10.eatss's Profile

非常油 🤧 當然煎餃油唔可以話唔合理 但正常都應該要脆 至少起碼都煎得香.. （或者話比佢煎得好嘅餃子有好多好多間）餃子皮痴實張紙… 要逐少慢慢搣返出黎，搣完著餃子皮已經爛晒，有幾隻甚至開盒已經見到啲皮穿晒😅 以一間名內有「餃子」嘅餐廳，啲餃子唔合格。另外沒有提供辣菜脯 只有醋 （唔知堂食有冇 同唔知係咪派別唔同 但我個人食餃子鍾意配辣菜脯）。又唔好味，又唔抵食。嗌走甜冇走到，落單個阿姐仲要串過馬L 😥 唔會有下次 😭…Read More

大角嘴呢一兩個月開左間新燒肉🥩 見到門口有9折就即管去試吓佢🤘🏻 一方二人前 $298（$15轉溫泉蛋飯）個Set包個4款肉，兩個飯/烏冬，沙律，味噌湯，同甜品！我地額外加咗$15升級咗溫泉蛋飯🐣 撈埋啲飯素同紫菜一齊食超正😋 冷面雖然望落細細碗，但係份量都唔少，涼涼地都幾適合配燒肉食黎解濟。但湯頭偏甜，個人口味比較鍾意比較鍾意溫泉蛋飯！🍚燒肉平盤有牛舌，美國牛小排，黑豚豬，同雞。全程有師傅幫手燒就唔驚自己手殘啦～ 雖然唔係厚切牛舌心，但驟眼睇都有3/4mm厚！最推介最普遍食法 — 點檸檬汁🍋 口感彈牙，好鍾意牛舌口感😋 美國牛小排油脂感重，個人鍾意點鹽再配埋溫泉蛋飯食🤭 豬肉同雞肉師傅都燒得十分嫩口魚生粒沙律 $38雜錦魚生包括有三文魚，帶子，八爪魚，牡丹蝦同油甘魚。沙律汁帶有柚子味，仲有啲青瓜絲，口感豐富又非常開胃。鍾意食日式沙律嘅話值得一試和牛大判燒 $80/1片呢個大判燒不得了！油脂分佈均勻，入口即溶。燒完仲會yam一yam蘭王蛋汁🐣，完美咁調和返啲油脂感🤤！大推！💯鮮鰻魚 $68/4件師傅yam咗醬汁先燒，外皮帶少少焦香同啲邊邊位脆脆地。肉質彈牙，鰻魚帶骨但唔影響味道🐟。食得重口味啲仲可以麻煩師傅上多兩層醬燒！😈和牛小排 $68/2件套餐本身包咗美國牛小排，我地自己再加追加兩件和牛小排試下。兩款分別個人覺得和牛牛小排油脂感再重啲，套餐嘅牛小排肥美得黎重肉味啲～ 鍾意邊款多啲就睇個人喜好啦，但可以肯定嘅係兩款都多汁 食落超juicy 🤭燒泡芙 $28/4粒 店員推介俾我地嘅甜品～ 泡芙燒到外脆內軟，最驚喜係入面竟然係雪糕🍦外皮暖暖地入面又凍冰冰嘅雪糕冰火交融🔥🧊其實個二人前餐都已經夠兩個人食，就算額外追加一兩款小食或者肉都唔算太貴。 $3/400左右食到咁高質嘅燒肉，坐得闊落又舒服，仲要有人幫你燒埋，唔洗我講都知真心抵食🥹下次再黎開大角嘴或者想食燒肉，我相信佢都會係我首選之一！😋 環境質素：🌕🌕🌕🌕🌑食物質素：🌕🌕🌕🌕🌑CP值：🌕🌕🌕🌖🌑回頭指數：🌕🌕🌕🌖🌑📍 一方燒肉大角咀利得街11號利奥坊地下G507號舖…Read More

🌟呢餐係：「還原度100」 嘅一餐香港呢塊福地，成日都開過江龍餐廳，但係就冇咗當地嘅味道🥲 無數次嘅教訓，但係次次都會再繼續試繼續食😂 今次食呢間都係韓國開過黎嘅炸雞店😋 Outdark相信大家都唔陌生🤩 難得過江龍咁出名仲要係黃店，冇理由唔懲罰佢嘅～😈 去到嘅時候見到超多人等位😧 好彩今次提前book咗台，準時入得🥳🐔甜辣炸雞 $178黎得炸雞店，冇理由唔嗌返碟炸雞嘅🤩 落完單之後，店員好快攞碟醬黎🤨 唔記得咗會俾三款醬，所以其實可以嗌原味就算😅 炸雞黎到賣相已經好正😍 下面鋪滿雞件，上面好多薯條薯格薯塊🤤 雞件有大有細，但份量都可以接受👌🏻 薯塊大舊啖啖薯仔，外脆內軟🥔 因為比起啖啖薯仔，我更加鍾意少啲薯仔脆口啲，所以個人最鍾意就係薯格🥰 炸雞炸得好脆，入面保留好juicy，可以話係近排試過最好味炸雞👍🏻 醬就普通韓式炸雞嗰隻甜辣醬味🇰🇷 因為個醬本身都重味，點佢俾嗰碟醬就唔係太食到嗰啲醬味道啦。🐙海鮮年糕 $328見佢menu張相咁壯觀，隻魷魚咁大隻🦑 即管嗌咗份黎試下😈 魷魚比想像中細🤨 但係其實成份份量都唔細！有啲蝦，蜆肉，魚糕，年糕，味道各方面都冇乜特別。嗌咗個忌廉白汁，濃稠度拿捏得啱啱好，唔會太稀👍🏻 隻炸魷魚點落去都幾正🤤 圍邊仲有拉絲芝士，紫菜飯，少量泡菜同罐頭菠蘿。雖然味道唔錯，但係略為普通，個人覺得唔值呢個價🤧🍻生啤 Hoegaarden $68普通hoegaarden味道，配炸雞一流😋 超大杯，建議可以兩個人一齊飲一杯👯環境質素：🌕🌕🌕🌕🌑食物質素：🌕🌕🌕🌕🌗CP值：🌕🌕🌕🌕🌑回頭指數：🌕🌕🌕🌕🌗環境，味道各樣嘢還原度都真係好高💯，抵佢咁多人排隊咁多人食🤤 雖然個年糕真係唔係太抵食🥲 下次再去就會嗌個炸雞同埋其他送酒菜😈 因為份量都算大，建議約多幾個fd去，咁就可以試多幾款野食啦～😋…Read More

🌟呢餐係：「食創意」嘅一餐本真諗住book另一間餐廳慶生，但係book唔到，誤打誤撞上網搵黃店就book咗呢間。見佢有tasting menu，5個course每人$300都唔洗就諗住試下佢🤩 環境唔係好高級嘅餐廳，但係都算中上，裝修都幾靚。最得意呢度啲menu item名都好特別😂 呢度嘅tasting menu期期變，想知道呢期係咩可以上返佢地ig度睇menu就g kui menu（知佢咩料😂）🍹掂過碌蔗你話呢 +$5你係蔗汁底，再加芝士奶蓋。蔗汁就正正常常，上面啲奶蓋就幾有驚喜🥰 唔會好鹹，混入咗啲烏龍茶葉，有淡淡嘅烏龍茶味，再加啲茶葉粒，口感幾得意👍🏻🍹紅色的烏龍像是帶薯梨味 +$9烏龍茶底，加咗梨同埋火龍果，超級清新清甜😋 🥣每日廚師精選濃湯 （兩份）落完單好快就上咗個湯，味道似罐頭粟米湯🌽，感覺好似係溝淡咗咁，但係又加啲鹽落去，死鹹🥵 湯都算滑，有少量粟米粒，個人覺得有多啲就好啦。🦀 軟～殼～ 蟹～ 配著咖喱芒果吃 爽到嗌！Appetizer就得一份，今期除咗呢個沙律，仲有個三文魚他他揀。呢款黎到雖然feel到擺盤好似擺咗好多誠意，但係感覺好似啲汁唔小心噠咗落去周圍噴咁😂 味道方便就真係食得出心思啦👍🏻 軟殼蟹炸得酥脆，入面仲好濃蟹膏味😱 顛覆咗我對軟殼蟹嘅印象🤭 沙律菜新鮮好脆，配有自家製咖喱芒果汁味道好特意，清新得黎有淡淡咖喱味（真係要dap得好真先聯想到咖喱），而且仲有少少碌柚同埋芒果肉😋 側邊有pat牛油果醬同埋青檸忌廉。牛油果醬細滑，味道中規中矩，酸忌廉好清新，因為用咗青檸所以同平時隻味有少少唔同，個人幾鍾意👍🏻🍝香煎帶子法式香草醬乾瑤柱高湯意大利飯配海蝦肉 +$18今次重點推介‼️本真對佢冇特別大嘅期望，諗住都係普通嘅risotto，加埋啲急凍（唔好彩啲肉仲會梅嘅）蝦，同埋縮水縮到pk嘅帶子。點知黎到賣相已經好驚喜，超多蝦肉粒，而且顏色好鮮豔，食落好彈牙😱 個risotto煮得啱啱好，唔會過熟👍🏻 Pesto同埋高湯味道平衡得好好💯 帶子超巨型，差唔多4份3隻手掌咁大😱 煎得好香，而且唔會過熟👍🏻 佢啲海鮮解凍都做得好好，有別於其他處理得差啲嘅餐廳，完全食到呢碟野嘅誠意😋🐔 春雞兩食 本是同雞生 相爽嫩多汁話明兩食，梗係兩個煮法啦🤩 雞下髀就炸🍗，雞胸就包喺荷葉入面蒸♨️ 炸雞juicy，肉質嫩滑。相反雞胸就又乾又鞋😥 個人覺得如果處理得唔好，不如換用其他容易處理嘅部位，例如雞上髀仲好🥺 隔離配埋黑松露薯蓉，焦糖無花果，炒乾菌同埋椰菜。薯蓉就未之壓得好爛，睇番個人鍾意啲咩口感。松露味唔算好濃但係都食得出。焦糖無花果真係名副其實焦糖好甜🤯 個人覺得有啲怪🤭 呢款唔推薦試🙇🏻‍♀️🍧每日愛心甜餅今晚嘅甜品係士多啤梨芒果mousse😛 mousse好滑，好香芒果味，食落好似楊枝甘露feel 😋 入面仲有塊餅同埋生果碎，食落多層次👍🏻🍏The Prince Emerald +$18店員好用心，知道係黎慶生，喺碟度寫Happy Birthday😂 番石榴雪葩酸酸地，仲打埋奇異果同埋薄荷葉入去，好清新解濟😋 配埋啲青蘋果青瓜涼粉粒，增加少少口感👍🏻環境質素：🌕🌕🌕🌕🌘食物質素：🌕🌕🌕🌕🌑CP值：🌕🌕🌕🌖🌑回頭指數：🌕🌕🌕🌕🌗好開心今次book唔到想試嘅餐廳，但係都有意外收穫🥰 對我呢啲窮撚黎講雖然都有啲貴，但係因為都感覺到用心製作，所以都會再支持🙇🏻‍♀️ 同埋佢地仲有間姐妹店 @aobana.hk，bookmark定下次去試🤩…Read More

去得銅鑼灣就一定要去百樂中心搵野食啦🤩 今次同朋友去咗一間喺openrice好多正評又喺mee app度有出現嘅餐廳💛 主要有啲似居酒屋加放題加啲日本料理，裝修就係樓上cafe餐廳嘅感覺。可能因為早到，唔洗等位。入到去店員都好friendly👍🏻🥚心之蛋卷 $88呢度嘅招牌之一🤩 因為我唔鍾意食茄汁，個人就覺得上面啲茄汁有啲搶味😅（但係朋友食得好開心） 蛋卷入面夾住啲三文魚，魚籽同埋芝士😋 我就幾鍾意呢種口感，蛋嫩滑得黎，有啲脆脆地嘅魚籽同埋少少拉絲嘅芝士🤤 芝士份量一啲都唔孤寒，推薦俾芝士控們😈🐔 燒雞軟骨 $38雞軟骨就中規中矩，軟硬適中。沈咗啲味椒鹽喺面，帶有少少鹹香。喺銅鑼灣呢個價錢有3支其實都ok抵👍🏻🦆 邪惡包 $76呢度嘅另一個招牌菜🤩 超鍾意食鵝肝嘅我表示超級興奮🥰 鵝肝超肥美，大大粒嘅帶子中和咗鵝肝嘅油脂感，食完都唔會濟😍 推薦👍🏻🐟 原條鰻魚石鍋飯 $118又係招牌菜😋 上黎嘅時候個石頭鍋仲嗞嗞聲，仲要鰻魚好大條😱 係咪日本米就食唔出，但係都有少少煙韌，係偏乾嘅飯，個人就好鍾意！但係如果可以加多啲汁會再開心啲😋 鰻魚肉好淋，皮就偏煙韌，頭尾仲有少少脆脆地，食落多層次👍🏻 雖然食得出唔係啲咩高級鰻魚，但係完全對得住呢個價錢💯 🍻心之荔枝清酒特飲 $58因為唔係好鍾意飲酒，專登request想要少啲酒。飲落就唔係好啃，淨係飲到提子味🍇 似日本料理會飲到嘅巨峰提子蘇打🍷心之梅酒特飲 $58呢杯係朋友嗌嘅。梅酒味好重，朋友表示好好飲🥳 我個人就麻麻地酒，所以都淨係試咗少少🤭 環境質素：🌕🌕🌕🌖🌑食物質素：🌕🌕🌕🌗🌑CP值：🌕🌕🌕🌘🌑回頭指數：🌕🌕🌕🌘🌑百樂中心都真係好多黃店值得大家去支持，例如今日試呢間😋 蛋卷就唔算好抵食，但係其他cp值都尚算唔錯👍🏻 雖然唔算太平，但係環境唔錯，坐得唔逼，店員又nice，而且味道都唔錯，個人就覺得可以一試🥳…Read More

🌟呢餐係：「領悟到期望越高失望越高」嘅一餐呢間Page148嘅tiramisu都bookmark左好耐。身為一個超級tiramisu迷，香港冇邊間tiramisu滿足到我🤥 大家都咁力推，搞到我真係對佢超大期望😍 前幾日去開尖沙咀，見時間仲早就過咗去撞下彩🤭 仲未賣曬之餘仲要唔洗排🥳 ☕️ Cafe Latte ice $40奶味好香，但係因為太重所以唔係好飲到咖啡味🥺 整體都好滑，推薦俾唔係太好咖啡嘅人👍🏻 ☕️ Caffe Americano ice $36第一啖有啲大衝擊🤯 味道濃郁，帶點酸，但就唔係太飲得出fruitty味。越飲越易入口，好耐冇飲過一杯咁快飲曬嘅Americano（可能都因為好細杯）。應該採用咗medium roast豆，唔會太油唔會太苦。🍰 Homemade Tiramisu $48上面層cream好濃mascarpone cheese味😋 味道啱啱好，唔會太甜，又細滑👍🏻 但個手指餅好似冇滲過咖啡咁，得好少好少用來好淡咖啡味🥺 個人比較鍾意啲偏濕嘅tiramisu，同埋有返少少酒味會好啲。環境質素：🌕🌕🌕🌕🌑食物質素：🌕🌕🌕🌖🌑CP值：🌕🌕🌗🌑🌑回頭指數：🌕🌕🌗🌑🌑香港黎講，其實呢間tiramisu已經算唔錯。只不過因為見到佢俾人譽為香港第一tiramisu，搞到我期望都真係好高。到頭來都只係中上，但係對我黎講一定唔會最好食嘅tiramisu😥 同埋都真係好細舊，CP值唔係太高。如果大家有機會去新加坡旅行，推薦大家訂一間igshop， 係我人身食過暫時最啱我口味嘅tiramisu👍🏻…Read More

🌟呢餐係：「幾遠都會再征」嘅一餐講咗超耐想試呢間米線，今個weekend終於遠征去試🤩 去到雖然唔洗等位，但係嗌完都等咗30分鐘🤐 呢度湯底就得一款，都係小鍋米線，辣度就可以揀小小辣到勁辣，可以揀米線或薯粉👍🏻🍜 王牌小鍋米線 $56今次嗌咗小辣，辣度個人覺得啱啱好，酸味仲起到刁味效果，成個湯底都好rich！😋 湯底唔油，米線都唔算掛湯，但係都足夠掛到啲酸辣味🥰 王牌小鍋米線有3款招牌餸—螺旋藻，雞絲同埋腩肉。個人最鍾意螺旋藻，海帶口感但係紫菜嘅味道，鍾意食紫菜同埋海帶嘅人（aka我）必點💯 雞絲冇乜調味，但係勝在絲得夠碎，索曬啲湯🤩 腩肉就有少少麻油味，味道幾得意，今日呢碗肥瘦均勻，唔會鞋👍🏻🍜自選小鍋米線 呢碗嗌咗螺旋藻，雞絲同埋炸醬。炸醬好惹味，但就偏鹹，搞到個湯底都越食越鹹🥶 🪵涼拌木耳 $22一開始漏咗單，等到碗米線上咗都未黎☹️ 木耳爽口，但係就有啲熟啲有啲唔夠熟😰 味道就中規中矩，都係平時涼拌嘅味道，醋味偏重。環境質素：🌕🌕🌕🌗🌑食物質素：🌕🌕🌕🌕🌘CP值：🌕🌕🌕🌕🌑回頭指數：🌕🌕🌕🌕🌗個人真係超鍾意食😍 可以話食過嘅米線入面數一數二添！雖然環境唔算特別好，但係冷氣夠曬凍，大熱天時都根本冇機會出汗。呢個價錢，食到咁大碗米線，仲要3餸，遠征都抵啦！！💯…Read More

好鍾意食餃子嘅我，以前可以連續食幾日餃x屋😅 可惜今非昔比，已經好耐冇去過啦😔 所以黎得上環，梗係要試下上環一間餃子店啦🤩 可能因為閒日撞正食晏時間，坐到爆之餘，出面都keep住有幾台客等位。今次嗌咗外賣，食落覺得堂食或者外賣分別應該不大！由嗌嗰刻開始，到攞到都等咗成50分鐘🤯 耐到懷疑佢啲餃子皮係咪即叫即採...🤥 有一台客係我落咗單20分鐘後先入去堂食，但係野食都已經到齊。我就問個阿姐，佢既然叫我自己入廚房問🤯 我真係o咗嘴.. 後尾真係入咗去廚房問，佢冇了解過狀況，直接話人地係打黎落單。解釋完之後，佢抄返張單出黎，就話好快有，似乎係漏咗單。呢間就成為我第一間等一份外賣都要等差唔多成粒鐘嘅餐廳☹️🥟 雙拼炸餃 $53🌽鮮肉香菇粟米餃 餃子咬落雖然脆，但係冇乜味。佢有俾醋同埋豆瓣醬，但係兩款醬汁都超級鹹🤢 點丁少咁多都鹹到呢.. 餃子皮好大塊，料唔算好多，搞到個餃子邊好硬，食到牙都軟🥶 餡料大部分都係粟米粒，鍾意食粟米嘅話應該幾鍾意。🥬鮮肉紫菜餃同樣嘅問題，超級硬，餃子又冇味😓 我以為自己味蕾有問題，已經好認真咁dap真佢，但都真係要dap得好真先有淡淡嘅紫菜味🤥 粟米餃本身都好少肉，呢個就仲嚴重。差啲以為自己嗌咗椰菜紫菜素餃😧 環境質素：🌕食物質素：🌗CP值：🌕回頭指數：🌗呢餐係：「曬時間曬卡路里quota」嘅一餐呢個加錢同坊間其他餃子都差唔多。可惜人地大隻過佢得多，又夠味。其實可能佢啲湯餃會好味啲，但係我唔鍾意飲湯所以就冇嗌到。炸餃真係唔掂，個人都係鍾意食煎餃多啲。大部分客都係食湯餃，可能都覺得炸餃唔係太吸引。如果可以改革變煎餃應該會多啲人嗌。好味嘅餃子其實都好多間，下次黎上環都未必會食佢😓 如果你都同我一樣，鍾意香口嘢唔食湯餃，呢間未必適合你🤭 但係如果下次去食嘅話，應該會試下佢個酸辣土豆絲。今次自己一個就冇嗌，希望下次有人一齊食啦！😋Follow me on instagram @10.eatssdm for collab🙌🏻…Read More

🌟呢餐係：「做森林系文青港女（好矛盾）」嘅一餐今年黎深水埗越黎越多cafe仔，對於又係咖啡迷又港女嘅我黎講簡直就係天堂🤩 除咗飲到靚咖啡，仲可以食返個tea再打埋個靚卡，perfect池週末😂 今次介紹呢間就係位於鴨寮街，行森林系嘅Loop Kulture😍 雖然淨係開咗短短幾個月，但係相信大家都唔陌生架啦！閒日晏晝去，雖然唔洗等位，但係都坐滿曬人咁濟💯 ☕️ 凍美式咖啡 $40有得揀fruity或nutty嘅咖啡豆😍 Fruity通常偏酸，帶有果香；Nutty就冇咁酸，咖啡味都濃啲。個人麻麻地酸咖啡，所以就揀咗nutty。（應該係）Dark roast嘅咖啡豆，但係唔會太油💯 咖啡味都濃郁，唯一缺點就係冇乜nutty note。🥑 開心果牛油果奶昔 $52飲落好香開心果味。可能因為牛油果本身唔係太濃味，所以都唔係太飲得出佢嘅存在😅 口感適中，但係抵讚嘅係竟然奶昔飲曬成杯都唔濟🥰🍞 牛油果無花果配酸種麵包 $78酸種麵包唔會太酸，食唔慣酸種麵包都可以試下👍🏻 牛油果，無花果，沙律菜同埋藍莓都好新鮮。成碟野個焦點就係個無花果雪糕（雖然個人覺得有啲似山楂味）。唔會過甜，而且好清新 🥰 同啲沙律菜一齊食出奇地夾😋 🍌焦糖香蕉法式吐司 $98呢個係呢度嘅招牌菜🤩 基本上台台都會嗌，所以一開始店員都同我地講要預等30分鐘😂 好彩最後15分鐘就有得食🙊 吐司滲滿蛋液再攞去焗或慢煎，蛋味唔算濃，但係非常濕潤，食落幸福感💯 香蕉暖暖地，啲焦糖又脆脆地，配埋伯爵茶雪糕一齊食好正🥰 環境質素：🌕🌕🌕🌖🌑食物質素：🌕🌕🌕🌗🌑CP值：🌕🌕🌗🌑🌑回頭指數：🌕🌕🌗🌑🌑其實黎得啲打卡cafe，本真都冇諗住會好食得去邊，所以都算幾滿足！😋 大部分都係食環境，即使味道唔錯，下次都未必會再去，因為都真係唔平唔算抵食🤐 但如果想打卡嘅話，我覺得可以喔☺️Follow me on instagram @10.eatssdm for collab🙌🏻…Read More

🌟呢餐係：「睇得又食得！」嘅一餐經過呢間日系便當小店已經覺得好正，打卡一流🤩 今次見佢仲有位就同朋友入左去🥳 除左便當，仲有沙律同埋壽司～ 🐟一本蒲燒鰻魚丼 $128黎到超級驚訝！鰻魚竟然唔係啲切到一kai kai，超少嗰啲😱 雖然飯嘅份量少咗啲，但係原條鰻魚呢個價錢真係好平🤑 蒲燒汁普通，鰻魚偏淋身濕潤，可以一試！🐷柚子胡椒燒豚肩肉丼 $89呢個飯有驚喜喎！😍 唔係太食得出柚子同胡椒味，反而有微微嘅竹位。豚肩肉偏瘦，瘦得黎又唔會好鞋，啱曬唔想食太肥嘅人👍🏻 個人覺得啲米好香好出色，又唔會好啲平時啲珍珠米咁黏咁濕😋 環境質素：🌕🌕🌕🌗🌑食物質素：🌕🌕🌕🌖🌑CP值：🌕🌕🌕🌗🌑回頭指數：🌕🌕🌕🌑🌑雖然木系和風打卡真係一流，但係好少位，多幾個人黎或者想同朋友傾計坐耐啲都唔係太friendly。食得出兩個飯都有心思，但就略為貴咗啲🤐 …Read More

🌟呢餐係：「掛住屋企」嘅一餐最近成日出沒上環，但係好快就會唔會日日黎🥺 所以要把握時機食多啲黃店🤩 今次同朋友開住個懲罰mee之後求其篤咗一間就去😂 建議大家唔知食乜好都可以參考呢個方法👍🏻 閒日lunch時間去，但係唔洗排隊，落完單俾錢搵個位坐低就已經送咗個餐黎😂 jeng！🥳🥚肉碎瑤柱蒸水蛋 $47蒸水蛋超大份🤩 食完晚飯都仲有半兜淨😂 蛋超級滑，瑤柱份量都好足！肉碎份量雖然ok，啲肉碎全部放喺同一個位，搞到有啲位啖啖都係肉，有啲就完全冇，但係我覺得問題不大😅 食落唔會過鹹，冇豉油嘅位就有啲淡，反而食到屋企阿媽煮飯嘅味道🥰 個飯偏硬，個人非常like😋 環境質素：🌕🌕🌕🌖🌑食物質素：🌕🌕🌕🌖🌑CP值：🌕🌕🌕🌕🌑回頭指數：🌕🌕🌕🌕🌑今次呢間食到家的味道搞到我都好掛住阿媽添🥺 CP值都偏高，呢區食個飯都係$50左右，都咪話唔抵！推薦俾啲喺上環附近返工嘅大家😋 但係就唔洗專登黎食啦～Follow me on instagram @10.eatssdm for collab🙌🏻…Read More

🌟呢餐係：「退完步都好味過好多米線舖」嘅一餐不久前啱啱踩完大家深愛嘅老闆娘，今日介紹返個人覺得正常好多嘅米線。同樣喺荃灣立足多年，好多foodie都有介紹過。呢間係我第一次入荃灣食嘅嘢，嗰陣真係超級驚為天人。但係依家真係退步左唔少😞🍜酸辣米線黎到一定係食佢個酸辣米😍 就算平時好食得辣都建議嗌小辣，因為嗌過中辣成碗都係油，食完超級反胃🤢 小辣就啱啱好👍🏻 米線偏粗身，又彈牙，個人非常鍾意呢隻口感😋 湯底雖然偏油，但係十分掛湯，超級正🤩 如果覺得唔夠酸，或者覺得好似硬係爭咁啲，建議問員工攞碗酸汁。個人覺得酸汁好刁味，完全帶出湯底嘅精華🥳提提大家，除非係想要多啲酸菜，如果唔係嗌嘅時候就唔洗講明係酸辣。本身default就係酸辣米線，都有啲酸菜嘅，如果講明係要酸辣就會俾多啲酸菜你，計一餸架啦。🥟雲吞個人推薦雲吞！以前大隻到成隻手板咁大，淨係食3隻都已經飽死，依家縮咗起碼一半😣 塊皮真係好厚，同我面皮有得比😱 仲加上餡少，搞到大半舊都係皮，個人會咬走佢唔食😅 雖然講到佢咁我都推薦因為佢個餡包埋酸菜喺入面，味道口感都真係做得唔錯👍🏻 次次去都必嗌🥰🍗翼尖個人推介no2。雖然有少少普通，但係同個湯底好夾😋 煮得好淋，好揉一就lun到，懶人食都唔驚👍🏻🐔麻辣雞主要都係雞髀肉，但係唔知點解都係鞋鞋地😣 超級嘴刁王就隔唔中都會嗌下，唔鍾意lun骨嘅小編就覺得麻麻地啦。環境質素：🌕🌑🌑🌑🌑食物質素：🌕🌕🌕🌗🌑CP值：🌕🌕🌕🌗🌑回頭指數：🌕🌕🌕🌗🌑以上就係今次嗌咗嘅餸。其實仲有豆卜，但係都係普普通通，冇乜特別，個人唔係太建議嗌😅 呢度腩肉都算出名，但係就唔算出色。偏鞋同乾，肥瘦唔太均勻。我自己鍾意食偏瘦嘅肉所以都覺得ok，但係如果你係鍾意食真腩肉就唔太建議嗌啦。舖內好少位，坐得逼，加上成件嘢都感覺唔係好乾淨，好油，自己衡量返o唔ok啦（我就覺得冇乜嘅）。好多foodie都介紹過，踩過佢。我自己覺得佢退步冇以前咁好味就真係事實，無可否認。但係其實都仲係好味過坊間唔少米線舖。當初我自己本身好憎食酸辣，都係因為食過佢一次之後就愛上咗。建議大家可以黎試下，再自行判斷啱唔啱你口味啦！…Read More

🌟呢餐係：「超級無敵後悔」嘅一餐（後悔點解咁遲先試）自稱天婦羅KOL嘅我，Bookmark低諗住食好耐，今日咁啱想食蕎麥麵就去咗👍🏻 星期六晏晝去，全鋪坐滿咁濟，但係都唔係等位好好彩！🥳 員工哥哥都好nice好friendly👍🏻 之前都有形容過我自己覺得合格嘅天婦羅係點（詳情請睇返麵.睦月嗰篇），今日就黎睇下呢間係咪淨係得平咁簡單啦！😈🍱海鮮天丼超級壯觀😱 有菜心苗，茄子，蓮藕，魷魚，蟹肉棒，虎蝦同埋天丼精華，流心蛋😍 唔講味道，淨係呢個份量就已經超級抵啦👏🏻 炸漿都唔會太厚，但係都覆蓋每一舊嘅每一個位，做到天婦羅「蒸」嘅效果👍🏻 外脆內軟，每樣都保留到佢本身嘅水份，個人好鍾意佢個菜心苗🥳 流心蛋都係炸過嘅😋 烚完之後要放入冰櫃凍完先可以炸，所以流心蛋真係好考功夫同心機，完全睇到廚師嘅誠意🥰 🍜海鮮天婦羅配信州蕎麥麵（凍）夏日炎炎，唔想食飯都可以揀蕎麥麵架！食落好清爽消濟，仲可以落少少wasabi刁味👍🏻 天婦羅就有菜心苗，蟹肉棒，虎蝦，椰菜花同埋魷魚。虎蝦炸漿略為厚咗啲。同天丼唔一樣係佢有椰菜花。本身唔鍾意食椰菜花嘅我覺得十分有驚喜。個椰菜花炸到入面又淋又濕潤，真係做到嗰個蒸嘅效果😍 好耐冇喺香港食過個咁高質嘅天婦羅啦🥳環境質素：🌕🌕🌕🌖🌑食物質素：🌕🌕🌕🌕🌗CP值：🌕🌕🌕🌕🌗回頭指數：🌕🌕🌕🌕🌖呢間真係cls公司黎😨 超級高質，又平又大份，抵到爛😱 有啲後悔係點解我save咗咁耐依家先去食！😞回頭率竟然差唔多滿分真係有啲癲😂 大家都要念在我真係超級鍾意食天婦羅份上，俾次機會啦。加上又係黃店，根本冇理由唔食佢啦！！利申返，本人同間嘢一啲關係都冇，真係好食先會寫到成個打手咁😂…Read More

🌟呢餐係：「chill到爆居酒屋」嘅一餐以前去親日本旅行都一定要去居酒屋，今次喺荃灣咁啱經過發現一間平時都冇乜唯意嘅居酒屋！😍 留咗名同電話之後就去隔離商場行，唔洗喺30幾度嘅大型室外焗爐等，實在太好了🥳 行咗一陣就打黎話有位，咁樣等位真係好好多，起碼唔會燥底先👍🏻🥟雞皮餃子$58雖然menu冇寫招牌，但係見台台都有碟就嗌咗碟黎試下。每隻餃子都包咗兩層雞皮，個人覺得厚得濟，所以唔夠脆同埋滲油味都太重 😣 但係個餡好香韭菜味👍🏻 🦪 味噌廣島蠔鍋$168廣島嗰隻土手鍋會係個鍋表面搽層味噌，但係呢個就唔見有啦。飲落湯底都冇乜味噌味，淨係得滲蠔味，有啲單調。配料都算俾得足，而且蠔都有6隻大大隻嘅。雖然算ok抵食，但係味道方面就有啲失望啦🥺🐟花魚一夜香（半條） $88第一次試一夜香😍 味道比想像中普通咗啲，但係勝在唔鞋同埋味道都香👍🏻 🐔阿波尾雞肝（半熟）$25未脆內軟，味道濃厚。小編個人唔太鍾意雞肝嘅口感，但係竟然獲得同行的超級嘴刁王嘅寵幸，如果你都鍾意雞肝都值得一試！🐔阿波尾雞胸軟骨 $30調味淨係落左鹽同黑椒，自己再jit咗啲檸檬汁，食落好清爽👍🏻 🐔雞蔥串 $25呢個極力推介😍 照燒汁一齊燒，甜得黎又好惹味👍🏻 雞肉一啲都唔鞋，但係京蔥可以再再熟少少。今晚的highlight😋 🐔手作雞肉棒$38連埋一隻蛋黃一齊上。雖然肉質偏鞋，但係點埋蛋汁都算合格。不過不失，但係就貴咗啲。🐔雞軟骨$22淨係用鹽同黑椒調味，但係已經好好味😋 脆得黎唔硬👍🏻 個人推薦no2！🐔阿波尾雞皮 $30呢個失望咗啲。第一張單已經落咗，但係最後一個先上。以為會好脆，但知都係淋咗啲。成串口感都唔一致，某啲位脆少少，有啲就好淋，完全冇燒到乾脆嗰隻口感。😣環境質素：🌕🌕🌕🌖🌑食物質素：🌕🌕🌕🌑🌑CP值：🌕🌕🌗🌑🌑回頭指數：🌕🌕🌕🌑🌑兩個人最後埋單差唔多$700。雖然食到好飽，但係我就覺得唔係太抵啦。雖然氣氛都唔錯，但係食晚餐正餐嘅話就有啲9😅 如果冇肺炎，凌晨2-3點可以去食個宵夜都真係幾chill下。鍾意居酒屋氣氛嘅話，其實都值得一試。但係你問我洗唔洗專登入荃灣食我就唔建議啦～ Follow me on instagram @10.eatssdm for collab🙌🏻…Read More

以前都食過架啦～今次返兜係因為前幾日去咗佢地荃灣新分店，發現個menu唔知點解會貴咁多🤔 最後唔捨得係荃灣食，就走左去mk食啦😂 5-6點鐘左右到，唔洗排隊直接入🥳 🧅德州燒烤牛肉漢堡 $88牛肉都好大塊，但係就有啲鞋同乾。洋蔥圈雖然好味但係唔算好夾🤨 連埋其他野一齊食就唔係太食得出佢嘅存在😅 bbq醬惹味得黎又唔會cum過牛肉滲牛味👍🏻 最值得讚係佢個包烘得好脆，仲要熱辣辣😍 芝士又有啲溶溶地，整體其實係個有誠意嘅漢堡！🦀 軟殼蟹牛油果醬牛肉漢堡 $108軟殼蟹好大舊，好壯觀，炸得又脆，正😍 唔知係咪心理作用，覺得呢個包連塊牛肉都大塊好多😂 牛肉都係同德州燒烤嗰個一樣問題，略乾同鞋。個牛油果醬就冇乜味🤨 🍟 薯條加可樂套餐 +$36雖然薯條份量望落有啲少，但係食食下都真係好夠飽！薯條唔係新鮮炸起🥶 外脆內軟，再配埋應該有審到啲調味粉，都幾好味😋 但係如果可以熱辣辣就好啦..🥺 環境質素：🌕🌕🌕🌖🌑食物質素：🌕🌕🌕🌗🌑CP值：🌕🌕🌕🌖🌑回頭指數：🌕🌕🌕🌖🌑其實堂食嘅burger呢個價錢都差唔多架啦～ 望落個份量好似好少，但係食落都真係好飽👍🏻 個人覺得如果唔係特別想食軟殼蟹就嗌德州漢堡啦🤩…Read More