janettang0615's Profile

又係夜一夜到大圍搵食，呢間好近大圍站，last order時間好似係10點半左右~ 我諗唔係太strict, 因為我臨走見佢準備關但都接埋門口睇緊餐牌的情侶。呢日唔係好餓，純粹陪朋友仔食，佢叫左鰻魚飯，我試左啖，鰻魚好入味，魚質偏爽，作為精髓的鰻魚汁浸透左粒粒大米，唔錯但係令人驚喜的係我的天婦羅蝦&南瓜，表面非常脆又唔會油膩，蝦新鮮彈牙，南瓜軟棉棉，以小店質素黎講非常好食完仲有啲口痕，問呀姐有冇邊款沙律啱二人份，姐姐好誠實，唔會hard sell貴野，叫我地試下芒果蟹子沙律~ 上檯其實擺得好靚，不過我撈左先記得影相。。。芒果比想像中甜，青瓜夠爽脆清新，兩個人食剛剛好~ …Read More

難得同朋友聚會，當然要選一個好地方，見到獅子樓正做benefit聯乘下午茶，馬上致電訂座。可能因為平日的聯系？人流不算多，很幸運的被安排坐近窗邊，朋友的小孩看到火車滿雀躍的。位置很闊落，不會聽到鄰檯的交談。三個大人叫了二人份的benefit tea set 及一人份的松露set，滿足大家的三心兩意<甜蜜女皇下午茶>粉紅色的賣相除了吸引大人瘋狂拍照外，小妹妹都興趣拍手讚好。粉紅魅力令食飽午餐的小妹妹不斷食，估不到她幾乎食了這個tea的一半份量，特別是兩個粉紅色朱古力棒，中間應該是夾着棉花糖吧？味道應該相當對小朋友口味，因為她一人獨食兩枝，見她食得!朋友食的raspberry jelly 杯據說也不錯，不會過甜。至於我，不好意思同小妹妹爭，食底層吧，炸煆丸非常彈牙，牛油果酥鬆化不油膩，牛油果味出眾，三文魚多士不過不失，蟹肉多士更得我歡心。隨餐附上特飲，我選了熱飲green tea latte，很香滑，綠茶味沒有被奶味蓋過，淡淡的甜味配甜品最合適。<黑鑽松露下午茶>這個主要是朋友食，我小嚐了一口帶子，蠻鮮甜肉厚的，松露味濃，朱古力brownie應該用上dark chocolate吧，厚實又帶點回甘，是我最喜愛的質感，球狀的松露朱古力亦獲得朋友大讚至於下午茶必備的scone上檯時已微涼，沒有了誘人的牛油香氣，令人有點失望。下午茶時間本來到6點，邊食邊聊天很快便夠鐘，但服務員都很好讓我們慢慢聊不會趕，更為我們添茶，見到小妹妹對鄰座因happy hour而換上的變色燈很有興趣，也主動放上一個，更換上她最愛的粉紅色，讓小妹妹興奮不已。最後買單會送上benefit換領卷一張，可以到朗豪坊或奧海城換一set化妝品就這樣過了一個輕鬆愉快的下午最後還要謝謝另一位服務員為我們提供最快捷的回家路線…Read More

好開心~ 居然有人買Lady M我食 仲要一次過4款口味😍 第一件食的係Banana mille fenille, 點解第一件食？因為一開就發現佢散開左😢 好傷心。。。個人覺得係佢本身做得唔夠結實先會咁，食落香蕉味冇想像中咁重，餅底有點過"淋"~有點失望下食第二件，好彩gateau nuage水準唔錯! 係好thick and rich的cheese cake, 最鐘意最面個層，so smooth! 不過佢適合開心share, 一個女仔好可能食不完~仲未食完第二件，個心就漂左去第三件。(其實係大家都覺得如果食晒的話，會滯左試唔到其他😅)第三件係前排大熱，香港區限定的earl grey mille crepe, 我想試左好耐，勁心心眼，千層蛋糕不槐為Lady M的signature, 中間的cream好多但仍然食落好light, 即使獨食都唔覺得guilty , earl grey味不算好濃，一貫的清淡優雅，就算平日唔鐘意飲earl grey的人都應該可以接受。最後一件係apple gallette, 不知道係本身就咁扁，定係俾件banana mille fenillle 壓到😐 (下次去堂食研究一下先) 對我來就有點過甜，冇驚艷的感覺 (都有可能係已經食左3件，full得滯)，但據說味道也算中上總括: 前後試過8款Lady M蛋糕，最推薦的都係千層蛋糕，無論邊種味道，都始終如一咁light。畢竟蛋糕單價不平，有啲係其實地方都食到的質素大可不必花錢，花時間排隊買，所以呢篇係俾earl grey mille crepe的…Read More

食飽飯但好似仲未滿足，呢個時候需要的，就係一杯美味雪糕♡係又一城的選擇唔多，H牌的雪糕雖然好味，但貪心的我總想試試新的口味。行過溜冰場，發現有個好地方! 落半層就有個自成一角的cafe，客人唔多，啱晒喇~ 可以慢慢傾計唔怕被趕。第一眼吸引我的係甜品櫃，有件青蘋果造型的蛋糕好想試，但剛才食得太飽，感覺都係雪糕適合放入胃多啲（無奈笑）。雪糕有好多味道選擇，試完一輪之後都係心大心細，最後我都係決定了食兩球（說好的飽呢😂）上面的是strawberry prosecco, 據說有酒精成分？我食不出，但同伴說有。我覺得似strawberry jam sorbet多啲~ 酸酸甜甜， 開胃消滯另外一個口味離不開我至愛的朱古力。bacio。店員解釋是加入了榛子，是很thick的質地，榛子磨成沙狀和朱古力混合，好似食緊唔使咬的金莎，懶人專用…Read More

作為一個香港人，周街篤魚蛋係少不了的行街活動吧😂 平時的我，最鐘意食咖哩魚蛋，香濃惹味，百吃不厭不過，食過林昌記的白魚蛋先發現，原來仲可以有另一種美味選擇用料如店所說，非常真材實料，魚味很出，鮮甜不腥，帶點點咸，即使不點調味料都可以~ 但既然來到，怎能不試試店內出名的辣醬？辣味不會過重，反正更能帶出魚蛋的鮮甜店內還有咖哩魚蛋可以選擇，雖然也不錯，不過個人覺得加了咖哩醬反而掩蓋了出色的魚味，還是乖乖吃原味吧…Read More

久違的he she eat, 平日晚上11時依然滿座，可見人氣不減。幾個月前試過all day breakfast 同心太軟，味道不錯，是次試試其他韓式炸雞翼👌: 新鮮炸起熱呼呼，炸粉不厚，肉質不會乾，炸的不錯！但雞翼沒有先醃過，表面的辣粉其實不辣，配的醬汁亦不覺得"韓式"焦糖檸檬crepe👍: 酸酸的蠻開胃，入口即溶，配上焦糖脆脆，吃起來不覺單調亦不"漏"牛油果乳酪smoothie👎: 令同行的牛油果愛好者失望，應該是選用的牛油果太"生"，沒有牛油果應有的香味，乳酪味也不明顯總括兩次經驗，甜品比較出色，飲品不必抱太大期望…Read More

某日係網上見到有好精緻的tea set, 忍不住要約三五知己陪我潮聖呢個set 的主題係wonderland, 食物款式多而且精緻，完全符合童話夢，不過。。好似已經轉左另外一個theme (小聲說)。。。靚靚店員(定係老板？)手持幾張魔法卡，你抽中命定的那張，就會成為你旅程的主題，魔法卡有食用版，類似焦糖塊，火槍燒過後令芝士鍋香氣更出，食起來可以拉出一絲絲👍芝士鍋配了面包，青口，帶子，ham等材料，新鮮有誠意，可惜火鍋燒極都只能微溫😣甜品比起咸點更加討好，造型可愛之餘亦有多種口味，個人最愛香濃幼滑的玫瑰造型truffle chocolate, 外脆內軟又不會過甜的馬卡龍，同埋市面上少見而又香氣十足的伯爵cupcake😍飲品的顏色非常夢幻，原先係藍色，隨個人喜好加上特製蜜糖就會慢慢變紫，顏色係來自一種花，泰式餐廳都常見，不過我唔記得學名（笑），味道呢。。。唔係人人都識欣賞😂總括黎講，呢個set水準不錯，可以睇得出創作者係好多部分都落左心機，所以好想係度送支 表達我的欣賞，亦都希望店舖的熱誠可以keep到~ 期待下一次更美麗的旅程…Read More

同同學仔上完堂想搵好野食，本來想去的餐廳滿座，但原來唔使可惜，誤打誤撞居然都食到美味的一餐!4個女仔唔太餓，叫左兩個set,分別係肉眼扒同燒雞，另加左個野菌意大利飯，同埋炸薯條&八瓜魚丸~ 掛住傾計都唔記得影相唯有用文字記低前菜:炸薯條: 並非雪貨，仲要係我最愛的粗身薯條 加上胡椒粉同鹽等調味，簡單但好食八瓜魚丸: 非街頭小吃可比美! 表面沒太多的醬汁，但唔會覺得乾，內裏軟綿綿，幾個同學仔都眼前一亮主菜:內眼扒: order 7成，出黎6~7成效果，好juicy! 配菜的焗薯皮亦好特別，上面載住啲切粒菇&蔬果，仲有炸紫薯，蕃薯條，擺盤吸引，瓜果亦能夠減去肥膩感👍燒雞: 份量唔少，肉質夠滑唔乾👍野菌意大利飯: 有溫泉蛋同黑菘露醬係面，味道唔錯，可惜飯有點點生總括黎講，我地都好滿意呢餐~ 覺得可以再encore! P.s. 結果我上黎打評語先知咁多好評，真係有眼不識泰山呀我地😂…Read More

每次路過登打士街總會想試試這間新店，可惜我對milk shake 談不上喜愛，所以遲遲未踏進店內。。。直至，它推出了近期全城熱話的芝士撻，我終於忍不住進店相會◇本來只想食芝士撻，但見店內推廣"奶昔×芝士撻"優惠，本着一試無妨的心勢亦買了新產品~ 金莎奶昔奶昔的質地很thick，味道其實是榛子味，最特別的反而是那金黃色，小小的，居然是脆脆，可惜多飲便覺"漏"，我和友人share亦飲不完。可是沒關係，我的重點其實是它♡雖然不算新鮮出爐，但仍是熱呼呼的，芝士味很重，亦有流心效果，雖不至驚艷，倒也不會令人失望，在寒冷的日子中捧在手心吃著，也總叫人感動♡…Read More