shaneschan的个人专页

睇完MM介紹就想試。第一次去太多人排隊所以冇食到，今次去咁岩一入去就有位，Nice👍🏻餐廳座位唔多同埋圓枱坐得逼啲，店員上菜都要好小心同客人配合讓位。選擇困難咁其實好多菜式都想試，最後叫咗嫩雞煨麵同香酥雞麵。嫩雞煨麵湯好香好好飲，有陣牛奶香幾creamy但食落唔會好漏，勁多雞肉同埋菜，食落好鮮甜。香酥雞麵嘅湯有胡椒味，飲落好暖胃，炸雞大大舊炸到外脆內嫩好juicy ，麵質口感煙靭，正👍🏻食食下見到隔離客叫嘅糖醋排骨麵同大排麵都好吸引! 下次再試😋豆漿都唔錯!…查看更多

炎炎夏日的中午時段很多人排隊排在我身後的小姐得在門外吹着熱氣排隊但還是靜心等候等了大約30分鐘後就在吧枱前的座位坐下餐廳裝修很有格調，就在吧枱能欣賞廚師細心備菜的身姿店員先遞上一杯玄米茶，茶色清但茶味濃點單後還需耐心待餐前菜美味開胃，涼麵味道清爽飯的份量不多，但肉吃得很滿足推薦加一份小的咖喱，吉列豬扒配咖喱是王道。…查看更多

好耐冇去旅行，好想食返之前去韓國食醬油蟹個風味。朋友推薦話醬缸嘅醬油蟹好好食，所以決定去試一試！因為星期六日只可以walkin，6點去到巳經排哂長龍，企樓梯排隊有啲危險而且要小心冷氣機滴水好彩等得唔耐，排咗40分鐘就有得食！排隊企住等，等到好肚餓，一口氣叫咗醬油蝦醬油蟹芝士口排骨拉麵炒年糕準備大快朵頤，但係醬油蝦醬油蟹都唔入味，好似自己點豉油咁飯好食，我鍾意自己撈。芝士口排骨，唔錯，但有啲鹹。拉麵炒年糕，好食，年糕煙韌，但拉麵太鹹。其實我想食埋成碟，但太鹹，我驚食落去會傷腎，所以最後放棄。講真真係好失望，朋友極力推薦，OpenRice評價唔錯，黎到見咁多人排隊，一心期待可以食餐好嘅韓國料理…但食完今次唔會再嚟。…查看更多

服務好好，超級Nice! 室內環境都好靚。每杯酒都用心製作而且好有特色又充滿驚喜每杯都想試但飲唔到咁多，下次再嚟! 平時放工時間好full，想walk-in要早啲去~…查看更多

原本都好期待試呢間餐廳今日第一次去，都會係最後一次去。入去餐廳自己揾位坐低之後自己去落單叫咗2杯芝士奶蓋茶、黑松露薯條、小食拼盤同意大利麵然後等上菜。天氣熱好需要補充水份，好彩飲品好快到。見到個杯大大杯好興奮但係有一半都係冰仲要芝士奶蓋冇芝士味好令人失望。叫咗兩個小食但估唔到會係意粉上先，味道可接受。乾蔥香炒蟹膏蟹肉意大利麵($128)食完個麵之後等咗13分鐘先上薯條黑松露醬都ok但薯條炸得太燶。黑松露薯條($68)之後一邊食一邊等等咗16分鐘終於見到個小食拼盤點解可以咁耐？店𥚃面只有3~4枱客等待期間忍唔住問店員係咪漏咗⋯差啲以為係fine dining 小食拼盤($128)因為冇晒炸魷魚鬚所以轉咗魚柳我估唔到小食拼盤可以咁難食而且好多油好難形容個炸雞柳同雞翼係咩味，但真係好難食☹️得個魚柳放到入口，但食之前要用紙巾吸油。由於個炸雞真係太難食，原本想試佢啲甜品但食唔落就走咗。…查看更多

今年年頭同恩恩去完大樹先生玩，恩恩一直都好想再黎玩！成日掛住個好大好大o既波波池哈哈！今日終於放得閒帶恩恩再次到訪喇！可能因為係星期一，冇咁多人，所以再次成功walk-in入場！其實未入場恩恩已經好興奮，點解？因為！因為！波波池變左金色啊！變左金色感覺唔同左好多，好襯我的小公主！唔知下次轉波波係幾時呢？在reception登記時見到有粒好靚o既彩蛋，接待員姐姐說是大樹手作班的成品，有機會都想同恩恩一齊參加！除左波波池唔同左之外，原來連Menu都唔同哂！Keep住有新鮮感好多新菜式都好吸引好想試下！唔覺唔覺就order左好多野食添！每樣都好好味，恩恩食到舔舔脷！但最得我歡心的是他們的特飲--藍天！藍色好靚啊！遊戲區門口有2部迷你夾公仔機，原來只要平日黎餐廳，消費滿$300就可以有代幣玩！又多左一個遊戲玩喇洗手間直行轉右的指示好貼心！畫得好可愛啊！…查看更多

收工同同事去食飯~~~南小館為前有食過，生煎包小籠包擔擔麵係招牌菜，黎到一定會order!呢個皮蛋椒豆腐好好吃!多人食飯的好處是可以叫多D不同的菜食！好似有新菜式，乜都試下!但今次再食份量好像變少了，味道也更鹹了，所以一直叫服務生加茶要讚一讚服務生好有禮貌我地人多分左幾次落order有D亂但佢都好細心仲印單比我地睇下有冇漏單甜品個個都要茉莉花茶凍！真係好好味！…查看更多

前日大仔放學後帶佢去試呢間pizza！佢好鍾意食pizza叫了一個2人餐，都幾抵食！$198有沙律, 2個小食, pizza個飲品, 飲品可以加錢換特飲。我好鐘意佢個香蕉奇異果冰沙好新鮮的配搭又健康2款小食都好好味，芝士薯條有好多芝士！！2人餐份量剛剛好，我同大仔都食得哂反而個義式辣肉腸pizza一般, 可能已經有少少飽下次再試其他款pizza!…查看更多

大樹先生的家聽就聽得多，但玩就未玩過因為真係好難Book位琴日放假到附近行開，想順便行去望下有咩玩，去到竟然有得walk-in！真係超好彩！哈哈門口接待個員工幾好人，細心為我同恩恩介紹餐廳價錢同遊戲規矩入座之後其實patpat都未掂到張凳，恩恩就衝左去玩~見到咁大個波波池好令人興奮！成個人訓落D波波到好舒服，恩恩好鍾意我用波波將佢淹沒！波波池隔離仲有沙池，但冇波波池咁大玩到唔知時候，原來要Last order，恩恩玩到累要食飯喇~可能佢地食物包埋玩樂o既收費，所以都有D貴，但有得食又有得玩，貴少少又有乜所謂丫~恩恩開心先係重點！之後一定會再來！…查看更多