Dollrsssxsx's Profile

呢幾日喺佐敦做野，發現平時好多嘢食嗰條佐敦街有一間緬甸菜，真係好少聽到香港有得食緬甸嘢，所以趁lunch time嚟試一試！我order咗燒豬頸肉炒麵，一上碟已經聞到鑊氣十足！豬頸肉燒得香口，邊位微微焦脆，肉質爽彈唔油膩。個炒麵質地啱啱好，乾身又入味，配埋杯冰凍嘅泰式奶茶，茶味香濃，甜度適中，正！店員有推薦我試佢哋個果特色嘅緬甸魚茸湯麵，話濃郁好啱我比較鍾意食濃味食物嘅人，😋下次試埋話俾大家知好唔好食…Read More

見行去尖沙咀，朋友又住附近好耐冇見，所以試吓即約佢high tea，又點知咁有緣，可以有時間聚一聚，決定最近嘅地方K11搵間cafe坐下，其實都係求其搵，點知個布甸真係好有驚喜。嗰個時間就正正係下午茶，我哋選擇下午茶套餐其中兩款甜品set ，一個係布甸一個係Toast，個set係會跟杯嘢，嘢飲種類都有幾款選擇，咖啡類及梳打類，好照顧到咖啡或者唔鍾意飲咖啡人士。Order咗5分鐘，嘢食就好快上嚟，第一個就係布甸，但係佢上嚟嗰個樣係其貌不揚😂😂(吾好意思)，其實都啊冇預咗會好食，因為以前都食過好多種日式Cafe，都係不過不失，之後我等埋杯嘢飲打埋卡就開動。OMG !!!!!! 第一口係超滑溜超綿密既口感，仲要係濃濃既蛋黃香。因為我係雞蛋布甸愛好者，佢呢一款我真係可以一次過食五六個！然後過多10分鐘就出多士，其實口感都好食，多士係浸滿蛋香，面頭有燒焦嘅糖醋，配上蜂蜜同埋果醬，都好好味，但係如果要同焦糖布甸比，布甸完勝😆😆最後咖啡不錯，水準以上，朋友嗰杯梳打飲品，睇落都好吸引，呢間係一個唔錯下午茶既聚腳點P.S: 有無人有一個好食既布甸食譜share🥹🥹🥹，真係好想自己都整到…Read More

終於食到喇！之前網上大推的cafe形式小店，食物名非常有趣用灑d武俠小說名做菜單，order前望下了解下d名都幾有趣，第一次黎個陣可能假期關係，要排長龍，由於太曬就無等落去，今次係平日下午1:30後，終於吾洗排隊！我地叫左2個意粉，一杯啡，本身都想試佢地d包款，但由於網上大推意粉，所以一次過叫左2款意粉，當然吾少得一定要叫肉醬意粉，因為真係見到枱枱都叫咁滯，果然😋😋😋，肉醬分量係超多，如果平時有食過大家樂個種，佢係大家樂既肉醬5倍有多，好香好濃郁，意粉硬度做得啱啱好，配上溫泉蛋，正另一款煙三文魚忌廉就無肉醬咁岀色，因為汁醬比較少，食慢左關係，d意粉就已經痴住灑下好難分開，個忌廉汁就比較普通不是濃郁版本，不過不失到咖啡方面，佢有得選讀揀豆，可以因應自己鍾意嘅風味簡豆，啡香奶熱，拉花不錯順帶一提，雖然是小店，但係服務員有禮貌親切的，講歡迎、再見雖然簡單，但唔係間間餐廳都會有，希望小店繼續做落去😊…Read More

又一個黑雨關係，所以又放半日，咁就係屋企附近食lunch。我地叫左3個set，上菜速度都快，分量適中，最緊要係個味噌湯係熱辣辣，其實平時好多餐廳都煲定咁，黎到時都係叫暖暖地，但由於個人喜好真係鐘意熱辣辣既感覺，所以呢個位係加分的🤭，另外炒牛肉個汁都做得好，好入味，而炸物也是吃得岀即叫即炸，皮薄脆香，雖然千兩本身吾係話野食係個d驚為天人既食品，但就係保持住d細節位都到始終如一！提外話，😆😆如果set有野少少dessert更加分！…Read More

其實今次係二次到訪，上一次食晚餐真係好一般，d味度可以用差黎形容，求其一間韓國街嘅餐廳都好過佢，我都唔想咁樣比較，但係因為佢價錢唔平，我都希望佢嘅食物質素係有返咁上下！上次講完，今次來多次lunch ，因為近屋企咁就試多次，今次d食物味道正常，但唯一有失望係個韓式伴飯係無肉，而佢既伴飯配料同本身前菜相若，感覺自己就係用白飯伴前菜咁，咁我都有問係咪無肉架，原來真係無，因為岀去食無數次伴飯，其中一樣一定有牛或豬肉，我仲即刻上網search下，其實都係有肉，好啦咁我再攞個menu黎睇，佢中文個part 係無寫素菜拌飯嘅字眼，但英文就有寫Korean vegetables bibimbap，先知係素😔😔😔，一般睇開中文既我無留意到，建議下次加返清晰嘅中文指引。總括嚟講，食物質素一般，應該不會再有第三次到訪…Read More

説話今日係農曆閏六月二十九，係幾十年一次既閏月仲要係我生日，於是約媽媽食個晚飯，話晒我生日即係佢受苦日！由於丫媽都係d中式人，搵得佢食飯最好食中餐佢會比較開心，但我又想乾淨舒服咁坐，而彩福就岩灑我地兩個心水，唔知係咪新裝修，環境寬敞，所有嘢都好新淨，我哋約七點去到已經要等位，不過等咗15分鐘就有枱！我哋一早睇定食乜嘢！叫咗一個主菜魚，嚟咗一個魚皮小食，配白飯加啤酒😋，最後仲嗌咗兩款甜品，小魚芒果布甸同埋生日必點嘅壽包😍魚: 蒸得啱啱好，食得出好新鮮即整，醬汁一如以往中式口味非常到位，性價比高都係$128魚皮小食: 用青花椒果粒炮製，非常惹味，足足可以送一碗飯，魚皮非常彈牙，直頭想叫多碟啤酒做緊優惠，嘉士伯都係$19一支，啱晒我哋兩個份量小魚布甸，一如以前口味，加多花奶😋壽包: 我發現原來幾多人去酒樓慶祝生日，見到隔離兩台兩圍都叫咗一籠好大嘅壽包，打開嗰下有震懾到，不過我哋兩個人食唔到咁多，只叫你兩個，份量好大，但個蛋黃太硬，包皮也沒有很鬆軟，不過儀式感一定要叫最終埋單$351吾貴，下次可以叫齊屋企人食多幾款菜！正！…Read More

來到2023年尾，襯Christmas eve 食返個靚靚既西餐開心下，去左銅鑼灣皇室堡最新開既Royal Inn 食個tea❤️其實都吾係第一次食Royal Inn不過係尖沙咀分店，所以食物質素相信有保證😋一踏入Royal Inn 正門就見到一個大型許願池😍，真係有種去左外國既感覺，職員仲同我講真係可以抛個幣再許願，所以我為我既2024年許左個新願，希望願望成真🙏🏻分店非常闊落，仲有落地大玻璃，我地簡左近窗邊既卡坐，可以遠望維園，感覺好舒服☺️由於下午茶關係，我地輕食點左10g既魚子醬、卡邦尼意粉同朱古力香蕉班戟同野飲，一如既往，食物、環境同服務都有水準。而最有印象係個魚子醬，吾敢班門弄斧話自己好識食，但食過吾同既魚子醬，佢地魚油味&口感&性價比高，對魚子醬有興趣既朋友可以一試，試左好食仲有得零售，臨走買左d返去同屋企人share☺️各位，Merry Christmas and Happy New Year 🎄🎄🎄…Read More

呢間位於尖沙咀，喺佐敦站行過少少，上樓嘅美式西餐廳🫶🏻，朋友生日決定book呢間嘅最主要原因，又係因為有落地玻璃，玻璃做咗工業風黑框格仔，非常有型格，望住岀面嘅景色👍🏻，一流，所以一定要book窗隔離嘅座位，嗰日我哋五點幾去到坐低，啱啱有少少陽光可以影到日落，野食方面唔算太多太特別，但樣樣都好好食，卡邦尼意粉同埋燒粟米係推薦比大家👍🏻👍🏻，而且每一台有個小氣球送俾客人，咁啱我哋有一個小朋友，食完飯好開心拎住個氣球走😍，最緊要地點方便，喺尖沙咀同佐敦附近…Read More

假期同小朋友慢活一下，去咗Yoho Mall行吓發現呢間開咗應該冇幾耐，見有個甜品set，個女又鐘意，打電話俾住附近嘅腳友帶埋佢小朋友一齊嚟食過tea，呢個甜品真係比較啱小朋友，因為賣相得意可愛，顏色豐富，吸引到小朋友，最底嗰層係鹹點，大人最愛，上面兩層都係甜品，小朋友就最鍾意啦，每款兩件，大人細路都唔使爭🤣🤣🤣，不過有幾款甜品有d甜(例如個個棉花糖) ，個set包兩杯嘢飲，需要加錢，不過係合理價錢，拉花都好靚，味道好易入口，有返杯咖啡先醒晒，不過地方比較細，所以唔算太chill ，下次想試吓佢個雪糕，見到好多人都排隊買😋😋…Read More

因為住附近嘅關係，呢間都比較食得多，因為地方寬躺舒服，仲有陽光曬入嚟，食lunch或者tea都係一個唔錯嘅選擇，嘢食本身係多國菜，所以選擇都好多，平時鍾意食呢度嘅意粉，因為面身比較爽口，而且係即做，唔會好似港式茶記扮西餐咁，嗰啲汁同面就咁撈埋，紙米卷又係即做，脆蝦配芒果同酸酸甜甜嘅醬汁，非常開胃😋😋。飲品嘅元素都好多，最鍾意就係椰子雪糕特濃咖啡，個雪糕非常有口感，配熱辣辣嘅特濃咖啡，味覺嘅享受。…Read More

呢間之前嚟過一次飲咖啡，喺網上面睇到佢個下午茶tea set 好吸引，正正朋友生日， book咗位同朋友食一個下午茶，當然是先order定寫字服務👍🏻，呢個set 賣相相當吸引，我喜歡整齊工整嘅排列，個set 包左scone+自加醬做前菜，個自家醬酸酸甜甜好特別，仲會包兩杯嘢飲，其他嘢就要加錢或者原價，食物質素就普通啦，因為都預左呢啲tea set係咁既口味，味道同價錢都不過不失，環境都唔錯，落地玻璃望到窗外嘅景色，陽光滲入嚟都好舒服，愉快嘅一個下午…Read More

由於今日我哋入迪士尼玩，你知啦迪士尼嘅嘢食有幾”好食”，所以我哋決定訂咗近迪士尼酒店既餐廳la Vista做我哋晚餐，我哋一行8人本身訂左6:30，不過有小朋友又慢幾拍，打去餐廳佢哋好好人幫我地延遲到7:30🫶🏻之前都嚟過附近食，覺得環境好靚，襯吾太熱我哋坐咗出面，職員安排咗把大風扇吹住我哋👍🏻好細心，依家係一間墨西哥菜，嘢食好快到，亦都好惹味，小朋友最鍾意呢度嘅飲品，睇得岀好多用新鮮水果mix ，而我個杯青瓜檸檬薄荷超好飲，好fresh，酸酸甜甜好開胃，而且職員非常有禮貌同埋好埋funny，會同d小朋友玩下，非常欣賞！ 可能當日唔係太多人，我哋慢慢食都無限時！…Read More

環境舒服，喺灣仔地鐵站行2分鐘就到，附近就係囍帖街，食完飯仲可以喺附近行吓，地點上海十分方便，你食飯未我哋叫咗個二人套餐，前菜主菜都好好味，而且餐飲可以選擇紅酒，比一般其他舖頭淨係可以揀檸茶咖啡好❤️，已經食過好幾次，食物水平保持到👍🏻👍🏻，尤其是侍應，全部都好有禮貌好熱心，好有笑容😊…Read More

男友人生日，朋友們安排左係新蒲崗呢間小店打邊爐，老實講，新蒲崗聽就聽得多，去真係第一次去，去到前係附近兜左個圈，原來有商場又多野食，下次可以過黎走一轉等齊人啦，已訂位既我地已經安排左台比我地，如果計火鍋店黎講，呢間係比較細小，有幾次隻手都撞左隔離台既客人Order左個胡椒豬肚煲，好特別，有層腐皮包住d豬肚放係個鍋裡面，湯底奶白色好濃郁，胡椒味又不太強，適合男女老幼另外最期待係個海鮮船同刺身魚同象拔蚌，先黎左個海鮮船，有蝦有魚有蠔等等，個價錢又吾貴，我地七人都分得暈👍👍，至於個刺身船真係👍👍👍👍👍👍👍👍👍👍👍👍👍，好新鮮，個象拔蚌同魚即叫即切，爽口彈牙，真心推介，一定要叫，其他丸丫，肉丫都好新鮮，不錯另外讚美下個度d 員工，雖然個個都係姐姐，但有活力又有禮貌，仲好識講笑，氣氛好好，不過吾醒水😛，生日蛋糕明明講左係驚喜，食到七七八八就不停提我地陣間切蛋糕，陣間同你上蛋糕😂😂驚死我地吾記得，最後每位消費$400左右，因為我地請壽星仔，如果吾係，就一人$300幾，性價位ok …Read More

只能用極度開心，極度興奮去形容，因為潮流最熱門嘅飲品品牌，都開咗喺元朗喇，雖然我唔係喜茶dieheart fans，但開係元朗都有種自豪感，因為睇中元朗都人多又有質素😆😆，仲要開係商場，絕對唔使日曬雨淋呀，我真係踢拖落去都可以買一杯飲，好爽入返正題先，未開喜茶前身係holly brown ，雖然我都鐘意食雪糕，但又點能日日月月食，仲咁貴呢，之後holly brown果然bye bye，正當諗緊開咩，圍板竟然係喜茶，心裡即刻心心眼，萬眾期待下開張了，但我都等左一個星期先去，免得排成粒鐘啦，今日放假，見又有空，排下都無所謂啦，好彩去到吾算多人，買左三十分鐘内就有得拎，都不得不讚一讚，味道品質同國內質素一樣，好好飲🥰，雖然都吾平，但係商場又吾洗企街熱到溶，比多幾蚊都值👍👍👍👍希望守得住啦，我會多多幫襯嫁…Read More