MMMum's Profile

結婚週年紀念一行四人想食鐵板燒，見到openrice都有幾多好評，於是去試咗呢間位於銅鑼灣嘅御鐵。地鐵站c出口過對面馬路就係，非常方便。餐廳有兩張鐵板燒枱，分別可以坐到八人及大概十二人，裝修平實。我哋叫咗兩set價錢HKD1198二人餐，餐有沙律，龍蝦，鮑魚，牛舌，和牛薄燒，炒菜，炒飯(可選烏冬),蜆湯及甜品，我地另加HKD 600 為四人升級和牛厚燒。當晚我哋係由Simon師傅主理我哋嘅晚餐。其實，同其他好評大致上一樣。 當晚所有嘢都好好食(證明網上嘅好評唔係打手)。 最有機會韌嘅鮑魚同埋牛舌不論味道同熟度都做得剛剛好，我哋一致認為龍蝦同埋鮑魚係當晚嘅最愛，反而最令人期待嘅和牛係有丁屎咁多失望，冇入口即溶， 但係牛香仍然非常足夠。整體用呢個價錢食到咁嘅水準嘅食物係已經非常之心滿意足。當然要歸功Simon師傅嘅手勢同埋服務態度，當晚其他嘅服務員都非常有禮貌，值得一讚。係openrice 上訂位有提到結婚週年，最後上甜品嘅時候，師傅特地為我哋準備咗結婚週年擺盤，十分感謝🙏🙏。埋單亦有85折。個人在此有少少建議1)整晚餐廳只提供清水。要知道鐵板燒其實係比較油膩，如果可以配上熱嘅綠茶或玄米茶就最好。2)請考慮提供炸蒜(配和牛厚燒)及漬物(配炒飯)。目的並不是貪少便宜，係希望餐廳能夠令食客體驗更加完滿，增加佢地再次幫襯嘅機會。畢竟當人人北上消費，感慨本地沒有高質及性價比高嘅餐廳時，能夠遇到你地，我係希望你地長做長有。雖知以上建議會增加成本，但作為消費者，我亦唔介意多俾幾十蚊去完善整體用餐經驗。總括，一定會再幫襯，加油…Read More

一行四人想食鐡板燒，見到openrice食評不俗，於是決定試下雲海。餐廳環境整體不錯，帶位及落單服務亦非常週到。餐牌上有3款鐡板燒套餐，分別1000, 1200 及1400。最後選擇了4個每位HKD1200套餐 (頭盤，剌身，沙律，龍蝦半隻，澳洲鮑魚，美國西冷，雜菜，炒飯，龍蝦麵豉湯，甜品) ，我地加HKD700為其中2位升級到鹿兒島和牛。落單第一件事同侍應講刺身不食三文魚，雖然心知呢D酒店入面高級日本餐廳刺身通常唔會俾三文魚但習慣使然，我都會講一聲... 頭盤冇乜特別，三條枝豆加一小舊豆腐物體加一片番薯跟一碗沙律。刺身到嘅時候，我同身邊人互望了一下。吓? presenation 同普通日本小館嗰DHKD128 午餐送嘅冇乜分別囉(見圖)。4片魚生,仲要係三文魚!!! 真係冇諗過收HKD1200一個set佢夠膽俾三文魚刺身!!! 咪講咗走三文魚囉... 攪咗一陣，最後換咗其他魚俾我地。刺身正常，唔係特別出色亦無不妥。正當我地食緊頭盤, 廚師已經開始準備緊龍蝦。通常食鐡板燒, 廚師就算唔喜歡說話都會同枱前客人點點頭以示禮貌。呢位完全冇，自顅自開始煮。可能我地唔係熟客啦，後尾枱嘅另一邊其他人客入坐時佢又大大聲叫xx老闆，好熱情咁伸手出去攞tips。我心諗唔緊要啦，煮得好食咪得囉。第一道熱食龍蝦，普普通通，熟度係剛好的但味道比較淡，我要不停加餐廳提供嘅海鮮醬。跟住澳洲鮑魚，唔係完隻鮑魚喺個客面前拆殼的，出枱前已經做哂清潔，切好一片片，廚師只需係咁兒炒兩炒上碟，係 非! 常! 之! 韌! 韌到我俾埋我最後幾片俾朋友，味道亦係偏淡。之後我亦留意佢地再serve鮑魚俾其他食客嘅反應，有D擰擰頭，有D同身邊人竊竊私語，表情大概同我地食第一啖鮑魚一樣失望。廚師係熱食傍邊放咗炸蒜片，睇到成碟炸蒜片都油淋淋咁，就知呢度鐡板燒嘅quality唔慌好得去邊，唔駛講蒜片係淋嘅... 唔知幾時原來廚師已經煎好蔬菜，有南瓜，青椒，冬菇等等，熱度溫溫呑呑好像煮咗一段時間。跟住上美國牛肉，我地要求medium rare，又係靭嘅! 好在得3粒，快趣食完冇眼睇。之後鹿兒島牛肉比較像樣，合格 !最後炒飯又係淡戊戊嘅，自己加豉油。我䦕始懷疑係咪自己味覺有問題呢? 但係龍蝦麵豉湯又好夠味喎。之後甜品係生果或雪糕。日本餐廳生果通常不會令人失望，但係我只能說，生果又係淡嘅.... 結果埋單有個少驚喜滙豐咭有85折，不過俾五千幾蚊食呢餐飯真係好垃圾。 當香港飲食業埋怨港人紛紛北上消費時有冇檢討下自己俾緊D咩質素嘅嘢食俾仍願意留係香港食餐好嘅人呢? 要讚嘅係侍應倒茶換碟服務周到，有禮貌 !  不過我相信我唔會再幫襯 !!  …Read More

作為街坊，一路有幫襯開，覺得佢地食物ok,價錢公道。星期六一行三人午餐，唔想食茶餐廳，就決定去coffee break...去到門口視覺上見到餐廳一半空枱，但侍應話要等，再望真，入面幾張枱放咗reserved牌留位。心已經覺得奇怪，從來冇見過佢地留枱俾訂位客，係香港100蚊唔駛就可以食午餐嘅平民地方通常都係walk in。但嗰一刻見我地係第一個等位，就冇諗太多，照排，兼且侍應話好快，下張枱到我地，過咗一陣，有客走，望一望應該有4人枱。但侍應竟然走出嚟問要唔要坐bar枱，因為仲要等，望下頭先走了那枱張連鄰近幾張枱又放了reserved 牌說9人訂了。那為什麼跟我說下一張枱到我哋呢？為什麼不一開始就問要坐bar枱呢？雖然呢個係你地點樣run一間餐廳嘅決定其他人冇權過問，但餐廳空了一大半等訂位客，係出面等嘅人又唔知幾時有枱，到有枱時又話有人訂咗，好趕客囉! 二話不說就去咗幫襯第二間....…Read More

Need to find a place for lunch and saw good comments about this restaurant so we thought give it a try despite they don't take booking for lunch hour.My friend and I arrived at 12 and already felt the unfriendly services, especially from a male waiter. Just when we were discussing what to order, we overheard the conversation between the waiter and another customer sitting on a 4-person table waiting for her friends to join her. The waiter was questioning when her friends will show up, and of course not in a friendly way. My friend and I looked around, there were only 2 tables occupied indoor (inc us) and still plenty of space outdoor so why the big fuss. If you do not want customer to hold up the space, they should have only allow customer to get the table when everyone show up and I see many restaurants do that in Quarry Bay area. Feeling the pressure it is one of those restaurants will chase you out as soon as you finished the meal, my friend and I wasted no time to order. We both ordered the fettuccine with fish. This restaurant only serve set lunch with drink (and set lunch means no soup nor salad in case the lunch is getting too long). No Ala Carte or whatsoever. Our pasta came quickly, as we expected. Portion is good for ladies . I consider the pasta al dente and the fish taste alright too. We both finished the whole plate. We were approached for drink just 2 seconds RIGHT after we put down our forks. I asked what coffee they serve, the waiter has once again put on his poker face but I considered we are lucky, at least no one gets scolded ! I am a big fan of Italian food, especially good pasta and under normal circumstances I will definitely come back for the quality of food of this restaurant and also the convenience of the location as my office is just nearby. However with this sort of services, why would I ? This less than 50 mins lunch experience wasn't particular good therefore we haven't taken any picture. My friend and I gave each other a comment before we left "咁嘅service幾好食都唔會再嚟"…Read More