Joeho0302的個人專頁

特登黎試佢哋新update lunch Menu ，心思思樣樣都想食，餐湯南瓜湯照舊出色，口感幼滑食到少少南瓜蓉。紐西蘭西冷牛扒，肉味比平時肉眼更香濃，朋友身為牛魔王都讚不絕口，比較特別嘅係佢配菜，好鍾意食佢嘅蕃薯條感覺冇平時炸薯條咁肥膩。明太子忌廉芝士烏冬•日式薑汁味噌烤豬頸肉不得不講，餐廳嘢食嘅份量真係好足冇諗過有咁多片豬頸肉，鮮嫩脆口，伴紫菜增添日式風味，最特別係平時忌廉配意粉，冇諗過用烏冬有另一番特別嘅口感。飲品叫咗一杯水果茶同埋佢哋期間限定開心果奶蓋，水果茶有香濃百香果味，不過太細杯，天氣咁熱好快飲晒，開心果奶蓋就有驚喜，茶底嘅白桃烏龍好清新解膩。埋單嗰陣見隔籬枱話lunch炸蝦飯好好食,俾我有機會下次再嚟，等涼少少可以坐出面，服務好好，希望佢哋唔好咁快轉Menu😅…查看更多

與好友相伴上兩星期去咗位於西貢嘅六福菜館享用海鮮晚宴，六福菜館乃係著名西貢米芝蓮星級菜館。嚟到呢度唔好意思你唔會享用到平價的海鮮套餐，但你絕對能夠享用到地道、新鮮及以特別烹調方法而炮製出嚟嘅星級海鮮晚宴！首先我哋要咗一個辣酒煮花甲、木耳拼椒鹽豆腐，作為下酒小菜。辣酒煮花甲麻辣酒香俱全。而椒鹽豆腐汁香脆可口但亦都保留豆腐本身嘅豆香。兩味下酒菜式紅酒及白酒均無懈可擊。享用主菜之前，我們叫咗一個金湯魚蓉羹，呢一個魚湯羹，係用咗甘筍蓉、蛋白、金菇及星斑魚制成，味道除咗有新鮮嘅甘筍香氣，亦都帶有星斑嘅魚鮮味，係店中其中一味主打菜式。飲完湯後就開始嚟重頭戲，豉油王龍蝦球！霸道嘅龍蝦玉脆鮮嫩利用豉油王炒過之後野味可口，與一般平價龍蝦失去爽脆彈性的完全不同。食完龍蝦後，我哋仲試咗店家介紹只會地道香港水上人先會整嘅油鹽水蒸馬友，呢一個烹調方法係我第一次嘗試，簡單嘅油鹽水配上油脂分布豐厚嘅馬友魚，令人一試，難以忘記鮮嫩滑香，每一啖都令人感覺到口中充滿油分嘅滿足。之後我叫多咗一個下酒小菜，椒鹽鮑魚。六福菜館嘅椒鹽鮑魚，鮮嫩嘅鮑魚沒有因為椒鹽後而失去本身應有嘅鮮味，每一隻仍然係爽脆彈牙。識開香口嘢一味係唔夠嘅，所以我哋另外叫咗一隻脆皮風沙雞。要做脆皮好食嘅風沙雞，一啲都唔容易首先風沙外皮要做得夠香而雞肉一定要保持鮮嫩多汁，而呢一隻風沙雞係我少有見到做到晒呢兩樣嘢。食完熱氣嘢，梗係要食返啲菜，而今日我哋就試咗最簡單嘅米水浸菜心，平平無奇嘅菜心，經過咪水浸熟，除咗本身嘅菜香，更加帶有淡淡米香。食咗咁多海鮮，始終冇一啲澱粉質，硬係覺得差少少嘢。所以我哋叫咗一個蝦乾魚乾釣片臘腸蒸飯 及 豉油王炒麵，呢一個蒸飯係我咁多餸裏面最鍾意嘅菜式！一個普普通通嘅飯，糅合左中國人簡單知慧風乾了嘅蝦乾、魚乾、釣片乾及臘腸，全都深入到飯香之中，令人回味無窮。六福菜館價錢雖然走中價位路線，但佢哋裏面嘅菜式全都係物有所值，你可以用呢一個價錢識到一啲你唔會喺西貢普通店舖裏面食到嘅海鮮烹調方法。絕對係對商務夥伴慶祝的好地方！…查看更多

除左火鍋以外，相信近年間迅速冒起嘅蒸氣石鍋絕對都係大家宵夜食飯嘅必然之選！食蒸氣石鍋多數我哋都會以食海鮮為主，所以食材必需要新鮮同多款式可以揀。近日我就同朋友一行十多人去咗試下厚福街嘅正宗水上人氣鍋專門店，呢度感覺有好多唔同嘅海鮮，食材絕對一流，而且環境舒適今日我就同大家介紹一下！我哋揀選左蒸氣石鍋下面放雞同埋粥底，所以食完所有嘅海鮮之後亦都可以品嚐到粥底嘅美味。係海鮮方面我哋今晚揀選左阿拉斯加長腳蟹、聖子、扇貝、鮑魚仔而且仲有象拔蚌等等唔同嘅新鮮食材以唔同方法如刺身和蒸氣等方法烹調。首先想講下佢隻長腳蟹，呢隻蟹係水上人蒸氣石鍋嘅精選菜式而家仲做緊一個特價優惠，比外間平千多元就可以食到一隻新鮮有半個人咁大，本十分之推介推介嚟呢度一定要試一下，呢味精選菜式！蟹肉質地彈牙鮮甜十分之美味，唔好話食淨係用嚟影相呃like都十分之一流！食完阿拉斯加長腳蟹之後我哋再食食其他唔同嘅海鮮，我哋叫咗扇貝同鮑魚仔，我哋今次唔係就咁清蒸而係用咗一啲特別嘅新式方法烹調，分別用咗食香草醬清蒸鮑魚仔同黑松露醬清蒸扇貝，兩個嶄新嘅烹調方法都有咁有特色！食完熟嘅海鮮之後我哋就食象拔蚌刺身刺身，刺身非常新鮮完全沒有腥味，配上Wasabi豉油十分野味鮮甜。食完晒所有嘅海鮮之後，我哋選擇咗比較清淡啲既菜式，包括左清蒸蒜蓉翠玉瓜，同清蒸黑豚肉。係食完咁多海鮮之後食返啲清淡菜色令到餐飯更加圓滿。食完晒所有嘅菜式之後當然仲有唔少得嘅粥底！粥底吸收左所有海鮮嘅精華同雞肉香氣完之後先甜美味，係所有菜式之中嘅精華所在！最後店員仲送咗一個非常特別的甜品俾我哋，就係可樂味同荔枝味嘅啫喱，而啫喱既外形做到同士巴拿同螺絲一樣十分有趣！如果大家想搵一個坐咗得舒服又容納到多人既嘅地方食晚飯，我相信正宗水上人氣鍋絕對係一個近排必然之選！…查看更多

今日一行有十多人晚飯, 有咁多人食飯既時候最好就係食中菜, 可以一大伙人圍埋一齊傾下計又唔駛顧及食西餐一般的禮儀因此今日就揀左位於灣仔既金兜記! 金兜記一聽就知係一間食比較傳統既中菜既餐廳, 係呢度你可以食到傳統中式燒味既地道廣東菜式或各種海鮮。而今日我地揀左想試既野就包括: 脆皮乳豬，、酒糟浸鮑魚、脆炸大虎蝦、砵仔魚腸焗蛋、花蟹蒸蛋和拔絲脆皮咕嚕肉！先講個脆皮乳豬, 食乳豬不外乎要皮脆同唔好太肥, 金兜記個乳豬絕對合乎水準, 作為頭盤不防一試。食完脆皮乳豬後味蕾充滿左油香, 係呢個時候食番一隻冰凍既酒ᾐ鮑魚, 爽口鮑魚帶有酒香, 而且有去油膩的感覺, 感覺非常清新！當味蕾由油香轉為冰凍清新後, 再試一道脆炸大虎蝦, 味蕾再次受到衝擊! 呢味大虎蝦剩係外表已經夠正，蝦頭幾乎有拳頭咁大! 而且充滿蝦膏,非常香口！之後我食既係兩味以蛋為主角既菜式, 第一味係砵仔魚腸焗蛋而第二味則係花蟹蒸蛋, 雖然都係以蛋為主角但兩味餸大有不同, 砵仔魚腸焗蛋蛋皮脆可香口再配上陳皮同胡椒粉, 充滿懷舊情懷，而花蟹蒸蛋則鮮甜味美，原來除左蟹外蛋係用左龍蝦上湯去蒸, 因此鮮甜非常！最後試既係拔絲脆皮咕嚕肉, 如果有睇過哥哥既‘金玉滿堂’相信應都會好記得戲裡面講過廚房有兩大剋星, 其中一味就係咕嚕肉! 因為脆皮同味道好難掌握, 如果大家想試到戲裡面所講的咕嚕肉就必須要黎試！呢個拔絲脆皮咕嚕肉外有糖漿脆皮而內裡肉質乾爽有肉香, 簡直係有史以黎食過最好的! …查看更多

今晚先來一款超入味雞翼為今餐開個靚頭再黎鱈魚豆腐配埋泰式酸辣醬 雖然好簡單 但係要炸到完全無油膩感覺 都唔係咁易架超醒胃鳳爪 食埋呢個我覺得佢所有嘅前菜都做得好出色 令我對佢個蒸氣火鍋更加期待主角出場啦 蒸氣火鍋😍首先姐姐會好好咁逐一介紹每一碟菜雖然係我眼中所有蜆都係一樣 但係佢會幫我地瞓埋先後次序咁樣想 計晒時咁 好專業好快啲蜆 就開晒啦 老細話全部都係佢哋每日新鮮運過來嘅 唔怪得隻隻都啖啖肉 每一粒肉都仲係脹卜卜海蝦清蒸真係最好食 又鮮甜又彈牙每日黎嘅海鮮都唔同 因為老闆會睇吓嗰日邊樣最新鮮 雖然隻蟹唔係好大隻但係你睇吓啲膏爆到呢！大部份扇貝都會係用急凍扇貝而佢呢就係用新鮮扇貝 因為新鮮海鮮流落來的湯汁好鮮甜直接會影響下面嗰個粥底雖然我已經好飽 但係最後我都忍唔住再叫多個新鮮安格斯牛小排 就算我哋有少少overcooked 依然都係好林好有肉味最後一定要講講佢個糯米飯我哋每一道海鮮 精華 除左落左係粥底外 個糯米飯都吸收晒全部精華 真係不得之了 係我食過最好食嘅糯米飯好食程度係我絕對會為咗呢個糯米飯再返嚟幫襯！…查看更多

今日伙長輩生日，所以特意準備一餐豐盛海鮮宴同佢地黎開心下，今次第4次幫襯服務依舊熱情，想食蟹嘅朋友更加唔可以錯過晚飯新優惠。大大隻避風塘蟹＋6隻避風塘鮮鮑魚都係$498，半左一半！屋企人都好鍾意佢避風塘式煮法，每日用新鮮越南肉蟹配上特製蔥同蒜，啖啖肉但唔會覺得肥膩，而且炸蒜更可以伙拍蟹油銀芽炒麵一齊撈埋食，蒜香加上蟹油香味真係久久不散！食完個蟹後唔好比佢停！再黎一味刺激味蕾精選'水煮龍躉球'，呢味餸最適合就係愛辣一族，因為佢既有香辣味道又有美味的酸菜香氣，食魚之餘又有湯飲，非常滿足！食完酸辣野然後一人再黎隻'蜂蜜蝦球'，更能帶出蜂蜜香甜，最重要係只係$28蚊隻ja！食完兩個咁精彩既主菜後，大家都想食番d清淡少少既小炒，所以我地叫左'蔥燒走地雞' 同'莞香粒粒炒粉絲' ，呢兩個餸比之前既主菜輕量但鑊氣十足，而雞則啖啖肉！兩個菜都唔會之前主被主菜完全蓋過風彩。食過咁多個餸後，由於人較多的關係，因此最後須加碼再叫一個'飛天芥蘭煲'，呢個菜並唔係一般普通炒菜，而真係明符其實先煮熱瓦煲，然後落菜灸熱既飛天菜煲！店員即席加熱，既有味覺享受亦有視覺滿足。正當滿足飽滿之際，由於經理知道有長輩生日，所以更特意送上豬仔及鴨仔造型壽包！咁識做，低我地黎完一次又一次！…查看更多

今日同屋企人去左好耐都冇去過既日本人小社區太古城康山行下街，由於好耐都冇去過太古城，所以真係想飲茶都唔知咩地方有，正苦惱緊之際，突然見到係康怡廣場完來有間玉桃軒酒家，於是就上左去試下！酒家地點唔錯係正地鐵站A2出口，而食既野都係一般飲茶會食到既野，但味道唔錯勝在新鮮熱辣，同服務一流👍🏻同屋企人小聚，所以我地都只係點左點心食一路食一路傾下計，享受下家庭樂😆😆😆我地點左既點心包括：細個最鍾意食既炸魷魚蘇、蝦餃、燒賣、鮑汁雞腳、魚滑釀豆腐、炸魚鮫、蜜汁叉燒、炒鮮魷、同紅棗薑汁糕。每一樣野就咁睇好似都冇咩特別，但飲茶就係咁，野唔雖要要特別，只要夠新鮮蒸起夠熱就好食！其中最令我開心係可以食到炸魷魚蘇，因為炸得香脆既魷魚蘇係兒時最愛，而家已經唔多地方有了～但同屋企人一齊係康山飲茶後去行對面既吉之島實在係童年回憶，這些美好回憶就只有去康山飲茶才有，如果同樣是80後的你一定會明白～…查看更多

相信各位如果同小弟一樣係喜歡去日本旅行的話都一定唔會對日式既磯燒水產感到陌生，打邊爐就最緊要係個爐，但食磯燒水產燒既火候固然重要，但最重要既就係食材新鮮同品質，因為食磯燒我地好多時都只係會透過加入簡單既調味料去燒或酒煮食材。由於香港係食材方面同舖面都比較難做到磯燒風格，因此如果想要係香港食到有質素既磯燒相對都較為困難。係偶然發現下知道位於銅鑼灣澳門逸園新開張左一間標榜專食磯燒海鮮、燒魚同日本清酒既'磯野水產'！由於身邊朋友都一樣係日本食迷，所以一見到後，一行六人諗都唔諗就即刻決定要幫襯下！一上到去發現店舖岩岩裝修好冇耐，店舖不算太大，可容納2-30人到，感覺係屬於非常日式的居酒屋設計，以木板同清酒圖為主題。同經理溝通下發現舖頭的清酒品類都繁多，係介紹下我地先叫左一支比清新爽口既'安藝虎'純米吟釀，同叫左一款時令既酒肴'螢光魷魚沖漬伴芝士'，經調味後的螢魷魚配上味道濃厚既blue cheese，用黎送日式清酒感覺非常清新，好有日文當地食材風味。店裡除左磯燒外另一特色就係店主會因應時令食材而提意不同烹調方式和配搭方法，感覺就係磯燒版既Omakase! 食完酒肴後我就因應店主提意開始晚餐，今晚第一味既係刺身併盤，整個併盤有三文魚、吞拿魚、赤蝦、油甘魚同赤貝等等⋯所有食材都非事新鮮，由其是個拖羅食到滿口油香！食完刺身後我地就想食蠔，係店長介紹下我地試左兩個唔同既食法，首先當然係即開生食並配上明太子，感覺鮮甜且嫩，配上清酒更能突出甜香！而第二個食法則係'鐵罐酒蒸岩蠔和白貝'利用鐵罐酒蒸據講能以高溫將酒香迫入貝類，令貝類更加鮮甜。兩個食法截然不同，但都能更加清晰地品嚐出海產的鮮！食左咁多刺第後，我地叫左一個'明太子玉子卷'和'磯野火灸刺身沙律'，呢兩個經典日式小食為我地之後既磯燒作好準備！係開始磯燒前我地開左另一支比較濃厚既'日輪田'日式清酒。據店長解說，較厚身既清酒對浜燒同磯燒食品可更加配合，回味更烈更甜。我地點左浜燒活飽魚、松葉蟹腳、活日本榮螺，浜燒同磯燒除左食之外，睇住店員準備同燒烤亦都係一種享受，三樣新鮮磯燒海產配上厚身同回味濃烈既日輪田清酒，真係絕配，剩係配酒同磯燒已經好有日本水準！由於人較多，所以食完磯燒後我地再點左剛剛食過既赤蝦再作天符羅品嚐，然後再叫多一條店長推界既新鮮赤目魚送酒！一食之下發現完來赤蝦作天符羅真係有所不同，更甜更爽！今日呢餐隨左好食更學到好多日式食材既烹調方法完，我地已經好期待再去品嚐，希望下次去試下，店長另一推界磯燒赤目！…查看更多

今日同女朋友兩個人想食番D地道既特色小炒，但同時亦都想食新鮮海鮮，初初本來想去番D地道既大排擋就冇死la! 但諗諗下又怕天氣熱，而家既天氣如果食大排擋一定身水身汗，真係幾好食都假～諗諗下最後終於去左食岩岩係亞士里道開左新店既'翠林辣蟹舫'，之前本身都試過長沙灣老店既翠林辣蟹舫，舊店水準絕對不錯，今次見到既然有環境較舒適既新店當然想再即時試下！平時食辣蟹都會比較多人食，可以試多D唔同既小炒，但今日一行只有兩個人，所以只好點左三個招牌菜醫下為食根～今日點既三個餸包括：招牌必試既'鎮店之寶避風塘炒辣蟹'、'黃金豆腐'、'蟹油銀芽炒麵'。唔好睇少呢三個餸，黎得食辣蟹，呢三個餸係必須至少要試ga!先講個'鎮店之寶避風塘炒辣蟹'，呢一個炒得咁好既辣蟹可以從三個地方睇到： 1）就係辣蒜要炒得夠脆、夠香夠乾身，食到底唔可以見到一鑊油。2）調味香菜唔可以慳，唔好以為剩係乾蒜就夠，炒時一定要加埋蔥、同辣紫蒜等香菜去炒香D蒜味道先夠層次。3）最後一定係講隻蟹，蟹要夠大隻多肉同新鮮！唔大隻多肉邊夠低食！（據經理所講佢地所有蟹都係每日由越南新鮮運到）所以食落真係寧舍彈牙爽口！黎得呢度唔洗我講都知蟹係必食之選ga la!另外一個我覺得好好食既招牌菜就係'黃金豆腐'！食完蟹相信大家同小弟一樣必定覺得想食D冇咁麻煩唔洗拆殻既野，甚至係最好咬都唔洗就最perfect ! XD 所以黃金豆腐真係岩曬！佢地個黃金豆腐外脆內軟就係必然ga la，最重要係食落口重可以食得出陣陣既豆香味，係街食外脆內軟既炸豆腐其實唔難，但仲要食到有新鮮豆香既就真係少有少有！食過豆腐其實正常都開始飽，但由於我地好想再食一次佢地個蟹油銀芽炒麵，所以我地寧願食唔曬打包都要叫埋！呢個睇見平平無奇既炒麵，記得第一次係老店食我仲小曬鬼話平時擺酒都成日有得食，但食過之後就有驚喜！佢地個麵炒得非常之夠乾身，每一束夾起都唔會有油既出現，食落口你更會發現濃郁既鑊氣！據店員所講之所以咁有鑊氣全係因為佢地每一碟都係即炒唔會炒定或夾單，正因為咁每碟師傅都夠力做到拋鑊呢個動作，所以碟碟都咁有鑊氣！經理仲教我地一個新食法，就係用之前辣蟹既乾蒜撈埋一齊食！唔試由自可，試過真係停唔到，辣香氣全！食到最後經理仲送左個果盤同甜品比我地，初初我以爲莫非認得我地先送？！完來非也～全因此佢地貼心認為食完辣蟹都比較熱氣，所以通常都會預備果盤比客人解熱氣之用～我地兩個人最後都係食唔曬所有野，好在可以打包！連炒蟹D辣蒜都唔好放過🤘🏻…查看更多