花小靖's Profile

尊重食物~更愛上食物!! 細個屋企窮.... 唔係成日都有機會出街食飯... 媽媽身兼多職, 無時間同仔女研究好食抑或唔好食~ 好又一餐,唔好又一餐..... 但求食得健康,快高長大...已經"算係咁"! 直到長大,朋友多左...自己又開始有賺錢嘅能力... 先開始有機會見識,見識!! 開始對自己有要求, 對未來有要求, 對食物更加有要求. 不過有樣野,都幾搞笑.... 似乎係細個"種落"嘅... 可能因為細個成日好"恨"食嘅野都無機會食... 到左依家...真係唔能夠唔"有衣食"..... 總係怕浪費.... 即使面前嘅食物再難食, 都總會想起,"有得你食,已經好幸福喇!" 都好....呢樣野反而令我可以不時提醒自己, 對人對事一樣... 即使前面果個人/現正要面對果件事再"惡頂"都好... 心入面都總要想起,"仲有得你頂,已經好幸福喇!"