Fionafyy's Profile

深水埗的驚喜高CP值小店~ 裝修簡約，但服務貼心，食物質素高。心水推介~~另外，如果有quota食薯條🍟嘅朋友仔，絕對不要錯過啦🥗巴馬火腿至尊沙律 70HKD擺盤相對較為有心思的前菜~配上獨特的芥辣甜醬，夏日炎炎非常開胃。有少少quinoa，對於女仔嚟講係健康之選~火腿數量亦都足夠，蔬菜清脆爽口😃！👅鹽燒牛舌 60HKD作爲有牛舌必定會嗌嘅牛舌愛好者，我覺得呢款牛舌偏腍咗少少，無咩咬口，如果無點醬係無咩味道。優點係非常厚身，但味道就平平無奇啦。💋💋烤比目魚排配阿根廷香草醬 170HKD💋💋烤比目魚排本身我無太大期待，但夜晚唔想食太多肉，所以就選擇唯一一款魚的料理。但係估唔到烤得非常靚仔！不過小店的擺盤稍微有D普通，扣少少分。講返魚扒先，表面層皮烤得好脆，好似平時果D炸魚皮咁。比目魚好滑，配上綠色果兜阿根廷香草醬，簡直完美呀！呢個醬料好特別，有一種獨特的香味，同比目魚好夾。好味~😋🥩安格斯級封門柳（肉味極濃）190HKD封門柳 牛肉味濃，肉質較腍，無腌味重嘅感覺。揀咗五成熟，平時食開七成嘅我都唔會覺得太生，反而感覺好味道。偷偷食咗兩舊添：P 老公食食下話有少少筋，美中不足啦~套餐配有新鮮炸起嘅薯條，雖然薯條賣相並不出衆，但係食落會停唔到口，加上呢度可以喺用餐時間90分鐘内無限添加薯條。不過因爲即刻炸嘅關係，所以你嗌完之後係需要等大概5-10分鐘先會食得到。…Read More

二人套餐  $$ 338HKD + 5HKD/位茶位費上海小籠包 2隻 小籠包唔記得影相添，皮薄多汁又熱辣辣，好味呀！酸辣湯/位 酸辣湯係會有少少辣，另外有魚羹可以選擇。花雕醉鷄醉鷄用嘅鷄比較肥，酒味都重，但可惜調味比較偏甜，比較唔太似上海傳統的醉鷄，所以我自己就麻麻地喜歡喇，但套餐仲有其他冷盤可以選擇。最推薦係樟茶鴨，不過經常食，所以今次先選擇試下醉鷄。蒜香四季豆基本上每次都會選擇蒜香四季豆，另外可以揀鷄絲粉皮同茄子都好味。蒜末非常多，好香！因爲二人套餐主菜只可以選擇一款，所以有肉就無菜喇，前菜就通常會選擇蔬菜類，平衡返~老壇酸菜魚 （例）酸菜魚用嘅魚片夠滑嫩，無骨，對於怕魚骨的我嚟講非常友善~味道屬於微辣，好香（我平時食譚仔都係最小辣果種）賣相都非常好~足料，有各種配菜同粉絲例牌嘅分量都好足夠兩個人食（我老公係100KG的大胃王）瑤柱蛋白炒飯瑤柱蛋白炒飯坦白講瑤柱就真係比較少喇，但勝在炒飯夠乾身，亦都唔會油，所以選擇呢款感覺上就比較健康喇^_^另外有款蒲東小館炒飯就會比較惹味，大家都可以嘗試一下。桂花糕 2塊跟餐甜品，唔會太甜，又有濃濃桂花香味，香糯的口感令到整餐飯有個完美的結束。…Read More

今次呢間餐廳係自己喺openrice上面搵嘅，想尋找一啲新味道。估唔到一下就發現咗一間超級好食嘅泰國菜。絕對要收藏！泰北牛腩湯 109HKD平時去開泰國餐廳都會飲冬陰功湯，今次見到呢度有牛腩湯，仲要係推介菜式，當然要試下！湯會比冬陰功更加酸，因爲餐牌有寫三顆辣椒，所以我哋要咗小辣。店員非常細心，主動問我哋要正常辣定小辣。依然可以食到牛腩本身嘅肉味，肉質亦都好腍，湯好開胃，一碗接一碗咁飲！絕對推介！！地道泰式海鮮桶 二人份 218HKD包括：虎蝦，藍青口，原粒帶子，大蜆，魷魚，粟米每一種食材都非常好味。果種特別嘅醬料有些少似紅咖喱，但又唔會掩蓋海鮮本身的味道，反而令鮮味更加突出。食完念念不忘，已經開始期待下次幾時可以再嚟！！每一款海鮮都好新鮮，用料絕不手軟，粟米亦都好甜。如果能多幾款海鮮就更加完美喇！炒鮮蝦金邊粉 122HKD炒鮮蝦金邊粉賣相絕對一流，好似米芝蓮餐廳嘅感覺。味道都好正宗，蝦仁好大粒！不過其他食物實在太優秀了，呢個就顯得普通少少喇。蒜香椰菜苗 89HKD幾乎每次食泰國菜蔬菜類都會選擇椰菜苗，可能因爲其他國家餐廳食唔到。調味好鮮，當然完食~餐廳環境屬於小清新類型，座位稍微無咁闊落，算係美中不足，不過喺寸土寸金喺香港地亦都無辦法要求十全十美喇！服務員態度好nice，食物絕對要俾99.9分！一定會再去食~~推介大家都一定要去呀！…Read More

排骨麵 39HKD 排骨非常入味！如果覺得兩舊排骨唔夠滿足，可以單點一份醬骨架。絕對唔會後悔！而且豬肉真係燜得好腍，喺自己屋企絕對需要幾個鐘功夫。配埋幾塊生菜，亦會覺得營養均衡，每次老公幾乎都會嗌呢個。湯底亦都有一種獨特香味，感覺應該都有加入蒜蓉。麵煮得啱啱好，軟硬適中。番茄雞蛋打滷麵 41HKD 炎炎夏日，酸酸甜甜嘅番茄好開胃。賣相亦都非常吸引。配有一些蒜蓉~番茄粒好多號滿足。味道會稍微有少少偏甜，因爲有蒜蓉嘅關係，食完記得嚼番香口膠呀 哈哈京蔥羊肉餃 56HKD 店家全部水餃都係老闆娘親自手擀的，出面食唔到。最推介羊肉餃同芫茜餃，第二度未必有。羊肉完全無膻味，調味唔會太鹹。美中不足係水餃size比較細，一份10隻，如果係男仔就未必夠飽喇。涼拌干豆腐 33HKD 齋食麵同餃子會覺得有少少dry，所以就會嗌埋小食。有好多選擇，例如土豆絲，海帶絲等等，拌料都係同一款，搭配唔同食材，有畫龍點睛的效果，值得一試~另外仲要推介葱油餅加蛋，豬手麵，豆漿豆漿雖然係一支支，不過味道係微甜，健康又好味！但係留意返豆漿數量有限，如果超過兩點去食，有機會賣曬~店面唔大，裝修比較殘舊，如果介意嘅朋友仔可能要考慮下啦。…Read More

今次嚟到寶勒巷尋找好味韓國野~元豐園係一間由韓國人經營的傳統韓國餐廳~ 環境都幾好，不過客人都比較多，所以要大聲啲講野先得剌（因爲有好多韓國人去食，大家都知韓國人比較大聲：P）ⓁⒾⓀⒺ Set 1 特大王排骨+牛舌+五花肉  572HKD 特大王排骨非常惹味，而且真係好巨大！牛舌比一般燒肉餐廳（無論係日式定韓式）都要厚身，口感同味道都絕佳！五花肉稍微遜色一些，感覺就薄咗一啲。雖然寫係兩個人份量，不過感覺已經好足料~ⓁⒾⓀⒺ 馬鈴薯排骨湯 378HKD好特別嘅菜式，出面似乎暫時未有見到~排骨有好多，而且肉質鮮美，讓人停不了口。配菜也很足夠，三個人食覺得好飽，即刻想叫多一個朋友嚟分享添！ⓁⒾⓀⒺ 海鮮煎餅 128HKD menu上的相片雖然寫住人氣同必食，但係果張相坦白講真係唔多吸引，但係朋友堅持想試下，於是就order咗，估唔到係幾有咬口，味道亦同其他韓國餐廳唔一樣。推介！…Read More

老公非常鍾意深水埗，經常一齊去行街。佢多次提到愛群餐廳。初初都好驚呢啲舊式餐廳環境會好差，地下全部都係油，不過親身去完之後覺得都幾好！今次就滿足老公配佢一齊鋸扒~ 下次會再去！ 炭烤美國西冷扒 12oz 168HKD   (自選配蒜蓉汁 七成熟)切開之後肉的顔色好靚，中間微微粉紅色。令人回味無窮！配咗蒜蓉汁好味，不過我只係落少少，已經好夠味喇。個人比較鍾意熟少少，所以要咗七成熟，肉完全唔會覺得柴或者硬，非常推介！配有薯菜 茄子🍆蘑菇🍄紅蘿蔔 羅宋湯 好味！建議一定要嗌羅宋湯~~蜜糖芥末露絲瑪莉法式羊架 188HKD羊扒肉質好，羊有🐑味，不過平時食開重口味的我都覺得比較偏鹹，腌料落得太重了，要咗五成熟，感覺啱啱好。自選配焦糖洋葱汁 五成熟配有薯菜 茄子🍆蘑菇🍄紅蘿蔔 羊有🐑味忌廉湯 淡而無味，小失望~餐包熱辣辣，鬆軟又好味！甜品有啫喱或者雪糕可以揀。我哋兩個都like雪糕~味道非常似上海一款經典雪糕，光明牌冰磚，童年回憶返曬嚟！唔會太甜~食完一球仲想再追加>__<…Read More

好耐無返過上海，想尋找真正上海味道嘅粢飯，非常失望。可能電視同Youtube都太多人介紹過這一家的粢飯，所以我期望值非常高。粢飯配豆漿：一定可以飽肚，但是沒有驚喜。當然都不是完全無優點，店裏面顧客都有唔少係講上海話嘅同鄉，令我有好大親切感。呢一點都非常關鍵架從橫切面圖可以睇得出真係好足料，但味道還是差了畫龍點睛的香味。因榨菜用了比較健康的方法整，可能為左更加適合香港人的口味。葱油餅：食物不是太熱，不過確實係有誠意做出嚟的，但味道不是細個的上海味道小籠包：味道唔錯，皮的厚度啱啱好，内裏有好多湯汁。值得一試！鍋貼：比較油，不是傳統上海沒有摺痕的鍋貼，感覺只是煎餃子。總結：如果係經過或者不需要山長水遠專登過去，還是值得一食的，由於我同老公好高期望專誠拜訪，就感覺整體沒有報道中那麽誇張。還是一間希望可以留存的上海老店！…Read More

禮拜日行街行到攰，一直都想試下段純貞牛肉麵，見無人排隊就早D開餐喇性價比之選 蒜香手撕鷄乾拌麵 78HKD：好多配料，加上靚仔溏心蛋，口水直流~鷄肉好多，不過就比較乾身，但又未至於柴。炸蒜好香，仲有腌過的蒜瓣，撈埋一齊，好惹味。蒜香手撕鷄乾拌麵就無得揀手工麵，一定係幼麵。口感好滑，質地恰到好處，應該有過冷河，撈暈成碗麵之後先食，好滿足。牛魔王之選牛三寶麵 92HKD：飲一啖已經可以試到好用心煮嘅湯底，今次選擇配搭手工麵，麵好煙韌，有啲似刀削麵。三款材料都煮得好腍，就算牙力唔夠，都絕對可以咬到。價錢稍微偏貴，不過勝在湯都可以飲埋!健康加配燙季節蔬菜：本來想要炒菜，但竟然賣晒，不過反而燙蔬菜有驚喜。菜的份量都算比較大，而且加入高湯一齊煮，好鮮美，會令你想一食再食！健康之選~由於最近肥咗好多，就唔敢再飲珍珠奶茶喇，不過見到幾乎隔離左右都有嗌，相信都值得一試，價錢方面同其他台灣餐廳差唔多，都係20-30左右，另外仲有幾款芋圓甜品真係好吸引……下次有機會再食過喇…Read More

第一次喺觀塘Apm食過春水堂之後，葵芳終於開咗，我仲好期待添！因爲葵芳無好食嘅台灣嘢。開咗之後經常大排長龍，所以就遲遲未試。果日行行下街經過，竟然唔洗排隊！所以就即刻捉老公去食，估唔到係失望而回！不過不失的牛肉麵，但性價比太低。牛肉唔算韌，都比較入味。麵就感覺普通。同其他餐廳嘅台灣牛肉麵無太大分別。豬手非常入味，好腍。並唔係簡單紅燒，而係有一種特別香味，相信就係秘製醬料喇！豬手亦都處理得比較乾净，無豬毛。雖然只有幾舊，但係因爲只係58蚊，所以都覺得比較合理。好彩有呢款豬手，如果唔係，真係要俾春水堂一個超級負評喇！珍珠鐵觀音奶茶，四個字：平平無奇…Read More

全日早餐豪華版~好抱歉唔記得咗個全名，不過真係好滿足呀，值得一試！沙律菜無雪過，份量都比較大，配埋意大利醋，好味！雞扒不過不失，香腸好味，煙肉比較鹹。車厘茄同粟米都有焗過，牛角包都係，表面非常鬆脆，熱辣辣，有驚喜！薯餅雖然細細舊但係味道好好，我係最後先食薯餅，都無凍到，依然好味。炒滑蛋蛋香味比較淡，無咩特別。食完感覺非常滿足，比較大食嘅我都覺得好飽，到夜晚都未覺得肚餓。lunch set之中價錢最平的一款漢堡。雞扒味道唔錯，唔會太多醬料而導致太heavy，適合比較清淡口味的朋友仔。今次係第二次係WhySo食lunch，整體覺得比較滿意，係值得一試的餐廳。78蚊有一份係沙律，包一杯咖啡或茶，覺得價錢都算比較適中。餐廳位置位於南豐紗廠附近，唔係太多人會經過，但係如果已經食過晒荃灣商場圈的餐廳，不妨行過呢度試試。餐廳裝修係屬於比較文青feel，餐需要自取，不過店員態度都好好。…Read More

一直都喜歡莆田的用餐環境，乾净又舒服，侍應服務態度亦都非常好。疫情之下去超市入貨之前覺得好肚餓，經過莆田發現竟然堂食都有7折，於是即刻衝入去食！當時其實已經5點，我都有少少擔心唔夠時間食，不過上菜速度都算快，大概10分鐘左右已經上咗三個餸，唯獨是米粉大概25分鐘先上菜。如果趕時間嘅話要留意下。一開始侍應會俾一碟餐前小食，不過我見到係腌蘿蔔就話唔要了。因爲餐前小食都係會收費，所以如果唔想食就即刻同侍應講。另外記得唔好除口罩，之前喺另外一間餐廳（非莆田）試過除咗口罩再同侍應講唔要餐前小食，佢就話疫情原因，如果客人已經除低口罩就無辦法再取消了。百秒黃花魚 78HKD百秒黃花魚非常幼嫩，入口即化。美中不足就係黃魚本身魚骨比較多，所以食嘅時候要小心啲。初初食會覺得比較清淡，不過浸入魚湯部分的魚肉就會比較鮮甜。份量唔算太大，兩個人食啱啱好。鐵板自製滑豆腐 89HKD一上菜嘅時候賣相已經非常吸引，豆腐表面有炸鍋，裏面非常嫩，完全無豆腥味，爭啲以爲自己食緊蒸蛋。醬汁好惹味但又唔會太鹹，加上豆腐下面有一層蛋漿，一齊食更香。每一舊豆腐上面有Q彈的蝦仁，令到成個餸更高級：P 雖然價錢稍微貴啲，但味道確實有保證。金湯時蔬 79HKD本來可以俾5星，但豆苗比較老，可能同最近蔬菜價格較高有關。高湯加上爆香嘅蒜片同皮蛋，每一啖都有濃郁的湯汁相伴，食欲大增。蔬菜份量唔係好多，不過疫情之前未有試過，所以唔知是否因爲成本增加而減少咗蔬菜份量。食完完全唔會感覺口渴，所以相信係無味精。興化炒米粉 細份 88HKD非常足料而且乾身的炒米粉。有紫菜、花生、大蝦仁、細蝦乾、蜆等材料。米粉配一碟辣椒醬，如果比較重口味的朋友可以撈少少一齊食。我本身麻麻地鍾意米粉，都覺得ok。老公更加覺得贊不絕口。細份已經足夠兩個人食。…Read More

性價比唔高的小麵 麵質同日本拉麵差唔多但湯底真係好惹味 我通常會叫BB辣同少麻 食得辣嘅朋友一定會喜歡牛肉同排骨🍖都好入味通常都會加一隻煎蛋🍳然後飲品就一定係室溫的烏梅汁 酸得恰到好處…Read More

美孚的滄浪亭係疫情之下返唔到上海嘅我最思念嘅地方，一到週末就會想去食喇！作為一個地道上海人 我絕對可以講話呢間嘅上海麵係全香港最好味，性價比最高的上海麵！必食推介1.大排麵 52HKD排骨好大塊，粉漿唔會太厚，係帶骨豬扒醃得鹹淡適中 厚度都係岩岩好完全唔會有油膩感覺 加上豉油湯底的正宗上海麵，絕對係會一試就愛上💕2.雪菜麵 48HKD試過幾款麵之後，雪菜麵成為我的最終必食麵食！略帶甜味的雪菜真係好好味呀 通常我會分少少俾老公 然後偷佢D豬扒食雪菜好多，一食就知係精心處理過 完全唔會超級鹹。雖然無肉絲，但都會有鮮味！食素都啱👍3.菜肉餛飩 追加餛飩24HKD 4隻菜肉雲吞應該係小棠菜豬肉餡，肉唔會肥，鹹甜適中，包得都好靚，上海的代表其實好想單獨嗌餛飩一份 但又好想食麵 所以真係無辦法取捨 好希望自己有多兩個胃！4.醉貴妃 29HKD 2隻最容易俾人忽略的美味小食最近幾次食先留意到佢，但食咗就會愛上 搞到我無位再食豆沙春卷雞翼比普通size大，酒味唔會太重，但都非常夠醉了，對於唔飲酒的我嚟講係啱啱好！要食呢間的朋友仔要留意的就係1.舗頭細，要等位 大概10-15分鐘度2. 11點30先開門 3. 上菜速度唔會太塊 要有耐性喔 因為有好多人會買外賣4. 只收現金希望大家都會喜歡上海味道！百嚟蚊就已經食到，對我嚟講絕對係恩物香港越嚟越少好味的上海野…Read More

同老公去九龍城採購上海野 行到肚餓 就入到嚟醫下肚。見到隔離枱的野食賣相非常吸引 於是跟住嗌 公司治係用厚多士整 蛋亦都好足料 一啖咬落去非常滿足！另外一個漢堡扒煙肉滑蛋飯，蛋就真係好滑加埋芝士，真係難以抗拒！配的西蘭花都係熱嘅 而且唔會好硬。有三款汁可以選擇，而且係分開上，方便你自己根據個人喜好落。不過主角漢堡扒就比較乾 感覺麻麻 咬咗一兩啖就算整體嚟講還可以 不過不失…Read More