littlehkgirl's Profile

📍FreeHcaKe尋日去咗葵廣掃街，除咗廢水之外，梗係都唔少得甜品la💗行到2樓，見到有條巷仔專賣嘢食，入面有間主打疏乎厘嘅小店，賣相望落勁吸引😍而且有d款式仲配埋雪糕，真係夠晒邪惡呀～嚟得掃街都預咗肥㗎la，唔爭在食埋呢個🤭🥞Pink Team $50/2pcs 呢款係季節限定口味，而且成個都粉紅色咁，真係好少女💕個賣相已經贏晒，打卡一流🫰🏻疏乎厘表面浸滿士多啤梨奶蓋，味道似士多啤梨糖🍬但口感唔算好fluffy，反而食落好似蛋糕，質感偏乾，同平時嗰d有出入😌𣎴過勝在個配搭非常夾，疏乎厘班戟配上韓國士多啤梨同乾果碎，味道酸酸哋，可以中和返奶蓋嘅甜膩感👍🏻另外，仲有澳洲雲呢拿雪糕，口感超級軟滑，同疏乎厘一齊食有冰火交融嘅感覺🧊🔥估唔到雪糕都咁出色😋🍨9 cake旋風 $25雪糕同樣係雲呢拿味，而配料方面有5個選擇：Oreo、聰明豆、香芋麻糬、Nutella 榛子醬同Skippy 朱古力花生💓平時食開Oreo配雪糕，今次就試吓聰明豆la😬呢杯雪糕都幾大杯，但溶得好快🫠一開頭食落都覺得唔錯，聰明豆硬硬哋咁，口感幾得意😚但之後越食越甜，而且咬聰明豆咬到好攰，所以個人就唔係好鐘意呢個組合🥲朱古力豆配雪糕真係太甜，下次都係食返Oreo🥺✨整體嚟講，賣相真係💯，款式又多，而且價錢合理🫶🏻不過如果疏乎厘班戟可以多d空氣感、冇咁乾身就更好☺️評分(最多5粒⭐️，✨為0.5）❣️味道：⭐️⭐️⭐️❣️環境：⭐️⭐️⭐️✨❣️服務：⭐️⭐️⭐️❣️賣相：⭐️⭐️⭐️⭐️⭐️❣️CP值：⭐️⭐️⭐️✨📍葵芳葵富路7號葵涌廣場2樓2010號🩷❤️🧡💛💚🩵💙💜🩷❤️🧡💛💚🩵💙…Read More

📍Shake Shack前日去咗葵芳行街，見到新都會廣場開咗間新嘅Shake Shack🤩但由於店舖面積較細，所以都幾難搵位🥲加上嗰日勁熱，即使餐廳設有outdoor用餐位置，都冇乜人會想出去曬🥵另外，收銀員雖然用一口流利嘅英文問你食咩，但阿媽👩🏻用廣東話答佢都聽得明，咁大家點餐嘅時候就唔怕尷尬la🤭🍔Shack Burger $58 / $81(double)呢個其實即係普通cheese burger，配料方面有芝士牛肉漢堡、生菜、蕃茄同秘製shack sauce💕麵包底部搽咗牛油，烘過之後帶有濃郁嘅牛油焦香～而且食落真係超級軟熟，好有彈性，比平時嗰d更出色😍至於牛肉漢堡質感較為鬆散，會食到好呢hea😅肉味香濃、肉汁尚多，但調味偏鹹🥺所以一定要配埋生菜同蕃茄一齊食，以解去油膩感😌而shack sauce味道酸酸哋，份量適中，唔會浸到成個包濕晒👍🏻總括嚟講，個burger唔算好cheesy，但味道唔錯，值得一試💗🌶️SmokeShack $69 / $92(double）呢個同樣有芝士牛肉漢堡同shack sauce，不過就多咗煙肉同櫻桃辣椒粒🔥煙肉口感非常香脆，而且採用美國全天然蘋果木煙燻後，香氣更為濃郁😋辣椒粒份量雖多，但食落就唔係好辣，反而椒味較重😅呢個嘅味道確實比Shack Burger更豐富，但因為冇生菜同蕃茄，所以食落好濃味以及偏鹹😣🧀 Cheese Fries $37波浪薯條粗身，食落啖啖薯肉，口感綿滑又唔會太油🫶🏻薯條上面仲鋪滿厚厚嘅芝士醬，幾乎令每一條薯條都沾滿芝士🤤芝士味道濃厚，真係超級邪惡呀😈而且份量都幾多同埋好飽肚，建議幾個人一齊share🤗🥛Caramel Shake $45Milkshake質感杰而幼滑，奶味尚算香濃💓但真心覺得冇乜焦糖味，淨係得個甜字，反而呍呢拿味偏重，有d失望🥺🍓Strawberry Shake $45飲落似士多啤梨雪糕味，味道比caramel嗰杯冇咁甜，整體𣎴過不失，冇乜特別😌🍋Large Pink Lemonade $35檸檬水配上紅石榴同柚子，呢個組合夠晒清新，好適合喺夏天飲🌟𣎴過味道偏酸，紅石榴同柚子嘅清香唔突出，完全比檸檬酸味蓋過，所以基本上淨係飲到酸味😨✨整體嚟講，雖然價錢唔平，但burger及小食嘅質素唔錯，個人認為絕對比「五X弟」優勝🫰🏻但milkshake真係一般般，下次都係飲soda或者lemonade算la😚評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️⭐️❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️📍葵芳興芳路223號新都會廣場4樓488-490號舖🩷❤️🧡💛💚🩵💙💜🩷❤️🧡💛💚🩵💙…Read More

📍東京街最近網上見到有人話荃灣Citywalk2期商場地下開咗好多新餐廳，原來係取代咗先施百貨個位😮去到見到嗰度有齊中西日餐廳，選擇非常多💓不過每間餐廳嘅面積較細，入面嘅座位唔多，所以可能等位需時長🥹今次就嚟試吓呢間主打食魚生嘅～🔥炙燒左口魚丼 $128好難得見到有左口魚丼，梗係要嗌個嚟食la😍經火炙嘅左口魚油份咇晒出嚟，入口即溶，魚油甘香濃郁，成個口都充滿油香，真心勁正🤤💕而且有成10塊咁多㗎!!!😱除咗左口魚，仲有吞拿魚蓉同三文魚籽，份量尚多，配飯食一流呀～呢個嘅性價比極高，絕對值得一試🫶🏻🐟三文魚帶子甜蝦丼 $88(+$10可轉魚腩）今次加咗$10轉三文魚腩，魚腩又厚又大件，食落超級肥美😋共有三件，值得加錢轉🙆🏻‍♀️帶子尚算厚，同甜蝦一樣都係正正常常，不過𣎴失👌🏻⚠️餐廳設有自助區，可自取沙律🥗水果🍊同玄米茶🍵真係好抵食😚✨整體嚟講，食物質素唔錯，而且份量尚多，價錢又親民，性價比極高🤩仲要有埋自助區，食完魚生覺得好膩，就可以食幾嚿橙或沙律解膩，非常貼心🥰評分(最高為5粒⭐️，✨為0.5）❣️味道：⭐️⭐️⭐️✨❣️環境：⭐️⭐️✨❣️服務：⭐️⭐️⭐️❣️賣相：⭐️⭐️⭐️❣️CP值：⭐️⭐️⭐️⭐️✨📍荃灣荃新天地2期地下一門町市場J8號舖🩷❤️🧡💛💚🩵💙💜🩷❤️🧡💛💚🩵💙…Read More

📍冠華粥麵喺荃灣石圍角有間主打食牛雜粉麵嘅小店🍜開業咁多年，除咗賣粉麵之外，佢哋嘅手工魚肉燒賣亦都係亮點之一，同樣都好出名㗎🌟食嗰陣仲睇到兩個姐姐喺度包燒賣，真係好有心呀🫶🏻🐟手工魚肉燒賣 $22/10pcs每粒燒賣都勁大粒，非常飽滿，食咗五粒都已經好飽😅魚肉食落煙靭彈牙，而且有陣香濃嘅蒜香味，口感同味道同平時嗰d好唔同，幾特別~𣎴過個人認為雖然係好食，但又未至於好食到好似網上嘅評語咁誇張🤔✨整體嚟講，可以一試😚但老實講入面環境比較__ __😐𣎴過勝在好有人情味，d姐姐都好nice，會同你講下嘢🫰🏻而且入面仲有隻貓貓🐱佢會跳上張凳坐喺度陪你食，啱晒愛貓之人呀💓評分(最高5粒⭐️，✨為0.5）❣️味道：⭐️⭐️⭐️❣️環境：⭐️✨❣️服務：⭐️⭐️⭐️⭐️❣️賣相：⭐️⭐️⭐️❣️CP值：⭐️⭐️⭐️⭐️📍荃灣石圍角村石芳樓地下7號舖🩷❤️🧡💛💚🩵💙💜🩷❤️🧡💛💚🩵💙…Read More

📍甜記餃子甜記餃子一直都好受歡迎，之前已經有幾間分店，但d地址都唔近我，所以未有機會試到🥺而最近甜記餃子終於喺荃灣綠楊坊開咗間新分店‼️💕梗係要即刻去試試la～✨試之前特登上網睇吓邊款口味比較受歡迎，其中粟米芝士雞肉餃同洋蔥薯仔豬肉餃係人氣之選🌟至於西洋菜餃就係個人至愛🥰🥟煎餃($48/8pcs): 餃皮炸得金黃，口感香脆，唔算太油，不過唔知點解食落有d似炸餃🤔—🧀粟米芝士雞肉餃：食落芝士味唔重，冇乜鹹香味，但勝在夠足料，粟米非常清甜😌—🥔洋蔥薯仔豬肉餃：呢款好有驚喜🤩第一啖入口散發濃濃嘅洋蔥香味，肉餡亦好大粒，不過都唔係好食到有薯仔😅但整體食落好夾，呢個組合唔錯🫶🏻🥟湯餃($44/8pcs): 個人覺得湯餃比較出色，食落冇咁膩😋而且個🍅蕃茄薯仔湯底唔錯，不過美中不足嘅係鹹咗少少🤏🏻—🥬西洋菜餃、白菜餃：餡料非常足，每隻餃子都脹卜卜咁😍而且入面菜嘅比例比豬肉多，啱晒我心意🫰🏻西洋菜餃必試～—🍄🟫椰菜冬菇雲耳豬肉餃：呢款正常發揮，口感豐富，冬菇味較為突出😙✨整體嚟講，每隻餃子都好飽滿，非常足料🥰而且價錢又實惠，口味款式尚多💓個人認湯餃比煎餃出色，同埋一定要揀蕃茄薯仔湯底🙂↕️評分(最高5粒⭐️，✨為0.5）❣️味道：⭐️⭐️⭐️⭐️❣️環境：⭐️⭐️⭐️✨❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️✨📍荃灣蕙荃路22-66號綠楊坊2樓S25-26號舖🩷❤️🧡💛💚🩵💙💜🩷❤️🧡💛💚🩵💙…Read More

📍FRESH FRESH BAKERY呢間bakery喺香港都有唔少分店，嗰度嘅3D立體蛋糕整得超靚😍之前都幫襯過幾次，前日阿妹👧🏻生日，佢話想要Anya😂SPY x Family蛋糕系列有三種款式，而今次就揀咗有公仔嗰款，有齊黃昏、約兒同Anya，勁cute呀💓🎂間諜家家酒芒果蛋糕 $7XX✨其實呢款本身係配罐頭雜果，如果想轉做芒果要加$40🍰蛋糕配搭簡單，海綿蛋糕層間鋪滿輕盈幼滑嘅忌廉，配上清甜嘅芒果粒，食落唔會太膩太甜👍🏻而海綿蛋糕口感柔軟，帶有微微濕潤感，入口亦有淡淡蛋香😚✨至於賣相方面，面層有薄薄嘅朱古力醬，側邊就鋪滿淺粉色嘅忌廉，而喺公仔附近仲灑上七彩顏色嘅sprinkles，呢個組合真係好夢幻呀💗而且除咗有三隻公仔之外，蛋糕圍邊紙都有佢哋個樣㗎～𣎴過我覺得最特別嘅係公仔隔離嗰粒花生，整得超級仔細呀🤩⚠️罐頭雜果蛋糕原價 $6XX🥫✨整體嚟講，蛋糕食落雖然唔算好特別，係普通蛋糕質素，但起碼係睇得又食得，賣相簡直係💯𣎴過個蛋糕真係超大個，睇嚟要分幾日先食得晒😅評分(最多5粒⭐️，✨為0.5）❣️味道：⭐️⭐️⭐️❣️環境：／❣️服務：⭐️⭐️⭐️⭐️✨❣️賣相：⭐️⭐️⭐️⭐️⭐️❣️CP值：⭐️⭐️⭐️✨📍荃灣青山公路荃灣段264-298號南豐中心1樓A02號舖🩷❤️🧡💛💚🩵💙💜🩷❤️🧡💛💚🩵💙如果想睇更多food review，歡迎follow IG @littlehkgirl_eat.all.day❣️…Read More

📍TWIST & BUCKLETWIST & BUCKLE 係西班牙churro專門店，喺香港都已經有幾間分店，油條仲係即叫即炸🔥最近見到有好多人post呢間，全部影出嚟都勁靚😍 可以話係人氣打卡必備小食之一～等我又拎部啱啱新買嘅相機去瘋狂打卡先😬📸🌈Rainbow $68呢款係Churro新地杯系列之一，微暖嘅油條配上軟滑雪糕，有種冰火交融嘅感覺❄️🔥好夾呀～最吸引嘅係除咗油條上灑滿彩色嘅糖粉外，連雪糕上面都有好多七彩果味麥片，賣相簡直係💯至於油條炸得香脆而不膩，食落鹹鹹哋咁，用嚟蘸雪糕食味道真係變另一層次🤤但唯一美中不足嘅係由於呢款嘅糖粉較多，所以會覺得太甜，食食吓都忍唔住要飲返杯水😅🍓Strawberry milkshake $48食Rainbow都已經夠邪惡，咁唔爭在飲埋杯milkshake la😈成杯粉紅色，少女心滿滿💗奶味香濃，口感夠smooth，配埋上面d cream，飲落更正🥰𣎴過味道主要都係靠士多啤梨醬，勁似M記士多啤梨奶昔😂同埋要撈勻晒個味先會出，好在d醬勁多，多到飲完之後個底都仲剩好多😝而且呢杯milkshake 都幾大杯，飲完已經飽晒😮‍💨🤭✨整體嚟講，其實d嘢嘅味道又唔算好特別，可能我期望太高🥲不過勝在款式配搭多，同埋個賣相勁靚，打卡確實一流🫶🏻最重要嘅係我瘋狂打卡之後，雪糕都仲未好溶🤣👍🏻(💗第一次用相機影真係靚好多😆✌🏻)評分(最多5粒⭐️，✨為0.5）❣️味道：⭐️⭐️⭐️❣️環境：⭐️⭐️⭐️⭐️❣️服務：⭐️⭐️⭐️❣️賣相：⭐️⭐️⭐️⭐️⭐️ ❣️CP值：⭐️⭐️⭐️✨🩷❤️🧡💛💚🩵💙💜🩷❤️🧡💛💚🩵💙如果想睇更多food review，歡迎follow IG @littlehkgirl_eat.all.day❣️…Read More

📍銀之冰室呢間位於618號上海街文創空間嘅懷舊冰室，裝潢設計以港式復古風格📺及貓貓🐈為主題，真係既傳統又可愛💗而且冰室有好多懷舊珍藏，例如文具及玩具等作裝飾，簡直係香港人嘅回憶之地呀🧮🧸🐷家鄉煎肉餅 $91肉餅雖然望落煎得好靚，但食落唔算香口，反而味道鹹咗少少🥲不過因為入面有馬蹄粒，所以勝在夠爽口，口感十足👍🏻至於香料方面亦加上少量芫莤，但芫莤香味一d都唔濃，咁樣媽咪先食得落😅(我哋成家都唔係芫莤控)🥚温泉蛋卡邦尼意粉 $94第一時間梗係整穿隻温泉蛋，d蛋汁即刻流晒出嚟，個畫面真係勁治癒呀😍而每條意粉都掛滿晒卡邦尼醬及蛋汁，口感非常creamy～另外亦有煙肉、洋蔥、三色椒及蘑菇作配料，不但為菜式添上鮮豔色彩，仲令味道更豐富，唔會太單調乏味😋🌈不過個人認為由於配料太多，所以蓋過咗卡邦尼醬嘅蛋香，變得好重椒味🥺🐟煙三文魚忌廉汁意粉 $104忌廉汁味道香濃，口感滑而不膩，簡單嘅調味就已經好好食😚煙三文魚都幾大塊，入口散發陣陣鹹香，同忌廉汁真係超夾🫶🏻而配料方面同樣有三色椒、洋蔥同蘑菇，可解去膩感，食落更清新😆🍟芝士焗肉醬薯條 $50呢個每次去都必點❣️肉醬帶有酸酸甜甜嘅蕃茄味，唔同平時嗰d茄醬味，食完唔會覺得口渴🥰粗薯條口感一流，焗完之後又唔會好油，少少脆脆哋咁，勁正～而芝士分量雖然唔算多，但每條薯條已沾滿肉醬，夠晒惹味，真係食唔停口呀🤤🍫軟綿綿朱古力 $18嗌呢杯嘢主要係為咗cream上面嗰一堆綿花糖，成個賣相好吸引🤩朱古力帶微苦，唔會太甜，撈埋cream同綿花糖一齊飲，口感既柔滑又煙韌，呢個組合超夾💓✨整體嚟講，食物質素唔錯，具中西融合嘅菜式，而且有d都幾新穎🤭至於餐廳懷舊嘅佈置花咗好多心思，每個角落都擺滿收藏品，夠晒打卡able🫰🏻📸評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️⭐️✨❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️📍旺角上海街618號3樓301A及302號舖…Read More

📍段純貞呢間主打食台式牛肉麵嘅台灣過江龍店🐉喺香港已經有四五間分店la～見網上d評語都唔錯，所以一直都好想去試😍最近終於有機會到訪香港第一間分店——荃灣西分店✌🏻🍅燉蕃茄腱心牛肉麵 $92✨湯底：原味牛肉麵平時就食得多，所以今次想試吓特別d嘅蕃茄紅燒牛骨湯底😚湯底味道濃厚，蕃茄酸味好重，唔係平時甜甜哋嗰d，夠晒天然🫶🏻而且仲會有少少辣，食落更開胃～𣎴過牛味比蕃茄紅燒味蓋過，唔夠突出，而且味道偏鹹，食完會有d口渴💦✨手工麵：麵條口感煙韌彈牙，厚薄𣎴均，所以每一條都可以掛到好多湯汁，入口充滿蕃茄香味，而麵條亦可中和湯底嘅鹹味，兩樣互相配合，真係最佳組合呀🥰⚠️唔好掛住打卡，要快d食，否則麵條吸湯變軟就超級難食😵(阿妹嗰碗出咗事😑）✨牛腱肉：一碗都有三至四大嚿肉，份量十足👍🏻牛肉油脂均勻，唔會好肥，食落軟腍腍，超級滑嫩，而且仲有輕微入口即溶嘅感覺，真心好正💗加埋牛筋膠質彈牙嘅口感，牛肉絕對係呢碗麵嘅亮點呀🌟必食‼️‼️🐔燉濃湯雞麵 $88✨湯底：除咗牛肉麵之外，呢個都係麵店推薦之選，梗係要試吓la～湯底用咗60公斤雞骨，經過30小時慢煮熬製🤩入口充滿濃郁嘅雞香味，而味道亦比牛肉湯較為鮮甜清淡，所以飲落好舒服😌雞肉嘅精華全部喺晒個湯到，真係唔飲唔得💓✨細麵：麵條較為幼身，入口非常順滑，同樣可以掛到湯，𣎴過就比較少🥲口感方面亦冇乜特別，個人認為細麵在手工麵比較下較為失色，但係雞湯係咪應該同細麵夾d？🤔✨雞肉：隻雞髀分開為上髀同下髀兩嚿，都幾大隻吓😬肉質鮮嫩，而且超級滑，啖啖肉咁真係好滿足呀💕絕對唔比牛肉失色，唔怪之得有人會特登淨係去食雞麵la😉🧋胚芽珍珠奶茶 $32第一次食胚芽，估唔到又幾好味🤭奶茶味道雖然偏奶，但茶香味冇被蓋過，入口甘醇，不會過甜，加埋胚芽嘅麥香，令味道更有層次💗唯美中𣎴足嘅係珍珠口感較綿，唔係好煙靭彈牙🥺🍯桂花蜜酸梅湯 $28呢杯係期間限定㗎～佢話係台灣獨門秘方，講到咁勁，忍唔住嗌咗杯嚟試😝酸梅湯有清熱解毒消暑嘅功效，感覺都會健康d😂酸梅味道香濃，而桂花份量尚多，可惜桂花味偏淡，完全唔突出😢🥛荔枝乳酸飲料 $30本身期望唔高，但飲落都唔錯，荔枝香唔會好假，甜度亦適中，正常水準👌🏻總括嚟講，食物質素高，尤其係牛腱肉真係好有驚喜呀❣️𣎴過由於店舖嘅面積唔算好大，所以每張枱之間會比較迫，卡位嘅數量亦較少，可能會坐得唔係幾舒服😣但係有好嘢食就咩都冇所謂la😜🤭下次去試埋拌麵先～評分(最多5粒⭐️，✨為0.5）❣️味道：⭐️⭐️⭐️⭐️❣️環境：⭐️⭐️✨❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️✨📍荃灣楊屋道8號如心廣場1期1樓105-107號舖🩷❤️🧡💛💚🩵💙💜🩷❤️🧡💛💚🩵💙…Read More

📍呦呦鹿鳴之布丁燒呢排已經好耐冇出甜品post🥲尋日學校運動會去咗葵涌，梗係要趁機去葵廣掃街la✌🏻今次介紹嘅呢一間著名甜品店主打多款創意口味嘅布丁燒，而且喺香港都已經有幾間分店，一直好想去試💓另外，店舖以鹿🦌為主題，除咗有靚靚嘅打卡位之外，每一款嘅布丁燒上面都有可愛嘅鹿仔圖案㗎😍🍮回魂布丁燒 $38呢個咖啡口味☕️嘅布丁燒係人氣No.1❣️咖啡甘香濃厚，同時入口散發微微嘅焦糖香😚另外，由於咖啡帶有輕微澀感，同焦糖漿相輔相成，所以食落唔會太甜👍🏻布丁口感順滑，蛋味香濃，仲入口即化，真係超級creamy呀🤤～底層係芝士蛋糕，質感輕盈、濕潤綿密，吸晒碟上面嘅咖啡同焦糖，每一啖都又香又濃，非常滿足💗⚠️店員會問係咪宜家食，如果係，佢會幫你將布丁反轉倒落隻碟到(所以我就影唔到鹿仔🥲）✨總括嚟講，布丁燒非常高質，𣎴論喺味道定係賣相方面都好有驚喜，果然冇令人失望🫶🏻咁之後去葵廣掃街又多個選擇，好想試晒咁多款呀🤭評分(最多為5粒⭐️，✨為0.5）❣️味道：⭐️⭐️⭐️⭐️❣️環境：⭐️⭐️⭐️⭐️❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️📍葵芳葵富路7號葵涌廣場3樓TOP世界3069-T5-T6號舖🩷❤️🧡💛💚🩵💙💜🩷❤️🧡💛💚🩵💙如果想睇更多food reviews，歡迎follow IG @littlehkgirl_eat.all.day❣️…Read More

📍Miss Tira荃灣南豐中心嗰度前排開咗間現切韓式tiramisu專門店，之前成日見到排晒隊😱Tiramisu有好多唔同口味選擇，包括🍓草莓海鹽芝士奶蓋🥭楊枝甘露🌰海鹽焦糖蜜栗子同🍫朱古力等等，全部都係用天然零卡糖整㗎～食完都冇咁大罪惡感😇Tiramisu嘅賣相真係超吸引，搞到我都忍唔住一次過買咗兩個返去試😍🍓草莓海鹽芝士奶蓋 $58/件一見到呢個就即刻比佢嘅粉紅色吸引咗，真係好靚呀💗第一啖食落有香濃嘅士多啤梨味，後嚟慢慢散發出淡淡嘅奶香，cream嘅口感亦非常綿滑輕盈，配埋面頭酸酸甜甜嘅士多啤梨果醬，食落會冇咁膩，成個組合都超級夾😋唯美中不足嘅係海鹽鹹味唔突出，未能中和甜味，令成個tiramisu味道有d太甜🥲好彩留返粒士多啤梨最尾食，可解去口中嘅膩感👍🏻🥭楊枝甘露 $58/件呢個港式甜品嘅口味真係好特別呀～第一次見所以搞到我好好奇😆呢個一食落就有好濃嘅椰香味，而芒果味亦好清甜💓餡料除咗有芒果之外，仲有柚子肉同西米，口感豐富，味道真係好似楊枝甘露💕呢個配搭係幾新穎，𣎴過試一次就ok，下次都係食其他味😌整體嚟講，由於係韓式tiramisu，所以唔好期望會好正宗，食落比較似忌廉蛋糕🍰另外因為cream偏多，一人食一件可能會覺得好膩，建議同人share😬最重要嘅係採用零卡糖，如果想食得健康d，呢個都係個唔錯嘅選擇🫶🏻評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️❣️服務：⭐️⭐️⭐️❣️賣相：⭐️⭐️⭐️⭐️❣️CP值：⭐️⭐️⭐️📍荃灣青山公路荃灣段264-298號南豐中心地下A119號舖🩷❤️🧡💛💚🩵💙💜🩷❤️🧡💛💚🩵💙如果想睇更多food reviews，歡迎follow IG @littlehkgirl_eat.all.day❣️…Read More

📍彗星餐廳最近好多人都話Disneyland變咗Duffyland，嗰「七寶」宜家非常受歡迎，趁假期梗係要入去見識下la😬順便去試埋彗星餐廳，呢間唔係成日都開，所以淨係食過一次，仲要已經係n年前嘅事😅🐟饅魚滑蛋珍珠飯配麵豉湯 $140喺網上睇到好多人都話呢樣唔錯✨條饅魚比想像中仲大😍肉質唔乾，尚算嫩滑，𣎴過魚骨比較多，有大有細，所以吞嘅時候要小心d😌醬汁甜度啱啱好，亦唔會太鹹，撈埋落飯一齊食超級開胃～另外跟餐仲有一碗麵豉湯，可以解去口中嘅油膩感，夠晒解渴呀💗🦞珍寳蟹棒·海鮮蕃茄龍蝦湯讚岐烏冬 $140呢樣係signature dish之一✨未食就已經聞到好香嘅龍蝦味，而且望落都好足料🤤配料方面有蝦x2🦐扇貝x2🐚湯底啖啖散發龍蝦香味，但冇想像中咁濃🥲另外，湯底亦有蕃茄蓉，所以飲落酸酸甜甜，同樣開胃😋而烏冬嘅質感順滑彈牙，唔會浸到淋晒，每條都掛到滿滿嘅湯汁，讚岐烏冬果然係冇得輸💓✨總括嚟講，味道ok、份量夠多，比起「皇室宴會廳」嗰d雜扒餐抵食好多，而且又冇「火箭餐廳」咁多人，呢度都係個唔錯嘅選擇🫶🏻⚠️套餐已包16安士汽水，+$5可升級至20安士，咁先夠飲😚⚠️有奇妙處處通卡可根據會員級別(銀/金/白金)分別享有87/82/75折優惠㗎✌🏻評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️❣️服務：⭐️⭐️⭐️✨❣️賣相：⭐️⭐️⭐️✨❣️CP值：⭐️⭐️⭐️⭐️📍大嶼山香港迪士尼樂園明日世界區🩷❤️🧡💛💚🩵💙💜🩷❤️🧡💛💚🩵💙…Read More

📍越男仔(荃灣）之前火山燒執咗，而最近就見到嗰個位開咗間食越南嘢🇻🇳即刻上網睇吓d食評，原來喺旺角同沙田都有分店，而且都幾出名㗎🤩梗係要試吓la～⚠️午餐時段(11:30-17:30)有5個set，而每個set都包埋2小食+1主食+1餐湯+1餐飲🥗牙車快沙律+🐟椒鹽脆蛋魚柳(跟set)沙律有碌柚肉、雞肉絲、紫洋蔥同埋大量青瓜絲，食落好清新，亦有解膩嘅作用😌魚柳炸得金黃香脆，配埋蒜粒同蔥花一齊食，真係夠晒惹味呀～另外魚肉都唔會好乾，仍保有輕微濕潤感💕🍅牛+豬PHO紅蕃茄湯檬 (Set L E)呢個真係勁多料呀😍有生牛、烤牛、豬頸肉同豬扒，仲要每一樣都係double 分量、大大塊咁，點食得晒呀😱生牛入口即化，肉味超級濃郁，有驚喜❣️烤牛同想像中完全唔同，牛肉沾有大量香茅醬汁，味道較鹹，有d似沙嗲牛肉嘅感覺👌🏻豬頸肉肉質爽口彈牙，口感十足🥰而豬扒就帶點香茅味，厚得嚟食落又唔乾唔硬，同埋真係好大塊，食完d餸都已經飽晒😅檬粉口感爽滑彈牙，掛滿酸甜嘅蕃茄湯，再加少量青檸汁，可解去肉嘅油膩，成個感覺更清新😚🍜越式生牛肉牛骨湯河粉 $65生牛分量尚多，牛肉唔使調味就有濃郁牛味，口感嫩滑，同樣入口即化🤤湯底帶有牛骨香氣，味道香濃鮮甜💕另外仲會提供「三寶」:青檸、指天椒同蝦油蒜頭，加入適量香料後，味道酸中帶辣，係靈魂所在，而且加埋大量爽口清新嘅芽菜，真係食唔停口呀😆🐥招牌無骨雞配黃薑飯 $89一上枱嘅時候就已經聞到好香la～雞肉肉質非常嫩滑，完全唔鞋，仲要無骨，食落啖啖肉咁💗而且上面仲有少量爆蒜粒同蔥花，味道更豐富😋黃薑飯每一啖都充滿香濃嘅黃薑味，飯質比較乾身，粒粒分明，唔錯🫶🏻🌸龍眼花蜜茶 $12(跟餐價）味道甜甜哋，飲落就好似龍眼冰咁，感覺清新涼快，用嚟解膩真係一流呀💓🍓士多啤梨奶 $8(跟餐價）喺食越南菜嘅餐廳飲士多啤梨奶都預咗唔會好飲，但見到隔離枱都叫咗杯，係好靚嘅粉紅色呀😍最後我都係忍唔住叫返杯～充滿少女感嘅賣相真係一流，但味道方面就……同預期一樣😅🍫鮮薄荷朱古力 $12(跟餐價）反而呢杯好有驚喜喎～朱古力味非常香濃，苦中帶甜，而且有滿滿嘅薄荷香氣，感覺清爽🌿評分(最多5粒⭐️，✨為0.5）❣️味道：⭐️⭐️⭐️⭐️✨❣️環境：⭐️⭐️⭐️❣️服務：⭐️⭐️⭐️✨❣️賣相：⭐️⭐️⭐️❣️CP值：⭐️⭐️⭐️📍荃灣大壩街75號…Read More

📍菠蘿仔食堂一到夜晚荃灣周圍都勁多人，差唔多間間餐廳都排晒長龍😱有次落咗去AEON 最底層，見到有幾間餐廳，但嗰度竟然係冇乜人😌而其中一間就以菠蘿為主題，好似幾特別咁，決定去試吓先😆小食：🍠吉列紫薯餅 $13/1件🧀芝士玉子燒 $13/1件🥟日式炸餃子 $10/2隻🍗瑞士雞中翼 $10/2隻個吉列紫薯餅炸得香脆，味道甜甜哋夠晒開胃，用嚟做小食都真係唔錯👍🏻而其他嗰d就正常水準，冇乜特別la😌🍍菠蘿蕃茄豬扒焗飯 $69最吸引嘅係面頭嗰三塊燒菠蘿😍酸甜嘅新鮮菠蘿果然非常juicy，食緊嘅時候仲𣎴停咁噴汁😂而蕃茄汁就較為鹹，冇乜蕃茄味，反而有d似橙色汁😅豬扒尚算厚，而且都大塊，食落又唔算好乾💕炒飯底就濕咗d，亦冇乜蛋香味，𣎴過最特別嘅係入面加咗好多粟米粒，所以唔會太膩，感覺更健康😇焗豬當然唔少得面頭嗰塊邪惡嘅芝士la💗半熱熔芝士帶點焦香味，而且仲要鋪滿晒成個飯面，真係好正呀～🍜美國肩胛牛肉湯讚岐烏冬 $59牛肉份量多，而且每一塊都好大塊😬另外，牛肉呈粉嫩色，肉質亦較腍，但肉味方面就冇話特別濃郁😶至於讚岐烏冬口感煙靭彈牙，而湯底就鹹鹹哋咁，配埋粟米粒同爽口嘅海帶，令口感同樣非常豐富🫶🏻整體就正常水準咁la🐟蟹籽三文魚炒飯 $53呢碗飯真係超級大碗😱而且即叫即炒，所以一上枱就已經聞到香味la～炒飯入面除咗有蟹籽同三文魚之外，仲有大量粟米粒同生菜絲，而面頭亦落咗適量嘅芝蔴作簡單嘅調味🥰炒飯粒粒分明又夠鍋氣，同埋呢個反而食到濃郁嘅蛋香味，食落亦都唔算太油👍🏻整體口感豐富，配料份量十足，超級有驚喜呀～不知不覺間已經食晒成碗la🤭🍲壽喜燒牛肉鍋配白飯 $69見到呢鍋嘢真係嚇咗一跳，個size係超級大呀～d料同打邊爐一樣咁多🤩有大約八塊牛肉、蘿蔔片、不同種類的菇、豆腐、粉絲同埋菜，食完d餸都已經飽晒，仲點食到碗飯呀😅另外個湯嘅味道係鹹鹹甜甜咁，感覺都幾開胃。呢個真心真係好足料，超級抵食呀❣️❣️❣️🍍鮮菠蘿茉莉冰茶 $36每一啖都充滿菠蘿嘅香味，而味道主要係嚟自新鮮菠蘿，酸酸甜甜咁，絕對唔係糖水嘅死甜，夠晒清新解渴😚另外亦飲到微微嘅茶香及薄荷味，同埋底部有幾粒新鮮菠蘿㗎，絕對值得一試🙌🏻🧊鮮菠蘿沙冰 $38成杯嘢都勁冰，一開始都唔係好飲到，要等佢慢慢溶緊d先得🫠菠蘿味亦都夠突出，同樣唔會太甜，呢杯真係好適合喺夏天嘅時候飲呀😎✨整體嚟講，所有嘢嘅份量都勁多😆價錢合理，而且味道真係唔差，性價比高✌🏻另外菜式亦有好多選擇，連burger同甜品都有埋～下次有機會要試吓個菠蘿包先🤤⚠️所有特飲跟餐都係半價㗎～評分(最多5粒⭐️，✨為0.5）❣️味道：⭐️⭐️⭐️⭐️❣️環境：⭐️⭐️⭐️❣️服務：⭐️⭐️⭐️✨❣️賣相：⭐️⭐️⭐️❣️CP值：⭐️⭐️⭐️⭐️📍荃灣大河道88號灣景廣場購物中心永旺灣景店地下G01號舖❤️🧡💛💚💙💜❤️🧡💛💚💙💜❤️🧡💚如果想睇更多food review，歡迎follow IG @littlehkgirl_eat.all.day❣️…Read More

📍和牛燒肉一郎呢間人氣日本燒肉放題店係以🚄日本JR新幹線送餐為賣點，聽落真係新奇又好玩😆本來一心諗住可以玩下，點知咁啱我坐嗰張枱唔係由JR送餐，好失望呀😭𣎴過身為牛魔王嘅我見到有咁多牛食，好快已經冇咗回事la😜餐廳環境非常闊落，而且都好光猛，油煙味唔算太勁😌另外，餐廳仲設有自助區，入面包括有多款汽水、自製水果茶、果汁、自製迷你甜品杯、日本雪條、沙律及醬汁✨雪條選擇唔算好多，甜品味道亦都一般🥲不過自製水果茶值得一試，飲落非常清新，絕對係解膩嘅好幫手💗而小食同主食嘅點單就用QR code📱🐮燒肉放題有4個course 選擇：👉🏻Course A (11款精選牛肉) $298👉🏻Course B (25款精選牛肉)$448👉🏻Course C (4款日本產黑毛和牛)$598👉🏻Course D (9款日本產黑毛和牛)$888而今次就揀咗限時100分鐘嘅Course A，包括有牛肋肉、牛肋條、薄炙牛肋肉、牛里脊肉、薄牛里脊肉、牛外橫膈膜、一口牛、牛肋肉角、鹽味兩色蔥花牛舌、薄切上等牛肉芯及熟成壺漬牛外橫膈膜🐮另外仲有豚肉8款🐷雞肉3款🐔海鮮4款🦐野菜10款🥬同其他36款小食、菜式等。雖然呢個course係最平，但已經好夠食，超級豐富呀🤩一落完order，首先會送上一個舟·盛盒，船身形嘅盛盒真係好得意～加上仲有d煙霧瀰漫嘅感覺，夠晒打卡able🥰而盛盒入面分別有牛里脊肉、牛肋肉、雞肉、蝦、扇貝同埋南瓜冬菇等野菜✨我哋主攻牛肉，而個人就特別推介牛里脊肉🐂牛肉味道濃郁，入口充滿油脂香味，但又唔會太膩👍🏻肉質尚算嫩滑，而且勁多肉汁，一咬就流晒出嚟，真心好正🤤另外嘅牛肉都唔錯，油脂分布均勻，同埋都唔算好肥😚𣎴過後尾d牛肉就冇先前嗰d咁靚，而且後幾round嘅order都要等好耐先有，甚至有d落完order之後最終都冇嚟到😢今次淨係掛住食牛，冇留肚試其他料理🥲但最後都叫咗碟黑松露薯條🍟薯條炸得金黃香脆，而黑松露醬係另上，份量適中。個醬帶有香濃嘅黑松露味，而且亦有d似沙律醬咁，酸酸哋幾開胃💓整體嚟講，食物嘅選擇好多，除咗肉類同小食之外，仲有拌飯、飯卷、麵類同多款料理等💕但價錢唔算平，而後尾d牛真係一般般，所以去試一次就夠la😌評分(最多5粒⭐️，✨為0.5）❣️味道：⭐️⭐️⭐️❣️環境：⭐️⭐️⭐️⭐️❣️服務：⭐️⭐️✨❣️賣相：⭐️⭐️⭐️⭐️❣️CP值：⭐️⭐️📍荃灣大壩街4-30號荃灣廣場6樓621至630A號舖❤️🧡💛💚💙💜❤️🧡💛💚💙💜❤️🧡💛如果想睇更多food review，歡迎follow IG @littlehkgirl_eat.all.day❣️…Read More