SamFong1850's Profile

慶祝生日揀咗位於中環元創方呢間22 ships。由於無學過西班牙文，menu 又無好詳盡咁寫啲meal 係點整，所以事前都做左小小功課，大概知道會叫啲咩。餐廳係英文溝通的，位置都好足夠唔會迫埋一齊，位置有室內亦有室外，訂既時候可以註明。場內音樂聲係岩岩好聽又唔會阻到傾計，拿捏得幾好👍🏼首先必須大力拍手👏🏻比services 我地的那位小姐，所有都做到非常足，令你成餐飯都食得好開心，主動介紹白酒，主動幫你分食物。唔係chur你快啲食完果隻，佢係會放底食物，比你影完相一大輪再返黎問你需唔需要幫你處理果隻🫡留港消費係值得既！入返正題，呢到可以話係係香港食過最好既西班牙菜，叫左4樣野，Scallop,Ham、Tortilla、Pulpo、Txuleta ，每樣都好好食。1. Scallop,Ham ： 4樣當中最唔突出但作為前菜恰到好處，帶子火候掌握得好唔會過熟，配合ham係有更帶出鮮甜。要注意menu 價錢係1粒only。2.Tortilla ： 好好味既西班牙蛋餅，最大優勢係無洋蔥！出面食好常有洋蔥係入面搶走薯仔口感同蛋香！但呢次食得好滿足，切開蛋餅入邊有半熟嘅蛋汁流出嚟，入面薯仔唔會太硬亦唔會爛蓉，即使配埋肉腸一齊食都唔會好油膩，滿分。3.Pulpo: 八爪魚鬚墨汁飯，個飯又係掌握都好好，唔會太過似食緊生米，加上小小既兩個醬汁撈埋啲飯一齊食，非常惹味。八爪魚鬚易咬唔痴牙，十分難得。4.Txuleta： 當初係suckling pig 同 beef 之間諗左好耐，最終決定試下dry aged beef，結果真係無失望👏🏻👏🏻 係香港暫時食過Henry 係食得出真dry aged 味，呢到就係第二間，而且呢間係熟成味再出啲，配埋個烤蒜食，簡直係不得了🙂‍↕️強烈建議要試，而且500G 都唔少兩個人夠食👍🏼👍🏼非常滿足既一晚，連一杯白酒（無記得邊杯）埋單$2000多，我覺得非常合理同值得，亦都忍唔到要比返啲啲啲咁多既Tips 去表達感謝咁好既services。…Read More

首先，老闆是葡萄牙人，但會英文，要預咗成晚講英文。我地坐底無耐有幾位家人們入到黎，礙於語言問題起身走左。老闆係一個熱情既人，會介紹菜式，正如佢所講，imagine that your grandma is cooking for you，每樣餸食落都同出面唔同。我叫左好幾樣餸，埋單$1600幾，情人節黎講一啲都唔貴（情人節照常提供regular menu)。由唔係食家，我只能講好唔好味🫡1. 葡式魚湯 - 有好鮮既魚味，比較咸但不難入口2.蜆 - 準確既名我已經忘記左，但好味！份量充足3.Picklet a bras - 即係乳豬絲炒薯仔，香氣十足，薯仔同豬絲好夾4.codfish cake - 同澳門食到既唔同，比較酥脆5.seafood rice - 呢個真係好好食，叫左個normal size ，如個多個人叫size up會好啲6.Slow cook squid - 可以煮到個魷魚彈牙得黎又一啲都唔痴牙，真係好正另外，特別推介餐廳既紅酒，坐底時老闆送左兩杯情人節先有既紅酒，好飲，讚完之後老闆就拎左另一支出黎叫我地試下，又係好飲到飲唔停。總括黎講，野食好食，酒好飲，環境舒服，唔經唔覺就坐到成10點，推薦！…Read More

都聽過「尚八」個名，一直以為係平價燒肉所以不了。早排上youtube睇過下覺得可以一試，就去左。荃灣應該新開，地方幾乾淨。當晚星期六，個場都算多人，但都唔太迫夾，坐得都舒服。一坐底會問你食普通燒肉定和牛燒肉，我就簡左和牛，$400up一位。好快就會上左一碟和牛，有晒名牌話你知咩部位，咁你覺得好食都易再叫過👍🏾食落去油脂有，唔多根，牛名重。A4和牛對得住個名。海洋同刺身都有，唔係主打，正正常常啦。普通牛都有叫，有鹽味、果汁、燒汁。做得唔錯 ，味道幾好。牛舌比想像中好，唔會太難咬。有個壺漬xxxx咁既肉，果個就差D，唔入味，食落好一般。飲品種類比較小，呢一part就比較差啦😅甜品都係，話晒都唔係收得平，竟然係比雀巢🙅🏻‍♂️ 另外有雪條，無試到。仲有個奶凍，都係一般般。兩個人食左$1000多D ，價錢有小小高，但質素係和牛到，有機會會再食🤝…Read More

Lunch time 兩個人走去食。見佢空間大裝修唔差，成日經過都想試下 。未爆場但客量都Ok, 叫左個常餐一個鐵板餐。常餐平常過平常，無野好講。要講既係個鐵板，真係垃圾到一個點。平常食開A5，亦有食開餐記百蚊個既牛；對呢個98蚊我就無嘜大要求佢完全係唔熱，正所謂「ONx唔能用鐵板隔離班粉膠唔x我攬女鋸和牛~我條會女詐形的嗎, 比多20皮唔能~~~"JAR JAR 聲")個餐上到黎已經係暖，淋汁上去完全係死魚咁，咁都算啦但佢係完完全全無牛味！我叫五成熟，切落去係10成咁濟；但佢不斷有血水出，點解？因為未解凍就落扒爐囉 怪得嘜野味都無君子之交淡L過水。我簡左蒜蓉汁 ， 無蒜蓉見到 ，得一攤啡色水。真係稀到水咁，完全無味 ；你起碼比小小咸我頂下引呀 完全無 。實在唔知佢點自稱扒房我去荃灣食同價錢鬆肉粉牛扒 都係劣但對得住價錢 起碼人地都有味仲係熱。加25蚊多個湯同意粉個羅宋湯無牛肉見到，菜都唔多 ，味亦都淡，溝水溝到咁不如cut左去唔好出啦。個意粉搵清水煮既，skip左落鹽呢一步 所都係無味，上碟求其灑返D 蕃茜就算，劣。反而個跟餐蒜蓉包係其他襯托下又幾好味。起碼有味先。最後係杯熱奶茶，冰室連杯奶茶都差，茶味無,奶滑無。真係好心請返個老師博返黎偷下師先 ，唔好下下貪平請師奶啦。第一次都係最後一次 ，請我都唔會去。…Read More