ellejess's Profile

約左個舊朋友見面，大家都係雞啄唔斷嘅人，最好就當然係搵個不限時嘅地方食飯。不限時一般都係酒樓啦，唔洗煩，感覺呢間酒樓做開街坊生意，唔會坐得好侷促。咁岩天氣轉涼，一於整個羊腩煲補補身暖下胃。羊腩煲湯底濃郁，份量不少，羊肉嫩滑入味，而且支竹冬菇馬蹄冬筍呢啲配料都相當多，配埋腐乳更加胃口大增，湯汁加腐乳撈飯亦都好正，有種童年回憶嘅感覺。羊腩煲 $248點羊腩煲時都唔記得係有生菜，我地又自己點個菜，食多啲菜健康啲丫嘛，芥蘭夠哂爽口，臘腸潤腸臘肉份量都唔少，而且每片都夠厚實惹味。芥蘭炒臘味 $128傳統雞絲翅，每碗花膠魚翅用料充足，對得起呢個價錢，加少少醋，鮮味更突出。紅燒雞絲翅 $238都自知兩個人唔食得多，所以無叫好多主食，反而開頭小食叫多啲，可以慢慢吹水傾偈。外脆內滑 八味豆腐 $58爽口彈牙 沙薑豬手 $78開胃之選 手拍青瓜海蜇 $58整體每個菜式份量相當大，好抵食，人少的話建議先點一兩個餸再決定還要點些什麼。😉📍御名軒電氣道22-52號金殿大廈1樓…Read More

今次去試一間西餐係位於黃竹坑既海洋公園旁邊既萬豪酒店，環境擺設超靚又舒適💯🥃Prohibition Grill house & Cocktail bar🥃食物飲品都好精美，睇相片已經極之吸引🤤最吸引係有bar枱，可以飲轉cocktail傾下計先🥂📌《Barrel-Aged Negroni 》：飲落味道香醇，首調帶少少清新，回味帶微辣，有Gin. Campari. Vermouth. Citrus，清香既柑橘味，令人流晒口水👀，難以抗拒啊🤩📌《日本靜岡縣蕃茄沙律 》：賣相靚！有火箭菜.水牛芝士.意大利黑醋汁配清甜可口既蕃茄，酸甜開胃又清新！無論打卡定係品嚐都100分👍🏻💯📌《燒海鮮拼盤-配蕃茜他他醬》：超級喜愛呢個拼盤！當中有龍蝦.珍寶大蝦.北海道帶子.新奥爾良蟹餅.，每一款都有驚喜，新鮮好味，啖啖海鮮肉質流岀，再配上蕃茜他他醬，清新可口，流哂口水呀💋📌《澳洲草飼西冷》：如果鍾意食牛既你絕對不能錯過。肉質細嫩，當一口咬落去時，牛肉汁流晒岀嚟，香口既牛油滲入每一寸味蕾，而且肉味非常香濃，係不能錯過既美食😍最愛bar枱設計，酒、菜式賣相又靚又好味，環境佈置設計完美，已收藏10大必食名單📄…Read More

第一次來這邊美容，美容後特別肚餓，美容師就介紹有間有些雲升升降降的這店，說平常特別多人去。在門口看了一下，應該是這裡，沒錯吧😂！一個人，可以拼桌，用QR code自助下單點了薄荷朱古力鮮奶咖啡和煙三文魚煙肉班尼迪蛋。咖啡賣相跟照片有些出入，我的薄荷葉呢？薄荷味道也不重，但味道可以，奶味也特別濃。班尼迪蛋的賣相明顯是照片一流，味道也不錯，醬汁點麵包特別好吃。📍LAB ZERÕ尖沙咀金巴利道68號地下B號舖…Read More

同一條街有幾間土耳其餐廳，對比黎講，午市套餐呢間比較平，一個主食配飲品(汽水或水) ，糧尾之選。但若果你想改其他飲品，我覺得價錢就相對其他貴。雖然呢度係土耳其餐廳，但今次點左印度餐。😂印度雞咖喱配白飯 $68份量一個人剛好，咖喱香料味濃，而且幾多香草，一邊食一邊覺得有好fresh嘅感覺。餐飲我揀左飲水，係土耳其支裝水黎，有去左旅行嘅感覺。😂呢度雖然店小，但付費方式就好多種類，我就用左Alipay，剛好可以用埋消費券，抵！📍27 KEBAB HOUSE灣仔駱克道94-100號京都大廈地下D號舖…Read More

很久沒來這裡吃，這裡總要排隊的，所以要預早時間，沒空就不要選這間好了。在排隊時看到期間限定黑松露虎蝦帶子滷肉飯 $118，原本也想試，餐牌上沒寫的，只存在於點餐系統，選擇時發現這個價錢都不送飲料，就放棄了😂，還是吃回普通午市套餐。這次點了台酒三杯雞飯，我都沒印象之前是窩上的，在我面前點火加熱，很有驚喜。加熱後辣椒汁滲到湯汁中，雞件開始辣起來，但不會很辣，只覺得更惹味。那兩款附送的小菜其實只是兩三片蘿蔔、雲耳，當飯前小菜挺開胃的。📍尚青商號灣仔蘭杜街4號文熙大廈地鋪…Read More

這天跟同事們來到最近新開的這間台灣麵店，它另一邊是台式飲料店，吃麵也可點來嘗嘗。雖然是午餐時段，但這裡都是單點的，沒有套餐選擇，手機下單，且有加一服務費，所以下意識都覺得好貴，而且這裡一碗麵價錢，等如附近台式麵店一個套餐價錢了，但新開嘛，起碼要來一次。😂紅燒牛筋手工麵 $88麵是可以選粗幼的，我選的是手工麵，是粗的，比想像中粗很多，起吃來煙韌十足，且能沾上不少湯汁，更美味，但女生吃起來可能有點不便😂。湯底濃郁，直接喝不會覺得鹹，牛筋軟硬適中，火喉恰到好處。仙草凍鮮奶 $32 這是中杯的價錢，感覺也沒有特別好喝😂，不過不失。📍段純貞X日出茶太 (The Johnston)灣仔莊士敦道74-80號The Johnston 地下A及B號舖…Read More

疫情過後開始同朋友出返黎食野，太耐無約，咁我地約返響老地方食😂，價錢好似無點變，都係差不多，銅鑼灣區黎講緊係夠哂平啦！太耐無食，又想樣樣試下，最後就決定每樣叫啲，可以share多啲，始終咁耐無食，可以試多啲唔同款式嘛！我地叫左大碗麵，咖哩三寶，腐乳通菜，咖央多士，樽仔奶茶同抹茶紅豆冰。大碗麵 $72包含10款基本餸嘅車仔麵，豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，麵底自選，可辣可不辣，咁耐無食，當然食個唔辣試下原味先，我地叫左米粉，湯底依然係以前嘅味道，米粉索哂啲汁先黎食，夠哂入味。咖哩三寶 (蘿蔔，魚蛋，豬皮) $28可能太耐無食喇，叫小辣食食下都覺得好辣😂，但果浸咖哩味依然咁正。車仔餸黎講，最愛都係佢用陳皮魚蛋，又彈又韌嘅質感同陳皮味，響其他地方已經好難食到。蘿蔔就夠煮得夠淋又夠甜，無根。本身就對豬腸麻麻，但呢度就整到味唔大，但又保留少少味，又夠粉，都食得過。咖央多士 $18一件兩啖食完，味道係南洋咖央味，若果更多醬會開心啲！😆腐乳通菜 $18其實佢仲有菜心，生菜選擇，加腐乳就貴少少。通菜鮮嫩翠綠無變黑，食落爽脆可口！樽仔奶茶 單價$28 跟麵$17每次黎到都會必點樽仔奶茶/烏龍茶。😆抹茶紅豆冰 單價$28 跟麵$15咁耐無黎，就想整返杯特式飲品試下，有成半紅豆，淨食都飽！😂枱面見到佢另外有個著數優惠，用小紅書或點評打卡有野送。📍永年士多 (兆安廣場)銅鑼灣謝斐道482號兆安廣場地下7-9號舖…Read More

呢間餐廳位於良景商場，細個時成日黎呢度同親戚玩，讀完書就無再黎喇。估唔到個商場比領展接手左後，格局高級好多，餐廳都煥然一新。是夜約左親戚傾野再次重臨，介紹左呢間茜廊餐廳。餐廳門口有部機會機械人咁介紹，好搞笑。座位闊度好好坐，完全無屋邨嘅感覺😆。店員有介紹二人套餐，很多人點選，眼見非常豐富吸引，但我們都不太肚餓就只點了份量輕一點的晚餐。這裡主要以手機自行落單，也可叫店員落單，點一個主食再配餐湯、餐飲或加配小食、甜品等。香煎紐西蘭羊架肥瘦適中，且做到剛熟的效果，肉質夠腍唔韌，而且羊肉唔羶，個人認為唔點汁更能帶出羊肉味。薯菜份量很多，整體感覺更健康。香煎野生盲鰽魚柳肉質好滑且無骨，方便易食啖啖肉，岩哂怕麻煩嘅人，而且點檸檬汁更有提鮮效果。法式焗田螺薯蓉，平平地試下都唔錯，薯蓉量多，都好夠飽。好少見到有紅莓茶，一於點來試下，味道微酸唔甜類似山渣茶，夠哂開胃解膩，餐前餐後飲都適合。茜廊餐廳屯門田景路31號良景商場2樓L207號舖…Read More

疫情下，當然想搵間又大又闊落嘅餐廳慢慢食。經朋友介紹下，就認識左呢間最近好熱門嘅火鍋餐廳。餐廳空間感超闊落，且大部份位置都以四人為主，枱與枱之間沒有擠迫感，還有很多個人打卡位。餐廳另一特點就是食物賣相精緻，美輪美奐，相機食先。我們一行4人坐下來便奉上一小杯餐前飲，好像是荔枝茶，味道很甜，荔枝味很清新。鴛鴦鍋 - $168＋$30之後我們點了牛乳玫瑰鍋拼麻辣鍋的鴛鴦鍋，可能因為得半鍋關係，牛乳鍋不夠一整鍋的精美，盛載牛乳玫瑰的是木瓜，侍應會在一定熟透程度後幫我地切件，先喝了一碗，味道微微的鹹牛乳味散發著淡淡的玫瑰香。麻辣鍋夠香辣，配料充足，但對我來說有點辣，不能多吃😂。花月拼 - $688主角來了，我們想多試一點不同食物，就選了打卡首選項目 - 花月拼，見到已經哇聲四起，花月拼是以豬牛羊三種肉類及肉臟為主，將肉片捲成花朵，非常精美，盡顯心機，滿足大家不同的喜好，但單點的肉類沒有這裡多，可以改善。冬甩墨魚菓子 - $78另外點了冬甩墨魚菓子，一般火鍋店較少見，被造型吸引了，以墨魚及蝦製成兩款丸子，墨魚及蝦的味道都算濃郁，當中加入果仁，形成兩種對比強烈的口感，實在太特別了。自家製三色墨魚丸 - $78還有自家製三色墨魚丸，分別以鹹蛋黃、黑松露、蟹籽手打而成，口感彈牙實在。花花綠綠 - $98我最喜歡就是這個花花綠綠蔬菜籃，擺設細心精美，簡直是藝術品，見到這盤菜，感覺自己都健康啲。😆特飲 - $68@另外有幾杯特飲都玩味十足，瑰洛月，蝶中花，翠竹江，鳳琉香，味道清新，消滯不錯。不少打卡位香江花月佐敦佐敦道35號百誠大廈2樓…Read More

而家食飯，除左食物，都好睇餐廳坐位設計，距離闊窄，服務質素等。呢度雖然舖頭細細，就係因為座位唔多，適合2-4人好友共聚，響疫情下先會食得較為安心，而且侍應可以一眼關七，留意到我們有甚麼需要，經常為我們添茶、換碟。生熟食物我們都有點：澳洲龍蝦金箔刺身配上象拔蚌刺身寵愛自己之選，我們食量不大，所以決定食得矜貴些。龍蝦刺身夠新鮮，加上金箔點綴，賞心悅目。象拔蚌刺身則夠清甜清爽，秒速被清碟。我把玩龍蝦頭及拍照後，龍蝦頭還會動，差點嚇倒我。清酒煮蜆這些蜆比平常食的大一些，真的是蜆嗎？還是有另一叫法？😂蜆肉肉質彈牙有咬感，蜆湯也覺得比一般甜，我們都喝清光了。板燒安格斯牛肉定食朋友要食牛，但大家都看不到板燒兩字，是要自己燒的。幸好，侍應說他會幫我們燒一輪肉和菜😂，我們才可邊食邊等。牛肉切得唔算厚，所以唔洗燒好耐就可以食，牛味都算濃郁。在鐵板上炒雜菜都算快熟。看見侍應燒一輪，朋友們都爭著玩煮飯仔。😆一等雪糕拼盤幾時都話食甜品係用第二個胃，6款雪糕口味，睇見都哇一聲，充滿少女感。我們每人食了兩款，味道有桃，綠茶，士多啤梨，波子汽水，黑芝麻，海鹽。配上冰凍生果，爽！百年食堂觀塘牛頭角道307B號官塘立成大廈地下B號舖…Read More

位於K11 Musea嘅181 at Fortnum & Mason，分上下兩層，下層入口是零售部，賣茶葉，餅乾，朱古力，器具等；上層則坐擁海景的餐飲部。這次特地來享受下午茶，事先了解過，有三款下午茶餐，分別係下午茶、茶餐和素食下午茶。但在侍應給錯Menu的陰差陽錯下，原來還有另外三款給特別需要人士，分別係無麩質下午茶、純素下午茶和無乳製品下午茶。坐下後，侍應建議先選擇茶飲，再選下午茶set，兩方面都種類繁多，難以選擇，侍應便給我們建議。這次點了一個下午茶和茶餐，食物方面其實唔覺得超級吸引，三文治，鬆餅，蛋糕，茶都可以refill。我覺得鬆餅較吸引，暖時鬆軟，凍了就很脆口，唔會覺得膩。最後蛋糕吃不完，可帶走，不浪費。雖然食物未算最為吸引，但侍應質素方面相當好，每次經過都看我們有冇特別需要，需不需要補給，食物質素的問題也問了幾次。相信餐廳就是靠這種質素來維持的。…Read More

難得終於可以4人同枱食飯，仲要夾到時間，當然要打個邊邊賀賀佢。因為朋友返工比較難約，揀左佢公司附近食，呢間二鍋頭雞煲火鍋之前都食過，尖沙咀都算係新分店。平時雞煲火鍋都係差不多果類野，呢啲特別啲，除左雞煲，仲有鴨煲，豬手煲，羊腩煲，4款咁多。今次只係食左雞煲同鴨煲，鴨煲係用鮮鴨同油鴨兩種一齊煮，師傅仲會響你面前贊酒再煮一煮，香味更出。雞煲鴨煲鮮鴨油鴨食完雞煲鴨煲就到打邊爐，湯底多達9款，食物紙嘅食物種類都有50多款，另外自取櫃都有30多款食品，飲品都有20多款，真係多到有選擇困難症。😂我地揀左藥膳鍋，藥材味唔算濃，唔會遮左食物原有味道。海蝦，蜆，鱔片，魚腩都好新鮮，我同朋友都encore左好多輪。😋呢度公仔麵，嚮鈴同炸魚皮都係自取，較少見。最後仲有甜品雪糕櫃，因為較埋邊，多得侍應提我地先留意到。…Read More

朋友約我食飯因為我響中環附近返工所以佢就返我揀中環食飯其實佢都有啲私心因為佢相信中環嘅餐廳係有一定嘅質素呢間餐廳對我嚟講真係好有隱世雖然話響威靈頓街但原來個門口係要落樓梯嘅平時路過係唔會留意到呢度亦可經史士丹利街上樓梯到達好彩我哋比最繁忙時間早少少到達，仲有位上菜時已經座無虛席證明有一定吸引力特級白湯拉麵 (大) - $118對我黎講係一個浮誇造型，因為個碗超級大😂。碗大，當然擺碟都比返啲心思啦！雞湯湯底濃郁唔鹹。叉燒又薄又大片，完整咁夾起相當有難度，師父刀功相當好！溏心蛋好綿好滑，而且係少有嘅一隻開邊！配菜都好豐富！鯖魚湯香菇野菜海蝦拉麵 - $98呢個魚湯拉麵相對清好多，而且有微微嘅辣味，食落好開胃。菇類和蔬菜類亦相對較多，適合喜歡蔬菜類嘅人士。海蝦係分開上，因為用酒浸住吧！海蝦新鮮，肉質結實彈牙滲透著酒香，ichiban！雖然拉麵粗幼軟硬無得選擇，但兩碗拉麵同樣入口彈牙，咬感十足，相信師傅專精在這個質感的拉麵吧！📍立体派拉麵 (威靈頓街)中環威靈頓街27-29號元益大廈地庫…Read More

朋友介紹呢間餐廳又大又濶落環境都唔錯樓底高設計好適合打卡影相而且唔限時好適合幾個朋友chit chat生蠔Smoky Bay - $30@Fine De Clarie - $33@我跟朋友都較喜歡海水味重啲嘅生蠔，店員推介左呢兩款比我地，果然不錯。牛油果鮮蝦配乳酪水耕菜沙律 - $128店內自家重植水耕菜，絕對新鮮。芝麻薄餅香口鬆脆，味道令人想起中式茶樓嘅煎堆😆。雙層牛油果中間夾住鮮蝦柚子沙律，設計特別。蟹肉牛油果意大利飯配菠菜汁 - $168呢道菜其實設計幾靚，不過個飯就好扁塌嘅感覺，睇落份量好似好少咁，但兩個女仔食就剛剛好。雖然係菠菜汁，但味道唔算好濃，口感creamy。蘋果金寶配雪糕 - $88即製甜品，所以要等一段時間先可以上菜。若果唔想慢慢等，建議一早揀定，到主菜差不多食完就落order。冰凍雪糕同熱辣辣嘅蘋果金寶，令我諗起冷靜與熱情之間。甘草薄荷茶 - $28飲落甜甜地，薄荷茶味相對無咁重，睇返menu先見到加左甘草，係呢個原因吧！Fresh Fruit Lemonade - $48揀左傳統Lemonade，好酸好醒神開胃呢！📍Chill and Grill西環加多近街57號地舖…Read More

呢日約左荃灣嘅朋友仔食飯我想食辣但佢又唔太食得辣見到呢度嘅選擇有辣有唔辣仲可以揀辣度咁就揀左呢度喇口水雞 - $98呢度嘅口水雞同平時食開嘅做法有少少唔同，佢加左菜脯醬響面，減輕左口水汁嘅味道，雞肉夠滑，連菜脯一齊食雙重口感。川味小炒肉 - $98唔算好辣，朋友都食到。有大量大蔥，芹菜，辣椒，尖椒，肉片份量多，爽身兼且好惹味，淨食會覺得有啲鹹，所以最後加左個白飯餸飯。炸饅頭 - $48炸饅頭係呢度招牌菜，果然出色，炸得外脆內軟，放耐左都唔會變淋。配合乾冰及成隻船咁上菜，影相一流。白飯 - $12📍麻辣風雲荃灣海壩街108-114號荃碧大廈1樓…Read More