tomato_bb的個人專頁

行開尖沙咀，經過美麗華商場，試吓呢間葡國餐廳。服務員十分有禮。我哋兩個人食量唔太大，叫咗個炸馬介休球同巴西牛肉煲。馬介休球炸得好香完全唔腥。巴西牛肉煲非常好味，汁係香濃黑椒汁，送一客白飯，汁甜中帶有少少辣，牛肉嫩滑。另外叫咗蒜蓉包，非常脆，又香。服務員推介加法飽有優惠，又加一客。佢哋有自家製嘅雪糕，味道很特色。這餐廳值得再去，下次同多啲朋友去可以試多啲食物。…查看更多

嗰日同屋企人幫襯呢間餐廳。服務員態度極差，落order 時冇埋枱，只係離遠叫我地講要乜😡。都算，叫左個二人海南雞餐另加一個一人餐叫個燒豬頸肉，點知又話冇豬頸肉(六點半未夠就話冇），冇選擇之下又只好叫多個海南雞餐。海南雞完全冇味，雞肉極鞋，雞極多肥膏，所謂油飯不知所謂，完全唔係嗰回事😡😡😡餐包飮品，叫左三杯飲品，一杯凍檸茶兩杯熱檸茶，點知送來三杯凍檸茶，我叫佢換返，佢送錯仲態度惡劣😡。到埋單俾錢嗰陣，我見只係$223，但佢話要收多$5， 話個二人餐只包一杯，仲話我問左你啦，其實係佢送錯野飲，佢自己搞錯仲屈我。由於趕時間，我只係問佢攞咗張單同比多$5佢就走左啦。返到屋企睇根本係包三杯野飲，凍飲加$3而已😡呢間店簡直差😡😡😡…查看更多

今日嚟咗好耐冇去嘅韓味屋，本身諗住味道幾好，所以再幫襯。我地嗌咗個牛肉蓋飯定食，一嚟到見到佢紅紅地色，以為幾辣，但其實又唔係。仲有一舊好似泡菜嘅嘢，點知唔係!!!係膠袋!!!! 我地即刻叫經理過嚟，點知個操流利大陸口音嘅女經理行過嚟話，呢個膠袋嚟姐，用嚟裝泡菜咋嘛，又唔係啲咩，唔污糟架。仲要幾次想拎走碟嘢，想毀滅證據!!! 嘩我肯定知你個膠袋唔污糟啦，仲要我爸爸而家個胃唔好食緊藥，我點知你個膠袋有冇拖過落地然後再煮架!!! 你碟嘢有膠袋仲講到好似好冇問題咁喎!!! 呢下真係辣著我地 !!!! 於是我地報咗食環 !!!!好嬲!! 個d店員仲成日話成日free俾我地，我地根本唔係冇錢食!! 而家我地針對嘅係你地嘅衞生問題!!!!好嬲!!唔再幫襯 !!…查看更多

今次係第一次食印度野，一入到去間餐廳好有印度風味，所有staff都係印度人，比人感覺非常地道。我哋叫咗一個四人餐有一個mango lassi仲有一個tandoori chicken ，一個印度炒飯，一個蒜蓉印度烤餅配咖哩羊同咖哩雞，同埋咖哩雜菜，最後仲有一個甜品--印度雪糕。個mango lassi 好濃郁，好香嘅芒果味 😊tandoori chicken係我嘅最嘅最鍾意因為佢嚟嘅時候個鐵板燒得好香。後來發現用咗雞髀所以好嫩滑然後我覺得佢啲香料辣度適中（ 不過見到隔離枱嘅人就狂飲水啦） 😂😂印度炒飯食呢其實似食炒米粉嘅質地😂😂😂不過佢炒得幾香，而我就鍾意加啲咖哩羊架汁落去撈埋一齊食感覺都幾好😊😊咖哩羊同咖哩雞都好香咖哩味而且肉質嫩滑 咖哩羊嘅咖哩汁係紅咖哩而咖哩雞就用咗青咖哩啦咖哩雜菜都唔辣嘅，但係種類方面就比較少。只係得椰菜花，薯仔，青椒同埋洋蔥。最後就要講下個印度雪糕😊😊個賣相非常之靚但係食落得非常之凍，好似入面呢好似有舊冰咁，入面有舊果仁之類嘅嘢，幾有咬口😄😄大家如果想試下一間印度風味嘅餐廳而唔想去到重慶大廈咁遠就可以嚟下呢間啦😊😊…查看更多

今日真係唔知咩事嚟咗呢間垃圾 😒😒我地叫咗個日式叉燒拉麵，一碟餃子(套餐)先唔好講咗嘢食，呢到嘅服務態度超差。一入到去個一老闆娘講住電話咁求其點咗我去一張枱到坐。到啲嘢食嚟到，個賣相係真係超垃圾 😑😑一眼望埋去見到隻蛋就知係熟蛋，食落口仲有啲鹵水味！鹵水蛋扮溏心蛋 😒😒😒。之後講下舊所謂“叉燒”，舊肉一樣有鹵水味，而且非常厚！都係勉強咬得開😤😤天呀！呢碗垃圾都唔知咩嚟，仲有，拉麵入面嘅木耳係完全未浸淋，仲係硬的！😒😒成碗麵俾我嘅感覺就阿豬阿狗都可以開日本餐廳，話自己嘅嘢食係日本嘅。個餃子係菜餃，我覺得佢只係用咗灣仔碼頭嘅水餃當餃子咁煎！😒😒因此非常難食。佢俾嘅醋唔知做咩聞落去非常攻鼻！但係點咗又唔覺得有醋味 😒完全唔知咩嚟！總結：呢間絕對係垃圾，大家絕對唔好去，包你後悔一世😤😤ps.我食完餐之後係等於冇食過嘢，我返到屋企之後仲要煮多個麵😒😒可想而知佢嘅份量係幾大呢 😑😑…查看更多

同學介紹我地嚟呢到食一入到去雖然發現環境好黑😂😂但係每個位上面都有枝燈。我地有幸坐喺條“河”嘅側面😊好似好高貴又好優雅咁。環境真係好好我地叫咗一籠小籠包，一碗豚肉拉麵同一碟炒飯。小籠包皮薄餡靚😃入面啲汁好香。塊皮又唔會蒸得耐得滯。不錯不錯。豚肉拉麵個湯一食就知唔係味精，係豬骨湯因為完全唔會口渴😀😀炒飯炒得好夠火候👍👍食得出好有心炒，但係份量就比較細咗啲😐😐就算啲嘢唔夠食，淨係食個環境都已經飽哂😁😁👍👍…查看更多

今日冬至，所以嚟咗呢間餐廳做冬 😁😁呢到嘅環境幾好，光線唔錯，都算幾寬敞。😃😃我地叫咗幾味小菜。前菜有醉雞，淆肉同蒜泥白肉。😊😊醉雞個汁好重酒香，非常香口。啲雞又夠嫩，份量都適宜。😀😀淆肉好重麻油味，個湯膠好夠味，幾濃。咬落去啲香味喺個口到迴旋，十分香口。😁😁蒜泥白肉十分香口。雖然好辣，但辣得超好味。啲肉嘅肉質唔錯，都幾易口入。😄😄小籠包皮薄餡靚。肉汁充滿住肉嘅香甜，汁又夠濃，成個feel好夾。😃😃蘿蔔絲酥餅脆得嚟又唔硬，食落好有層次。啲蘿蔔絲有少少蔥花，令成個蘿蔔絲酥餅更香。😂😂沙鍋雲吞雞嘅雞湯十分清甜，能帶出雞嘅鮮味，very good！雲吞嘅皮非常之薄，入面嘅餡同個湯十分夾。☺☺京燒羊腩燒得好脆，但又唔覺羶。啲肉同啲脂肪燒起上來十分香。即使凍咗食都唔覺羶，仍然咁好味！😆😆火腿扒津白嘅小湯非常之清甜。用嘅金華火腿都係正宗的。因此成個湯就能帶出火腿嘅香味，令成個菜更升一個層次。😄😄松子桂花魚一啲都唔腥，啱哂唔鐘意食魚嘅朋友。食落好似食生炒排骨咁，又脆又香，值得推介！😀😀八寶鴨非常特別，呢個真係值得推介！首先賣相非常之靚，個鴨入面係好特別嘅糯米飯，又香又有鮮味。啲飯有好重嘅臘味味，好香啊！但係做出嚟又唔算好油膩，非常正！😂😂另外，服務員的態度非常之好。又唔會嫌我要相機食先太麻煩，又會同我地講笑。另外價錢就中上啦，不過一家人過節就冇所謂啦haha.😊😊…查看更多

朋友之前介紹過呢間餐廳，話唔錯所以我地就去食。一入到去感到餐廳設計簡約，光線充足，俾人一種好舒服嘅感覺。服務員態度非常好，即使落單嘅時候三心兩意，但係仍然好有耐性咁幫我地落單，又推介唔同嘅菜式俾我地。首先有個餐湯。餐湯係甘筍粟米湯。個湯好甜，有啲似南瓜湯嗰種質感。味道唔錯。第二要介紹嘅係啲前菜。有雲耳，麻醬豆腐同車厘茄。啲雲耳嘅醬係酸酸的，非常開胃。麻醬豆腐嘅豆腐好軟，啲醬同個豆腐好夾。車里茄最特別，因為佢用咗桂花糖水嚟當汁咁點，所以就算車厘茄幾酸都好，都會有啲糖水嚟中和返。桂花味好清香，大大提高食慾。然後就到主菜。主菜有茄汁芝士焗牛肉飯同雜菜咖哩。首先講下牛肉飯，個飯嘅配菜- 青椒，黃椒同紅椒能將個飯嘅味道大大顯咗出嚟，同時又唔會蓋過啲茄汁味。個人認為係一個唔錯嘅配搭。啲牛肉又唔會太難咬，証明焗嘅時間適中。跟著就係雜菜咖哩。個人認為個咖哩太辣（即使係小辣都已經好辣）。啲菜就一般啦，朋友話啲菜有啲老，特別係啲豆。套餐仲包一杯豆漿or蘋果醋，十分抵！總括而言，呢間餐廳真係值得推介，無論環境定嘢食，都贏盡口碑，實在不能不試。…查看更多

今日去樓下嘅餐廳食嘢左上為所謂嘅caesar salad 可惜佢唔係caesar醬，只係一隻生雞蛋加啲日本嘅沙律醬。說好的caesar salad呢？ 是日餐湯， 菠菜忌廉湯加蒜蓉包，幾好味，好creamy，唔錯唔錯。主菜為德國脆皮咸豬手(不是本人的)，叫嗰個豬手皮好脆，但係舊嘢好咸。本人食咗一舊仔，覺得好腥，然後又咸。其實我欣賞的，就只是個伴碟啲薯角。 主菜--芝士肉醬意粉。個醬酸酸地，overall嚟講同其他平啲嘅餐廳冇乜分別總括而言，其次呢間唔值呢個價…查看更多

今日去試新嘢 入到去環境唔錯，幾有氣氛。唯一店內嘅坐位較少，需要等位……然後我地坐低咗之後就要等5分鐘先有人攞menue 同水俾我地。落單後，平均每樣嘢都要等10分鐘先有，上菜速度極為緩慢！首先講下個頭盤。佢係黑醋配煙鴨胸青瓜沙律。個黑醋幾甜，整體唔錯。個鴨胸又夠味。其次係蕃茄忌廉湯。個湯嘅香草好香，非常入味！個湯唔算話好creamy ，但飲落好有層次感。個包都幾好味，但我地要問佢先有olive oil同醋。再講多次，上菜速到好慢，呢個都唔例外。到主菜啦。我地叫咗兩個main course, 一個係芝士菠菜雞肉寬條麵，另外係辣汁大蝦意粉。個寬條麵完全唔覺得有cheese 👎個sauce 勁淡👎菠菜好似未洗乾淨咁有啲味👎。另外辣汁意粉又係完全唔辣👎又冇味👎我地要求咗Tabasco 加辣……最重要係…………個碟好大但嘢食勁少！！！！！！！！好啦，我講完啦。如果各位只為享受下一時食西餐嘅快感嘅就不妨去試下啦，但價錢一啲都唔平，水準亦比正式西餐廳有啲輸蝕………查看更多

諗住去食個lunch 填下個肚，點知真係唔食好過食😤😤喺樓下見到有個阿姨派傳單，hard sell我地去試下，咁我地又見價錢都算合理，就入咗去食。入去到發現冷氣勁凍，於是我地要求換搵個冇咁凍嘅位，但係換完之後都仲係好凍。先撇除嘢食唔講，啲服務員當正間餐廳係自己屋企咁開到啲音樂勁大聲。之後叫佢整細聲啲，但情況仍然冇改善！😤😤😤😤服務員態度勁差！將牛肉鍋拎嚟嘅時候打側拎搞到倒哂啲湯！之後嘢飲亦都唔例外。叫埋單嗰陣完全黑面牛肉鍋嘅牛肉好“鞋” 小啲牙力完全咬唔到！啲菜好似冇洗乾淨咁陣味，完全唔好食！個蕃茄牛肉烏冬嘅份量睇落好大，但實際上超少，不過蕃茄湯幾濃味，同牛肉幾嫩。呢餐139蚊，但係好似完全冇嘢落過肚咁。冇下次，唔會再幫襯…查看更多

呢間係平生最搵笨嘅日式放題。諗住同外國返嚟嘅朋友去食下日式放題。點知真係失望到喊出嚟，永久blacklist 。話說佢地午餐同晚餐個menue係一樣的，但係我地十二點半坐低，點下呢樣點下嗰樣……我地十二點四十分落order... 我地order 咗 川辣牛肉，鹽燒牛舌，清酒煮大蜆，仲有其他嘢。只係十分鐘嘅時間，就已經同我地講話冇哂貨！問幾時會入貨，就話夜晚先會入……我地即時黑面，諗住食放題就可以盡情咁叫，咩都冇得食真係今人好失望。你收咁嘅價錢但係咩都唔俾人食呢下真係好離譜！我地懷疑唔通食午餐就咩都唔俾人食？要留返俾食dinner嘅人食？😠😠😠😠我地之後叫嘅嘢就完全漏哂單，直到last order 嘅時候，嗰樣嘢都冇嚟到。我地交哂單嘅同時先發現原來之前叫嘅嘢完全冇嚟到。我地已經即刻再寫過，想再交嘅時候就已經話截咗單！只係一分鐘就咁快截單？係咪加埋小小嘢都咁難？！😤😤😤呢到嘅服務態度真係差到冇人有。我地想知點解冇哂啲嘢食，佢地就即刻眼啤啤，好悔氣咁話：冇啊，夜晚先有啊。跟著我地可以食到3點，喺兩點十就催我地走，話：我地要落場啦，好似想趕客咁。😑😑😑講下啲嘢食啦。啲魚生幾新鮮，全部厚切。三文魚幾凡全部係腩。其他熟食都ok嘅，個鐵板蒜片牛肉粒，和風牛肉壽司同個牛肉窩就真係幾唔錯。但係龍蝦粥完全冇味！個甜品真係超差。我地叫咗個焦糖布甸，個布甸完全冇焦糖未，只係求其一啲黃色嘢咁樣。然後叫咗一個櫻桃啫喱，佢嘅英文譯名係叫peach jelly，咁我地就好疑惑到底係桃完係車厘子？嚟咗之後發現佢係充滿藥水味嘅車厘子啫喱。自家製嘅甜品完全唔掂，唯一值得推介嘅係百福豆腐花同個雪糕😌😌。仲有，雪糕只係限一人一杯，驚死你食哂佢咁。😒😒😒經過今次，我確定我係以後唔會再幫襯。因為真係好差 👎👎👎👎…查看更多

我地今日行超級城行到肚都餓啦，見到呢間個名好似唔錯咁，所以就入咗去食。點知………………店內環境偏黑，而且menue也是黑色的底色，所以令本人睇起上嚟有啲困難。首先，我地叫咗個叉燒麵豉湯拉麵，一個北海道辣味拉麵同一個薄燒豬扒。講下個麵先，麵質好淋，湯又咸，令人覺得佢嘅湯係用味精做嘅。此外，麵內嘅紫菜嚟到嘅時候已經跌咗入碗麵到，俾啲湯索哂，所以完全冇咬口。辣味嘅湯底都好咸，但辣度就ok啦。但個豬扒就真係哂掂啦。首先，雖然係薄燒，但係因為肉質太hai，加上燒嘅時間有啲長(塊豬扒燒到long哂），所以好硬。其次係個汁，個汁都幾好味，甜甜地咁。喺大埔入面搵間所謂嘅日本餐廳，而價錢又平嘅，如果無任何要求，只為求填飽個肚嘅就去食啦。…查看更多

本人係行過見到門口冇人所以入去食嘅見到入面環境黑媽媽，光線都幾不足，睇menue都有啲難度。我地叫咗個蕃茄湯豚肉稻庭烏冬，一個燒鯖魚定食，一串燒牛柳同燒雞翼。由於係午餐，所以附送麵豉湯，沙律同雪米糍。個烏冬雖然係話稻庭烏冬，但食落嘿普通米線冇乜分別。而且，個啲豚肉製作求其，只係將一大舊切碎咗嘅豚肉扔落去。個燒鯖魚定食啲飯有蘑菇同肉碎，但係個份量就少咗啲，啲飯就缺乏口感。條魚燒得幾香，個sauce幾好食，幾醒胃，食落都okk嘅雖然個main course 呢就麻麻地，但係啲串燒呢就好有水準啦。串牛柳一啲都唔hai，幾嫩。啲雞翼好香口，一齒開啲肉就離開啲骨。整體嚟講都不過不失嘅，以咁嘅價錢有咁嘅食物質素。本人覺得唔算太值囉…查看更多

今日同媽媽一齊去呢間日本餐廳食飯喺外面睇嘅時候，已經覺得呢間餐廳有啲料到，係唔錯嘅選擇。雖然價錢有啲貴 ，但係都決定咗入去。一入到去，坐低之後，發現店內大多都係日本人。成個感覺就好似去咗日本嘅日本餐廳咁，只有少量嘅香港人。 我地叫咗一碗牛肉烏冬，一碗岩手県冷麵同埋一碟炸雞。先講前菜。個前菜係有辣嘅八爪魚片，昆布同少少青瓜。我覺得個前菜唔夠凍，令到啲八爪魚片有啲腥。如果佢再雪凍啲個感覺就會好好啦。之後就係牛肉烏冬。個湯非常清純，好好味，又唔咸，一飲就知冇味精！值得一試。啲烏冬好爽口，好彈牙。整體覺得好好。個炸雞好脆卜卜，雞肉好嫩，炸得又唔過硬，真係唔錯！ 個冷麵就麻麻啦。啲麵就硬咗啲，但係個冷麵汁酸酸辣辣咁好開胃，魚生就都幾新鮮嘅 價錢方面呢，我就覺得貴咗啲啦。而且食物份量方面比較少。如果想醫肚嘅就慎入啦。而且，呢到嘅上菜速度都比較慢。個冷麵就等咗半個鐘啦。仲要催幾次先有添 。不過，整體嚟講都ok嘅 …查看更多