叫佢炒得乾身啲！我哋仲叫咗糖水同飲品！S21 紅豆紫米糖水加芋圓 $35 ：我係中式糖水控，所以我自己就好鐘意呢個糖水，又會好甜！602 海鹽芝士奶蓋茉莉綠茶 $28 ：味道淡淡的，芝士味比搶，如果鍾意飲士多啤梨，推介雙莓海鹽芝士奶蓋另外加咗兩個白飯，每個白飯$15！埋單 $343！我哋兩大一小，其實都食唔晒，最後有打包，外賣盒每個 $2！留聽朝中午，所以我覺得都幾抵！大家如果過開嚟何文田廣場，都可以試吓呀…Read More