siu mai lemon t's Profile

今日同屋企人食宵夜~要同大家介紹兩款我最中意嘅甜品：榴蓮梳乎厘班㦸同芒果河！「一加再加 只想追加杯碟果裡芒果榴槤原來多麼的貴 減價是真正目標」榴蓮梳乎厘班㦸班㦸外層微微焦香，一咬落去就有種空氣嘅口感，真係好過癮。榴蓮方面更係絕對唔馬虎，濃郁嘅榴蓮味道瀰漫口腔，相當足料。不過要留意啊，呢款梳乎厘嘅榴蓮味道堅堅地，如果你或你朋友唔係榴蓮控嘅話，可能會頂唔順芒果河呢杯芒果河都巧巧食，令人一睇就流口水~河粉嘅口感好滑好順，同芒果漿完美結合，帶出一種滑嫩又甜蜜嘅味道。而且，芒果肉同小丸子都巧巧味~味道唔會太甜膩，而且有淡淡嘅芒果香氣~ …Read More

今日陪好姊妹慶祝考試順利~ 去食好 D 先黎個小食 - 黑松露薯條。嗯，滿心以為咁簡單野食，好難出事喇，但點知有啲太乾，而且醬汁唔夠。不過唔緊要，呢到可以係度補充架！建議一開始就有多啲醬汁，應該會更好味！接下嚟就係神奇芒果啦！佢個椰奶嘅味道突出，好香濃！如果鍾意椰奶同芒果嘅組合，呢個係一個好好嘅選擇~第二杯係粉橙夢幻啦！有士多啤梨同新鮮橙一齊，真係好解膩！佢酸酸甜甜嘅味道，好適合食完油膩野飲~接住嚟就係油封鴨腿煎鵝肝意粉喇！意粉普普通通，無乜特別嘅地方。不過，鵝肝入口即融嘅感覺真係巧正喔！只不過有啲可惜嘅係鵝肝嘅味道偏淡啲，希望可以更突出啲！最後，就係好多人叫嘅火焰橙酒可麗餅！哇，佢唔單止好食，佢都好好睇！因為有真係火係上面燒，好特別~而且，裡面仲有橙肉食，正喔~…Read More

今晚同書友仔去食咗一個好正嘅晚餐~ 就係去咗「Chef's Stage Kitchen」~我地叫左二人餐再加野食，先試咗佢哋嘅炭燒穀飼澳洲肉眼扒拼香草牛油焗波士頓龍蝦尾～正常啦，冇特別之處，但都好好味。肉眼扒係好嫩滑，龍蝦尾就算焗過都仲保持住鮮甜嘅味道然後，我又試咗佢哋嘅燒法國春雞，真係好香嫩皮脆！個皮烤到金黃色，咬落去有啲脆脆嘅口感，雞肉都好多汁，以雞黎講唔算平，但又真係巧食～最令我地驚喜嘅係佢哋嘅法式生牛肉他他！呢個真係太好食喇！佢哋將生牛肉切成細粒，再加入各種調味料同埋鵪鶉蛋，混合得恰到好處，每啖都帶出牛肉嘅鮮味同口感。一黎到就畀朋友食曬，相都影唔到切，佢哋都大讚～最後係初榨純橄欖油蒜香白酒煮紐西蘭海鑽蜆扁意粉。意粉煮得好爽滑，蜆肉鮮甜多汁，同埋有啲蒜香同白酒嘅味道，好開胃。意粉軟硬度適中，食落好有嚼勁。總括嚟講，「Chef's Stage Kitchen」嘅晚餐真係好出色！佢地D 奶茶都巧巧飲~ 呵呵 …Read More

今晚我同為食好姊妹去食肉!係尖沙咀行完街，超肚餓，所以就搵左一間專係食肉嘅餐廳喇~佢地都有好多唔同選擇，但我地已經太攰，唔想諗食乜，於是就叫佢乜都有嘅九宮格盛合喇～裡面Ｋ有好多我都未聽過嘅部位～有特上牛舌芯、牛頸脊、和牛五花、和牛三角腩、沙巴當磚、和牛友三角、極黑和牛、一口和牛同埋壺漬牛肋條，簡直係肉肉天堂呀！每樣肉質鮮嫩多汁，入口即化，望下d雪花就知，真係巧巧食呀～燒肉過程都好順暢～ 唔會出大煙，亦都唔易燒焦本來以為可以叫兩盤黎食，但女人仔都係眼闊肚窄，一盤就夠飽。同姊妹喪傾計，慢慢咁燒好每一塊肉～…Read More

好姊妹畀個 crazy 同事發曬脾氣係咁鬧，我地要食返夠本呀! 我地去左一間貴野! 叫做「the praya」，真係貴架，但好食！送畀好姊妹~「係佢痴左線啦 甚至發花癲啦無非幾天變化 就像自刮幾千巴其實佢潤你話你鬧你 知佢品格超差畢竟人太癲 不能直說真話」首先，佢嘅陳年花雕醉蜆真係好食嘅~個花雕味好舒服，因為我地都唔飲得酒，所以酒味太濃就會敏感。醉蜆嘅味道好鮮甜，真係好想食多 10 隻！再嚟就係佢嘅照燒頭抽雞，呢個真係巧巧食！佢哋燒嘅雞肉好滑嫩，而且照燒醬汁嘅味道好濃郁，令到啲雞肉同雞油之間更加豐富嘅層次感。而佢嘅大根魚湯浸瓜，真係係我最愛嘅一道菜！佢哋嘅手功好精細，魚湯浸瓜嘅湯汁入味，而且瓜嘅口感都保持得好脆口，真係抵讚呀！不過，啫啫芥菜就有啲失望，因為佢完全係白恰菜，冇啫啫嘅味道。希望佢可以再改進下處理嘅方式，以免令人失望喇~最後，佢嘅合桃費南雪配自家製雪糕真係一個完美嘅句號！合桃嘅香味雪糕滑順口感真係好夾，係出邊唔係周圍都食到呢隻味~總括嚟講，「the praya」嘅晚餐真係好出色，亦都幫我姊妹出左氣！陳年花雕醉蜆同大根魚湯浸瓜係我最中意嘅菜式～不過啫啫芥菜就有啲失望，暫時唔需要係呢到食啫啫芥菜。…Read More

今晚同左個親戚食「川味雞。烤魚大王」，平時都好少食川菜，今次真係捨命陪親戚～「畢生也願記起　川雞烤魚大王川椒璀璨烤魚定會很正坐黑膠凳　辣味記憶　旋轉中細味街邊魚蛋也沒法比」1. 泡淑烤鱸魚：哇~ 呢道菜真係辣到痴線！廣東人應該唔係好岩食，但我個親戚食得好開心，佢覺得味道好正，唔會太油膩。但係佢都話食多幾舊魚之後，味道就好快厭，可能因為個辣味太濃，食多咗，條脷就會麻左，就冇咁有味喇。2. 芒果梳打：呢杯芒果梳打真係大大杯，ＯＫ好飲！仲有啲果肉，飲落去可以咬下，幾開胃！食辣野係要飲返杯凍梳打先豈，好解渴，好味！3. 芒果沙冰：份量都ＯＫ夠～ 一杯芒果沙冰成口都係芒果味，算好濃郁呀！都係用黎解辣，可以一飲～…Read More

「熱咖啡呀，味覺很劉華，我真是好奇炸魚柳呀，一直人氣高企」今日要上慈雲山，上山前先食早餐～我同山友仔叫左兩份早餐，第一個係英式早餐。呢個早餐真係好豐富，有厚多士、煙肉、豬肉腸、煎蛋同烤櫻桃番茄。厚多士香脆外脆內軟，煙肉煙香味好濃郁，豬肉腸彈牙又多汁。煎蛋煮得剛剛好，金黃色嘅蛋黃流出嚟好吸引。烤櫻桃番茄加咗烤過味更濃郁，口感酸甜又多汁。整體嚟講，英式早餐係一份豐盛又美味嘅選擇～正 第二份就係炸魚柳早餐。呢個早餐都好吸引，有嘅配料同上面一樣，炸魚柳外脆內嫩，魚肉鮮美好滋味。炒蛋煮得軟熟滑嫩，整體嚟講，炸魚柳早餐好開胃又美味，上山前岩曬~…Read More

「刺身 食開廿舊 彼此有豉油刺身 其實我絕非食得不夠」今日好同事買左壽司刺身一齊食，等我要同大家分享下對佢嘅評價啦～1. 壽司盛：好同事一拎出黎，就好似一個色彩繽紛嘅禮盒咁！入面有三文魚、吞拿魚、鱆紅魚、立魚、赤蝦、赤貝、火炙三文魚、火炙魷魚、火炙星鰻、蟹籽＋唔知咩魚～ 每一款都好鮮美！聽講唔係次次都同款海鮮，增加左新鮮感~每一啖都帶來滿滿嘅驚喜同滿足感！2. 海膽刺身：佢地嘅海膽刺身真係無得頂啊～算好新鮮、滑溜，一入口個質感好順滑，口感細膩！真係一種平民 lunch 嘅小奢華享受！如果你係海膽嘅愛好者，可以下呢個海膽刺身！…Read More

 朱古力牛角酥🍫 「它 一小節也許足夠我抖震提鍊於透視熱鬧的焗爐從它 該知道我的快樂與不幸一路有牛角酥 陪我這一朝」佢係啱啱出爐嘅，佢嘅顏色係深啡，閃閃令，好吸引~ 食入口個酥皮好薄好鬆脆，外層牛角酥酥脆可口，裡面嘅酥皮層層疊疊，咬落去有種鬆脆嘅質感，好似咬住一啲小小嘅餅乾咁唔算太油膩。朱古力嘅香氣喺口裡散開，有 d 微甘，濃郁嘅朱古力味道散發出來，入口即溶，帶俾你一種濃郁嘅香氣，同酥皮嘅好夾。總括黎講朱古力牛角酥係一款令人愛不釋手嘅甜品。唔論係下午茶定係隨時小餓，都可以滿足大家嘅少女心~ …Read More

我要講下「% Arabica」嘅西班牙拿鐵，佢嘅香氣好濃郁，令我一聞到就好滿足！啲咖啡豆嘅風味同牛奶嘅濃郁完美結合，俾咗我一種溫暖同舒服嘅感覺。飲落去，呢杯拿鐵嘅口感好滑順，一啖落去就好滋味！咖啡同牛奶嘅比例恰到好處，唔會太濃太苦，亦唔會太淡無味。佢嘅咖啡含量適中，唔會太刺激，飲落去令人心情舒暢。另外，「%Arabica」嘅美式咖啡，係我嘅最愛之一！佢嘅香氣好濃，一杯咖啡嘅風味好濃郁，帶嚟一種獨特嘅苦甜味道。啲咖啡因嘅濃度都係夠，啖落去令人精神為之一振！…Read More

首先，我要講下佢哋嘅神石榴酸橘汁醃海鮮。佢嘅上層係一層酸甜嘅啫喱，咁下面就係唔同口味嘅海鮮。裡面有油甘魚、北海道帶子同八爪魚，真係口感好豐富！再嚟就係香煎法國鵝肝，同埋日式醬油漬溏心蛋黃多士，仲有醋漬青提子同青蘋果蓉。鵝肝煎得香脆，配上溏心蛋黃多士同埋醋漬果仁，真係好岩打卡呀。青蘋果蓉嘅清新味道，令整個菜式更加平衡同和諧。唔可以唔提就係佢地嘅手打意大利粉~威尼斯鴨肉醬手打意大利粉同卡邦尼手打意大利粉啦！兩款手打意粉都好入味，醬汁同意大利粉互相融合，味道非常濃郁。威尼斯鴨肉醬嘅豐富口感同卡邦尼嘅濃郁奶油味道，都係一定要試嘅！我覺得鴨肉醬好食 D~ 最後就係油封黑線鱈魚。鱈魚嘅魚味都好濃郁，而且魚皮炸得香脆，魚肉滑溜~仲有青蘋果絲同埋墨西哥青醬，增加咗個清新嘅風味，好搭配鱈魚嘅濃郁魚油香 …Read More

我吃了 讓我奮不顧身的一豬手我肯定 這就是我所追求的豬手今晚信步而行去咗食 The Salted Pig 嘅晚餐~雖然比預期中貴少少，但都真係一餐唔錯嘅晚餐。首先，人叫我叫，點咗佢哋嘅招牌德國咸豬手。出面食豬手，大部份都係 $100 - $200 左右，呢間餐廳收成 $300 有多，係唔係真係值呢，就見仁見智。但係佢嘅豬手係大隻嘅，而且外皮烤得好香脆，入口之後仲有啲咸咸嘅滋味，唔係超鹹或乾硬化豬手。肉質算嫩滑，有咬口嚼勁。同埋，佢仲配咗啲酸菜同埋香甜嘅芥末醬，會令味道更加豐富。Btw，我本人唔好食酸菜。至於飲品方面，我揀咗佢哋嘅 Sangria PINK。呢杯飲品個樣真係好普通，完全打唔到卡。佢應該係用左紅酒同埋水果調製，飲落去，味道 OK 清新，有啲甜甜嘅，同埋有啲微微酸酸嘅，好開胃㗎！岩曬解豬油~…Read More

秋風終於起~ 係最好嘅打邊爐時候喇！首先，講下佢嘅鴛鴦鍋湯底啦！真係好正，兩個人打都可以有兩款湯底～佢哋嘅鴛鴦鍋湯底有好多款可以揀，清、辣、濃、淡、養生都有，可以分開兩邊，唔使怕要就邊個！口痕友又可以一邊食麻辣、一邊食清湯，真係岩曬一眾好奇寶寶！先嚟就係冰鎮鮑魚啦！呢個係個少少貴啲嘅，比想像中少，但都可以一試嘅～鮑魚嘅肉質厚實鮮嫩，但反正我地都係勁肚餓，Ｄ 野食一黎到就即放入鍋，佢冰唔冰鎮都無所謂～但如果有朋友係中意，放係張檯欣賞下個鮑 十幾分鐘之後先食，咁就可能需要冰鎮喇再嚟就係人人都點嘅「企鵝丸」啦！味道係比想像中好，外形都可愛，令人忍唔住想咬之前，望多一眼～真係一款岩曬我 D 充滿少女心嘅朋友仔！最後嘅特選級牛肩胛啦！呢款牛肉真係上乘到冇得彈！每一啖都食到牛肉嘅鮮美！真係令人回味無窮！呢個可以叫三盤！總括黎講，企鵝丸 同 特選級牛肩胛 係我覺得比較值得叫嘅～留意返，最近都多人，最好早多多黎～ 如果唔係有排等…Read More

1. 玫瑰西柚台灣阿里山金萱烏龍茶：呀！呢杯西柚茶真係好特別㗎！佢嘅味道好香郁，一試難忘。杯中嘅玫瑰花瓣同西柚都好靚，真係一個好搭嘅組合。而且茶味清新，香氣十足，又唔會有苦澀味。係一個好適合同姊妹或自己一個係下午茶享受嘅選擇~2. TIRAMISU：唔似一般嘅Tiramisu嘅質感，佢係非常濕潤。每一口都可以感受到嗰層層嘅蛋糕同咖啡味，真係好濃郁。第一啖可能無太多感覺，但係佢會令你愈食愈想食。呢個Tiramisu仲有一層濃滑嘅 cream，令整個層次更加豐富。我特別鍾意佢上面嘅朱古力粉，加埋紅莓，令佢更加好睇又好食。呢一間真係一直保持良好水準嘅西餐廳，連佢嘅下午茶都好出色。不論係玫瑰西柚台灣阿里山金萱烏龍茶定係Tiramisu，都絕對可以滿足你對美食嘅追求。我每次去都有種好舒服嘅感覺，係迫左少少喇~ …Read More

乘早車，忍耐著呵欠，完全為吃個便飯。今日比較早就出門口，去到黃大山求期食個飯。係近電梯位，見到間嚐館，見到人唔多，唔使等位就入左去。本身無期望，佢交到 50分嘅貨，我就滿意架喇~但D野食一黎到之後，發覺佢地嘅午飯真係好唔值得！佢有勁多舊薯仔，而牛腩真係超少嘅，牛腩咁少梗係唔夠喉啦！但只少個味道係 ok。另外，佢嘅香草茄汁焗原條龍脷意粉就真係完完全全唔值得讚賞喇。魚肉好淋，意粉又好淋，成盤野都唔好食。個質素似四十幾蚊或以下個 D 碟頭飯。講返佢個價錢先，每個人均$80，真係唔值得！係同區，有大把餐廳比佢更抵食，更有性價比。呢到嘅午飯真係令人失望，唔推介大家去食。…Read More