為食小可愛的個人專頁

平價酒店Lunch Buffet 少有又即開的生蠔，我相信應該帝京花月庭先有。今次係美國生蠔，唔係好大隻，但幾新鮮，加上多款美食如：脆口燒肉，燒牛肉，沙律，中西湯各一款（霸王花、磨菇湯）鮮果，甜品，各式飲品等等，哩個價錢無得挑剔，除左海南雞肉有d梅。經opening 訂座成人以$228 長者$208【午餐第2時段 14:45~17:00】真心抵。所以一家人決定以帝京酒店嚟聚餐提早慶中秋。可惜食物相片影得唔多，更可惜係唔記得影張全家福…查看更多

今次又嚟食，佢嘅羅宋湯幾好味，酸酸地得嚟帶少少甜辣，唔似出面好多餐廳果d一係太多茄膏，一係太淡，一係太甜。至於吉列魚柳我覺得厚度平均❨魚柳厚度❩，炸得香脆，碗粉亦好大碗，再配一杯凍檸茶走甜，我已經好滿足…查看更多

龍門居雖然係好多美食，但亦有d鋪都轉好多手，最近有一間叫熱點冰室係我最常幫襯，雖然店鋪細細，但都坐得ok , 佢地早餐抵食，不過凍飲要加 $3 , 但依家好多地方都要加$3 不過今次講吓下午茶先啦，我叫左個 朱扒包拼薯條+凍檸茶 $30 個朱扒包唔細，個包有煎一煎，唔錯，個朱扒都幾香唔會干身，內夾生菜及蕃茄，再加上千島醬，薯條係坊間粗身果隻，炸到好脆，真係好飽。以上只係個人感覺。…查看更多

今日又嚟哩間 Alba cafe Lunch啦，今次帶埋大小姐同大少爺一齊❨佢地最中意食蛋糕❩ 。今次轉左 menu啊，但每款 set lunch都係美味，所以大小姐 及 大少各自揀選左 海鮮長通粉 & 手撕雞漢堡 ,我就揀選聖誕餐 ❨因為大小姐想試綠茶心太軟--聖誕餐指定甜品❩ 。今次一樣無令我失望 好味❤ 而餐飲顏色好靚又唔會太甜，蝶豆花青檸梳打！好清新又健康。最後再試佢地嘅每日hand made 美味蛋糕，檸檬乳酪、朱古力三重奏、楊枝甘露 不枉山長水遠由屯門出去食仔女都話無介紹錯呢，哈哈。其實點講都唔及自己親身去嚐試呢 …查看更多

已經係第二次到此 Lunch了，以個人口味覺得值得推介，哩間 cafe雖然細少少，但五臟俱全，環境因為在新浦崗區商場內所以都好多人往來，但店鋪比人感覺自然舒服，三五知己或者打工一族都可以係度輕鬆嘆個 Lunch, 店內多張掛畫聽講係有名堂，老板介紹完唔記得了食物方面以高質材料，清新清淡健康為主，少油、鹽、糖份量唔會太多，但唔算少，如果食量較大可以要求加底喎，唔錯唔錯 menu每隔一段日子會轉款，當中一定有一款素食，所以好岩唔同口味嘅食客飲品方面有多款，但暫時我只試左意大利咖啡，但感覺唔錯，好滑，拉花好靚 店中另一主打就係佢地每日新鮮自家制靚靚美味蛋糕呀，每日最少2款口味，有時3款添，實有一款岩，每日好快就賣晒蛋糕嘅材料都係高質，取材自唔同地方、牌子❨menu 有註明❩真係用心。選食套餐可以優惠價享用我好少推介，但我推介得嘅都唔錯，當然人人口味唔同，你地可以試吓架，兩次嘅用餐都食得好開心，蛋糕真係有驚喜。…查看更多

今日又約左幾個朋友再去試吓米芝蓮推介既食肆 坤記竹昇麵 ! 出名推介既係 "竹昇麵" 。其實我之前都已經食過啦..但都無試過寫食評..今次試吓寫先。今次我地 RDER 左個 水餃豬潤撈麵 、雲吞撈麵、鹵肉煲仔飯、炸醬撈麵、口水雞飯餐、海南雞飯餐、 老乾媽蘿蔔牛肋條、最後係蘿蔔蝴蝶腩。真係唔錯 ! 坤記既竹昇麵真係好爽口! 又彈牙 ! 出奇地居然無梘水味喎! 正! 湯底亦好鮮甜呢 。佢既豬潤都有4-5片加3大粒水餃 仲有鋪上好多蝦子呢... 至於雲吞都好大粒呀...有5大粒添!又足料,蝦又鮮, 好爽口呀..!鹵肉煲仔飯D鹵肉唔好睇佢好似好淺色...其實好夠味喎..厚度又夠..唔薄又唔太厚, 咁先有咬口! 但記得食之前淋上豉油再合上蓋焗一陣, 仲有佢亦做到有飯焦..少少既飯焦香好吸引。撈麵果D炸醬唔似出面麵鋪果D只整到杰達達只得獻汁無乜肉...坤記既炸醬都OK , 都有好多肉絲呀 ,估佢唔到 但係個口水雞就唔辣囉., 可能我食得辣啦..哈哈 居然比雞脾啊 !! 但如果斬細件少少可能會好D 但肉質係滑既 ,配個白飯係香軟既。海南雞一樣啦..肉質係嫰滑既..但意外地佢居然係配黃薑飯啊 ! 有淡淡既黃薑同香茅味 但又唔會太油喎..哩個幾特別 而哩個飯配有三味醬汁.有傳統既薑蓉、酸汁同埋甜味既醬油。我無試過薑蓉,因為應該同出面無乜分別..所以我試左個酸汁.幾好味,最特別個甜味醬油..唔知係咪同D雞好夾呢...我覺得沾左哩隻醬油好味過沾其他醬汁大家知唔知咩叫老乾媽? 其實係一種辣椒醬料 , 蘿蔔好甜,無渣 , 牛肋條炆得好林呀 ! 哩個餸辣度適中啦。最後果個蝴蝶腩係店中新出品 , 聽果度老闆介紹原來蝴蝶腩係豬既一部份 , 一隻豬只得一小舊蝴蝶腩喎...但真係好好味...食落仲好香好林..初時以為食緊牛腩添...哈哈可能哩幾味都好岩我同我D朋友口味啦...我覺得真係幾好食喎。今次總括而言食得好滿足…查看更多