RiceComeOpenMouth's Profile

7月無得去日本🇯🇵？思鄉嘅你可以考慮嚟呢間餐廳，達摩主題裝修，唔少擺設都係由日本空運過嚟🎋，佈置得一絲不苟，超多打卡位📸！食滿$400就可以參加大抽獎🎁，大獎可以贏得日本來回機票添🤩！走嘅時候記得喺達摩牆跟住教學許願，唔好好似小編咁分錯達摩左右眼😂。店員話每次股東飛日本都會將呢啲願望卡一次過帶返去，超有心思！由前米芝蓮餐廳星級Chef主理，絶對唔係得個樣，食物方面推介呢幾樣:1️⃣盲盒神石燒($88)一次過可以試齊3款牛肉🐂，鹿兒島A4和牛肉眼、澳洲M5和牛西冷、慢煮和牛舌芯，除左賣相有儀式感🔥，肉質真心唔差，尤其係牛舌好爽彈，仲用salt board代替一般石燒，細緻位攞滿分！2️⃣達摩天丼($198)比想像中大碗，有齊龍蝦肉🦞、蟹肉碎🦀、帶子粒，真材實料，米飯仲要係用鰹魚昆布湯烹煮🍚，無需額外加調味料都超級好味！3️⃣ 巨根玉子燒($88)唔好睇佢中間冇乜流心效果🥚，但係食落都幾香芝士同cream味！4️⃣櫻花虎蝦天婦羅($88)真心有驚喜，除咗本身啲蝦夠大隻🍤，炸嘅方法係首先沾上櫻花蝦，食落加倍香😋！5️⃣富士云魅($58)見到隔離嗰杯好靚，跟叫，味道清清淡淡，有椰香🥥，唔甜，係個讚美！打破左"裝修擺盤靚就係得個樣" 嘅誤會😂，成個用餐體驗令人滿意👍🏻，前米芝蓮餐廳星級Chef有料到！…Read More

燒肉店竟然推介和牛壽喜燒😲？主要係因為佢好創新，同傳統食法唔一樣，係專人火炙🔥，然後沾上加左黑松露嘅蛋漿，再舖喺飯上面。$98有兩片💰，兩個人share都得，純靠火槍燒熟所以偏薄左啲，呢個價錢都可以一試！牛舌半條($115) 👅，店員話其實原條嘅size望落差唔多，純粹厚少少，因為太大條嘅關係，全程有專人幫你燒，彈牙爽口👍🏻！每日限量發售嘅A4和牛牛板腱($198)🐂，油花均勻，唔算厚切但咬落無渣。成日見佢喺openrice做promotion~ 喺TST真係好抵食=!…Read More

門口都幾有feel，Dinner以家淨係serve 1個 menu 💰$880pp～店員一開始就拎晒D食材出嚟～見到大大隻紅蝦、龍蝦、caviar己身經心心眼😍。有幾樣item較深刻印象:1️⃣Hokkaido Uni Cup & Lobster Jello - 視覺效果滿分，加埋Caviar (+$50)好奢華💎，海膽creamy仲帶有百合香氣。2️⃣White Asparagus - 木盒入面係枝caviar cigar，撒上seasonal 嘅white asparagus無比矜貴！3️⃣Lobster Rice in Soup (+$90) - 用龍蝦肉&殼煮成🦞，加左日本夢美人米變成泡飯，仲有隻大蟹鉗😋。大大枝XO當做香水咁噴，龍蝦湯加上陣陣酒香，配搭100分👏🏻！4️⃣Carabinero Red Prawn (+$290) - 係餐廳signature，攞過獎🏅，識食一定將蝦頭入面嘅精華倒出嚟，成個pasta嘅味道再度升華！5️⃣Sous Vide French Pigeon (+$180) - 朋友㨂左另一個main~ 一邊係乳鴿胸，一係係鵪鶉髀，肉質軟腍配埋自家調製醬汁好高質。6️⃣Dessert & Petit Four用熱情果同芒果做成嘅mousse酸酸甜甜🥭，清新解膩，下層竟然係黑糖馬仔，配搭新穎～唔洗額外加錢嘅main course得 Iberico Boneless Pork Rack🐷。留意餐廳將Smoked Quail Egg & Caviar + 瑩光魷魚 + Crab meat 放埋一個碟上 (片尾) ，當左做3個course🫢，成個menu就稱之為8-course。雖然係咁，菜式都算有心思，$880可以話係入門級價錢嘅Fine Dining，dating或者for celebration約會都諗得過！…Read More

應該係中環最高性價比嘅steakhouse💎~ 最抵嘅$200仲可以無限添薯條🍟！小編揀咗12oz Herby Flat Iron Steak ($265)，5成熟清楚見到中間粉嫩紅色😋！薯條係M記幼身嗰隻嚟嫁！牛扒之外仲有Threads爆紅嘅捲捲意粉($168），龍蝦蕃茄醬好香濃🦞，意粉偏硬身有咬口！個人好推介佢地嘅酥皮湯✨，好多時入面都係洋蔥湯，呢度超有誠意🫶🏻，入面超足料，好多牛腩同薯仔，成功俾佢驚艷到🔥！講起unlimited fries嘅steakhouse大家都知有好幾間，但係以呢間價錢最抵食💰，menu仲要好多元化，兩個人嚟平平地過下癮又得，一大班人嚟可以試多幾款，真係唔好錯過steak以外嘅野呀🤤！…Read More

香港咁多泰國餐廳呢間都算有特式🥢～Focus泰北菜，幾款signature dish喺出面都未必食到✨，2024上左米芝蓮推介，平日都滿座，最近荃灣仲開左新店，重點同大家介紹呢幾款。1️⃣ 軟殼蟹咖喱 $188味道無得輸，咖喱入面仲有蟹肉🦀，唔會太辣或者太咸，配蒜香包食得好開心🧄！最好額外叫多份薄餅，咁就可以將咖喱完美清晒🫓。蟹肉大件厚肉，趁熱食仲脆脆地，好滿足！2️⃣ 泰北咖喱金麵 $128見Openrice好多人推，同樣係咖哩但真係不能相比～似撈麵但多汁版，絕對係必試😋！兩層雞肉，咖喱香濃，上層麵條脆炸，下層係伊麵，texture好有衝擊，絕👏🏻！3️⃣ 炭火鹽燒魚 $198平時食開都係用火爐上嘅鱸魚，無諗過烤魚係咁大條🐟，成盤上連埋D菜同米粉勁澎湃！第一次用手挖魚肉，好raw呀🤌🏻～肉質超鮮嫩，本身鹽燒己經好惹味，仲可以加醬調味，當佢烤肉咁夾生菜食又得🥬，夾米粉又得，自製咖哩米粉都仲得～mix & match free style，點都好食❤️‍🔥！…Read More

佛系餐廳食飯前要先求籤❓呢間尖沙咀新開嘅酒吧餐廳每位客人都可以求籤🔮，最少好似小編咁贏到隻公仔，最多全單八折✨！由天文臺道轉入諾士佛台第一間，一入門口就好大個熟成櫃，入面掛住原條巨大三文魚🐟，聽聞遲啲仲有其他肉類。始終喺諾士佛台地舖，氛圍比較熱鬧嘈吵。串燒基本啲嘅有五花肉($68)🍢、免治雞肉棒($48)，比較特別嘅有蔥爆牛舌元寶($88)🐂，超大嚿厚切牛舌中間夾咗勁多蔥，中間略嫌有少少韌。鹽燒熟成三文魚柳($268)價錢偏貴，但燒得好香😋，鹽燒虎蝦($78)好大隻不過有少少乾身。炭燒鰻魚玉子燒($118)  趁熱食嘅時候中間仲有少少流心嘅蛋漿🥚，有水準！估佢唔到有港式雞油煲仔飯，朋友揀咗雞雜，小編雖然唔食，不過欣賞個飯有飯焦👏🏻！之前喺日本見到會開花嘅Cocktail呢度都有，有蘋果同花香🌹，視覺味覺效果一流！甜品麻糬雪花冰有驚喜🍧！中間仲有麻糬，底下仲墊住豆腐花，幾有誠意！熱情仙人掌味嘅Shisha唔係度度都有🌵，味道偏清淡，幾relaxing，配下啲佐酒小食枝豆炸甜薯片咁🫛，應該係呢條街最all rounded有質素嘅新店！…Read More

呢日試左灣仔呢間泰國菜🇹🇭，聽聞班底層經喺米芝蓮餐廳做過，一次過叫晒兩款signature！泰式龍蝦金邊粉($268)真係成隻龍蝦開邊起肉🦞，仲有三隻大蝦，偏乾身，金邊粉炒得幾入味，辣得過癮🌶️！泰式土鍋($158)好似個迷你火鍋🍲，湯底好清唔油膩，有陣陣泰式香料味🌱，配料有大蝦兩隻🦐、雞肉、貢丸、粉絲，雞蛋🥚做蛋汁或者打散去做蛋花湯亦得！小食就試咗沙嗲雞串🍢($88 )，炸蝦餅($98) ，水準都正正常常！飲品就叫咗椰子沙冰($58)，冬蔭冰冰梳打🍹($58 )，後者其實一啲都唔辣，少少似鹹檸七嘅感覺。值得讚吓嘅係椰子雪糕🍨，問咗餐廳原來唔係自家製，但係來貨好高檔，椰子味香濃🥥，如果配花生碎就更加泰國fu啦！價錢比起一般泰國菜可能貴，不過餐廳而家做緊promotion✨，只要擲骰擲中某個Number，就可以有折㗎啦！…Read More

原來呢間居酒屋推出sake free flow自由飲🍶，6點後可以自助式咁暢飲20+款sake🤩！除左串燒&料理🍢，鐵板燒都有~ 係private room私人度高。💰$188就有sake free flow每日6-9pm~ 可以飲足3個鐘⏰，之前都試過幾間sake放題，覺得呢間sake種類多啲🫶🏻。呢日專業唎酒師有返工，撞正唔多人，小編就好好彩咁上左節sake堂👨🏻‍🏫，唔單止出動私伙杯，仲逐一講解唔同sake同歷史，呢個絶對唔係自由飲包嘅 service~ 不過都好佩服呢位唎酒師，真心feel到佢好熱愛工作，拎個心對待客人👏🏻！食物方面試咗竹枝拖羅蓉($138)，塞滿成個筒份量都合理。石鍋飯有幾款，struggle揀邊樣，覺得松葉蟹甲羅燒石鍋飯($188)最吸引🦀，otherwise鰻魚望落都唔錯，一份夠兩個人share。如果你諗緊石鍋飯定係夀喜燒，咁一定係前者，後者太多地方食到，有對比有傷害。推介魷魚海膽卷刺身($148)，捲着海膽嘅口感再度精華！抹茶雪花冰($98)比想像中更好食🍧，飲住sake食冰都未嘗唔係個好方法~…Read More

最近發展灣仔呢間開咗13年嘅居酒屋竟然請左個插畫家🎨？只要提早兩日前同佢哋講聲，就可以免費幫你畫碟🥰，難道幾高都一樣做到，慶生一流🎂！唔好以為好貴~ 呢間餐廳走親民路線，好高CP呀💪🏻!🔸特選海鮮丼 $338Menu上面最豐富係佢，一碗有齊12種刺身🐟，牡丹蝦打孖上，大隻新鮮，極上拖羅，海膽等，連鮑魚都有❤️‍🔥！留意佢嘅飯係赤醋飯，性價比爆燈💯！🔸汁燒免治雞軟骨棒 $38 ; 吉列廣島蠔 $68每次去居酒屋都會order雞軟骨棒🐔，呢度個汁燒整得超惹味~ 廣島蠔新鮮炸起🦪，外脆內juicy又唔腥，推介!🔸壽司&刺身小編主要都係單點，特別推介期間限定家賀壽司($48)，壽司飯上面除咗吞拿魚蓉之外，仲有一大舊海膽，一啖食落去超級滿足😋！海膽分咗兩隻，小編要咗最頂級嘅北海道海膽($85)，根據Market price去定價。鍾意鰻魚嘅一定要叫原條海鰻($45)，成尺長嘅鰻魚比起普通版本足足長三倍啊📏！黑松露特大帆立貝($78/2)，雖然reel入面冇Focus，但係帆立貝足足1cm厚💪🏻，超級推介！龍珠卷$148開始普化，溏心蛋黃加吞拿魚蓉本身已夠邪惡，仲要加埋海膽，點可以唔滿足🤤？🔸巨峰提子乳酸梳打酒 $68特色飲品分size叫，最大杯有成850ml，酸酸甜甜又帶點都OK濃嘅酒味🍺，幾過癮！🔸特濃開心果雪糕脆窩夫杯 $68 ; 巴斯克芝土蛋糕 $68重頭戲係甜品環節🤩！雪糕pistachio味真係特濃啊💚！Basque cheesecake都好香~ 隻碟靚到咁😍連Labubu同Crybaby打羽毛球都畫得栩栩如生，唔知準備嗰位係插畫家👩🏻‍🎨定係廚師👩🏻‍🍳呢？好犀利呀💕！…Read More

Times Square對面呢間舖仔細細嘅串燒店原來咁多嘢食🍢！每日有唔同特惠推介，啤酒$48買一送一🍻，出示我IG呢個post可以再有8️⃣折✨✨！首推海鮮類🦪，唔使喺酒樓一大圍都可以食到惹味海鮮😋~即開新鮮蒜蓉大生蠔($188/6隻)，蒜蓉扇貝帶子($70/2隻)，蒜蓉粉絲大蟶子王($50/隻)，樣樣都份量十足，大大隻多粉絲，蒜蓉多到可以用嚟辟邪!串燒分別推介王牌牛舌心($38)👅，質感偏淋，金菇肥牛卷($28)堅係大塊牛包住大大卷金菇🍄‍🟫，其餘豬牛雞羊都不錯~ 全部串燒都可以自選辣度🌶️！蔬菜類一定要叫蒜蓉原條茄子($38)🍆，蒜蓉舖天蓋地咁點可以唔惹味...來貨係咪唔洗錢🧄?!粉麵飯類都有唔少選擇，小編試咗花甲粉($65)，食到最後味覺已經被蒜蓉覆蓋🙈，只能說湯底辣得幾刺激都唔遜色。芝士年糕($28/2件) 煙韌韌，中間芝士燒到暖暖哋最後食反粒都唔錯🧀！港式串燒配啤酒真係最有feel嘅配搭🍺，買一送一平均$24有杯 Stella / Hoegaarden / Suntory 任你mix & match，姐係CWB呢個中心地區有間港式串燒可以堂食，仲要折上折咁多offer💡，想麻甩一下真係要嚟呢度啦!…Read More

最近試左呢間米芝蓮推介餐廳~俾佢地個matcha green外牆吸引左👀，食意大利 x 地中海fusion菜，presentation幾精緻，tasting menu $538就試到晒佢地signature dish，加$120仲可以有兩杯house wine🍷！💰Tasting menu $538一共5個starter最鐘意係 Eggs Tonnato，外形得意係個加分位，texture無想想像中細滑但入面嘅tuna mayo鹹香濃味😋~ Tuna tartare🥚較為清新作為starter真係好refreshing ~ Main 我地叫左餐廳signature海鮮”砂鍋”西班牙短麵 (+$80pp)🍝，西班牙大紅蝦好大隻鮮味十足🦐，短麵唔係成日有，sauce好濃郁海鮮味，的確出色🤤！Dessert揀左tiramisu~ 追開食評都知小編鐘意重rum味，呢度偏淡。另外apple tartin (+$20) 偏甜，少左D果香不過個低好脆身🍎。…Read More

西餐之外原來蒸氣海鮮都可以好浪漫?呢間喺天后有維港海景view嘅新開餐廳主打阿拉斯加長腳蟹，新鮮即蒸原汁原味，全程有staff serve舒舒服服，女仔唔洗怕食得狼狽keep住儀態~ 重要係甜品同drinks都好啱打卡，成餐飯靚住食! 𖥸 真•阿拉斯加長腳蟹海鮮蒸 & 刺身套餐 $888/位得一個set menu食到10+款海鮮，啖啖肉鮮味無窮，小編highlight重點講兩句。⸝ 刺身拼盤先由sashimi platter開始食起~ 賣相加分，有齊花龍蝦、法國銀鱈魚、北海道帶子、加拿大象拔蚌、赤身、酒漬赤蝦超大隻，用特製醬油浸泡過後更突出鮮味、日本室樽生蠔好肥美但海水味偏重。⸝ 龍蝦湯蟹膏蟹肉蒸蛋用返阿拉斯加長腳蟹嘅蟹膏蒸蛋，比想像中滑溜，好想食多round! ⸝ 阿拉斯加長腳蟹 & 北海道北寄貝新鮮嘅海鮮清蒸就已經好好食~ 蟹腳啖啖肉簡值係人間美食🦀~ 同北寄貝一齊蒸，精華全部跌落粥底❤️⸝ 蘇格蘭刺身帶子 & 法國野生深海白鱈魚帶子同鱈魚同樣令人回味~ 值得一提係帶子個湯係海草西京miso，暖胃又鮮甜!⸝ 日式蟹皇雜炊蒸氣火鍋嘅靈魂在於粥底，吸收晒咁多海鮮同雞嘅精華，尤其係呢個天氣，ending the set with 雜炊is just perfect!其他item仲有「芝士櫻花蝦鮮鮑魚」、「每日手打鮮製墨魚&蝦滑」、「京蔥醬油走地雞」、「野菜盛盒」，甜品cheesecake個presentation啱晒慶祝，加埋個靚景值回票價! …Read More

板神5週年推出超抵dinner set✨~ 抵至$555就可以食到南非鮑魚+紅蝦天使麵 + 自選牛等一共8️⃣道菜❗平時閒閒地都過千嘅set以家$555- $805就食到💰~ 想食豪D就好似小編咁揀最top嘅和牛A5厚燒🐂再加配重點推介!♨️5週年鐵板燒dinner set本身set已經包左Salad Starter + 西班牙紅蝦天使麵 + 南非鮑魚 + 季節魚 + 自選肉 + 野菜 + 炒飯 & 湯 + 甜品, 仲可以add on!🔸Teppanyaki 食Angel hair🍝?! 原來唔係pasta嗰隻😂~麵底㓜細口感炸到超鬆脆，同想像中嘅完全唔同有驚喜😌！西班牙紅蝦新鮮彈牙🦐，再加埋蝦膏調味，成件事係輕盈得嚟有鮮味👍🏻。🔸南非鮑魚睇住佢喺鐵板上面仲郁緊👀，新鮮已經証明佢好好食👏🏻！🔸呢日小編食到鱈魚🐟，師傅功架keep到肉質滑溜juicy！🔸炒飯做結尾係必然的🍚，食到最後所以調味特登偏淡少少，粒粒分明，好香口😋！🔸抺茶布甸到以家都回味緊🥰～面層陣抺茶唔會苦澀而且好natural🍵，balance返個布甸，平時有得就咁買嚟食就好了。🔸自選肉「和牛A5厚燒set $805」&「和牛A5薄燒Set $755」真心好難講邊款好食D🤭，因為厚燒食到牛嘅肉香更濃，一粒入口油脂即爆發🤩！薄燒就食到超香蒜味，各有千秋🧄！🔸火焰北寄貝 +$65 要add on的話會recommend呢個🔥~餐廳主打新鮮食材師傅好少有表演，唯獨呢個有D視覺效果會令dining experience加分👏🏻。…Read More

呢間餐廳1969年開業，係香港第一間意大利餐廳🇮🇹，serve過好多名人，踏入綠色木門行落basement，雖然翻新過但依然保留大部份原有裝修，天花吊左好多橄欖油空樽，好有懷舊感😍。1️⃣ Beef Tartare $188追開食評嘅都知小編幾愛beef tartare，呢晚有叫呀不過味道爭少少唔夠seasoning😕，賣相又唔多討好，唔推介呀！2️⃣ Tagliatelle alla Bolognese $248Handmade tagliatelle配上beef ragu sauce🐂，係呢度signature dish，牛肉醬味濃郁，pasta都幾掛汁，但切勿期望過高。3️⃣ Fettuccine all'astice fatti a mano $628全部pasta都係自家製，口感的確係新鮮D👍🏻，呢個應該係menu上面最貴嘅pasta，原隻Boston Lobster肉質彈牙🦞，闊條麵都係用seafood sauce調味，同Bolognese相比之下明顯好食D😋。4️⃣ Chestnut Tiramisu $88由於小編好鐘意食粟子🌰，繼黑白大廚後chestnut tiramisu又咁紅，呢個變左做best of the night🤩，入面有栗子粒，同咖啡味well balance，為呢餐飯劃上完美句號。老實講以家咁多意大利餐廳，以食物質素嚟講，有唔少都好過佢😅，食落真係無咩驚喜，不過嚟呢度食嘅係香港歷史🕰️，而且味道又未至於差嘅，整體連埋個氣氛都算定價合理。…Read More

日式放題同任食火鍋食得多，可以試下呢間由韓國人主理嘅韓燒店🇰🇷~ 最平$348 dinner就可以無限時任食燒肉♨️，以家dinner仲有醬油蟹送，60+款熟食+多款飲品，環境闊落可以慢慢坐慢慢食，港島區嚟講真係好抵玩🤑!咁親民嘅價錢竟然offer韓國直送五花肉✈️，牛肉都算係高質~ 咩都未order就上左一盤燒肉拼盤🥓，有齊熟成黑毛安格斯牛肩扒、牛頸脊同豬五花等。店員會幫你燒~ 估唔到放題都咁有service🫡!醬油蟹&蝦拼盤限送一份🦀，可能係你唯一覺得唔夠嘅野😆!熟食方面有超過60款🤩，全部都係傳統韓國菜，海鮮煎餅、部隊鍋、炒粉絲、辣炒年糕全部都有~ 炸雞有驚喜~ 兩隻味都出色🐣。最後當然要食甜品~ 雪條雪糕都係韓國品牌唔係hea你🍨。總括嚟講，如果你係meatlover，真係可以坐幾個鐘食好多好多肉，就算你唔係食肉獸，都大把韓國菜俾你揀🥢，一個價錢食晒大半個韓國。…Read More