hwyung3的個人專頁

聽就聽得多, 但又有幾何會入元朗!!今次入黎探朋友, 順便拉佢去食勝利牛丸!!佢讚到D牛丸好好味架!!!我開頭淨係諗住食牛丸米, 點知原來, 牛丸牛腩牛筋各自都係$38, 雙拼三拼都係一樣價錢, 一場黎到, 叫返個三拼試晒佢D餸啦!!牛丸牛腩牛筋三拼米粉!!!味道確實不錯!! 牛丸好爽口, 真係同出面個D有分別, 但又未至於傳說中咁好味, 但如果打邊爐買返去都不失唯一個好選擇!! 牛腩都好林, 不錯, 唯一美中不足既就係個碗太細, 唔係話佢個份量細, 係個碗太細, 搞到冇嘜湯咁, 我中意多湯, 見到朋友食河粉, 食到一半都冇晒湯!!!如果下仲再黎元朗又要快食都可以再黎!!但專登黎食就唔會LU~…查看更多

本身打算行一陣IKEA去食個TEA, 但係IKEA真係好大同好多野睇, 行完已黎差唔多6點, 邊度都冇下午茶啦, 所以唯有係返IKEA小食部食啦!!!其實次次都會咩都想食!!HAHA!!今次叫左個熱狗餐, 1份肉丸, 3隻雞翼, 1份薯仔星星魚柳, 一個乳酪雪糕!!熱狗餐好似咁多年都係$10, 好鬼抵食, 汽水仲任添, 我地飲完百事又飲檸茶!! Yummy!!第一次食個薯仔星星魚柳配他他醬, 都唔錯!!乳酪雪糕都係第一次叫, 個醬係平時肉丸個甜醬, 我麻麻地中意, 平時食肉丸都唔會要個嗰醬, 如果再食乳酪雪糕會走醬, 就咁食都好味!!滿足既下午茶!! =]…查看更多

今日約左朋友係九龍灣MCL睇AVENGER4呀!! 時間係11:55!!因為要睇成個3鐘, 一定要填一填肚, 又好想食早餐!!呢間冰室既早餐ORDER時間係去到11點半架!!!去到門口既時候勁開心!!叉燒意粉+豬扒煎蛋+牛油多士+熱咖啡(拼博 $29 再追加 $12)沙嗲牛肉公仔麵+蜜糖雞扒茄汁豆+牛油多士+麥精(拼博 $29 再追加 $12+$3)牛油多士牛油多士牛油多士!!無論你叫咩餐記得都一定要包左呢個牛油多士!!! 好好味!! 我一定會為左呢個牛油多士再黎喜喜冰室!!!仲有個麥精!! 而家真係唔係好多茶餐廳/冰室有得加維他奶同麥精!! YUMMY!!! 我開頭見唔到咋, 我朋友叫左我先知有,,,下次都要轉麥精!! (同飲紙包既感覺係唔一樣啊)!!雖然話就話係早餐, 其實都食左成個常餐落肚, 但好滿足!!!熱推!!!…查看更多

荔枝角搵食真係好有難度, 一黎呢頭咩都冇, 2黎D2 PLACE D餐廳都唔平, 所以無奈今日就試下呢間BUGIS.速食既我地都冇咩點睇到MENU, 人人直接黎個自選1人行算數, 都OK AR $92蚊有主菜+小食+飲品, 主菜有9款, 我地3個人叫左2個新加坡無骨海南雞配油飯同埋一個海鮮叻沙摻摻, 小食都有9款可以揀, 我地揀左原隻棒棒脆蝦, 惹味沙嗲雞肉串燒同埋絲綢豬肉春卷。無骨海南雞最緊要雞滑, 佢都做到既, 而且雞既肥瘦適中, 都幾滿意, 而油飯都擔當一個好重要既角色, 佢呢間既油飯都唔錯, 值得一試!!!至於個海鮮叻沙摻摻我都好中意, 海鮮方面唔多, 得2隻蝦同埋好多魷魚, 不過湯底做得唔錯, 可以再辣D, 豆卜最正!!HAHA!!但不幸既事發生左係我地身上, 我地叫既沙嗲雞肉串, 朋友咬左一口即刻吐出黎!!!完完全全未熟!!2成熟咁!!! D肉仲係切切實實既粉紅色!!!!!!!!!!!!!!!!!立刻叫人黎睇!!!!佢地d態度都唔係真係好好,,,冇咩歉意咁…有小小嬲..不過廢事小事化大, 最後應該係個nice d既人拎左第二碟串燒黎, 同我地解釋返因為廚房新黎, 較錯左焗既時間, 唉…真係嬲又唔係,,,唔嬲又唔係…anyway…其實佢D野食又唔係難食既!新加坡無骨海南雞油飯海鮮叻沙摻摻原隻棒棒脆蝦 & 惹味沙嗲雞肉串燒絲綢豬肉春卷…查看更多

今日同隔離位同事都冇帶飯就諗住試下用網上外賣平台訂LUNCH, 其實我都係第一次用, 見佢有張50蚊COUPON就試下啦, 見到附追餐廳彈出黎比較吸引既係呢間韓國CAFÉ, 於是就打左2個SET, 運費 $20, 減左DISCOUNT $50, TOTAL $102，很花算。因為公司送外賣唔可以送到上黎, 最後同個送貨司機搞左一輪先拎到餐, 呢個係有點麻煩, 不過佢態度好好, 所以沒有不快既事情發生。套餐A $6810件韓式紫菜包飯3件韓式炸雞道地冬瓜茶套餐B $64韓式芝士年糕3件韓式炸雞道地極品解茶紫菜包飯幾好味, 炸雞只係雞搥仔, 比想像中細, 但送到黎既時候都仲熱, 而且味道不差, 都算可以。但個韓式芝士年糕就真係麻麻地, 味道怪怪。總結係如果冇50蚊COUPON, 好難接受呢個LUNCH要70幾蚊。…查看更多

第二次黎啦!!!好開心!!上次黎食LUNCH食左個定食已經好飽好飽, 所以今日專程黎食TEA!!食甜品!!!YOYOYOYO!!MENU甜品有好多選擇,,,有小小花多眼亂!!最後最後叫左2個甜品: 清新柚子梳乎里(附香草雪糕) $68 & 紫薯窩夫(附紫薯雪糕) $52清新柚子梳乎里(附香草雪糕) $68同個名一樣!!!柚子味真係好清新, 好特別, 梳乎里軟林林, 焗到岩岩好, 香草雪糕好滑, 唔係普通野, 同埋唔知點解佢唔會溶得好快, 可以慢慢享受, 正呀!!值得推介!!!紫薯窩夫(附紫薯雪糕) $52我開頭以為係格仔餅咁樣, 但原來係DONUT窩夫做底, 紫薯蓉包住個紫薯雪糕, 紫薯味超香, 唔會好甜, 隔離有杯好似係椰汁味既汁, 同紫薯都幾夾, 沾同唔沾都各有特色. 各有好味!!!中意紫薯既一定要試!!!…查看更多

今日星期五專登放假去玩, 去玩之前諗住食個BRUNCH先, 呢間屋子生活其實係OPENRICE睇過幾次都想黎, 不過就係唔多順路, 反正今日得閒所以就黎左!!!其實都唔難黎, 一出地鐵商場落一層就係, 可能係平日所以唔使等位, 裝修好簡約好靚, 一入去就見到有大玻璃, 陽光射入黎好舒服, 真係好有FEEL, 佢仲有座地下位, 日式FEEL好濃, 不過我今日著左裙, 所以都係坐返椅先LA, 下次有機會再黎坐地下。我叫左 關西牛肉定食 配 抹綠奶茶 $82嘩!!好豐富呀, 中間係超級勁多既牛肉, 下面有粉絲, 牛肉超好味好甜, 粉絲又入晒味, 正!! 白飯加左日本個D伴飯食既料, 超好味!!! 仲有前菜, 麵鼓湯同埋沙律, 份量多到我真係食唔晒!!至於個抹綠奶茶以為佢跟餐飲品會好HEA, 點知都係勁好味!!!! 物超所值!!朋友叫左呢個 溫泉蛋海老天婦羅冷烏冬 $88又嘩左出聲!! 好鬼靚呀!! 隻溫泉蛋不得了, 下面仲有烏冬, 睇落去好似好少, 但食起上黎好夠飽, 味道一流, 炸蝦天婦羅又熱又脆!!!另外叫左杯MOCHA , 因為餐飲冇MOCHA揀一都冇得加錢, 係另叫既, 拉花雖然就普通D, 不過味道不錯, 不會太甜。GOOD CAFÉ!!…查看更多

四個女仔食生日飯, 諗住黎間有特色小小既CAFÉ, 呢間係OPENRICE睇相就無敵, 實際真係差差地, 我唔會光顧第二次LAW我地叫左個 烏卒卒火山岩漿泡菜芝士炒飯 $148 一睇就知係佢最引以自豪既招牌菜, 的確個樣好呃LIKE, 但係好難食呢! 灰色個D係蛋白, 打到咁好難食, 入面泡菜炒飯格格不入既感覺。完!!勁失望!!!第二個主菜 黃金海鮮鹹蛋黃醬PIZZA $138, 呢期興咩都鹹蛋, 就試下呢個加左鹹蛋黃醬既PIZZA, 其實味道就冇咩問題, 都OK, 但好似真係冇咩海鮮?? 說好的海鮮呢??韓式炸雞 三款口味 甜醬油 甜辣 柚子蜜 $178呢個最正常, 三款口味都不錯, 而且雞都算滑, 份量適中, 不過不失!!!最好味既係呢個 榛子香蕉班戟 $68 甜品, 除左佢呢餐飯冇特色可言, 個班戟好香, 香蕉朱古力呢D配搭一定唔會死人, 不過佢個班戟係焗得幾好, 鬆軟度岩岩好, 要叫甜品就叫呢個!!另外個TIRAMISU $58 又係一個惡夢, 唔好食!!! 食完一啖好似冇人想再食佢, 就知咩事, 我都唔想食, 佢D酒係咪過多?? 感覺上最底層係度出水…又係得個樣!!!唉!!!!…查看更多

今晚要係CWB食晚餐, 真係諗唔到食咩好, 隨手係OPENRICE度搵, 見到呢間THAI菜都唔錯, 就黎試下, 食完覺得一般般, 有點貴, 環境比較黑之餘仲好嘈, 但服務算幾好, 我地最後坐到打洋, 好似有小小阻住佢地做清潔收工, 但佢地都好好態度!!!我地叫左個拼盤，有好多小食款, 有蝦餅春卷豬頸肉….每樣都幾件, 有3款醬可以點, 好好味, 好值得推薦既前菜!!!仲有我地每次食親泰國野都一定要叫既生蝦, 好新鮮, 個醬又夠辣!!好正!!!另外再叫左條酸辡魚, 賣相好, 但唔算大條, 味道麻麻, 好酸而且冇咩肉, 入面D配菜都係奇奇怪怪, 不值一試。最後再點左個通菜, 都係冇咩特別, 唔難食但又唔係好食，馬拉盞味不夠!!!甜品叫左個芒果糯米飯, 糯米飯有2款, 普通白色同紫米, 湯丸咁細, 一啖仔, 芒果算甜, 整體還可以, 但同泰國比較, 價錢同質數都唔係好掂!!!!唔會因為佢既味道而光顧第二次。…查看更多

今晚慶祝生日揀左係黃金海岸住一晚, 順便食埋佢個自助餐, 我係分開訂既, 自助餐價錢折左係$491 一個, 錯價唔算好貴, 食物都唔錯, 自助餐1800就開始啦, 我地游完水返房整理下就準時落左黎, 所以D野食都唔係好多人拎過, 影相幾好睇!!!海鮮方面係冇生蠔冇龍蝦, 但就有長蟹蟹, 500蚊都唔可以要求咁多, 何妨佢D長蟹蟹都唔錯。最有特色既係出面既BBQ!!! 有專人幫你燒好晒, 而且選擇好多, 有乳豬, 琵琶鴨, 羊架, 雞翼…好多好多, 我最中意佢個炸雪糕!!! 係用雪米糍整出黎, 炸完之後個皮好煙UN, YUMMY!!熟食都有好多選擇, 但係我真係眼闊肚窄, 好少影煮食既相, 因為我都冇咩點食, 好快已經步入甜品階段, 佢呢間既甜品我係幾欣賞, 因為有D係冇得睇唔好食, 有D係有得睇唔好食, 佢呢間都算有得睇有得食, 我都食左唔少款, 當然仲有HAAGENDAZS 做結尾!!…查看更多

終於飲到D人排到癲既老虎堂!!! 唔知係熱潮已經過去定係因為附近競爭太大, 我地星期日7點幾去到!!! 排隊買再加等拎既TOTAL TIME係15分鐘!!!!!!!!又話等個半鐘先飲到既野咁快就到手!!!開心興奮!!!虎虎生風系列(波霸+珍珠) $30最期待既畫面出玩啦, 影完相再SELFIE完一輪之後就飲第一啖啦!!!! 超香既奶味!!!!!好中意啊!!!!再加上黑糖味真係絕配, 唔算太甜, 甜度適中!!! 注意*****甜度同冰度都係冇得揀SET死左!!! 甜度我明, 但點解冰度都冇得揀!!!! 其實有半杯都係冰!!!! 飲到下面好淡!!! 重點*****珍珠超’’林’’, 有失所望, 失敗位就珍珠!!!一D都唔好食喎!!!(可能之前期望好高) 亦有朋友解說可以同多唔多人排隊有關, ANYWAY, 決定唔到會唔會有第二次, 因為仲有好多選擇可以試, 到時試完再決定邊間自己最中意!!! =]…查看更多

呢期勁HIT既黑糖珍珠鮮奶你又試左幾多間??就咁亂UP CWB一條街都3間過江龍, 但都要排隊, 好可惜我一間都未試到, 我諗總有機會既, 今日就係屋企樓下見到呢間SHARE TEA放左個2奶架, PROMOTE緊厚黑糖珍珠奶, 另外仲有杯係上面再加CREAM, 一樣價錢!! $30!!忍唔住要試一試!!!心諗一定唔會好正, 因為都冇見FD/新假X又講過呢間出, 但係結果讓我好驚喜!!!我雖然冇試過其他, 但我覺得SHARETEA呢杯都好正!!首先我係完全冇少呢少個樣, 因為我想試真D!!一飲落去第一啖就勁重奶味, 跟住就啜左粒珍珠, 超煙UN(我一向都覺得SHARETEA D珍珠係OK GE, 好過好多連鎖), 跟住再嚐到黑糖既味道!!真心唔太甜, 好好飲, 最後我係回家唔夠5分鐘既路程飲曬!! 重點下次真係可以少冰!! 因為我冇試過其他店, 所以就咁睇係個賣相差小小, 味道呢間係OK!!我諗我要認真考慮出去排下隊比較一下!!話曬我對珍珠都有一定程度既喜愛!!…查看更多

第二次光顧呢間CAFÉ, 第一次黎覺得好正, 除左食物好味之外, 服務一流, 價錢亦都好合理, 環境又唔差!!所以今晚諗住再黎, 但係有小小唔好采, 今日好似有一班人係度開PARTY, 好似好忙咁, 幸好食物質數沒有差到。我地都係叫左2個MAIN, 跟住有餐湯同埋力咗SALAD BAR, 有野飲。今日既白湯係黑松露忌廉湯, 超好味呢個忌廉湯, 好滑, 黑松露味好香, 成個湯好CREAMY, 正!! 餐包仲要係溫暖!! 唔係凍冰冰!! GOOD!!!至於個主菜就叫左個 西班牙火腿卡邦尼意粉 $128, 意粉份量大, 兩個人SHARE食就岩啦, 汏為佢又係超CREAMY!! 自己一個食晒會好飽!! 另外一個係比較LIGHT D既 香煎三文魚柳配藜麥沙律 $178, 三文魚煎到岩岩好, 未到100% 熟透, 中間部分好似9成熟咁, 仲有三文魚原先好滑既口感, 藜麥沙律夠晒健康!!熱桂花蜜花茶+$3荔枝玫瑰梳打+$5…查看更多

第一次坐低食爭鮮呀!! 仲要係美食沙漠裡面食!! 好興奮!! 因為$8 碟!! 我一心諗住食到嘔都唔肉痛!! 不過打左小小底先黎，因為知一定要排隊，最後星期六大概2點黎到, 都有一團人排緊隊，但我估會好快, 因為佢限時每人食40mins, 最後發覺其實40mins都有d趕, 因為想食既野遲遲都冇轉到去我地前面!! 有點失望!! 但價錢真係好平, 最後2個人食左16隻碟, $128 走人。芥辣八爪魚軍艦泰式生蝦壽司：泰式生蝦真係好少見係sushi度, 都係配返泰式醬好d!! =]北寄貝壽司：有沙, 小心!!三文魚刺身：$8 3件, 不過不失!!!新鮮既!!油甘魚刺身：佢全店有一款係雙碟價錢, 呢期係油甘魚刺身!! $16 3件, 大大件!!新鮮肥美!!超值!! 呢個唔會拎唔到!!所以抵讚!!!螺肉軍艦炙燒三文魚腩壽司：黑碟都係$8, 不過得一件, 佢真係燒得好靚!! 燒到豬頸肉咁既樣, 上面仲放左d類似7味粉既物體, 以為會好好食!!誰知係伏!!腥到阿媽都唔認得!!!重點係佢不停出呢個!!!原先黑碟有幾款, 帆立貝, 赤海蝦, 我只係見到對面迴轉左一round!! 轉到過黎冇晒!! 又冇再refill!! Refill全部都係呢個炙燒三文魚腩壽司!! 等到夠鐘都係得炙燒三文魚腩壽司!!好嬲!!!蝦壽司x三文魚壽司 mixed枝豆藍苺芝士蛋糕：$8 食緊出面café是日蛋糕$30 既質數!抵!! 唔係話佢好好, 係出面太呃錢!! 不過都唔錯!!有多款甜品, 應該唔會太差, 好岩一家大仔黎!!!…查看更多

今日本身約左打邊LO, 點知有人臨時有事冇得打, 要轉戰觀塘食晚飯, 得返兩丁友諗住食好小小, 黎到東廣場, 呢間都算東廣場入面既貴價野, 主要係食豬, 乾脆試下。佢平均每份豬既價錢都係$150-$200之間, 又唔係真係好貴, 但係呢個廣場又好似唔係好抵, 當你知道其他舖位可以賣咁平仍然生存到既時候, 就估到佢食水深!!不過認真, 食物質數係唔錯既, 而且見好似冇BOOK枱既人WALKIN都冇位, 我地都冇BOOK, 係因為早到所以先有位。叫左個特別推介 橡果級黑毛豬極品梅頭叉燒 $168, 食完第一舊之後，我同我朋友既第一個反應都係「高級叉燒」，自已定義褒定貶義啦, 問心佢真係肉質柔軟, 肥瘦剛好, 肉味豐富, 多汁，對叉燒冇要求既朋友可以繼續食返屋企樓下燒味舖!!!因為佢D野都唔平，為左填肚我地叫左個 西班牙海鮮炒飯(細) $198，賣相不錯, 海鮮有蝦, 青口, 飯入面有D魷魚, 第一次食西班牙海鮮炒飯，唔知佢個味係咪真係咁, 但味道不錯, D飯有小小似意大利飯既感覺, 當然冇咁CREAMY, 個飯唔算太大個, 2個人一定食剛好!!…查看更多