kingslc's Profile

放工之後和朋友一起到觀塘帝盛 酒店..... 名人館 ...潮州酒樓 ， 這裏地方闊落舒適 ， 裝修雅緻， 絕對是朋友和家人相聚的好地方 ，我們坐下來吃了一頓美味晚餐 ， 這間餐廳食材新鮮，烹調味美， 而且有各式 各樣 菜式任君選擇 ，價錢合理，誠意推薦畀大家。拔絲咕嚕肉...138元首先賣相非常漂亮， 酸甜鮮味撲鼻而來， 肉質 新鮮嫩滑 ， 外皮鬆化脆卜卜 ，內裏肉質鬆軟非常之有咬口， 酸甜味 調製得 恰到好處， 再加上秘製醬汁， 真是 好味道， 令人 吃不停口👍👍😋😋😋名人炒飯...138元首先炒飯夠乾身， 用上頂絲苗米一粒一粒非常之爽口， 材料好豐富， 有鮮蝦， 蔬菜粒， 雞蛋， 豆類， 鹹肉， 材料新鮮， 仲有特製香料， 一口一口的 口中咀嚼， 非常美味， 真是惹味又開胃👍👍😋鹵水鵝片.....288元吃潮州菜必定叫鹵水鵝片, 鵝肉新鮮,皮爽肉滑 ,鹵水汁香噴噴，餸飯一流， 而且份量足夠，仲有鹵水豆腐伴碟， 好好味道杏汁白肺燉湯.......88元首先賣相非常特別，紫沙茶壺內载著的是燉湯，火喉足夠， 奶白色嘅燉湯， 香噴噴嘅杏仁 加上豐富材料，好好味，有豬肺，杏仁，雞腳 ，瘦肉等， 好飲又好食👍👍😋😋…Read More

非常用心又令人驚喜嘅一間西餐廳，又佐敦道地鐵站行過來5分鐘左右，喺木球會對面，地點尚算方便，餐廳門口設計好特別，令人眼前一亮。午市套餐有多種選擇，價錢有$80至$150不等，又漢堡包、牛扒、意粉、意大利飯都可選擇。而且仲有餐湯及飲品，真係非常抵食。東京咖喱牛肉漢堡配薯條及黑醋沙律$78賣相一流，漢堡非常厚身，牛扒有咖喱味，口口嘅漢堡扒真係非常吸引，味道亦相當獨特，配上新鮮嘅蕃茄及蔬菜，真係好好食。焗芝士茄蓉鱈魚扒$102鱈魚扒用特別嘅方法烹調，外邊有新鮮嘅蕃茄蓉，配上芝士味，外脆內滑嘅魚好好食，醬汁也非常清新。紐西蘭肉眼配香草BB薯仔及黑醋沙律$148BB薯仔非常好食，肉眼扒嘅質感及味道亦相當唔錯，個扒容易切開，入口溶化好味。另加$18配特別咖啡…Read More

午餐時段喺旺角嚟到呢間樓上Cafe，見到大家嘅評價都唔錯，而且價錢都相對OK，就上嚟試吓。呢度嘅環境唔錯，坐得舒服又可以傾吓計幾好。三文魚意粉$115午餐梗係要食個意粉，意粉質地彈牙爽口，三文魚嘅份量都多，意粉汁煮得幾好味，令人飽足嘅一個煮食。西西里薄餅（ 10寸）$188好多火箭菜， Pizza新鮮焗出味道好香，餅皮又唔會好口，做得幾好，而且都多芝士，由保存到Pizza內嘅肉汁，質地軟硬適中。雞翼沙律$88主要係雜果沙律，唔會太多沙律醬算唔錯，都有兩三隻雞翼，兩個人份量食都算足夠。炸春卷$23午餐加$23有小食，新鮮炸起，入邊都幾多了下，唔錯嘅小食。拿鐵鮮奶咖啡咖啡味香濃，餐飲來講都算大杯，令呢一餐更加圓滿。…Read More

好出名嘅滿屋日式放題餐廳，終於開到嚟大埔，今次同朋友來慶祝生日，可以盡情食，兼且試新餐廳，真係雙重滿足。而家好先進，用數QR code嚟點菜，唔使再寫紙仔，真係既環保又方便。其他錢財、小食、甜品及飲品，就照舊自己出去任拎，真係令人好興奮。食物嘅種類好多，總有一款啱食。前菜例如中華沙律、海蜇，味道都非常好。刺身任食真係好爽，甜蝦、吞拿魚都好新鮮，三文魚就更加係必食的。壽司有好多得意嘅款式，例如呢個粟米沙律卷，上面真係有件燒過嘅粟米，捲着壽司及海鮮，真係好夠創意！串燒牛舌及海蝦，味道一流。今次叫咗湯烏冬和叉燒拉麵，湯底拉麵及烏冬質地都很好。…Read More

西餐廳位於銅鑼灣鬧市中心，地點方便，鄰近電車站和地鐵站，喺繁華嘅大都會之中，有呢間裝修高貴典雅嘅意大利餐廳。入到裏面環境安靜，令人放鬆，係好適合情侶、或好朋友傾心事嘅地方。午市套餐三個course嘅價錢係$550 ，食物嘅選擇係典型嘅意大利餐飲選擇。Artichoke soup呢個湯係由布拉塔芝士Burrata Cheese），一種傳統的意大利奶酪， 配合香草造成的，個湯好creamy也有芝士嘅香味，同時亦都有香草清新嘅味道。係夏天一個幾開胃嘅餐湯。Warm white asparagus 伊比利亞火腿，是一種西班牙傳統的醃製火腿，味道香濃，配上新鮮嘅蘆筍，味道配搭真係一絕。另外由蛋做嘅醬汁，味道清甜可口，質感令人難忘。Homemade Fettuccine 呢款意大利麵，配上李子番茄 (Datterino Tomato)，還有伊比利亞火腿，以及bursts cheese，醬汁獨特，可以話係餐廳秘製的美味秘密。Toothfish 智利海鱸魚配上蛤製醬汁，海鮮鮮味特濃，好好味嘅海鮮意大利食料理。Coffee…Read More

新鮮嘅海鮮人人都鍾意食，不過好多時唔識邊度嘅餐廳有真材實料嘅海鮮，所以真係好靠朋友介紹。今次朋友帶我哋去呢間食蒸海鮮嘅餐廳，真係令人萬分期待。小店位於新蒲崗，餐廳唔算大，所以真係要訂位先可以來食。今次我哋食$399嘅海鮮餐，半價左之後價錢比較合理，另外需要加入和醬油費$15。呢個豪華海鮮餐，全程會有專人幫我哋煮每一款海鮮，所以坐喺度就可以有帝王式嘅享受啦。大黃奄蟹非常之好食嘅蟹，蟹膏好多，肉質又甜，真係冇得頂，入口每一啖蟹膏都真係精華！琵琶龍蝦一望就知非常新鮮，喺蝦米一斤一拉，蝦肉就出到黎，啖啖肉嘅感覺好正。龍蝦殼仲可以放返入去煲粥。。 韓國慶南珍珠蠔好creamy又鮮甜，新鮮。日本大元貝超大隻，好滿足。 精華海鮮粥質地有啲似潮州粥，食完一定夠飽。…Read More

今晚同我食肉獸朋友嚟到九龍灣，因為聽講呢度有一間食石板燒好正嘅，所以就來試吓。餐廳環境都幾企理整齊，侍應生都好年輕，非常友善，而且有禮貌及用心地介紹佢哋出名嘅食材，初步印象非常之好。餐牌有好多來自唔同國家嘅肉類，主力梗係食牛肉，同時都有雞肉及豬肉。另外餐廳都有做漢堡包，種類都有好多，有雙層甚至三層芝士，亦都有好Hit嘅大啡菇漢堡。澳洲M6和牛小排喺熱辣辣嘅石板上燒，牛嘅香味四溢，非常吸引，由於石版非常之熱，所以好快牛小排就熟，如果唔鍾意太熟嘅人，真係要好留意咁樣煎。牛嘅金香味好濃，肉質又滑，真係好好味。配上餐廳嘅醬汁了，味道更加突出。日本A5和牛肉眼蓋呢個係切博片嘅黃牛，所以更加快熟，一見到轉色就可以夾起食，真係好正又好味，日本和牛的確不同凡響。…Read More

隆亨邨最近大翻身，街市及附近嘅商場都同以前唔同左，今次返嚟探舊朋友，特登過嚟行吓睇吓，兼食下早餐傾吓計。呢間食店本來晚上提供川味酸菜魚，但早餐時段都營業，提供地道港式早餐，價錢都抵食，所以就入去試吓。雪菜肉絲米線配煎蛋$34早餐好大份，米線份量好多，雪菜肉絲嘅味道都唔錯，配上煎蛋嘅感覺都好健康，飲杯熱奶茶嘅茶味都幾香滑，好有港式地道早餐應有嘅水準。香煎雞扒出前一丁伴煎蛋$40雞扒就要加錢， $40大大塊，剪得都幾香而且味道唔會太鹹，出前一丁就更加係早餐必食嘅選擇，凍奶茶嘅味道都唔錯，非常滿足嘅早餐。…Read More

工廠大廈內一間設計懷舊嘅茶餐廳，呢度嘅餐牌同環境都好懷舊，啲設計都好得意又幾特別。午市提供套餐，價錢$60左右，食物品種多，有焗飯又有炒飯，也有港式茶餐廳一般都有得食嘅嘢，所以選擇好多。鮮茄焗芝士豬扒意粉$60賣相好靚，而且好大碟，豬扒勁厚又大塊，芝士好多非常之正，熱辣辣新鮮出爐嘅焗飯非常之好食，分量多但係全部都食得晒，真係超飽又滿足。喇沙帶子蝦球炒飯$60炒飯唔算多油，食落口飯粒好爽，炒得夠乾身，喇沙味香濃，帶子份量都好多，質地都唔錯好食。凍朱古力奶$10好耐冇飲呢啲玻璃樽裝嘅朱古力奶，今日再次飲返，只需要加$10 ，好抵。…Read More

大圍新開嘅韓式餐廳，呢間人氣餐廳終於降落新界區，對於我哋呢啲韓國料理愛好者真係一大喜訊，呢間小火焰嘅位置好方便，一出火車站行幾步就到，鋪面都好大，坐得幾舒服。午市套餐有好多選擇，有飯有面，最抵嘅係加$10就有唔同嘅小食，而且無限幾多款，特色飲品都只係加$28 ，真係抵到爛，難怪中午時段好多中學生食。 魷魚水冷麵68夏日熱辣辣，食呢個冷麵真係透心涼，麵質爽口彈牙好好食，份量亦都好多。牛扒溫泉蛋焗泡菜炒飯68溫泉蛋又香又滑，配上牛扒同泡菜，味道原來都幾夾，再焗一焗，香味更加突出嘅甜辣韓式炸雞 10韓國餐必點嘅小食。涼拌海帶 10涼拌醃牛蒡10紅柚荔枝梳打28超霸氣嘅飲品，而且好大杯，真係好正，特別食完炸嘢之後飲，真係好爽。…Read More

新蒲崗工廠大廈商業區，有好多唔同嘅茶餐廳，今次嚟呢間新開嘅車仔麵店，門面企理乾淨，店舖光猛清潔，入邊都坐得幾舒服。好鍾意食車仔麵，因為好多唔同種類嘅餸可以揀。另外面底除咗傳統嘅粗麵、幼麵和油麵之外，仲有手打烏冬和出前一丁。其中我覺得最好味嘅餸有牛肚，大大件兼夾夠晒爽口，而且都好入味，口感唔錯。仲有瑤柱蘿蔔，白蘿蔔煮得好稔，佢嘅湯底亦都味道好香，所以蘿蔔真係好正。腐皮蝦餅，係店家推介嘅，係佢哋每日新鮮自己包，一手包辦油炸嘅食材，所以咬落口質感唔錯。係幾獨特嘅車仔餸！整體呢間車仔麵檔乾淨企理，而且職員相當友善又有禮貌，係一次很好嘅用餐體驗，一定會再嚟。芫荽生，只需$5就可以有一大碗芫荽，芫荽控必食。…Read More

都好鍾意食清蒸海鮮，特別係呢啲有鍋仲喺底嘅海鮮餐，簡直就係最正，今次嚟多九龍城呢間都幾出名食店，試吓呢度嘅海鮮餐。餐廳嘅環境光猛清潔，全晚都有專人服侍幫手蒸海鮮，而且談笑風生，態度都幾友善，令到成個用餐過程開心愉快。首先送上一盤新鮮嘅海鮮，有越南蝦、月亮貝、饅頭蟹、琵琶龍蝦，有好幾樣都平常好少食到嘅海鮮，所以心情都幾期待。其中最正嘅就係大王奄蟹，入邊嘅蟹膏多到開心死人，而且味道又甜又鮮，真係食極都唔夠，好想食多一隻。第一次食嘅琵琶龍蝦，肉質爽甜，都有啲驚為天人嘅感覺。台灣9孔鮑魚大大隻，色澤鮮艷，真係冇得輸。最後講囉海鮮粥更加係精華，粥底夠棉，又有海鮮嘅鮮味超正！…Read More

中拖羅刺身$158厚切，非常新鮮又美味嘅刺身，物有所值，非一般嘅魚生刺身質素。鮮八爪魚刺身$138有驚喜！鮮甜又美味，而且爽口嘅八爪魚刺身，平時好少食，但原來相當好味。軟殼蟹牛油果卷$128軟殼蟹夠脆，配上牛油果真係永恆美味嘅配搭。薩摩赤雞腎$38好爽口嘅雞神，笑得唔夠香而且火候控制得相當好。雞胸軟骨$32串燒好吸引，全部都燒得好香。 安格斯牛柳粒$68鮮甜，嫩滑嘅牛肉。鹿兒島黑豚肉鍋燒烏冬$128湯底好飲，不會太咸， 烏冬爽口又彈牙土佐豆腐$68…Read More

尖沙咀厚福街新開嘅日本鍋物酒場，今次同朋友嚟試吓，呢度嘅裝修非常之日式，入到你好有食日本料理嘅氣氛。食物選擇非常豐富，有燒物、魚生刺身、燒物，仲有好多不同飲品及清酒選擇。鰻魚天婦羅$100非常香口美味嘅前菜，鰻魚天婦羅好好味。令和玉子燒$42玉子燒本身係好難做得好食，呢個令和嘅招牌菜之一做得好好，既有玉子香味亦都做到嫩滑嘅口感，一讚。明太子醬免治雞肉棒大大支，新鮮燒起好好味，味道剛好唔會太鹹，亦食到明太子醬嘅美味。廚師發板四人刺身$528刺身非常新鮮，甜蝦及帆立貝還有拖羅全部都非常新鮮甜美，入口甘香令人難忘。鮮檸檬燒酌梳打$58令人一件難忘嘅特飲，檸檬香味配上日本燒酒味仲加埋梳打真係超正，而且賣相真係非常搶鏡。…Read More

馬鞍山想食西餐，自然就會諗到WMOOV強乾淨企理，環境又舒服嘅西餐廳。呢度嘅空間感夠，同朋友食飯傾偈，都好有私人空間感，所以我哋都好鍾意嚟呢度食。餐湯意大利集採湯，蕃茄味夠香濃，雜菜都多，味道偏鹹，如果可以淡少少會更好。南瓜貝柱意大利飯配香煎刺身帶子$92帶子大大隻，煎得到夠香，配上意大利飯，味道相當配合。意大利飯嘅南瓜汁都好香濃，味道都係稍鹹，或者係我口味比較淡，但整體味道係唔錯嘅。美國極佳及安格斯大草原然牛肉眼配燒汁$248大大塊嘅牛扒，賣相非常吸引，而且好厚肉，份量非常足。牛肉嘅味道鮮甜，配上燒汁都唔錯，廚師煎扒嘅技巧都幾好，入邊肉質好滑，鮮甜又好味。甜品蛋糕🍰…Read More