hazelnut915's Profile

已經食過灣仔果間幾次…見到銅鑼灣新開，就黎買返屋企試下…店舖只設外帶 沒有堂食位置，而且係即叫即整，熱辣辣，所以買完都要等一陣先有得拎…今次叫左日式炸雞握飯團再加$20有野飲同小食~飯糰足料，超多飯，食一個係夠飽…第一次試日式炸雞握飯團，有D失望…佢飯團炸雞得兩件，有D少，因為夾埋左D醬，拎到返屋企就淋左D，所以就咁叫小食日式炸雞會抵食D，同香脆D~而且今次佢比果塊餐肉簿左D，因為我之前係灣仔食炙燒明太子味次次個餐肉都好厚….但今次個玉子好食，煎得好香但又唔會過老，而個汁都好夠，食到最後都好夠味!! 小食叫左蜂蜜芥末醬薯條!!係粗薯條，即炸，熱辣辣，不過返到屋企就凍左DD但都仲好脆，未影相就已經忍唔到係咁偷食…份量都合理!! 飲品叫左黑糖豆漿，已經飲過好幾次，真係好好飲!!佢得凍但可以冇冰~黑糖味好重，但唔會太甜，豆漿豆味好香，配合得天衣無縫，飲完成杯都唔夠喉!!!…Read More

又係食過幾次的餐廳! 每次果排食得好heavy 都會想食D light D 嘅野，食依間salad bowl 就岩岩好。餐廳位置唔算方便，入面D位都比較迫，但裝修就好靚，打卡feel。食物係可以叫佢本身預設好的魚生飯，亦可以自選組合，而且可以選擇壽司飯/沙律菜/半飯半菜。Topping 同醬汁都有超多選擇，而且我見好多都放到整豌都好靚，好吸引!!今次我就係自選組合半飯半菜，份量好多，吞拿魚同D配料都算新鮮，配埋D汁同沙律菜好fresh，唔會膩!Overall 黎講，港島都比較少有可以堂食嘅salad bowl餐廳，以份量同食物質素都OK，可以一試!!…Read More

位於銅鑼灣的壽司鋪，已經食過幾次，性價比都幾高。餐廳唔算大，得一張L型吧枱，壽司師傅都好夠人手，D野食黎得好快，唔洗等好耐。 今次就叫左自選十件壽司餐，包味噌湯同沙律，正正常常。而壽司好多選擇，有好幾款魚選擇。火炙款式都燒得好好，D油脂感好正，又香。其他壽司都好新鮮，整體食物質素係對得住個價錢。…Read More

Bookmark 左間餐廳好耐，終於去左試…同朋友兩個人睇個menu研究左勁耐，因為佢太多唔同套餐，想食嘅野D set 又好似冇餐咁….最後打算散叫…但個姨姨勁好人，勁快手咁同我地叫左兩個一人套餐，同我地慳錢，但一人有杯豆漿飲!! 酸辣涼皮有大豆芽菜同青瓜配料，但就好一般….個味好淡，又唔係好夠酸，辣就算OK，但唔係好夠香，涼皮就質感好好，好薄又好夠凍! 金牌夾饃即叫即整，熱辣辣好正!! 個皮包著滿滿的餡，食到最後都仲有餡！個皮加餡夾埋唔會好鹹又唔乾，個配搭得好好!! Biang Biang麵!! 超好食!! 麵質厚但唔會好粉，極有咬口同彈牙，食嘅時候D麵都好易痴到D醬汁一齊食，，D醬汁都比得夠多，而且香辣香口惹味!! 腩肉都比勁多，肥瘦平均，仲要好夠淋!!咁多樣最中意就係食個!! 涼拌青瓜，同市面上都差唔多，正正常常，青瓜清爽入味，個辣汁夠鹹，夾埋青瓜食岩岩好! 跟餐送無糖豆漿，飲得出係現磨的豆漿，但可能D豆一般般，唔係好香豆漿味…. 整體黎講，食物中上，份量都好大，價錢合理，推薦!!…Read More

第一次見到個名就覺得好有趣，咁岩去開荔枝角就黎試下~公眾假期1點多黎食，出面就要排隊叫野食，但其實餐廳入面好大，好多位，都唔洗等好耐。今次就叫左將軍漢堡餐，入門口買完比完錢之後，自己拎飲品，再有職員指示你坐邊個位。野食好快黎，個包係熱，將軍漢堡有好夠汁，塊肉就真係好普通，係市面上果D現成肉，不過咁嘅價錢，質素都算係咁….跟餐有波浪紋粗薯條，熱辣辣，好香口，有DD驚喜….以$48一個快餐黎講，中規中矩，唔好抱咁大期望，支持小店!!…Read More

因為天氣太凍同去果時係6點，終於唔洗排隊食依一間人氣的意大利雪糕!!!之前係IG同路過都見到大排長龍，果然名不虛傳!!兩個人share 3 scoops 岩岩好~ 叫左Pistachio, Milk Tea 同 Tiramisu Pistachio係我食過最濃最香嘅開心果味!! 超濃郁又滑，完全唔會好膩，自己可以食曬一球!! Milk Tea就係珍珠奶茶果隻偏奶味的味，好香奶味，好滑，不過就係三球之中最快溶的味~而個人就中意茶味重的奶茶，所以就覺依隻一般，不過就係間鋪香港限定味，可以試下~ Tiramisu係比想像中偏甜，咖啡算濃，最surprise 係佢有lady finger，仲要浸滿咖啡，口感一流!! 整體黎講，我食果3隻味都好好食，但價錢都幾貴，1球要$60，買3球$90就最抵，平均1球$30 就合理好多~~…Read More

已經係第二次黎食，今次自己整完野又心思思想食下川菜，就醒起依間係銅鑼灣嘅好味川菜!! 算係中小型餐廳，入面D位都比較迫，但衛生好好，張枱唔係平時D川菜館咁” 痴笠笠”。 今次平日時間2點先食，餐廳冇咩人，唔洗等位。因為自己一個，只係叫左口水雞配酸辣粉套餐(少少辣)加豆漿(跟餐有野飲)。我唔算食得辣，係川菜館叫”少少辣”就岩岩好，又唔會辣到完全係唔到，同時又享受到食辣嘅樂趣! 套餐份量不算大，但係高質正宗酸辣粉!! 口水雞肉質好滑，麻辣味岩岩好，好惹味，食上癮!酸辣粉的薯粉滑身但又好痴湯汁，煙煙韌韌但唔會話好難咬開，麵質係偏淋。個湯的酸辣平衡得好好，唔會話過酸/過辣! 好好味，不過就份量少左D~…Read More

位於觀塘工廈，已經食過好幾次，依舊好食，CP值高當日同友人去係公眾假期，中午時間一點多，唔洗返工的日子觀塘工廈唔多人食野，都唔洗等位就可以入去坐。餐廳環境寬敞，坐得舒服。公眾假期都有套餐叫，我地就叫左兩個套餐(仲送前菜及冬瓜茶)再加小食。 炸鹽酥雞配手工滷肉飯鹽酥雞勁大份，粉薄又炸得好香口，入面雞肉仲係滑同juicy，夠味得黎又唔會太鹹，推荐!!!手工滷肉飯又係大大份，滷肉份量多，食到最後都夠滷肉!滷肉肥瘦比例均勻，唔會好膩，而醬汁唔算濃，配鹽酥雞食岩岩好! 滷水雞翅配乾拌麵個人中意乾拌麵多D，麵條扁身唔厚，同個醬汁好夾，唔會太淡，食落去彈牙。而滷水雞翅好入味，好正! 套餐送的前菜及冬瓜茶都係正正常常，冇咩特別 台灣香腸 好標準台灣腸，正常，拎出黎仲係熱，合格! 起司肉鬆蛋捲餅皮厚度適中，芝士肉鬆造餡料比足料，啖啖都食到餡，即整夠熱，芝士做到拉絲既效果，好味!! 梅子地瓜條即炸，拎上黎超熱，炸得好香口，仲要配梅子粉，好正 份量好多，兩個人食唔曬，食物質素同價錢都好合理!!…Read More

最近熱門打卡coffee shop~ 星期六12點幾排隊，等左唔算耐，1 點左右就入得，之後見到都keep 住有人排隊Tiramisu 叫左個最多人打卡嘅Tiramisu，其實以Tiramisu黎講係average…. 外型睇到層層分明，好靚! 味道方面 D cream 都算滑，但偏濕，依隻係偏咖啡味，但其實酒味同咖啡味都唔算濃，加埋D可可粉，味道中規中矩Hojicha cheesecakeCheesecake反而推薦!!! 好過Tiramisu ~~外表好普通，上層單Cheesecake，下層培荼味，質感厚實, 但入口好滑好軟，茶味濃郁而同個芝士味好夾，唔會掩過cheesecake味道，同時又唔會好甜，食半個都唔會勁膩，兩個人share 一件岩岩好~咖啡佢有nutty/fruity豆選擇，我飲Latte友人飲 Americano，兩杯都係nutty。咖啡好香，但唔算超濃郁，latte 奶唔算好rich，但overall 入口都好香，配埋cake 好夾，唔會其中一邊好搶味~ coffee shop 黎講都算slightly above average !!…Read More

次次經過門口，都會見到好多人排隊，冇晚市嘅星期六食個early dinner，餐廳比較細，座位唔多，4點幾都要排隊，不過都係等左一兩張枱，好快有位。三寶牛肉麵湯底算濃有牛肉味，但唔會太鹹同冇咩味精味，食完都唔會口渴。麵係粗麵，煙韌彈牙，但厚身左D，唔係好入味加埋湯底唔重口味，夾埋D麵食會覺唔夠味。牛肉就煮得好淋，好香濃入味，牛筋都好淋，差唔多入口就溶!蔥油拌麵拌麵麵質好過牛肉麵，冇咁厚，夾埋好香口嘅醬，好好食! 而且醬汁份量岩岩好，唔會話太多好鹹/太少唔夠味，推介!!!皮蛋豆腐 推介!!!係咁多樣最好食嘅!!香滑凍豆腐加上醬汁、皮蛋、木魚，味道調得岩岩好，唔會過鹹，好開胃!!甜不辣煙韌好食，唔會話成舊好粉，夾埋個汁同甜醬，味道岩岩好，小小地一份做小食岩岩好!!…Read More

週末同好友去新餐廳打個卡，傾下計。餐廳位於美麗華廣場地庫，超方便易搵。由於我地冇訂位，週末比較多人，一點左右去拎位，等左一個多小時才入坐，但拎位係會留電話等職員再打電話通知，所以都唔洗企係到等，可以行住街等。不過都係建議大家打電話訂位。餐廳環境舒適，每張枱之間都唔會好近，有有足夠嘅空間，唔會好嘈，好適合朋友小聚傾計。小食我地叫左個黑松露薯條，中規中矩， 黑松露味唔係好濃，但薯條好香口，份量都算多主食 奶油培根蛋貓耳麵貓耳麵好少餐廳有得食，個麵好特別，個形狀會包埋D汁一齊，食落唔會得D粉味，不過個麵唔係彈牙的質地，係偏淋，個人就幾喜歡~carbonara個汁好濃同多，唯獨個培根同個汁鹹左D吞拿魚紫菜小薯丸見到個麵好特別，又唔知係咩，就叫黎睇下。個麵係一粒粒ball 嘅形狀，係係粉同DD彈牙嘅質地，但係好入味而個個味道好好，都夾，唔會話太鹹 壽喜燒牛肉蛋汁意大利飯見到好多人推薦就食下，可能有D期望，最後覺得好一般，個汁太甜同好膩。牛肉唔算多，而且好簿好碎，味道好普通飲品方面，我叫左mocha ，朱古力味勁香濃，反而咖啡味就唔濃，好易入口，岩曬唔飲咁濃咖啡但又想享受咖啡的人甜品就叫左個朱古力pancake，一共有4塊，唔係梳芙厘果款，係普通屋企果隻煎果隻pancake，但煎得好好，外面有香脆感，同埋 pancake 係加左朱古力粉整，好有朱古力香味。配朱古力醬，整體食落偏甜，但夾埋新鮮雜莓，做甜品好正最後4個人，人均約$240，食物份量唔算多，整體味道中規中矩，價錢中上，但餐廳環境舒適，幾岩打卡傾計。…Read More