kenfood_hk's Profile

之前行top嗰陣都成日經過呢間Lucky's Pasta & Pizzeria 今日終於都有機會試到嘢食都幾唔錯 有機會可以再試下其他款餐廳環境簡潔 用咗雲石枱 二人枱都幾大張坐得舒服燈光暗暗地破有情調Dinner Set $218Starter 法式鵝肝多士 +35除咗鵝肝多士仲有另一款唔使加錢嘅意識蜜瓜火腿配無花果沙律鵝肝多士賣相精緻 鵝肝好厚肉 入口Creamy 多士酥酥脆脆配搭蕃茄莎莎減輕咗油膩感是日餐湯餐湯係南瓜湯 外表金黃飲落南瓜味濃濃 質地幼滑 幾香甜 仲配有多士卡邦尼意粉Carbonara 芝士同蛋味都好香濃 扁意粉好有咬口仲配有大量嘅煙肉同蘑菇 鹹香味十足是日甜品Crème brulee 嘅焦糖層薄薄地好香脆 燉蛋入口滑溜香甜 食到停唔到口蜂蜜柚子雞翼 $68單骨雞翼更加容易食用 雞翼炸到外脆內嫩好Juicy 配上蜂蜜柚子味道酸酸甜甜白桃乳酸梳打 +$20入口好清爽 然後白桃嘅甜味慢慢散出嚟 唔會太甜啱啱好…Read More

今日去到旺角試下呢間舖有名氣嘅蟲二 餐廳位於頂層 有室內同露天座位 仲係pet friendly餐廳🐶 露天座位好搶手大約七點去到已經full咗 想喺天台chill住食就記得要早啲到餐廳環境整潔乾淨 值得一讚嘅係所有店員都好友善有禮今次試咗呢度嘅招牌一汁三菜 一汁係鰹魚昆布茶高湯 而三菜包括有副菜 慢煮蛋同主食杞子醬油飯面頭灑上飯素 仲可以見到有大量嘅杞子同飯粒撈埋將慢煮蛋倒入飯入面撈埋口感更加滑溜再倒埋高湯變做茶漬飯 增添咗鰹魚香蔬菜糕望落晶瑩剔透入面有西蘭花 甘筍 粟米筍等等仲配有熱焙茶主食: 烤芝士漢堡扒伴海苔肉鬆 $150漢堡扒好厚肉 有足足兩大塊 面頭都有好大塊嘅香烤芝士同醬汁 底部都配有海苔肉鬆 濃郁嘅芝士味同鹹香肉鬆味好match主食: 清酒醬燒鰻魚 $165鰻魚真係好大條有成個盤咁長 醬油味好香燒得啱啱好有焦香味 鰻魚新鮮嫩滑冇骨紐約芝士蛋糕 +$40壓軸嘅cheesecake都好好食 面頭有焦糖 芝士蛋糕食落口感細膩棉密 甜度啱啱好…Read More

尖沙咀厚福街不嬲都有好多好嘢食 今次嚟試下呢間aga Restaurant & Bar餐廳有室內同室外座位 不過今日落雨就坐咗喺室內簡約型格裝潢 環境唔錯幾有feel日本明太子蟹籽鮮蟹肉扁意粉 $128意粉賣相精緻 明太子忌廉醬夠晒creamy好香 配搭滿滿嘅蟹粒同蟹肉 一啖食落去口感層次好豐富 意粉煙煙韌韌椒鹽蛋白茶樹菇 $98出面好少有得食茶樹菇見呢度有所以試下 冇諗過份量咁大份 炸粉唔會太厚啱啱好炸到好脆身 椒鹽味好香口 爽脆有咬口鹹蛋黃單骨雞翼 $88單骨雞翼方便食用 賣相金黃色好吸引 鹹蛋黃好香夠晒鹹香 炸得外脆內嫩菠蘿桂花烏龍粉紅岩鹽奶蓋 $68呢杯桂花烏龍好surprise 開頭帶有好清淡嘅菠蘿桂花香 然後再有香濃嘅烏龍茶味 好清新 奶蓋夠厚同綿密草莓乳酪4.3鮮牛乳 $68好香嘅士多啤梨奶味唔會太甜 奶味突出…Read More

呢間佐敦嘅Potluck Eatery 小清新木系簡約裝潢 夠晒relax餐廳環境昏暗 喺枱上面放上小蠟燭 頗有情調店員態度友善 座位寬落 樓底夠高就算多人都唔會好嘈黑松露芝士薯條 $78薯條上枱熱辣辣 用咗粗薯條 面頭灑上黑松露同芝士  黑松露味道香濃 再配搭芝士好香口惹味芝士蟹肉焗大啡菇 $118大啡菇焗得啱啱好夠 咬落去好Juicy 面頭有大量嘅芝士同蟹肉 焗完都唔會乾 芝士蟹肉好creamy食落好滿足忌廉茄茸蟹肉龍蝦扁意粉 $298要讚一讚餐廳好細心 個蟹鉗搣淨少少殼 所以食落個龍蝦可以啖啖肉 龍蝦好新鮮仲有唔少蟹膏扁意粉煙煙韌韌好有咬好 再加上滿滿嘅茄茸蟹肉 口感層次好豐富Crème Brulee $58焦糖燉蛋賣相精緻 表面嘅焦糖層好香脆 厚薄適中 燉蛋口感幼滑 甜而不膩Tropical Jade $89用咗Blue Curacao做底 藍色賣相好靚 帶有少少菠蘿同檸檬味 飲落好清新Honey Yuzu $39…Read More

嚟到Yadllie Plate呢間人氣韓式餐廳就梗係要食炸雞餐廳環境舒適 卡位坐得好舒服闊落 職員友善蜜味乳酪粉炸雞 $188炸雞賣相好吸引勁大份 面頭灑滿蜜味乳酪粉 食落味道甜甜地鹹鹹地值得一讚嘅係炸雞炸到外脆內嫩 炸粉一啲都唔厚唔會好油膩 雞肉仲好嫩滑juicy底下仲配有大量嘅番薯條 煙煙靭靭夠香甜莫蘇里拉芝士排骨 $138芝士排骨會連埋爐一齊上 底部有大量莫蘇里拉芝士 職員會幫手將煮溶嘅芝士卷喺排骨度 芝士夠晒拉絲 排骨配上韓式辣醬辣辣地咁好惹味 排骨肉煮得好軟腍 好容易就可以骨肉分離芝士蟹子蛋捲 $128蛋捲金黃色好吸引 一夾開就見到入面有滿滿嘅係蟹籽同埋芝士 食落去口感層次好豐富八爪魚煎餅 $128八仔煎餅好大塊 賣相好搞笑中間插住支辣椒煎餅煎得好焦脆 足足有八塊咁多 八爪魚粒份量充足 口感彈牙另外仲配搭蔥油同埋韓式辣醬紫菜手抓飯 $88飯粒熱辣辣 面頭灑上黑白芝麻仲有大量嘅蟹子 紫菜同芝士片有得玩又有得食 蜜瓜雪冰 $88雪冰賣相好靚仲配上蜜瓜味雪條雪冰非常綿密 蜜瓜味香濃仲有好多蜜瓜粒 食完大滿足香蕉沙冰 $68沙冰香蕉味好香 唔會溶得好快 菠蘿米酒 $58菠蘿味酸酸地 米酒味唔會太濃郁 甜甜酸酸夠解膩…Read More

荃灣廣場呢間Homeland裝潢好吸引溫馨摩登之餘 天花板用咗唔同嘅花嚟做裝飾 牆邊都有好多唔同嘅壁畫視覺效果滿分座位好闊落 採用雲石枱打卡一流 新淨光猛 店員Nice今次揀咗個pizza二人餐 $388二人餐好豐富有餐湯 蒜蓉包 沙律 Pizza 主食 飲品 仲可以加配小食同cake鮮打法式龍蝦湯配蒜蓉包 +$18龍蝦湯味道非常香濃 質地濃稠 飲落好鮮甜 入面仲放有唔小龍蝦肉 蒜蓉包外脆內軟 蒜蓉味好香泰式柚子墨魚仔沙律 墨魚仔好大粒 份量充足仲配有滿滿嘅柚子 櫻桃 蘿蔔 沙律菜柚子嘅酸味再配搭泰式辣醬 酸酸地辣辣地咁好開胃波士頓龍蝦占米多松露闊麵 +$88賣相好吸引 用咗好多唔同嘅裝飾龍蝦肉已經切好咗一粒粒方便食用 而且仲有好多龍蝦膏 配搭三文魚籽同黑魚籽一齊食 口感層次好豐富闊麵好有咬口 黑松露蘑菇醬好Creamy都好掛汁 仲有大量嘅蘑菇粒黑松露牛肝菌芝士薄餅 Pizza俾我想像中大份 餅底唔會太厚食落煙煙韌韌面頭鋪滿大量嘅芝士 菇菌同牛肝菌 芝士味又香又濃玫瑰荔枝果肉芝士奶蓋 +$24焦糖鴛鴦烏龍芝士奶蓋 +$24奶蓋層好厚 帶有淡淡嘅芝士味玫瑰荔枝好清新 入面仲有大大粒荔枝肉焦糖鴛鴦烏龍 茶味突出…Read More

之前去過古今二嘅尖沙咀分店今日嚟到觀塘唔知食乜好 又上嚟試下古今二嘅特色卷物餐廳位於工廈 簡約型格裝潢環境光猛 坐得闊落職員都好友善一坐低就幫我哋斟茶龍捲風沙律 $78沙律一如以往都係超級大份面頭有超多蟹柳絲同蟹籽中間有層海藻 沙律菜鋪底再加上滿滿嘅黑醋同沙律醬 撈埋一齊食口感層次好豐富金龍卷 $98全龍卷入面係炸蝦同cream cheese 炸蝦炸得好香脆面頭鋪上好厚肉嘅三文魚同沙律醬滿足晒想食蝦同三文魚嘅願望龍捲風 $72龍捲風入面有鰻魚芝士 面頭仲有薯片碎鰻魚份量充足 薯片碎減輕咗油膩感一啖一個好滋味雞腿肉串燒 $28雞隔膜串燒 $28另外再嗌咗兩款串燒 串燒即叫即整上枱熱辣辣雞腿肉燒得外脆內嫩咬落好juicy雞隔膜第一次食 好有咬口夠彈牙…Read More

近排又凍返 捉緊冬天最後機會打個邊爐先嚟到荃灣呢間牛之鍋食個火鍋放題先餐廳環境整淨光猛 座位好闊落店員都好友善有禮放題B餐 $278本身以淨係食打邊爐放題 點知原來仲有埋刺身壽司熟食炸品甜品雪糕等等 超多嘢食勁滿足另外呢度仲可以一人一個湯底 無論食唔食得辣都可以約埋一齊嚟打邊爐 而且仲更加乾淨衛生刺身同壽司嘅選擇都有好多 魚生好新鮮 三文魚&帶子夠厚肉 生蝦甜蝦好鮮甜壽司都唔會大大嚿 份量啱啱好黑松露帶子壽司好香松露味 火鍋湯底我就揀咗蟲草花松茸湯 夠晒健康 湯底好香甜 蟲草花同松茸份量都好充足仲可以任嗌鮑魚同扇貝添打邊爐就梗係要食牛啦 最鍾意食美國極上牛肉 牛肉香濃又唔肥另外仲有羊肩肉 豚肉同雞件海鮮方面都好豐富 有蠔 鮑片 青口 海蝦 蜆另外仲有各種唔同嘅丸 餃子 豆腐 響零 炸魚皮 烏冬 出前一丁燒物炸物都好豐富 一定要試榴槤炸彈 一啖咬落去榴槤蓉爆晒出嚟好滿足蔬菜類同埋菇類就有個櫃可以俾我哋自取另外仲有兩大個飲品櫃 除咗有汽水 果汁 茶 仲有自家製飲品呢度嘅甜品有勁多款式 居然仲有芭菲 同埋多款中西式糖水甜品 甜品每份都細細份 咁就可以試多啲唔同味…Read More

旺角呢間Amplifier位置好方便樓下就見到大大個招牌餐廳位於一樓 環境昏暗好有情調座位好闊落舒適 另外職員服務態度友善今日試咗個set dinner $1088個Set勁豐富 每款都好有驚喜白酒忌廉青口青口好大碗另外仲配埋麵包片青口好新鮮 大大粒 個忌廉汁真係值得一讚 味道非常香濃仲加咗白酒麵包片薄好香脆 用嚟點白酒忌廉汁一流香烤大啡菇釀蒜香牛油田螺大啡菇面頭釀咗數粒田螺 另外仲有沙律菜伴碟田螺蒜香味好香濃 大啡菇夠晒厚肉 一啖咬落去好滿足慢煮西班牙八爪魚暖薯仔沙律八爪魚好新鮮有咬口 八爪魚肉實淨八爪魚下面擺滿薯角 仲有臘腸好香口蟹肉龍蝦濃湯個湯濃稠 有蟹肉同龍蝦所以增加咗湯嘅層次同埋鮮味香煎日本帆立貝番茄醬意大利麵面頭有三粒帆立貝 帆立貝煎得好香口又厚肉配茶仲有蘑菇同白蘿蔔意粉好彈牙 蕃茄味香濃慢煮美國威靈頓牛柳呢個威靈頓牛柳好高質 酥皮金黃色再加粉紅色嘅牛好吸引外皮咬落去好酥脆 酥皮入面仲有一層蘑菇蓉 口感層次好豐富牛柳非常嫩口 生熟程度啱啱好 值得一試焦糖燉蛋是日精選甜品係焦糖燉蛋面頭嘅焦糖夠晒厚好焦脆 燉蛋都好軟滑香濃…Read More

收工去居酒屋chill下傾下偈呢間位於厚福街嘅樓上居酒屋日式裝潢 座位闊落坐得舒服暗暗地 環境氣氛有情調翡翠螺醬油煮 $68賣相好吸引 翡翠螺肉肉質有口感 咬落好彈下彈下咁食落新鮮得嚟又飽滿配埋個醬汁更皮帶出咗翡翠螺嘅鮮甜味廣島燒餅 $88燒餅上枱就聞到好香 面頭淋上大量嘅燒汁同蛋黃醬 仲有滿滿嘅海苔粉同鰹魚粉 熱辣辣厚薄適中 口感鬆化口感層次好豐富赤貝 $68赤貝大大粒 好有光澤嘅橙紅色肉質好厚實爽脆 味道鮮美 雞翼 $30雞翼燒得外皮好香脆 咬落去好juicy 有切開咗啲肉串埋方便食用煙肉蝦卷 $32煙肉蝦卷都好有驚喜 估唔到煙肉同蝦都幾夾煙外脆蝦內嫩 白鱔 $62燒白鱔好厚肉 魚皮燒到脆卜卜皮脆得嚟又有肉汁 魚油香味濃郁 必食三文魚腩 $32三文魚腩油脂好豐富 啖啖肉肉質柔軟多汁帆立貝 $22燒帆立貝質地厚實 醬油味鮮甜濃郁 食落彈牙鮮甜藍桔雜果乳酸梳打 $56梳打比想像中大杯 夢幻藍色打卡一流Menu:…Read More

趁Weekend去西貢chill下吹下海風去咗呢間位於WM Hotel嘅M Square餐廳環境好舒適 樓底夠高座位好舒適 文青風仲有好多靚靚打卡位店員態度友善服務良好Grilled Salmon & Onsen Egg Risotto $178Risotto賣相好吸引 色彩豐富飯粒軟硬適中好有咬口 撈埋溫泉蛋口感超正三文魚烤得外脆內嫩 外皮好香脆另外仲有本菇 燒南瓜 甘藍葉Pulled Pork Lasagna $155千層麵面頭有滿滿嘅芝士 每一啖千層麵都食到香濃嘅芝士同埋蕃茄味 再加上慢煮手撕豬肉同酸椰菜 口感層次更豐富Maple Bacon Cheese Burger $155Burger都好有驚喜 包皮有烤過 好香脆安格斯牛肉好厚實 肉質柔軟 好juicy 煙肉鮮香 配埋芝士 蕃茄同菜 一啖咬落去好滿足粗薯條上枱熱辣辣 香脆唔油膩Peanut Butter Banana Waffle $125甜品都冇令我失望 Waffle超正外脆內嫩 入口鬆脆仲有Perfect match嘅雲尼拿味雪糕 食落發現仲加咗花生醬 令到整體complex咗另外仲有焦糖香蕉同brownie好滿足Vanilla Milkshake $64Vanilla味香甜濃郁Malibu Pineapple Mojito $88酒味唔會好濃郁 味道清爽Menu:…Read More

落雨天氣凍凍地想食個靚拉麵金鶴之前食過其他分店 原來旺角都開咗分店餐廳裝潢好現代化 又充滿日系裝飾環境整潔光猛坐得舒服雞白湯拉麵 $98金鶴最經典嘅雞白湯拉麵 水準依然仲keep到賣相吸引 配料好豐富奶白色嘅湯底好養眼 湯底夠滑溜面底煙煙靭靭好有咬口夠啩湯配料有牛蒡 慢煮雞肉 慢煮豚肉 半隻糖心蛋 竹筍 蔥絲 木耳絲最鍾意食佢個慢煮雞肉 煮得非常嫩滑北海道蟹湯拉麵 $138另外試咗出面好少有嘅蟹湯拉麵用咗北海道嘅花咲蟹湯 湯底非常之鮮甜 蟹味香濃面頭仲有一大pat蟹肉 好滿足配料仲有兩塊紫菜 慢煮豚肉 半隻糖心蛋 竹筍 木耳絲 蔥絲鍾意食蟹嘅朋友唔可以錯過除咗蟹湯 另外仲有期間限定嘅龍蝦湯 都好特別抹茶軟凍 $33軟凍質地煙煙韌韌有啲似麻糬抹茶味濃郁 唔會苦澀食完個拉麵再食個日式甜品一流…Read More

平時食韓牛就食得多 牛嘅內臟真係好少食 今日就嚟食個牛腸拼盤餐廳位於麼地道 沿著一個小巷行入去就見到好浪漫嘅室外座位 播住輕快啲Kpop入到餐廳就有韓國oppa招待餐廳環境舒適 好有氣氛一坐低就會送上韓式小菜除咗有韓式泡菜 仲有三款前菜酸酸甜甜好開胃MODEN GOBCHANG Assorted Korean Beef Intestines韓牛牛小腸肥腸拼盤 $580牛腸拼盤真係超大份足足有 700g包括有牛小腸 牛大腸 牛大腸頭 牛心 韓式年糕 薯仔 洋蔥 泡菜 菇等等 勁豐富店員都會好細心會幫手燒同埋剪細塊第一次食牛嘅內臟 原來都幾特別 牛腸夠乾淨牛大腸外層烤得焦脆香口 食落好有咬口 味道濃郁牛小腸咬落煙煙靭靭牛大腸頭好肥美超多油脂牛心唔會太腥 口感嫩滑、MINI JOKBAL Mini Braised Pork Knuckle迷你豬腳 $55豬腳味道都唔錯 煮得夠軟腍味道香濃 配埋醬料增添咗韓式風味…Read More

呢間古今二有好多有創意又有特色嘅卷物餐廳位於the one入面環境乾淨整潔 好舒適店員友善 服務良好雜錦刺身沙律 $108前菜食個沙律先 個沙律真係超級大份有一大堆沙律菜鋪底 然後面頭有 份量十足嘅刺身除咗有滿滿嘅吞拿魚 三文魚同劍魚腩 仲有三文魚籽 蟹籽 車厘茄再淋上沙律醬 食落酸酸甜甜好開胃火山 $128卷物試咗呢個火山 冇諗過原來係真係有火🔥店面好細心將附近嘅嘢食移開先點火點火嗰陣好有驚喜 完全冇諗過會有特別搞作畫面好靚 打卡一流卷物配料有蟹柳青瓜同牛油果面頭有大量炙燒蟹柳食落去口感層次好豐富 口感鮮美埼玉網燒牛舌 $78牛舌上枱熱辣辣 本身已經有調味 另外配上清甜嘅sauce牛舌味道濃郁 食落柔軟好香嫩日式章魚小丸子 $48小丸子外皮焦脆 入面嘅配料豐富配上唔同嘅醬汁 好滿足…Read More

旺角都試咗好多間樓上cafe呢間都算係最舒適寬敞嘅一間餐廳位於登打士廣場 位置十分方便環境光猛整潔 因為座位不多所以就算滿座都唔會好嘈兩個人張枱好大張仲有梳化位好好坐Combo for two $358二人餐有一款10吋手拉pizza 炸蟹餅 意粉或飯 同兩款餐飲Pizza揀咗BBQ Chicken Pizza上枱熱辣辣 材料好豐富有滿滿嘅洋蔥雞肉 芝士同蘑菇香味濃郁 外皮好脆批底又唔會太厚因為炸蟹餅冇貨所以換咗個炸魚餅魚餅魚味濃郁 炸得好香口咬落煙煙韌韌 配埋泰式辣醬一流香辣虎蝦海鮮意粉 除咗有面頭嘅虎蝦同青口另外仲有蝦仁 魷魚 蜆肉等等嘅海鮮食落口感層次好豐富 辣辣地好惹味黑森林 Mocha +$22小紅帽 +$22飲品賣相好吸引 Chocolate Mocha 面頭仲有 朱古力味雪糕 cream同朱古力條 好似食緊甜品咁Strawberry Milk Shake 係沙冰嚟 士多啤梨味香濃得嚟但又唔會死甜Menu:…Read More