潛水的松鼠's Profile

小編上星期約咗一位好耐冇見面嘅朋友去飲下午茶，順便傾下近況。我哋都希望可以有一個寧靜舒適嘅環境度過一個下晝，所以我哋決定去飲茶。我哋見到有一間主打中式茶茗位於啟岸巷子，同時有一間cafe都好出名，所以我哋決定去完cafe之後就想樓上品茶。入到門口就已經聞到茶葉嘅香味，環境都好舒服，感受到慢活同me time。朋友見到有烤茶同土耳其茶覺得驚喜，可惜土耳其茶壺數量有限，所以我哋最後都叫咗烤茶同三泡茶。店員需要準備茶葉同泡茶，所以等待時間比較長，好適合我哋邊傾計等待。桂花罐罐烤奶呢間店鋪用嘅牛奶係嚟自香港本地常見品牌，同大陸用奶粉沖水嘅牛奶唔一樣，所以小編朋友係有驚喜同期待。烤奶嘅特別之處，就係俾你體驗自己放配料同不停攪拌牛奶， 俾你有一個儀式感。配料有桂花、杞子同紅棗粒，桂花味比較突出，多咗一份清新。個人意見，小編覺得紅棗可以剪成一塊塊，再放入去牛奶，咁會容易突出味道。玫瑰三炮台配料主要有綠茶葉、玫瑰、杞子同紅棗。店員會將100度溫度熱水倒入去，然後焗四分鐘。店員另外都解釋茶底會比較苦，所以都準備咗冰糖。小編個人覺得甘味比苦味比較突出，可接受唔加冰糖。小編都幾鍾意每飲一啖都會聞到茶葉同玫瑰花嘅香味，令人覺得身心舒服。玫瑰甜醅子乳酪我哋第一次聽甜醅子，據店員解釋，甜醅子係由米、湯同水發酵而成。口感有啲似紫米，中和咗乳酪嘅酸味。玫瑰花凍有啖啖花香味，口感都唔會好硬，整體配搭頗新鮮，份量可以二人分享，咁就可以花多啲時間品茶🤣茶閒裡馬頭圍道63號啟岸1樓104號舖#紅磡美食 #休閒品茶 #品茶 #泡茶 #foodie…Read More

小編早前約左朋友去食鐵板餐，最近餐廳出左好多優惠價，加上就到出糧日子，所以決定豪放一次。今次揾左一間樓上餐廳，有分Bar臺、房間同普通座位。我地選擇坐bar枱，可以邊吹水，邊睇師傅煮食。豐 - 一人前鐵板餐前菜三小品+木瓜絲沙律前菜有醬煮吞拿魚粒、味噌茄子同煙燻雞肉。三款嘅鹹味突出，而沙律嘅清新中和咗前菜嘅重口味，並且有木瓜絲增添爽脆感。茶碗蒸茶碗蒸上面鋪上用鰹魚熬煮過嘅湯汁，加上幾粒三文魚籽，鹹鮮味十分突出。蒸蛋十分輕盈滑溜，雞蛋味香濃，而且入面仲有木耳碎條。主菜師傅會喺你食緊前菜嘅時候同你介紹主要食材，本身套餐包含蘇格蘭聖蟶子，但因為唔係當造，所以改為日本帶子。呢間餐廳嘅師傅都會將食材煮到半生熟，盡量保持食材本身嘅鮮味。日本刺身級帶子帶子唔大但好厚身，見住師傅煎煮一段時間都冇縮水。半熟帶子表面有一層煎香過嘅薄脆，帶子肉質十分彈牙，食到一絲絲肉，而且唔會塞牙。裙帶加上玫瑰鹽之後更加好食，口感唔會過份煙韌。底下鋪滿波菜，菠菜吸收咗帶子嘅肉香味，同有煎過嘅香味，同帶子一樣好食。大虎蝦見住師火煎大虎蝦都幾賞心悅目，師傅將大蝦分開兩部份，並去除蝦線。大蝦煎到剛剛好， 外層彈牙，入面仲保留少少刺身蝦嘅口感。 蝦頭亦都好好利用，煎度十分之香脆，可以連殼都食埋，而蝦頭嘅蝦膏就用作為醬汁，完全利用晒整隻蝦。美國Prime 肉眼薄燒卷金菇菜配肉眼牛肉十分賠，金菇菜完全嗦晒牛肉嘅香味同汁水，每啖都飽汁。旁邊仲有黑胡椒同玫瑰鹽比你點嚟提升牛肉嘅濃味，你亦都可以點蒜汁、味噌醬等等。不過小編覺得就直接食就已經好好食，旁邊仲有炒雜菜同炸蒜片，系咁多個主菜之中，配菜比較豐富😂鐵板炒飯去到最後一個主菜嘅環節，我哋幾個都已經六至七成飽😂師父會喺面前即場炒飯，所以食到粒粒飽滿嘅飯粒同黑胡椒香味。雖然佢係一個簡單嘅炒飯，但因為即場炒，嗰種炒飯的熱力會令你好有胃口，同時蛋香味都好突出，所以不知不覺都會食曬成碗飯👍三日月金馬倫道23號金馬倫廣場2樓B號舖#三日月 #鐵板燒 #尖沙嘴美食 #midanfoodie #foodiehk…Read More

上星期五小編約咗朋友去上環食晚飯，順便交換手信。 我哋搵咗一間新開樓上cafe餐廳，可以坐喺bar位，然後透過玻璃望住出面樓下人來人往嘅景色，都幾浪漫架😌班尼迪蛋配牛油果麵包底十分鬆脆，口感唔似平時食嘅英式muffin，反而似奶油脆豬的包底。荷蘭醬cover咗整個食材，啖啖都有開胃嘅檸檬酸味，配上切開嘅流心蛋，好夾。牛油果醬同三文魚嘅配搭都係絕配。小編食完呢個之後胃口大開，希望呢個班尼迪蛋可以一碟有2個，得一個唔夠喉🤣藏紅花忌廉汁牛面肉意大利飯賣相十分吸引，有一片片嘅芝士鋪喺意大利飯上面。呢個係高質cafe有嘅意大利飯，味道濃郁，啖啖都食到醬汁嘅味道，醬汁有少少番茄嘅酸味，十分開胃。飯粒口感未算係正宗義大利style，但絕對適合香港人嘅口味。牛面肉雖然只有一嚿，但勝在大件，足夠同朋友share。牛肉質感偏向tender同嫩滑，而且帶有黏黏嘅質感（因為牛面肉由豐富嘅骨膠），同以往出面食嘅又硬又柴嘅牛面肉唔同。是日廚師湯（南瓜湯配意式香草麵包）小編朋友好鍾意南瓜湯，因為南瓜味道好香同口感適中，唔會太傑。香草麵包過咗一段時間都keep住一定嘅外脆內軟，朋友就鍾意點住南瓜湯食，小編自己就鍾意直接食，因為香草味會比較出。田園沙律（配香橙油醋汁）小編對呢個嘅配搭係有驚喜，因為以往出面餐廳都係放芝麻醬同加幾粒車厘茄，變相冇新意同味道heavy。但呢間餐廳係用咗荔枝同香橙油醋汁，整個沙律味道都變得清爽。香橙油醋汁酸甜味適中，有少少似柚子汁，但酸味更加溫和，好適合同沙律菜同清甜多汁嘅荔枝一齊食。…Read More

日嚐小編bookmark咗好耐，今次朋友係附近上完堂，大家都對呢間好有興趣，所以擇日不如今日，就約佢去食呢一間。價錢定價唔算貴，可以選擇白飯或者烏冬，湯底選擇亦都很多，算係驚喜位。慢煮美國封門柳（配柚子胡椒鹽）本身想叫牛舌，但剛好賣晒，所以就叫另一款比較出名嘅牛肉。切片外觀好吸引，大概三成熟。邊邊睇落好似熟成/風乾咗，但食落去一啲都唔硬，牛味比較突出，而粉紅色部分更加食到嫩嫩口感。整體調味唔算突出，亦都冇必要特別調味，因為食材本身味道好足。 柚子胡椒鹽純粹只係一個點綴。慢煮黑毛豬配肉桂蘋果蓉從來冇諗過豬肉份量好多，好似怕你食唔飽咁🤣豬肉味十分濃厚，口感亦十分實在，完全冇落過鬆肉粉或者拍打過，所以好友滿滿的肉感。肉桂蘋果蓉好清新，就咁撈飯都已經好好食。如果食食下黑毛豬肉覺得有點寡，可以點啲肉桂蘋果蓉， 會多一份清新咁。稻庭烏冬（藥膳濃湯）藥膳湯底同平時出面食嘅藥膳米線湯底完全唔同，整體湯底味道微淡至適中，佢仲帶有少少好似栗子嘅甜味同藥材嘅甘味，貫徹咗家庭式嘅健康料理。稻庭烏冬（昆布木魚湯）昆布木魚湯嘅調味比韓國嘅紫菜湯更加清淡，好適合鍾意飲清湯嘅人士。青蘋果紫薯球呢個係店舖的signature之一， 食材配搭都好神奇，有紫薯、青蘋果同柚子，可以食到紫薯嘅香氣同綿密口感，又可以食到青蘋果嘅酸甜爽脆口感，亦可以食到柚子苦甘酸甜味道。作為前菜或者飯後甜品都好合適，因為都好開胃同解膩。和風茄子日系嘅和風茄子好好食，上面會灑上柴魚干，然後茄子會浸係落咗糖的鰹魚醬油，所以食落去會有鹹香同甜味，又係一個送飯嘅配菜，值得叫❤️日式大根柚子青瓜漬蘿蔔煮到軟爛，而且好入味，又係送飯一流。柚子青瓜漬嘅柚子味唔算太突出，不過青瓜酸酸甜甜，好似酒樓食嘅青瓜小食。冰糖雪梨茶冰糖嘅調配剛剛好，可以令到雪梨茶嘅酸味冇咁明顯，而且溫度唔會太熱，所以飲落去都好舒服。日嚐明安街10號寶石戲院地下F號舖#紅磡美食 #紅磡 #何文田美食 #何文田 #黃埔美食 #黃埔 #日嚐 #家庭料理 #自然味道 #清淡 #青蘋果紫薯球 #和風茄子 #foodie #foodiehk #hkfoodie…Read More

紐西蘭頂級肉眼牛扒（七成熟，配薯菜）吉列炸蝦全日早餐小編選擇全日早餐的原因是配搭很適合個人口味，大啡菇、酸種包、德國香腸及哈密瓜都是小編喜歡的。配搭有鹹有甜，會食落感覺完滿。吉列炸蝦外層炸皮雖然有點少厚，但炸皮味道頗tasty，蝦肉清淡。大啡菇好juicy，不用加調味料已經好好食，配上煙靭的酸種包口感味道更加upgrade。炒蛋及烤番茄正常水準。最有記憶點的是2大長條的哈密瓜，可以同朋友各一條開心share，哈密瓜作爲飯後甜點十分清爽解膩。小編同事習慣吃Medium well 至全熟的牛排，開頭小編都擔心肉質會過老或者太硬的問題，幸好沒出現這個問題。肉味濃鬱，牛排口感實在。肉汁有少少流失，外層有點像dry aged beef，但影響不大，7成熟的口感算係有驚喜。唯一可以再改善的地方是牛排的排酸。薯條配牛排真的是絕配，薯條十分香脆，不用沾番茄醬已經好好吃，配菜必叫！蒜蓉扇貝意式白酒煮蜆海鮮勝在大份同有性價比，蒜蓉是小編熱愛，突出海鮮味道。蜆大大隻，清酒味道不算很明顯，不過蜆肉算夠彈牙同微鮮。開心果麻薯提拉米蘇黑芝麻提拉米蘇在這裏叫甜品性價比其實好高，價錢適中，而且都好貼潮流，已經有芝麻提拉米蘇的甜點。這間的麻薯甜品都好出名，各人分別叫了自己心頭好的麻薯提拉米蘇。這一間麻薯口感同味道都不錯，奶味不會太重已經讚，然後好chewy同煙靭。開心果上層鋪滿開心果碎，然後cream有淡淡的開心果香。忌廉口感偏向厚身，所以都幾容易full。芝麻提拉米蘇啖啖都有芝麻香，味道比開心果突出。Owens砵蘭街412號地舖#太子美食 #太子 #旺角美食 #旺角 #owens #cafe #提拉米蘇 #麻糬 #foodie #foodiehk #hkfoodie…Read More

這間位於九龍城的私房菜館以海鮮聞名。小編的親人最近英國返嚟逗留一陣子，親戚已經準備好迎接佢，就係帶佢食私房菜🤣畢竟香港消費比外國便宜多，而且食物種類多～值得一試的三道菜包括上湯焗大蝦伊麵、乳豬全體和清蒸南瓜子斑。乳豬全體基本圍宴的前菜必定有，係小編的喜愛。乳豬外脆內嫩，皮膚金黃，肉質及脂肪鮮嫩，沾點甜醬就好完美，適合多人共享。清蒸南瓜子斑肉質比較肥美，魚肉鮮甜，油脂豐富，清蒸並加上鮮魚醬油就已經可以撈飯，啖啖都有海鮮的原汁原味。上湯焗大蝦伊麵今次唔叫澳龍，選擇食得方便的海鮮，就是大蝦🤣鮮蝦與伊麵搭配上湯，大蝦味道鮮美彈牙，湯汁濃郁。伊麵吸收咗上湯同大蝦的精華，搭配一點點蔥花就已經令人回味無窮。這裏可以打麻將，十分適合親戚食飯前的一點娛樂，有種回到過去香港酒樓聚會的回憶。餐廳推出冬至特別菜單，包含多款應季美食，與家人一起享受溫馨的冬至佳節！…Read More

小編bookmark咗呢一間甜品店好耐，因為對佢手工麻糬很有興趣，所以搵咗一日happy friday 同人去試試～粒粒芒果炒氷（配手工拉絲麻薯麻糬及脆脆珠）芒果有天然嘅果味，冇落人造芒果醬，味道偏甜帶微酸。芒果切成一粒粒，食得到細膩滑溜嘅果肉。炒氷入口綿綿的，上枱之後慢慢融化嘅冰恰到好處，冰粒口感唔算明顯，每一啖都係芒果味。配料有脆脆珠同手工拉絲麻薯，前者好有口感新；後者好有奶香味道，有黏黏口感。熱腰果露（加配手工拉絲麻糬，少甜）小編好鐘意食腰果露，好味得嚟又對身體好好。腰果露熱辣辣咁送上嚟，有好香堅果味。上面撒上腰果碎，腰果碎有少少烤過嘅味道。腰果露甜度適中，口感順滑濃稠，冇特別加水溝淡。小編覺得麻薯適合凍食，熱食就會冇咗拉絲嘅口感，但有暖胃舒服的感覺。石榴星麻糬凍飲脆脆珠青提綠茶（走甜、微冰）兩杯嘅顏色好吸引，兩杯飲落去都冇假味道，全部都係用水果榨汁而成，甜度都控制得好好，食得出水果原有嘅味道。青提同綠茶好夾，每啖綠茶都會有青提嘅淡淡水果香，而且食唔到青提既酸味，仲有脆脆珠增添口感。石榴星嘅酸度被糖漿中和咗少部分，變得容易入口，加上有麻糬的奶香同奶蓋，令到口感更加豐富。氷舍謝斐道520號地舖#香港美食 #香港刨冰 #刨冰甜品 #銅鑼灣美食 #香港探店 #銅鑼灣探店 #香港必食餐廳 #麻糬 #銅鑼灣甜品 #銅鑼灣 #甜品 #氷舍 #拉絲麻糬 #腰果露 #新鮮水果 #icegreen #foodie #foodiehk #hkfoodie…Read More

上星期小編約咗人重睇新海誠電影，小編打算收工之後先去食嘢再去睇戲。剛好見到平時食開間餃子店隔離有一間牛腩專門店，價錢唔貴，而且環境新淨，所以就決定食呢一間。牛腩肉質偏軟。河粉軟彈但不爛。湯底偏向滷水風格，帶有淡淡的清甜味，似乎還有加入蘿蔔，讓湯頭更加豐富。牛腩的味道則偏向重口味，牛味濃烈，伴隨著一絲奶香。生菜口感清爽，並平衡了牛腩油脂味，食落不會覺得油膩。小編覺得凍檸茶茶底可以再濃郁一點，以突顯茶香同檸檬的酸味。田記魚蛋牛腩專門店汝州街7號永泰樓地舖#太子 #太子平價 #牛腩河 #滷水 #半肥瘦 #牛腩專門店 #香港美味 #foodie #foodiehk #hkfoodie…Read More

甜品才是主角吧？拉麵湯底＞配料太子旺角是小編lunch覓食之地，最近一出地鐵站見到隔離有不顯眼的入口，原來係一間拉麵店。呢間餐廳評價各不同，今次就由小編親自去試試😂因為時間只有一小時，所以店員講咗全部一次過上。本身冇咩期待，點知有驚喜～濃蝦湯拉麵蝦湯係好濃郁，同小編喺葵廣食到嘅蝦湯麵分別好大，呢個係純蝦湯👍調味適中且不鹹，突顯到蝦湯風味及鮮味，飲完成碗湯都唔覺得口乾👍。湯底有粉粉口感，應該有落自家蝦粉。加上表面落咗蝦油，令到湯底保持溫度同有蝦香味。湯底係有特色，下次會試吓本地雞湯拉麵。至於麵條及配料就無湯底突出，麵條冇得選擇硬度，口 感偏軟，不過未至於軟爛，都算掛汁。豬肉片瘦的部分比肥多，口感帶少juicy，有少少燒香味。食完豬肉片先見到下面有兩粒雞肉丸子😂丸子調味會重一點，好彩口感唔似食緊爛糊嘅肥膏，不過個人覺得同蝦湯底唔係好夾🤣Samurai 炸雞自家炸雞的炸皮不錯，即叫即炸，雞皮不會油膩，而且薄脆薄脆，無粉粉口感。雞肉份量大同無骨，用咗雞腿嫩滑部位，食到有少少生薑味，炸糊無咩特別調味。小編本來對炸物無感，因為熱氣同重口味，不過呢個炸雞同平時出面食嘅唔同，所以都接受到🤣昭和風焦糖布丁Tiramisu 巴斯克甜品的確係主角！兩款都各有特色，所以小編 最後因自己口味認為布丁最好食😂建議就嚟食完主菜之前叫定甜品， 口感同溫度會最好布丁肉眼可見有好多vanilla seeds，可謂落足重料👍小編食第一啖覺得佢好似panna cotta，口感比較綿密順滑，入口即化。奶香味同蛋味都幾平衡，唔會喧賓奪主。淡淡苦味的焦糖醬，加上每一啖都唔會覺得甜的味道，係一個大人版布丁🤣本身小編叫咗開心果巴斯克，店員俾錯咗，俾咗Tiramisu巴斯克，就將錯就錯，照要呢個🤣畢竟佢外觀都好吸引，亦真係有驚喜同層次咁。佢分咗兩層，上層味道溫和，下層濃烈，食到咖啡的苦同酸味，但又不會覺得膩🤔。中意濃郁咖啡的人士可以一試。Cold Brew Coffee咖啡濃度都蠻高，會有上腦感覺。咖啡入口清新，先有清水味道，再嚟咖啡的酸同哭，但落到胃就覺得refreshing。加上大型四方冰塊，成個感覺好有feel😂侍拉麵 @samurai_ramen25運動場道3號地舖#太子美食 #太子拉麵 #蝦湯拉麵 #布丁 #巴斯克蛋糕 #甜品 #水準 #foodie #foodiehk #hkfoodie…Read More

最近好多人介紹劉興記生煎包專門店的生煎包，指瀨尿蝦生煎包必叫，而且豆漿無限添飲，CP值高。於是小編揾一日放飯時段自己過去旺角分店試試，因今次提早放飯，所以排隊人流不算多，大概等了幾分鐘便可以入座。入座之後，店員立刻遞上一杯及一壺豆漿，話無限添飲，這就已經慳了一杯凍飲錢~加上大部分食物價錢都不貴，所以整體CP都算蠻高。招牌炸豬排湯麵 + 生煎包（套餐）餐牌寫明“即叫即炸”，所以都大概等了15分鐘。炸豬排外層是酥脆且不油膩，豬排是有拍打過，所以肉質不會柴。湯麵是粗麵，軟中帶點微硬，頗有咬口；湯底相對清淡，重口味人士可以加醋、醬油等調味料。生煎包底下脆脆，外皮有彈性，而且好薄，所以入門都是滿滿的肉汁及豬肉。肉汁的確是很多，每吃一口都會自動哆嗦湯汁。湯汁的肉味及油脂味都好香，鮮味都蠻多。瀨尿蝦生煎包比起豬肉生煎包，這個的湯汁更加清甜一點，油脂不明顯，混合了蝦肉的豬肉會帶點彈牙。自家制微甜濃豆漿無論口感還是味道，比平時的濃烈好多，傑身口感好似家人自家製作的一樣，而且真的是微微甜，可以飲多幾杯。…Read More

幾個月後，與家人再次光顧這家口碑不錯的海鮮私房菜，小編早已習慣提早預訂海鮮，繼續海鮮盛宴。上湯龍蝦伊麵上湯充滿了新鮮龍蝦的鮮甜，伊麵更加吸收爆了精華，滿口龍蝦味。龍蝦大大隻，不只是殼大而已。龍蝦即使炸過，肉質依然鮮嫩彈牙及鹹香。清蒸瓜子野生瓜子斑比較罕有，多數為養殖本身肉質彈牙。瓜子斑自身味道不算濃烈，但勝在肉質細膩，鮮嫩嫩滑。配上蒸魚豉油，送白飯一流👍百花蝦球鮮雜果沙律蝦球外皮酥脆，還有杏仁增添口感香氣。內裡的蝦肉鮮甜，搭配酸酸甜甜沙律雜果，消除咗一點熱氣。…Read More

曾幾何時，香港街道無以前熱鬧，然每個角落的小店都依然努力生存著。今次去咗一間環境比較清淨的小店。明太子玉子燒👍我地encore咗一次，一定要趁熱食，咁蛋香味同甜味會好明顯，而且好有燒香味。明太子沙拉醬酸酸甜甜，好開胃。特選壽司盛-霜赤身、油甘魚、三文魚腩、魷魚、左口魚邊、甜蝦、穴子、海膽 魚生都新鮮，質素不錯。三文魚腩、左口魚邊、甜蝦跟海膽都好肥美。海膽份量都算多，creamy及鮮甜飽滿。劍魚腩壽司👍劍魚腩好少成日食到，全身都係脂肪的劍魚腩入口就係油脂爆發。即使係壽司，魚生都好似刺身的size咁，好滿足。明太子醬鮮淮山呢個係香港頗為少見，亦是小編喜愛之一。爽脆的淮山曬上淮鹽，加上純辣明太子，鹹鹹辣辣，好開胃。日式海鮮炒烏冬碗看似雖小，但烏冬及海鮮份量都頗多，而且還有炒蛋及洋蔥。烏冬十分入味，且有淡淡的炒香味，帆立貝都好有彈性。最近小店有個必中獎的抽獎活動，你可以選擇食物或日本酒系列，然後抽獎，之後下一次展示這個獎劵便可以免費獲得獎品🤤#佐敦 #霜月居酒屋 #居酒屋 #日式料理 #刺身 #串燒 #清酒 #料理 #foodie #foodiehk #hkfoodie…Read More

拉麵的好食的主要有2大主角：湯底和拉麵。香港每一間拉麵店的湯底各有千秋，麵條分別不算很大。一間2位於太子汝州街的拉麵店吸引了小編的眼光，會發現這間特色小店是因爲有位芝麻控的友人每周都會光顧“暖心芝作”，購買軟雪糕或芝麻卷。排隊期間看到旁邊有一間不起眼，主打”多加水”及“低加水”拉麵的小店，好奇之下，友人便拉收工後的小編到這一間餐廳晚餐。店鋪6點正開，座位不算多，大約10人左右，環境整齊舒服。種類有湯麵及撈麵，沒有麵底自選。下單之後，大約5分鐘就上菜。煮干醬油拉麵醬油湯底清透，因爲店鋪沒有使用豬骨熬製湯底，避免了乳化效果。湯底頗有層次感，先醬油的淡淡鹹味，然後便是魚乾鮮味及微微甜味，應該是用了鰹魚及蔬菜等食材。這次麵底就用了“多加水熟成麵”，所以口感有別於平時的靭性拉麵，口感軟彈，且已經吸收了湯底的味道。豚肉比鷄肉稍微出色，因爲豚肉有火槍燒過的淡淡香氣，口感有點像煙燻豬肉。豚x雞白湯拉麵追求濃厚質感及味道爆發的建議點這碗。醬油拉麵湯底有層次感；這碗有頗濃烈的雞湯味，鹹味係突出雞味，加上有雞泡增添濃郁口感，整體會帶有點heavy但不膩的味道。小編個人喜歡這個，所以都把湯全喝了。麵條就使用了“低加水全麥拉麵”，裸粒口感比較明顯，有咀嚼感且帶有彈性。柚子梳打汽水葡萄梳打汽水日本直送的梳打汽水真的好好飲，味道唔會假之餘，甜度都適中，加上梳打的carbon影響，配上拉麵真的好清爽。…Read More

小編其實都蠻常食@jollibean.hk ，價錢不貴之餘，豆乳同奶蓋的口感亦好豐富及飽肚。口味keep住update，追得起潮流😂例如有出季節/期間限定款，包括咗開心果豆乳、豬仔包同牛角酥。所有吐司免費升級香脆豬仔包, 加$5可以轉7吋牛角酥。甜品/飲品都有加購優惠，都唔錯架。開心果豆乳豆乳飲品系列基本都係必叫，豆乳口感濃厚幼滑，早餐飲一支就已經好飽度。開心果味未算好突出，反而有點花生湯圓餡料的味道，但好開胃，所以都係有另一種的驚喜😂黑白芝麻奶蓋奶蓋都算係呢間的signature，奶味不會太濃，鹹香鹹香的。小編會先飲幾啖奶蓋再去攪拌，等奶蓋同豆乳及底層黑芝麻融合，黑芝麻凍咗都有香味，飽腹感提升。椰乳仙草西米露見到雪到冰凍先食，超級透心涼，仙草已經切成細細條，直接嗦入喉嚨超爽，配上凍冰冰的椰乳，當甜品食可以，當飲品飲亦可以，消暑一流。黑白芝麻豆腐花坊間都有的配搭，凍冰冰食好涼快，不過豆腐花就會因此變得硬硬的，類似panna cotta，黑芝麻令整體口感豐富d，深信芝麻愛好者會比較欣賞😂…Read More

意式經典肉丸番茄的配搭基本都MVP，酸味相對突出，上面晒上芝士及翠玉瓜粒濃郁。肉丸口感微彈，肉質頗結實。烤香草澳洲羊架伴西蘭花苗焗蒜頭配露絲瑪莉汁羊架以大份的視覺呈現上嚟，表面晒上牛油浸過的麵包糠。因為羊架沒有切開，難以控制熟度，所以羊肉貼近全熟，慶幸肉質未算煙韌。配菜稍微有點驚喜，西蘭花爽脆且嫩，蒜頭經過烘烤之後，濃郁的蒜味變得淡淡，亦可以用匙羹壓成蒜泥，為羊肉架及肉丸增加香氣。特濃開心果忌廉麻糬梳乎厘建議提早20-30分鐘下單。份量大到十分驚人，包括開心果醬的份量。開心果醬口感類似凝固煉奶口感，開心果醬及nuts味都頗明顯，最特別的是凍冰冰的口感，與梳乎厘的熱相反，一凍一熱。梳乎厘口感類似蛋白蛋糕，入面鬆軟而不是滑溜溜的口感，蛋香味可以再濃郁一點。小編個人認為可以毋須放上麻糬，甜度及口感不算很搭，而且都是帶飽肚感的甜點。另外，可以放一些酸味或清新的水果之類去防止開心果單一及膩滯的味道。山政小山圓（槙之白）宇治抹茶（凍及走甜）山政小山圓（Rich）一番焙茶鮮奶（熱及走甜）小編們都選擇了小山圓系列的茶粉，走甜比較能飲出茶粉的層次感，兩者的外觀都十分吸引眼球，如果有鮮奶以外的選擇會比較好。…Read More