Dr.Aco's Profile

openrice 見到介紹唔錯，諗住試下。點之，中哂伏。夜晚七點到，不用等位，坐低QR code落單。入到點餐，十二款燒賣，有八款無，咁仲叫咩燒賣專門店。諗住食十二粒燒賣拼盤，無，七點就賣哂，我係唔係要早餐嚟食。係諗唔到之際，見有燒賣飯餐就試，叫咗芫荽馬蹄燒賣 拼 章魚肉餅飯，菜心，糯米雞，春風得意腸，魚翅灌湯餃。食後感如下：糯米雞，啲飯無味，糯米黐住塊荷葉春風得意腸，無特別芫荽馬蹄燒賣，無芫荽味章魚肉餅飯，章魚同肉餅分咗手，唔識大家咁。灌湯餃，唔建議。阿姐真係打份工，問佢啲乜都唔知，六寶點心係咩，講唔出，因為無人叫，所以唔知係咩。整體：唔會再幫襯。…Read More

今朝同同事入元朗做嘢，食早餐。正常早餐沙牛麵，腸仔炒蛋加雞排，多士。味道問題不大，只係大家都叫加雞排，但上枱，一塊大一塊細。同阿姐講聲，講塊雞排有啲大細超，阿姐淨係講咗句，無辦法，來貨係咁，就行開咗。我明食材來貨有大細，同一間餐廳隔離枱大碟啲都係常有，但阿姐嘅回覆，真係無敵。我唔知以為塊排係供貨直接出比我，無經廚房。其實你講聲“唔好意思”我都無咁嬲。講返食物，無太特別難食，唔講塊雞排，沙牛麵，腸蛋多，凍飲，呢個價錢其實算合理。…Read More

Boxing day 去咗食可能因為落雨，唔使等位。因為小店，坐位唔算多，但都算坐得舒服。朋友食素，所以呢度係唔錯嘅選擇。Menu簡單，有配好嘅，同自選嘅，有選擇困難嘅人就最啱。朋友叫咗素食之選，我叫咗自選三文拼吞拿。飯底有珍珠米，糙米，同沙律菜揀，仲可以mix添。素食之選：有雜錦香菇，豆腐，海帶，同枝豆仁，醬汁係香菇醬油。香菇好惹味，將所有嘢伴埋一齊，味道好好。我地仲加咗份牛油果，撈埋一齊食，勁正。自選配搭：三文魚拼吞拿魚，配料可以揀三樣，我要咗香菇，蟹子，青瓜，醬汁要咗 山葵沙律汁。自選配搭，仲可以揀埋紫菜，芝麻，木魚花嗰啲。。整體嚟講，份量好足，一個人食一碗會勁飽，魚生好大粒，配料都好足，味道好好，雖然所有配料都有各自嘅味，但撈埋一齊，味道同口感都好豐富。店員姐姐好好，好有禮貌。係，我地仲叫咗個炸水牛芝士，即叫即炸，熱辣辣，好香好好食。佢仲有其他小食同飲品，下次可以試埋。（唔記得影個素食之選添）…Read More

夜晚係大埔，兩條友諗唔到食咩，路過見“良鮨“個名好似好吸引，門口望咗望個menu，價錢屬於中上，但見新開，就試試你。今晚入座率唔算full，直入有位坐吧枱。吧枱位同位之間都算闊落，唔會學得好迫。今日唔太肚餓，所以簡單叫咗少少。芝士蟹子軍艦蟹子沙律三色魚生飯煎餃軟殼蟹卷芝士蟹子軍艦：即叫即整，片紫菜係脆嘅，但個芝士蟹子偏咸。蟹子沙律：正常發探，無好大驚喜或失望。三色魚生飯：兩片帶子（應該係一粒片開），三片三文魚，三隻甜蝦，三樣食材係新鮮嘅，三文魚算厚，因為飯面有啲伴飯粉，唔係好食到壽司飯嘅味道，加上可能隻碗太細，飯唔算多，所以感覺好細碗。軟殼蟹卷：一客四件，唔算話好大件，軟殼蟹係脆同暖嘅，算正常。煎餃：味道正常，但少咗一份焦脆感，可以有空間改進。總括：份量唔算大，食物味道正常。店員同師傅好好禮貌，會介紹下食物。：不過，呢個價錢，大埔會有其他選擇，暫時未搵到要再去嘅理由。…Read More

一條友係大埔，諗唔到食乜記得之前同另一半食過木船，念念不忘，就一條友去再食。閒日無乜人，唔使等位。上次叫咗好多嘢，但最難忘係“招牌烤豬肉飯“唔使諗，就呢個。成個定食，有湯，有三個前菜，有嘢飲前菜久唔久會轉，今次係 ~ 春卷~木瓜沙律~生菜包味道唔錯，話明前菜，當然唔會好大份，一口size飯，好食豬肉嘅醬汁好好味，上面有堆酸酸甜甜嘅青木瓜絲(我估係)豬肉下面仲收埋咗隻溫泉蛋。將所有嘢撈埋嚟食，味道有層次，口感好豐富。唯獨，個湯咸咗少少，但味道係ok嘅。整體，價錢算中上，但食得飽同好味。應該會再 encore。下次試下其他嘢…Read More

今日初一，想搵素食。見網上介紹素年，就去試下。有訂位，去到都唔係好需要等。餐單有兩張，一張嘢食一張嘢飲，簡單唔使諗好多嘢都想試，叫咗三樣嘢，一小食，一主食，一甜品，店員話佢地份量都好足，所以可以食咗，唔夠先再order。先嚟，素糯米飯，好足料，原來無臘味嘅炒糯米飯都可以好惹味，佢地加咗XO醬，辣辣地好醒胃，仲有啲炸芋頭片，雞脾菇，淮山伴碟，令到個飯好有口感。小食叫咗 墨西哥脆片，有牛油果醬，酸忌廉同一個冬蔭味嘅醬，脆片正常，唔會話林哂，不過係凍咗小小。。啲醬好好味，係會忍唔住點哂嚟食。重頭戲：甜品泰奶茶班戟，好好好食，首先上面球雪糕係咖啡味，但又同出面嘅咖啡味雪糕有小小唔同，總之係好食，個班戟有泰奶茶香，佢有個泰奶茶醬淋落去，唔太甜，味到剛好，就連伴碟啲cream都係有淡淡咖啡香，整體嚟講，好值得試。值得一提，佢叫主食會送一杯茶，我地要咗冰百爵茶，茶味好濃，好好飲。我仲另外叫咗杯特飲：芫荽檸檬梳打，勁多芫荽，芫荽控一定要試。座位唔算太迫，都算舒服。食物賣相好加分，見到隔離枱叫嘅其他嘢食，啲賣相都好靚。大力推薦。…Read More

夜晚一條友唔知食乜，路過新德興，諗住老字號，應該唔差。見到廚推就是但揀個：鮑片福建炒飯(個名好似好勁)首先，個飯上枱係熱嘅，應該係即炒，正常味道，一般福炒嘅味，無話好出眾，正常咁問題出係邊？首先係份量，$52蚊，當然唔會預你超大碟，但呢個明顯係下午茶輕食份量。一上枱，呆一呆。再嚟，鮑片當然預咗係代鮑啦，$52蚊比你食真鮑咩，但說好的鮑片呢？係有嘅，不過係鮑丁，一碗數埋，應該砌得返一片。。。所以，如果大家要抵死/大件/飽，新德興唔會係你嘅首選。…Read More

今晚同朋友兩人食晚飯，諗住試下新嘢。網上介紹話韓國人氣炸雞。18:45上到去攞位，見到裡面好多吉枱，門口都係得6~7枱客等緊，諗住唔洗等好耐。點知都要等到20:00，餐廳有3分1嘅枱放咗Reserve 牌，但又唔見有客入座。奇怪。講返食物先，本身諗住叫炸雞，泡菜鍋。Order時，服務員話泡菜鍋賣哂，咁要蛋卷，Sorry，蛋卷都賣哂，最終叫咗炸雞同拉麵。諗住唔多先再叫。首先出場嘅係拉麵，說好的拉麵呢？點解係辛辣麵嘅？呢刻覺得，伏，同餐牌嗰碗差太遠喇掛。味道，同超市賣到嘅，無乜分別，叫有啲烤豬肉囉，香口囉。到炸雞喇，我地叫咗咖喱炸雞，賣相算正常，外層好脆，雞肉唔乾，上面有啲甜甜地嘅咖喱粉，都幾香，仲有個咖喱醬點，好食，炸雞係有水準。因為Menu本身食物種類唔算超多，但因為要乜無乜嘅關係，我地都無再叫其他嘢，埋單，$236。總結：炸雞好食，完。諗極都唔明，啲枱留比邊個，keep住有人等位，但啲留枱keep住無人坐。另外，八點你就無泡菜鍋無蛋卷？會唔會早咗啲？仲話收零晨兩點。唔通真係齋賣炸雞？…Read More

今晚同朋友試食咗逢星期三先有嘅素食放題，電話訂咗8點，早咗5分鐘到，好快就有位，8點準時入座。帶位妹妹喺等位時已經比定張紙仔我地點菜，話會快啲幫到我地落order，飲品任飲加$38，有十幾款飲品，價錢尚可接受。我地首先點咗：柚子蜜炸韓參藜麥羽衣甘藍沙律麻醬雪耳沙律韓式素炸雞韓式雪梨卷韓式伴飯咖啡同西柚汁首先沙律好快上枱兩款沙律好唔錯份量足藜麥沙律有沙律油同醋伴住食，仲有芒果同牛油果，味道唔錯。麻醬雪耳沙律都ok，有冰菜，松子一齊味。柚子蜜炸韓參好食，有驚喜（本人喜歡食參），炸得好脆，有參味，點埋柚子蜜，甜甜地，好食。韓式素炸雞，每粒size有啲大，一碟有4-5粒，兩個人食會好飽，味道可接受。雪梨卷，份量都多，飯卷中間卷咗雪梨，好清爽，夏天食唔錯。韓式伴飯，因為有大量韓國紫菜舖面，所以好香麻油味，伴埋一齊食，味道ok。咖啡同食物同時上枱，但我杯西柚汁嚟錯咗雪梨汁，唔緊要，當試下。雪梨汁清甜，但唔夠凍，室溫嘅。之後再點多次西柚汁。等咗勁耐，應該有30分鐘多先出現，味道有啲似“果X先生“。因為個炸韓參好好食，追加咗一份，見隔離枱食燒蔬菜盤，叫咗一份試下。蔬菜盤都等咗好耐，真係好耐，上枱，有火烤住鐵盆燒蔬菜，有炸豆腐，菇，露筍，茄子，娃娃菜，仲有素芝士。豆腐，菇，露筍，茄子，味道正常，娃娃菜感覺無洗過或者無食得好透，有啲怪味。素芝士，味道有啲似白汁。重點係因為嗰爐係用酒精啫喱，短短嘅15分鐘內個火熄咗兩次。我地仲叫咗兩杯“青檸梳打“，味道真係青檸加梳打，無甜味。終於到重頭戲，要訂座時預留嘅甜品：奇異子素奶凍Menu上有三個味，張orber紙都有三隻味，仲有幾款雪糕，到我地叫侍應時，佢話係得草莓味，無其他，連雪糕都無，感覺有點搵笨。甜品上枱，勁失望，無錯，係勁失望。首先外觀同圖係差勁遠，我明menu一定係影到勁靚，但都唔係遠到咁吖，味道唔識形容，口感似大菜糕，無草莓味。整體嚟講，食物味道唔錯，沙律，飯卷好食，唯獨係覺得人手不足，係整間餐廳內外都人手不足，客人入座到食物上枱都無擺餐具，飲品都要催幾次先有，蔬菜盤唔係要複雜烹調嘅菜式都要等好耐。…Read More