lemoo's Profile

已經飲左幾次，百香Q果綠好飲，有10年前去台灣飲既味道。珍珠奶茶同珍珠鮮奶茶就麻麻，奶味茶咪都淡。臨近萬聖節，仲有糖拎。有心機裝修的小店，服務態度好，可惜開係呢個冇乜人流既位。…Read More

星期六晚6半去食，因為見佢新開同裝修個vibe唔錯，又見係泰菜，就去試下。我哋兩個人去剛好唔洗等，後來就開始要排長龍。如果係為食嘢，可以省返時間唔洗去，難食過大家樂，但我要公平講句，佢啲特色飲品係好飲既。叫咗個 波羅虎虾蟹肉飯$138，青加厘雞肉~$100，加一碗雞油飯$22，同椰飲$39，加一，total$316。波羅虎虾蟹肉飯：4.3/10，佢有一般冰鮮蝦同啲飯一齊炒，同上面再加隻虎虾。首先，啲蝦完全冇虾味，同大家樂滑蝦飯同級。其次，上面個隻虎係得陣油味，劣食。再者，飯，唔係即炒，上桌就係温熱狀態，完全冇炒飯應有既炒飯味。同樣地，飯質偏淋，係放太耐淋咗既感覺。唯一可講就係波羅幾甜，應該係鳳梨。我估因為我哋係第一轉客，佢第一轉客都係俾預制好既俾你，務求可以提加換桌率，但總知就係唔好食。青加尼雞肉：6/10。味道一般。雖然本身個雞肉食材就係唔好，但處理手法恰當，最後結果係肉質少霉，可看出廚師處理此種食材還是有一定經驗。加上加厘汁偏咸，唔太好食雞油飯：0/10。狗食，不能入口，放太耐，臭油益味出哂嚟。問咗店員，佢係一大盆一早預制撈好，你點就即刻俾一碗你，面頭個層飯還好，越食，底下啲飯臭油益味出哂嚟，可能因為温熱狀態keep得太耐，變咗質，另人作噁，絶冇誇張。而且，就算唔變質，都唔好食，因為佢本身啲飯預制，比啲油焗得太耐，淋哂，完全冇正常飯香味。衰過大家樂啲飯，路德圍間海南雞飯個飯好佢n倍。椰飲：8/10，個人認為比街邊珍奶好喝，但如果係新鮮椰汁會更好。以上評分未有包括價錢。價錢見人見智，對於木咀，有錢人來說可能還可以。另外，埋單時我都有同店員反映佢個雞飯係臭既，但佢好似唔識反應，見佢係阿姨就冇揾佢麻煩啦。…Read More

記得幾年前在荃灣昌華大廈有間三多炸脾，炸脾味道令人一試難忘，食過番尋味。近日發現一間新開的三多餐廳，便叫左個M5 招牌生炸雞脾配細肉醬意粉試試。原價$60，新開張有8折優惠，埋單$48，非常抵食。炸脾酥脆多汁很嫩口，味道幾好。但感覺配方轉了，已經不是以前的口感味道，沒有令人有意猶未盡的感覺，有點失望。反觀肉醬意粉意外地非常好吃，茄味濃郁，肉醬份量很足，仲有芝士鋪面。意粉整體甜度岩岩好，每條意粉都充分裹滿茄汁，不會乾口。雖然叫細意粉，但份量不少，加埋雞脾，可以食到很飽。整體來說，下次可以試試呢間餐廳的其他意粉。餐廳menu定價在這區不算平民價，現有8折優惠價很抵食，但之後如回復原價就未必會成日食。整體餐廳味道很好，希望呢間餐廳可以挨過疫情。…Read More

呢個星期終於有返丹麥多，唔食洗再食牛油多點知早餐B價錢由34蚊加至37蚊，如果外賣再加2蚊，就要成近40蚊一個早餐，已經唔抵食了食物質素方面，丹麥多士得之前既一半大細，沙嗲牛肉麵味道也比之前淡，食食下見到隻小強周地走，真係乜味口都冇晒…Read More